| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
६. जरासुत्तं
6. Jarāsuttaṃ
८१०.
810.
यो चेपि अतिच्च जीवति, अथ खो सो जरसापि मिय्यति॥
Yo cepi aticca jīvati, atha kho so jarasāpi miyyati.
८११.
811.
सोचन्ति जना ममायिते, न हि सन्ति 3 निच्चा परिग्गहा।
Socanti janā mamāyite, na hi santi 4 niccā pariggahā;
विनाभावसन्तमेविदं, इति दिस्वा नागारमावसे॥
Vinābhāvasantamevidaṃ, iti disvā nāgāramāvase.
८१२.
812.
एतम्पि विदित्वा 9 पण्डितो, न ममत्ताय नमेथ मामको॥
Etampi viditvā 10 paṇḍito, na mamattāya nametha māmako.
८१३.
813.
सुपिनेन यथापि सङ्गतं, पटिबुद्धो पुरिसो न पस्सति।
Supinena yathāpi saṅgataṃ, paṭibuddho puriso na passati;
एवम्पि पियायितं जनं, पेतं कालकतं न पस्सति॥
Evampi piyāyitaṃ janaṃ, petaṃ kālakataṃ na passati.
८१४.
814.
दिट्ठापि सुतापि ते जना, येसं नाममिदं पवुच्चति 11।
Diṭṭhāpi sutāpi te janā, yesaṃ nāmamidaṃ pavuccati 12;
नामंयेवावसिस्सति, अक्खेय्यं पेतस्स जन्तुनो॥
Nāmaṃyevāvasissati, akkheyyaṃ petassa jantuno.
८१५.
815.
सोकप्परिदेवमच्छरं 13, न जहन्ति गिद्धा ममायिते।
Sokapparidevamaccharaṃ 14, na jahanti giddhā mamāyite;
तस्मा मुनयो परिग्गहं, हित्वा अचरिंसु खेमदस्सिनो॥
Tasmā munayo pariggahaṃ, hitvā acariṃsu khemadassino.
८१६.
816.
पतिलीनचरस्स भिक्खुनो, भजमानस्स विवित्तमासनं।
Patilīnacarassa bhikkhuno, bhajamānassa vivittamāsanaṃ;
सामग्गियमाहु तस्स तं, यो अत्तानं भवने न दस्सये॥
Sāmaggiyamāhu tassa taṃ, yo attānaṃ bhavane na dassaye.
८१७.
817.
सब्बत्थ मुनी अनिस्सितो, न पियं कुब्बति नोपि अप्पियं।
Sabbattha munī anissito, na piyaṃ kubbati nopi appiyaṃ;
तस्मिं परिदेवमच्छरं, पण्णे वारि यथा न लिम्पति 15॥
Tasmiṃ paridevamaccharaṃ, paṇṇe vāri yathā na limpati 16.
८१८.
818.
उदबिन्दु यथापि पोक्खरे, पदुमे वारि यथा न लिम्पति।
Udabindu yathāpi pokkhare, padume vāri yathā na limpati;
एवं मुनि नोपलिम्पति, यदिदं दिट्ठसुतं मुतेसु वा॥
Evaṃ muni nopalimpati, yadidaṃ diṭṭhasutaṃ mutesu vā.
८१९.
819.
धोनो न हि तेन मञ्ञति, यदिदं दिट्ठसुतं मुतेसु वा।
Dhono na hi tena maññati, yadidaṃ diṭṭhasutaṃ mutesu vā;
नाञ्ञेन विसुद्धिमिच्छति, न हि सो रज्जति नो विरज्जतीति॥
Nāññena visuddhimicchati, na hi so rajjati no virajjatīti.
जरासुत्तं छट्ठं निट्ठितं।
Jarāsuttaṃ chaṭṭhaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ६. जरासुत्तवण्णना • 6. Jarāsuttavaṇṇanā
