| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. ж̇араамаран̣асуд̇д̇аван̣н̣анаа
3. Jarāmaraṇasuttavaṇṇanā
114. д̇ад̇ияз ан̃н̃ад̇ра ж̇араамаран̣аад̇и ж̇араамаран̣ад̇о муд̇д̇о наама ад̇т̇ийд̇и вужжад̇и. кад̇д̇ияамахаасаалаад̇и кад̇д̇ияамахаасаалаа наама махаасаараббад̇д̇аа кад̇д̇ияаа. язсам̣ хи кад̇д̇ияаанам̣ хздтиманд̇зна годисад̇ам̣ нид̇хаанаг̇ад̇ам̣ ход̇и, д̇аяо гахаабан̣агумбхаа валан̃ж̇анад̇т̇ааяа г̇зхамаж̇жхз раасим̣ гад̇ваа табид̇аа хонд̇и, д̇з кад̇д̇ияамахаасаалаа наама. язсам̣ б̣раахман̣аанам̣ асийд̇игодид̇ханам̣ нихид̇ам̣ ход̇и, д̣̇ияад̣дхо гахаабан̣агумбхо валан̃ж̇анад̇т̇ааяа г̇зхамаж̇жхз раасим̣ гад̇ваа табид̇о ход̇и, д̇з б̣раахман̣амахаасаалаа наама. язсам̣ г̇ахабад̇ийнам̣ жад̇д̇аалийсагодид̇ханам̣ нихид̇ам̣ ход̇и, гахаабан̣агумбхо валан̃ж̇анад̇т̇ааяа г̇зхамаж̇жхз раасим̣ гад̇ваа табид̇о ход̇и, д̇з г̇ахабад̇имахаасаалаа наама.
114. Tatiye aññatra jarāmaraṇāti jarāmaraṇato mutto nāma atthīti vuccati. Khattiyamahāsālāti khattiyamahāsālā nāma mahāsārappattā khattiyā. Yesaṃ hi khattiyānaṃ heṭṭhimantena koṭisataṃ nidhānagataṃ hoti, tayo kahāpaṇakumbhā valañjanatthāya gehamajjhe rāsiṃ katvā ṭhapitā honti, te khattiyamahāsālā nāma. Yesaṃ brāhmaṇānaṃ asītikoṭidhanaṃ nihitaṃ hoti, diyaḍḍho kahāpaṇakumbho valañjanatthāya gehamajjhe rāsiṃ katvā ṭhapito hoti, te brāhmaṇamahāsālā nāma. Yesaṃ gahapatīnaṃ cattālīsakoṭidhanaṃ nihitaṃ hoti, kahāpaṇakumbho valañjanatthāya gehamajjhe rāsiṃ katvā ṭhapito hoti, te gahapatimahāsālā nāma.
ад̣дхаад̇и иссараа. нид̇хаанаг̇ад̇ад̇ханасса маханд̇ад̇ааяа махад̣̇д̇ханаа. суван̣н̣араж̇ад̇абхааж̇анаад̣̇ийнам̣ убабхог̇абхан̣д̣аанам̣ маханд̇ад̇ааяа махаабхог̇аа. анид̇хаанаг̇ад̇асса ж̇аад̇аруубараж̇ад̇асса бахууд̇ад̇ааяа, бахууд̇аж̇аад̇аруубараж̇ад̇аа . вид̇д̇уубагаран̣асса д̇удтигаран̣асса бахууд̇ад̇ааяа бахууд̇авид̇д̇уубагаран̣аа. г̇од̇ханаад̣̇ийнан̃жа сад̇д̇авид̇хад̇хан̃н̃аанан̃жа бахууд̇ад̇ааяа бахууд̇ад̇ханад̇хан̃н̃аа. д̇зсамби ж̇аад̇аанам̣ над̇т̇и ан̃н̃ад̇ра ж̇араамаран̣аад̇и д̇зсамби звам̣ иссараанам̣ ж̇аад̇аанам̣ ниб̣б̣ад̇д̇аанам̣ над̇т̇и ан̃н̃ад̇ра ж̇араамаран̣аа, ж̇аад̇ад̇д̇ааязва ж̇араамаран̣ад̇о могко наама над̇т̇и, анд̇ож̇араамаран̣зязва ход̇и.
Aḍḍhāti issarā. Nidhānagatadhanassa mahantatāya mahaddhanā. Suvaṇṇarajatabhājanādīnaṃ upabhogabhaṇḍānaṃ mahantatāya mahābhogā. Anidhānagatassa jātarūparajatassa pahūtatāya, pahūtajātarūparajatā. Vittūpakaraṇassa tuṭṭhikaraṇassa pahūtatāya pahūtavittūpakaraṇā. Godhanādīnañca sattavidhadhaññānañca pahūtatāya pahūtadhanadhaññā. Tesampi jātānaṃ natthi aññatra jarāmaraṇāti tesampi evaṃ issarānaṃ jātānaṃ nibbattānaṃ natthi aññatra jarāmaraṇā, jātattāyeva jarāmaraṇato mokkho nāma natthi, antojarāmaraṇeyeva hoti.
араханд̇од̇иаад̣̇ийсу аарагаа гилзсзхийд̇и араханд̇о. кийн̣аа зд̇зсам̣ жад̇д̇ааро аасаваад̇и кийн̣аасаваа. б̣рахмажарияаваасам̣ вудтаа баринидтид̇аваасаад̇и вусид̇аванд̇о. жад̇уухи маг̇г̇зхи гаран̣ийяам̣ зд̇зсам̣ гад̇анд̇и гад̇агаран̣ийяаа. канд̇хабхааро гилзсабхааро абхисан̇каарабхааро гаамаг̇ун̣абхаарод̇и, имз охид̇аа бхаараа зд̇зсанд̇и охид̇абхаараа. ануббад̇д̇о арахад̇д̇асан̇каад̇о саго ад̇т̇о зд̇зсанд̇и ануббад̇д̇асад̣̇ад̇т̇аа. д̣̇асавид̇хамби баригкийн̣ам̣ бхавасам̣яож̇анам̣ зд̇зсанд̇и баригкийн̣абхавасам̣яож̇анаа. саммаа гааран̣зхи ж̇аанид̇ваа вимуд̇д̇аад̇и саммад̣̇ан̃н̃аавимуд̇д̇аа. маг̇г̇абан̃н̃ааяа жад̇усажжад̇хаммам̣ н̃ад̇ваа палавимуд̇д̇ияаа вимуд̇д̇аад̇и ад̇т̇о. бхзд̣̇анад̇хаммод̇и бхиж̇ж̇анасабхааво. нигкзбанад̇хаммод̇и нигкибид̇аб̣б̣асабхааво. кийн̣аасавасса хи аж̇ийран̣ад̇хаммоби ад̇т̇и, аарамман̣ад̇о бадивид̣̇д̇хам̣ ниб̣б̣аанам̣, д̇ам̣ хи на ж̇ийрад̇и. ид̇ха банасса ж̇ийран̣ад̇хаммам̣ д̣̇ассзнд̇о звамааха. ад̇т̇уббад̇д̇иго гирасса суд̇д̇асса нигкзбо. сивигасаалааяа нисийд̣̇ид̇ваа гат̇ид̇анд̇и вад̣̇анд̇и. д̇ад̇т̇а бхаг̇аваа жид̇раани рат̇аяаанаад̣̇ийни д̣̇исваа д̣̇идтамзва убамам̣ гад̇ваа, ‘‘ж̇ийранд̇и вз рааж̇арат̇аа’’д̇и г̇аат̇амааха.
Arahantotiādīsu ārakā kilesehīti arahanto. Khīṇā etesaṃ cattāro āsavāti khīṇāsavā. Brahmacariyavāsaṃ vuṭṭhā pariniṭṭhitavāsāti vusitavanto. Catūhi maggehi karaṇīyaṃ etesaṃ katanti katakaraṇīyā. Khandhabhāro kilesabhāro abhisaṅkhārabhāro kāmaguṇabhāroti, ime ohitā bhārā etesanti ohitabhārā. Anuppatto arahattasaṅkhāto sako attho etesanti anuppattasadatthā. Dasavidhampi parikkhīṇaṃ bhavasaṃyojanaṃ etesanti parikkhīṇabhavasaṃyojanā. Sammā kāraṇehi jānitvā vimuttāti sammadaññāvimuttā. Maggapaññāya catusaccadhammaṃ ñatvā phalavimuttiyā vimuttāti attho. Bhedanadhammoti bhijjanasabhāvo. Nikkhepanadhammoti nikkhipitabbasabhāvo. Khīṇāsavassa hi ajīraṇadhammopi atthi, ārammaṇato paṭividdhaṃ nibbānaṃ, taṃ hi na jīrati. Idha panassa jīraṇadhammaṃ dassento evamāha. Atthuppattiko kirassa suttassa nikkhepo. Sivikasālāya nisīditvā kathitanti vadanti. Tattha bhagavā citrāni rathayānādīni disvā diṭṭhameva upamaṃ katvā, ‘‘jīranti ve rājarathā’’ti gāthamāha.
д̇ад̇т̇а ж̇ийранд̇ийд̇и ж̇арам̣ баабун̣анд̇и. рааж̇арат̇аад̇и ран̃н̃о абхирууханарат̇аа. сужид̇д̇аад̇и суван̣н̣араж̇ад̇аад̣̇ийхи судту жид̇д̇ид̇аа. ат̇о сарийрамби ж̇арам̣ убзд̇ийд̇и зваруубзсу анубаад̣̇ин̣н̣агзсу саарад̣̇аарумаязсу рат̇зсу ж̇ийранд̇зсу имасмим̣ аж̇жхад̇д̇игз убаад̣̇ин̣н̣агз мам̣салохид̇аад̣̇имаяз сарийрз гим̣ вад̇д̇аб̣б̣ам̣? сарийрамби ж̇арам̣ убзд̇иязваад̇и ад̇т̇о. санд̇о хавз саб̣бхи бавзд̣̇аяанд̇ийд̇и санд̇о саб̣бхийхи сад̣̇д̇хим̣ сад̇ам̣ д̇хаммо на ж̇арам̣ убзд̇ийд̇и звам̣ бавзд̣̇аяанд̇и. ‘‘сад̇ам̣ д̇хаммо наама ниб̣б̣аанам̣, д̇ам̣ на ж̇ийрад̇и, аж̇арам̣ амад̇анд̇и звам̣ гат̇знд̇ий’’д̇и ад̇т̇о. яасмаа ваа ниб̣б̣аанам̣ ааг̇амма сийд̣̇анасабхааваа гилзсаа бхиж̇ж̇анд̇и, д̇асмаа д̇ам̣ саб̣бхийд̇и вужжад̇и. ид̇и буримабад̣̇асса гааран̣ам̣ д̣̇ассзнд̇о ‘‘санд̇о хавз саб̣бхи бавзд̣̇аяанд̇ий’’д̇и ааха. ид̣̇ам̣ хи вуд̇д̇ам̣ ход̇и – сад̇ам̣ д̇хаммо на ж̇арам̣ убзд̇и, д̇асмаа санд̇о саб̣бхи бавзд̣̇аяанд̇и. аж̇арам̣ ниб̣б̣аанам̣ сад̇ам̣ д̇хаммод̇и аажигканд̇ийд̇и ад̇т̇о. сунд̣̇араад̇хиважанам̣ ваа зд̇ам̣ саб̣бхийд̇и. яам̣ саб̣бхид̇хаммабхууд̇ам̣ ниб̣б̣аанам̣ санд̇о бавзд̣̇аяанд̇и гат̇аяанд̇и, со сад̇ам̣ д̇хаммо на ж̇арам̣ убзд̇ийд̇иби ад̇т̇о. д̇ад̇ияам̣.
Tattha jīrantīti jaraṃ pāpuṇanti. Rājarathāti rañño abhirūhanarathā. Sucittāti suvaṇṇarajatādīhi suṭṭhu cittitā. Atho sarīrampi jaraṃ upetīti evarūpesu anupādiṇṇakesu sāradārumayesu rathesu jīrantesu imasmiṃ ajjhattike upādiṇṇake maṃsalohitādimaye sarīre kiṃ vattabbaṃ? Sarīrampi jaraṃ upetiyevāti attho. Santo have sabbhi pavedayantīti santo sabbhīhi saddhiṃ sataṃ dhammo na jaraṃ upetīti evaṃ pavedayanti. ‘‘Sataṃ dhammo nāma nibbānaṃ, taṃ na jīrati, ajaraṃ amatanti evaṃ kathentī’’ti attho. Yasmā vā nibbānaṃ āgamma sīdanasabhāvā kilesā bhijjanti, tasmā taṃ sabbhīti vuccati. Iti purimapadassa kāraṇaṃ dassento ‘‘santo have sabbhi pavedayantī’’ti āha. Idaṃ hi vuttaṃ hoti – sataṃ dhammo na jaraṃ upeti, tasmā santo sabbhi pavedayanti. Ajaraṃ nibbānaṃ sataṃ dhammoti ācikkhantīti attho. Sundarādhivacanaṃ vā etaṃ sabbhīti. Yaṃ sabbhidhammabhūtaṃ nibbānaṃ santo pavedayanti kathayanti, so sataṃ dhammo na jaraṃ upetītipi attho. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. ж̇араамаран̣асуд̇д̇ам̣ • 3. Jarāmaraṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. ж̇араамаран̣асуд̇д̇аван̣н̣анаа • 3. Jarāmaraṇasuttavaṇṇanā
