| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๖. ชราสุตฺตํ
6. Jarāsuttaṃ
๘๑๐.
810.
อปฺปํ วต ชีวิตํ อิทํ, โอรํ วสฺสสตาปิ มิยฺยติ 1;
Appaṃ vata jīvitaṃ idaṃ, oraṃ vassasatāpi miyyati 2;
โย เจปิ อติจฺจ ชีวติ, อถ โข โส ชรสาปิ มิยฺยติฯ
Yo cepi aticca jīvati, atha kho so jarasāpi miyyati.
๘๑๑.
811.
โสจนฺติ ชนา มมายิเต, น หิ สนฺติ 3 นิจฺจา ปริคฺคหา;
Socanti janā mamāyite, na hi santi 4 niccā pariggahā;
วินาภาวสนฺตเมวิทํ, อิติ ทิสฺวา นาคารมาวเสฯ
Vinābhāvasantamevidaṃ, iti disvā nāgāramāvase.
๘๑๒.
812.
เอตมฺปิ วิทิตฺวา 9 ปณฺฑิโต, น มมตฺตาย นเมถ มามโกฯ
Etampi viditvā 10 paṇḍito, na mamattāya nametha māmako.
๘๑๓.
813.
สุปิเนน ยถาปิ สงฺคตํ, ปฎิพุโทฺธ ปุริโส น ปสฺสติ;
Supinena yathāpi saṅgataṃ, paṭibuddho puriso na passati;
เอวมฺปิ ปิยายิตํ ชนํ, เปตํ กาลกตํ น ปสฺสติฯ
Evampi piyāyitaṃ janaṃ, petaṃ kālakataṃ na passati.
๘๑๔.
814.
ทิฎฺฐาปิ สุตาปิ เต ชนา, เยสํ นามมิทํ ปวุจฺจติ 11;
Diṭṭhāpi sutāpi te janā, yesaṃ nāmamidaṃ pavuccati 12;
นามํเยวาวสิสฺสติ, อเกฺขยฺยํ เปตสฺส ชนฺตุโนฯ
Nāmaṃyevāvasissati, akkheyyaṃ petassa jantuno.
๘๑๕.
815.
โสกปฺปริเทวมจฺฉรํ 13, น ชหนฺติ คิทฺธา มมายิเต;
Sokapparidevamaccharaṃ 14, na jahanti giddhā mamāyite;
ตสฺมา มุนโย ปริคฺคหํ, หิตฺวา อจริํสุ เขมทสฺสิโนฯ
Tasmā munayo pariggahaṃ, hitvā acariṃsu khemadassino.
๘๑๖.
816.
ปติลีนจรสฺส ภิกฺขุโน, ภชมานสฺส วิวิตฺตมาสนํ;
Patilīnacarassa bhikkhuno, bhajamānassa vivittamāsanaṃ;
สามคฺคิยมาหุ ตสฺส ตํ, โย อตฺตานํ ภวเน น ทสฺสเยฯ
Sāmaggiyamāhu tassa taṃ, yo attānaṃ bhavane na dassaye.
๘๑๗.
817.
สพฺพตฺถ มุนี อนิสฺสิโต, น ปิยํ กุพฺพติ โนปิ อปฺปิยํ;
Sabbattha munī anissito, na piyaṃ kubbati nopi appiyaṃ;
ตสฺมิํ ปริเทวมจฺฉรํ, ปเณฺณ วาริ ยถา น ลิมฺปติ 15ฯ
Tasmiṃ paridevamaccharaṃ, paṇṇe vāri yathā na limpati 16.
๘๑๘.
818.
อุทพินฺทุ ยถาปิ โปกฺขเร, ปทุเม วาริ ยถา น ลิมฺปติ;
Udabindu yathāpi pokkhare, padume vāri yathā na limpati;
เอวํ มุนิ โนปลิมฺปติ, ยทิทํ ทิฎฺฐสุตํ มุเตสุ วาฯ
Evaṃ muni nopalimpati, yadidaṃ diṭṭhasutaṃ mutesu vā.
๘๑๙.
819.
โธโน น หิ เตน มญฺญติ, ยทิทํ ทิฎฺฐสุตํ มุเตสุ วา;
Dhono na hi tena maññati, yadidaṃ diṭṭhasutaṃ mutesu vā;
นาเญฺญน วิสุทฺธิมิจฺฉติ, น หิ โส รชฺชติ โน วิรชฺชตีติฯ
Nāññena visuddhimicchati, na hi so rajjati no virajjatīti.
ชราสุตฺตํ ฉฎฺฐํ นิฎฺฐิตํฯ
Jarāsuttaṃ chaṭṭhaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๖. ชราสุตฺตวณฺณนา • 6. Jarāsuttavaṇṇanā
