| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਜਰਸਿਙ੍ਗਾਲਙ੍ਗਪਞ੍ਹੋ
6. Jarasiṅgālaṅgapañho
੬. ‘‘ਭਨ੍ਤੇ ਨਾਗਸੇਨ, ‘ਜਰਸਿਙ੍ਗਾਲਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਜਰਸਿਙ੍ਗਾਲੋ ਭੋਜਨਂ ਪਟਿਲਭਿਤ੍વਾ ਅਜਿਗੁਚ੍ਛਮਾਨੋ ਯਾવਦਤ੍ਥਂ ਆਹਰਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਭੋਜਨਂ ਪਟਿਲਭਿਤ੍વਾ ਅਜਿਗੁਚ੍ਛਮਾਨੇਨ ਸਰੀਰਯਾਪਨਮਤ੍ਤਮੇવ ਪਰਿਭੁਞ੍ਜਿਤਬ੍ਬਂ। ਇਦਂ, ਮਹਾਰਾਜ, ਜਰਸਿਙ੍ਗਾਲਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਮਹਾਕਸ੍ਸਪੇਨ –
6. ‘‘Bhante nāgasena, ‘jarasiṅgālassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, jarasiṅgālo bhojanaṃ paṭilabhitvā ajigucchamāno yāvadatthaṃ āharayati, evameva kho, mahārāja, yoginā yogāvacarena bhojanaṃ paṭilabhitvā ajigucchamānena sarīrayāpanamattameva paribhuñjitabbaṃ. Idaṃ, mahārāja, jarasiṅgālassa paṭhamaṃ aṅgaṃ gahetabbaṃ. Bhāsitampetaṃ, mahārāja, therena mahākassapena –
‘‘‘ਸੇਨਾਸਨਮ੍ਹਾ ਓਰੁਯ੍ਹ, ਗਾਮਂ ਪਿਣ੍ਡਾਯ ਪਾવਿਸਿਂ।
‘‘‘Senāsanamhā oruyha, gāmaṃ piṇḍāya pāvisiṃ;
ਭੁਞ੍ਜਨ੍ਤਂ ਪੁਰਿਸਂ ਕੁਟ੍ਠਿਂ, ਸਕ੍ਕਚ੍ਚ ਨਂ ਉਪਟ੍ਠਹਿਂ॥
Bhuñjantaṃ purisaṃ kuṭṭhiṃ, sakkacca naṃ upaṭṭhahiṃ.
‘‘‘ਸੋ ਮੇ ਪਕ੍ਕੇਨ ਹਤ੍ਥੇਨ, ਆਲੋਪਂ ਉਪਨਾਮਯਿ।
‘‘‘So me pakkena hatthena, ālopaṃ upanāmayi;
ਆਲੋਪਂ ਪਕ੍ਖਿਪਨ੍ਤਸ੍ਸ, ਅਙ੍ਗੁਲਿਪੇਤ੍ਥ ਛਿਜ੍ਜਥ॥
Ālopaṃ pakkhipantassa, aṅgulipettha chijjatha.
‘‘‘ਕੁਟ੍ਟਮੂਲਞ੍ਚ ਨਿਸ੍ਸਾਯ, ਆਲੋਪਂ ਤਂ ਅਭੁਞ੍ਜਿਸਂ।
‘‘‘Kuṭṭamūlañca nissāya, ālopaṃ taṃ abhuñjisaṃ;
ਭੁਞ੍ਜਮਾਨੇ વਾ ਭੁਤ੍ਤੇ વਾ, ਜੇਗੁਚ੍ਛਂ ਮੇ ਨ વਿਜ੍ਜਤੀ’ਤਿ॥
Bhuñjamāne vā bhutte vā, jegucchaṃ me na vijjatī’ti.
‘‘ਪੁਨ ਚਪਰਂ, ਮਹਾਰਾਜ, ਜਰਸਿਙ੍ਗਾਲੋ ਭੋਜਨਂ ਪਟਿਲਭਿਤ੍વਾ ਨ વਿਚਿਨਾਤਿ ਲੂਖਂ વਾ ਪਣੀਤਂ વਾਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਭੋਜਨਂ ਪਟਿਲਭਿਤ੍વਾ ਨ વਿਚਿਨਿਤਬ੍ਬਂ ‘ਲੂਖਂ વਾ ਪਣੀਤਂ વਾ ਸਮ੍ਪਨ੍ਨਂ વਾ ਅਸਮ੍ਪਨ੍ਨਂ વਾ’ਤਿ, ਯਥਾਲਦ੍ਧੇਨ ਸਨ੍ਤੁਸ੍ਸਿਤਬ੍ਬਂ। ਇਦਂ, ਮਹਾਰਾਜ, ਜਰਸਿਙ੍ਗਾਲਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਉਪਸੇਨੇਨ વਙ੍ਗਨ੍ਤਪੁਤ੍ਤੇਨ –
‘‘Puna caparaṃ, mahārāja, jarasiṅgālo bhojanaṃ paṭilabhitvā na vicināti lūkhaṃ vā paṇītaṃ vāti, evameva kho, mahārāja, yoginā yogāvacarena bhojanaṃ paṭilabhitvā na vicinitabbaṃ ‘lūkhaṃ vā paṇītaṃ vā sampannaṃ vā asampannaṃ vā’ti, yathāladdhena santussitabbaṃ. Idaṃ, mahārāja, jarasiṅgālassa dutiyaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘ਲੂਖੇਨਪਿ ਚ ਸਨ੍ਤੁਸ੍ਸੇ, ਨਾਞ੍ਞਂ ਪਤ੍ਥੇ ਰਸਂ ਬਹੁਂ।
‘‘‘Lūkhenapi ca santusse, nāññaṃ patthe rasaṃ bahuṃ;
ਜਰਸਿਙ੍ਗਾਲਙ੍ਗਪਞ੍ਹੋ ਛਟ੍ਠੋ।
Jarasiṅgālaṅgapañho chaṭṭho.
Footnotes:
