| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. ж̇араамаран̣асуд̇д̇аван̣н̣анаа
3. Jarāmaraṇasuttavaṇṇanā
114. ан̃н̃ад̇ра ж̇араамаран̣аад̇и ж̇араамаран̣зна винаа. ж̇араамаран̣авирахид̇о ж̇аад̇о наама ад̇т̇и ну код̇и бужчад̇и. баал̣ияам̣ ж̇аад̇ассаад̇и бажжад̇д̇з саамиважанам̣. махаасаалаад̇и иминаа ра-гаарасса ла-гаарам̣ гад̇ваа ‘‘махаасаалаа’’д̇и вуд̇д̇анд̇и д̣̇ассзд̇и яат̇аа ‘‘бурад̇т̇ияод̇и булад̇т̇ияо’’д̇и. махаасаараббад̇д̇аад̇и маханд̇ам̣ вибхавасаарам̣ бад̇д̇аа. годисад̇ам̣ д̇ханам̣, аяамзва ваа баато. ‘‘гумбхам̣ наама д̣̇аса амб̣ан̣ааний’’д̇и вад̣̇анд̇и. иссараад̇и вибхависсариязна иссараа. суван̣н̣араж̇ад̇абхааж̇анаад̣̇ийнанд̇и аад̣̇и-сад̣̇д̣̇зна вад̇т̇асзяяаавасат̇аад̣̇им̣ сан̇г̇ан̣хаад̇и. асаад̇хааран̣ад̇ханаанам̣ нид̇хаанаг̇ад̇ад̇д̇аа ‘‘анид̇хаанаг̇ад̇ассаа’’д̇и вуд̇д̇ам̣. д̇удтигаран̣ассаад̇и баасаад̣̇асивигаад̣̇исукасаад̇ханасса.
114.Aññatrajarāmaraṇāti jarāmaraṇena vinā. Jarāmaraṇavirahito jāto nāma atthi nu khoti pucchati. Pāḷiyaṃ jātassāti paccatte sāmivacanaṃ. Mahāsālāti iminā ra-kārassa la-kāraṃ katvā ‘‘mahāsālā’’ti vuttanti dasseti yathā ‘‘puratthiyoti pulatthiyo’’ti. Mahāsārappattāti mahantaṃ vibhavasāraṃ pattā. Koṭisataṃ dhanaṃ, ayameva vā pāṭho. ‘‘Kumbhaṃ nāma dasa ambaṇānī’’ti vadanti. Issarāti vibhavissariyena issarā. Suvaṇṇarajatabhājanādīnanti ādi-saddena vatthaseyyāvasathādiṃ saṅgaṇhāti. Asādhāraṇadhanānaṃ nidhānagatattā ‘‘anidhānagatassā’’ti vuttaṃ. Tuṭṭhikaraṇassāti pāsādasivikādisukhasādhanassa.
аарагаа гилзсзхийд̇и нируд̇д̇инаязна сад̣̇д̣̇асид̣̇д̇химааха. аарагаад̇и жа саб̣б̣асо самужчиннад̇д̇аа д̇зхи д̣̇уурзд̇и ад̇т̇о. рааг̇аад̣̇ийнам̣ хад̇ад̇д̇аа, баабагаран̣з рахаабхаавад̇о, ануд̇д̇арад̣̇агкин̣зяяад̇аад̣̇ибажжаяаа жа арахам̣. гааман̃жааяам̣ сам̣яуд̇д̇аван̣н̣анаа, абхид̇хамманаяо зва бана ниббарияааяод̇и ааха ‘‘жад̇д̇ааро аасаваа’’д̇и б̣рахмажарияаваасанд̇и маг̇г̇аб̣рахмажарияаваасам̣. вудтаад̇и вудтаванд̇о. жад̇уухи маг̇г̇зхи гаран̣ийяанд̇и бажжзгам̣ жад̇уухи маг̇г̇зхи гад̇д̇аб̣б̣ам̣ барин̃н̃аабахаанасажчигирияабхааванаабхисамаяам̣. звам̣ г̇ад̇ам̣ сол̣асавид̇хам̣ ход̇и. осийд̣̇аабанадтзна бхаараа вияаад̇и бхаараа. д̇знааха ‘‘бхаараа хавз бан̃жагканд̇хаа’’д̇иаад̣̇и (сам̣. ни. 3.22). ад̇д̇абадиб̣ад̣̇д̇хад̇ааяа ад̇д̇ано авиж̇аханад̇о барамад̇т̇ад̣̇зсанааяа жа барамад̇т̇о арахад̇д̇ам̣. гааман̃жааяамад̇т̇о саб̣б̣асамид̣̇д̇хисасанд̇ад̇ибарияаабанно анаваж̇ж̇ад̇хаммо самбхавад̇и агуббасабхааваа, абарихаанад̇хаммзсу бана аг̇г̇абхууд̇з арахад̇д̇з саад̇исаяо, на ид̇арзсууд̇и ‘‘арахад̇д̇асан̇каад̇о’’д̇иаад̣̇и вуд̇д̇ам̣. орамбхааг̇ияуд̣̇д̇хамбхааг̇ияавибхааг̇ам̣ д̣̇асавид̇хамби бхавзсу сам̣яож̇анам̣ гилзсагаммавибаагаваддабажжаяо худ̇ваа ниссарид̇ум̣ аббад̣̇аанавасзна б̣анд̇хад̇ийд̇и бхавасам̣яож̇анам̣. сад̇иби хи ан̃н̃зсам̣ д̇аббагкияабхаавзна винаа сам̣яож̇анаани д̇зсам̣ д̇аббажжаяабхааво ад̇т̇и, бхаванияаамо орамбхааг̇ияуд̣̇д̇хамбхааг̇ияасан̇г̇ахид̇од̇и д̇ам̣д̇ам̣бхаваниб̣б̣ад̇д̇агагамманияаамо жа ход̇и, на жа убажчиннасам̣яож̇анасса гад̇ааниби гаммаани бхавам̣ ниб̣б̣ад̇д̇знд̇ийд̇и д̇зсам̣язва сам̣яож̇анадто д̣̇адтаб̣б̣о. саммаа гааран̣зхи ж̇аанид̇ваад̇и н̃ааязна д̣̇угкаад̣̇ийсу со яат̇аа ж̇аанид̇аб̣б̣о; д̇ат̇аа ж̇аанид̇ваа, буб̣б̣агаалагирияаавимуд̇д̇аа хи абарагаалагирияаа жа яат̇аа самбхавад̇и, д̇ам̣ д̣̇ассзд̇ум̣ ‘‘маг̇г̇абан̃н̃ааяаа’’д̇иаад̣̇и вуд̇д̇ам̣.
Ārakā kilesehīti niruttinayena saddasiddhimāha. Ārakāti ca sabbaso samucchinnattā tehi dūreti attho. Rāgādīnaṃ hatattā, pāpakaraṇe rahābhāvato, anuttaradakkhiṇeyyatādipaccayā ca arahaṃ. Kāmañcāyaṃ saṃyuttavaṇṇanā, abhidhammanayo eva pana nippariyāyoti āha ‘‘cattāro āsavā’’ti brahmacariyavāsanti maggabrahmacariyavāsaṃ. Vuṭṭhāti vuṭṭhavanto. Catūhi maggehi karaṇīyanti paccekaṃ catūhi maggehi kattabbaṃ pariññāpahānasacchikiriyabhāvanābhisamayaṃ. Evaṃ gataṃ soḷasavidhaṃ hoti. Osīdāpanaṭṭhena bhārā viyāti bhārā. Tenāha ‘‘bhārā have pañcakkhandhā’’tiādi (saṃ. ni. 3.22). Attapaṭibaddhatāya attano avijahanato paramatthadesanāya ca paramattho arahattaṃ. Kāmañcāyamattho sabbasamiddhisasantatipariyāpanno anavajjadhammo sambhavati akuppasabhāvā, aparihānadhammesu pana aggabhūte arahatte sātisayo, na itaresūti ‘‘arahattasaṅkhāto’’tiādi vuttaṃ. Orambhāgiyuddhambhāgiyavibhāgaṃ dasavidhampi bhavesu saṃyojanaṃ kilesakammavipākavaṭṭapaccayo hutvā nissarituṃ appadānavasena bandhatīti bhavasaṃyojanaṃ. Satipi hi aññesaṃ tappakkhiyabhāvena vinā saṃyojanāni tesaṃ tappaccayabhāvo atthi, bhavaniyāmo orambhāgiyuddhambhāgiyasaṅgahitoti taṃtaṃbhavanibbattakakammaniyāmo ca hoti, na ca upacchinnasaṃyojanassa katānipi kammāni bhavaṃ nibbattentīti tesaṃyeva saṃyojanaṭṭho daṭṭhabbo. Sammākāraṇehi jānitvāti ñāyena dukkhādīsu so yathā jānitabbo; tathā jānitvā, pubbakālakiriyāvimuttā hi aparakālakiriyā ca yathā sambhavati, taṃ dassetuṃ ‘‘maggapaññāyā’’tiādi vuttaṃ.
бхиж̇ж̇анасабхааво кан̣ааяад̇д̇ад̇д̇аа. нигкибид̇аб̣б̣асабхааво маран̣ад̇хаммад̇д̇аа. аяам̣ гааяо усмааяувин̃н̃аан̣аабаг̇амо чад̣д̣анийяад̇хаммо, яасмим̣ яам̣ бад̇идтид̇ам̣, д̇ам̣ д̇асса санд̇аанаг̇ад̇авиббаяуд̇д̇анд̇и гад̇ваа вад̇д̇аб̣б̣ад̇ам̣ арахад̇ийд̇и ааха ‘‘кийн̣аасавасса хи аж̇ийран̣ад̇хаммоби ад̇т̇ий’’д̇иаад̣̇и. д̇знааха бхаг̇аваа ‘‘имасмим̣язва б̣яаамамад̇д̇з гал̣зварз сасан̃н̃имхи саманагз логан̃жа бан̃н̃абзми логасамуд̣̇аяан̃жа логанирод̇хан̃жаа’’д̇иаад̣̇и (сам̣. ни. 1.107; а. ни. 4.45). асса кийн̣аасавасса, ‘‘ж̇ийран̣ад̇хамма’’нд̇и яат̇аавуд̇д̇ам̣ аж̇ийран̣ад̇хаммам̣ табзд̇ваа ж̇ийран̣ад̇хаммам̣ д̣̇ассзнд̇о ‘‘д̇зсам̣бааяам̣ гааяо бхзд̣̇анад̇хаммо’’д̇и звамааха. ж̇арам̣ бад̇д̇ассзва хисса бхзд̣̇ананигкибид̇аб̣б̣ад̇аанияад̇з ад̇т̇з суд̇д̇ад̣̇зсанаа бавад̇д̇аа. ад̇т̇асса уббад̇д̇и адтуббад̇д̇и, саа зд̇асса ад̇т̇ийд̇и адтуббад̇д̇иго. гира-сад̣̇д̣̇о ануссавад̇т̇о, д̇зна ануссавааг̇ад̇ояамад̇т̇о, на адтагат̇ааг̇ад̇од̇и д̣̇ийбзд̇и. д̇знааха ‘‘вад̣̇анд̇ий’’д̇и. язнааяам̣ ад̇т̇о хзд̇унаа адтуббад̇д̇иго, д̇ам̣ д̣̇ассзд̇ум̣ ‘‘сивигасаалааяам̣ нисийд̣̇ид̇ваа гат̇ид̇а’’нд̇и вуд̇д̇ам̣. ‘‘вихарад̇и ж̇зд̇аванз’’д̇и нид̣̇аанаважанзна яат̇аа на вируж̇жхад̇и, д̇ат̇аа взд̣̇ид̇аб̣б̣ам̣. нану имасса суд̇д̇асса бужчаавасиго нигкзбод̇и? сажжамзд̇ам̣, суд̇д̇згад̣̇зсам̣ бана санд̇хааяа адтуббад̇д̇игад̇ааважанам̣. гзжи бана ‘‘яаанам̣ аарухид̇ваа рааж̇аа ааг̇ад̇о, ран̃н̃о аароханийяарат̇ам̣ д̣̇ассзд̇ваа вуд̇д̇а’’нд̇иби вад̣̇анд̇и.
Bhijjanasabhāvo khaṇāyattattā. Nikkhipitabbasabhāvo maraṇadhammattā. Ayaṃ kāyo usmāyuviññāṇāpagamo chaḍḍanīyadhammo, yasmiṃ yaṃ patiṭṭhitaṃ, taṃ tassa santānagatavippayuttanti katvā vattabbataṃ arahatīti āha ‘‘khīṇāsavassa hi ajīraṇadhammopi atthī’’tiādi. Tenāha bhagavā ‘‘imasmiṃyeva byāmamatte kaḷevare sasaññimhi samanake lokañca paññapemi lokasamudayañca lokanirodhañcā’’tiādi (saṃ. ni. 1.107; a. ni. 4.45). Assa khīṇāsavassa, ‘‘jīraṇadhamma’’nti yathāvuttaṃ ajīraṇadhammaṃ ṭhapetvā jīraṇadhammaṃ dassento ‘‘tesaṃpāyaṃ kāyo bhedanadhammo’’ti evamāha. Jaraṃ pattasseva hissa bhedananikkhipitabbatāniyate atthe suttadesanā pavattā. Atthassa uppatti aṭṭhuppatti, sā etassa atthīti aṭṭhuppattiko. Kira-saddo anussavattho, tena anussavāgatoyamattho, na aṭṭhakathāgatoti dīpeti. Tenāha ‘‘vadantī’’ti. Yenāyaṃ attho hetunā aṭṭhuppattiko, taṃ dassetuṃ ‘‘sivikasālāyaṃ nisīditvā kathita’’nti vuttaṃ. ‘‘Viharati jetavane’’ti nidānavacanena yathā na virujjhati, tathā veditabbaṃ. Nanu imassa suttassa pucchāvasiko nikkhepoti? Saccametaṃ, suttekadesaṃ pana sandhāya aṭṭhuppattikatāvacanaṃ. Keci pana ‘‘yānaṃ āruhitvā rājā āgato, rañño ārohanīyarathaṃ dassetvā vutta’’ntipi vadanti.
сарийрз пзн̣абин̣д̣асамз гим̣ вад̇д̇аб̣б̣ам̣? саб̣бхи сад̣̇д̇хинд̇и саад̇хуухи саха бавзд̣̇аяанд̇и. на хи гад̣̇аажи саад̇хуунам̣ саад̇хуухи саха гад̇д̇аб̣б̣аа хонд̇и, д̇асмаа сийд̣̇анасабхааваанам̣ гилзсаанам̣ бхиж̇ж̇анаббад̇д̇ад̇д̇аа ниб̣б̣аанам̣ саб̣бхийд̇и вужжад̇и. буримабад̣̇ассаад̇и ‘‘сад̇ан̃жа д̇хаммо на ж̇арам̣ убзд̇ий’’д̇и бад̣̇асса. гааран̣ам̣ д̣̇ассзнд̇о б̣яад̇ирзгавасзна. сад̇ам̣ д̇хаммо ниб̣б̣аанам̣ гилзсзхи сам̣сийд̣̇анабхиж̇ж̇анасабхааво на ход̇и, д̇асмаа д̇ам̣ ааг̇амма ж̇арам̣ на убзд̇и. гилзсаа бана д̇аннимид̇д̇агаа, звамаяам̣ вуд̇д̇агааран̣ад̇о ж̇арам̣ на убзд̇ийд̇и. д̇знааха ‘‘ид̣̇а’’нд̇иаад̣̇и. сунд̣̇араад̇хиважанам̣ ваа зд̇ам̣ ‘‘саб̣бхий’’д̇и бад̣̇ам̣ абаабад̇аад̣̇ийбанад̇о, саб̣бхид̇хаммабхууд̇анд̇и ад̇т̇о. д̇знааха ‘‘вирааг̇о д̇зсам̣ аг̇г̇амагкааяад̇и (ид̇иву. 90; а. ни. 4.34), на д̇зна д̇хаммзна самад̇т̇и гин̃жий’’д̇и (ку. баа. 6.4; су. ни. 227) жа.
Sarīre pheṇapiṇḍasame kiṃ vattabbaṃ? Sabbhi saddhinti sādhūhi saha pavedayanti. Na hi kadāci sādhūnaṃ sādhūhi saha kattabbā honti, tasmā sīdanasabhāvānaṃ kilesānaṃ bhijjanappattattā nibbānaṃ sabbhīti vuccati. Purimapadassāti ‘‘satañca dhammo na jaraṃ upetī’’ti padassa. Kāraṇaṃ dassento byatirekavasena. Sataṃ dhammo nibbānaṃ kilesehi saṃsīdanabhijjanasabhāvo na hoti, tasmā taṃ āgamma jaraṃ na upeti. Kilesā pana tannimittakā, evamayaṃ vuttakāraṇato jaraṃ na upetīti. Tenāha ‘‘ida’’ntiādi. Sundarādhivacanaṃ vā etaṃ ‘‘sabbhī’’ti padaṃ apāpatādīpanato, sabbhidhammabhūtanti attho. Tenāha ‘‘virāgo tesaṃ aggamakkhāyati (itivu. 90; a. ni. 4.34), na tena dhammena samatthi kiñcī’’ti (khu. pā. 6.4; su. ni. 227) ca.
ж̇араамаран̣асуд̇д̇аван̣н̣анаа нидтид̇аа.
Jarāmaraṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. ж̇араамаран̣асуд̇д̇ам̣ • 3. Jarāmaraṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. ж̇араамаран̣асуд̇д̇аван̣н̣анаа • 3. Jarāmaraṇasuttavaṇṇanā
