| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
6. ж̇араасуд̇д̇анид̣̇д̣̇зсаван̣н̣анаа
6. Jarāsuttaniddesavaṇṇanā
39. чадтз ж̇араасуд̇д̇з аббам̣ вад̇а ж̇ийвид̇ам̣ ид̣̇анд̇и ид̣̇ам̣ вад̇а мануссаанам̣ ж̇ийвид̇ам̣ аббагам̣ барид̇д̇ам̣ тид̇ибарид̇д̇ад̇ааяа сарасабарид̇д̇ад̇ааяаад̇и г̇ухадтагасуд̇д̇зби вуд̇д̇анаяамзд̇ам̣. орам̣ вассасад̇ааби мияяад̇ийд̇и вассасад̇аа орам̣ галалаад̣̇игаалзби мияяад̇и. ад̇ижжаад̇и вассасад̇ам̣ ад̇иггамид̇ваа. ж̇арасааби мияяад̇ийд̇и ж̇арааяа мияяад̇и. ид̇о барам̣ г̇ухадтагасуд̇д̇аван̣н̣анааяа вуд̇д̇анаязнзва г̇ахзд̇аб̣б̣ам̣.
39. Chaṭṭhe jarāsutte appaṃ vata jīvitaṃ idanti idaṃ vata manussānaṃ jīvitaṃ appakaṃ parittaṃ ṭhitiparittatāya sarasaparittatāyāti guhaṭṭhakasuttepi vuttanayametaṃ. Oraṃ vassasatāpi miyyatīti vassasatā oraṃ kalalādikālepi miyyati. Aticcāti vassasataṃ atikkamitvā. Jarasāpi miyyatīti jarāya miyyati. Ito paraṃ guhaṭṭhakasuttavaṇṇanāya vuttanayeneva gahetabbaṃ.
аббанд̇и манд̣̇ам̣. г̇аманийяо самбарааяод̇и баралого г̇анд̇аб̣б̣о. галалагаалзбийд̇и зд̇т̇а галалагаалам̣ наама бадисанд̇хигкан̣з д̇ийхи ж̇аад̇иун̣н̣ам̣суухи гад̇асуд̇д̇аг̇г̇з тид̇ад̇злаб̣инд̣̇уббамаан̣ам̣ ажчам̣ виббасаннагалалам̣ ход̇и. яам̣ санд̇хааяа вуд̇д̇ам̣ –
Appanti mandaṃ. Gamanīyo samparāyoti paraloko gantabbo. Kalalakālepīti ettha kalalakālaṃ nāma paṭisandhikkhaṇe tīhi jātiuṇṇaṃsūhi katasuttagge ṭhitatelabinduppamāṇaṃ acchaṃ vippasannakalalaṃ hoti. Yaṃ sandhāya vuttaṃ –
‘‘д̇илад̇зласса яат̇аа б̣инд̣̇у, саббиман̣д̣о анаавило;
‘‘Tilatelassa yathā bindu, sappimaṇḍo anāvilo;
звам̣ ван̣н̣аббадибхааг̇ам̣, галалам̣ самбавужжад̇ий’’д̇и. (сам̣. ни. адта. 1.1.235; вибха. адта. 26 багин̣н̣агагат̇аа);
Evaṃ vaṇṇappaṭibhāgaṃ, kalalaṃ sampavuccatī’’ti. (saṃ. ni. aṭṭha. 1.1.235; vibha. aṭṭha. 26 pakiṇṇakakathā);
д̇асмим̣ галалагаалзби. жавад̇ийд̇и ж̇ийвид̇ам̣ г̇ал̣ад̇и. марад̇ийд̇и ж̇ийвид̇авияог̇ам̣ аабаж̇ж̇ад̇и. анд̇арад̇хааяад̇ийд̇и ад̣̇ассанам̣ баабун̣аад̇и. виббалуж̇ж̇ад̇ийд̇и чиж̇ж̇ад̇и. ‘‘ан̣д̣аж̇аяонияаа жавад̇и. ж̇алааб̣уж̇аяонияаа марад̇и. сам̣сзд̣̇аж̇аяонияаа анд̇арад̇хааяад̇и. обабаад̇игаяонияаа виббалуж̇ж̇ад̇ий’’д̇и звамзгз ван̣н̣аяанд̇и. аб̣б̣уд̣̇агаалзбийд̇и аб̣б̣уд̣̇ам̣ наама галалад̇о сад̇д̇аахажжаязна мам̣сад̇хованауд̣̇агаван̣н̣ам̣ ход̇и, галаланд̇и наамам̣ анд̇арад̇хааяад̇и. вуд̇д̇амби жзд̇ам̣ –
Tasmiṃ kalalakālepi. Cavatīti jīvitaṃ gaḷati. Maratīti jīvitaviyogaṃ āpajjati. Antaradhāyatīti adassanaṃ pāpuṇāti. Vippalujjatīti chijjati. ‘‘Aṇḍajayoniyā cavati. Jalābujayoniyā marati. Saṃsedajayoniyā antaradhāyati. Opapātikayoniyā vippalujjatī’’ti evameke vaṇṇayanti. Abbudakālepīti abbudaṃ nāma kalalato sattāhaccayena maṃsadhovanaudakavaṇṇaṃ hoti, kalalanti nāmaṃ antaradhāyati. Vuttampi cetaṃ –
‘‘сад̇д̇аахам̣ галалам̣ ход̇и, барибаггам̣ самуухад̇ам̣;
‘‘Sattāhaṃ kalalaṃ hoti, paripakkaṃ samūhataṃ;
виваддамаанам̣ д̇аб̣бхаавам̣, аб̣б̣уд̣̇ам̣ наама ж̇ааяад̇ий’’д̇и. (сам̣. ни. адта. 1.1.235);
Vivaṭṭamānaṃ tabbhāvaṃ, abbudaṃ nāma jāyatī’’ti. (saṃ. ni. aṭṭha. 1.1.235);
д̇асмим̣ аб̣б̣уд̣̇агаалзби. бзсигаалзбийд̇и д̇асмааби аб̣б̣уд̣̇аа сад̇д̇аахажжаязна вилийнад̇ибусад̣̇исаа бзси наама сан̃ж̇ааяад̇и. саа марижапаан̣ид̇зна д̣̇ийбзд̇аб̣б̣аа. г̇аамад̣̇ааригаа хи субаггаани марижаани г̇ахзд̇ваа саадаганд̇з бхан̣д̣игам̣ гад̇ваа бийл̣зд̇ваа ман̣д̣ам̣ аад̣̇ааяа габаалз багкибид̇ваа аад̇абз табзнд̇и, д̇ам̣ сугкамаанам̣ саб̣б̣абхааг̇зхи мужжад̇и. зваруубаа бзси ход̇и, аб̣б̣уд̣̇анд̇и наамам̣ анд̇арад̇хааяад̇и. вуд̇д̇амби жзд̇ам̣ –
Tasmiṃ abbudakālepi. Pesikālepīti tasmāpi abbudā sattāhaccayena vilīnatipusadisā pesi nāma sañjāyati. Sā maricaphāṇitena dīpetabbā. Gāmadārikā hi supakkāni maricāni gahetvā sāṭakante bhaṇḍikaṃ katvā pīḷetvā maṇḍaṃ ādāya kapāle pakkhipitvā ātape ṭhapenti, taṃ sukkhamānaṃ sabbabhāgehi muccati. Evarūpā pesi hoti, abbudanti nāmaṃ antaradhāyati. Vuttampi cetaṃ –
‘‘сад̇д̇аахам̣ аб̣б̣уд̣̇ам̣ ход̇и, барибаггам̣ самуухад̇ам̣;
‘‘Sattāhaṃ abbudaṃ hoti, paripakkaṃ samūhataṃ;
виваддамаанам̣ д̇аб̣бхаавам̣, бзси наама баж̇ааяад̇ий’’д̇и. (сам̣. ни. адта. 1.1.235);
Vivaṭṭamānaṃ tabbhāvaṃ, pesi nāma pajāyatī’’ti. (saṃ. ni. aṭṭha. 1.1.235);
д̇асмим̣ бзсигаалзби. гханагаалзбийд̇и д̇ад̇оби бзсид̇о сад̇д̇аахажжаязна гуггудан̣д̣асан̣таано гхано наама мам̣сабин̣д̣о ниб̣б̣ад̇д̇ад̇и, бзсийд̇и наамам̣ анд̇арад̇хааяад̇и. вуд̇д̇амби жзд̇ам̣ –
Tasmiṃ pesikālepi. Ghanakālepīti tatopi pesito sattāhaccayena kukkuṭaṇḍasaṇṭhāno ghano nāma maṃsapiṇḍo nibbattati, pesīti nāmaṃ antaradhāyati. Vuttampi cetaṃ –
‘‘сад̇д̇аахам̣ бзси бхавад̇и, барибаггам̣ самуухад̇ам̣;
‘‘Sattāhaṃ pesi bhavati, paripakkaṃ samūhataṃ;
виваддамаанам̣ д̇аб̣бхаавам̣, гханод̇и наама ж̇ааяад̇и.
Vivaṭṭamānaṃ tabbhāvaṃ, ghanoti nāma jāyati.
‘‘яат̇аа гуггудияаа ан̣д̣ам̣, саманд̇аа бариман̣д̣алам̣;
‘‘Yathā kukkuṭiyā aṇḍaṃ, samantā parimaṇḍalaṃ;
звам̣ гханасса сан̣таанам̣, ниб̣б̣ад̇д̇ам̣ гаммабажжаяаа’’д̇и. (сам̣. ни. адта. 1.1.235);
Evaṃ ghanassa saṇṭhānaṃ, nibbattaṃ kammapaccayā’’ti. (saṃ. ni. aṭṭha. 1.1.235);
д̇асмим̣ гханагаалзби. басаакагаалзбийд̇и бан̃жамз сад̇д̇аахз д̣̇виннам̣ д̣̇виннам̣ хад̇т̇абаад̣̇аанам̣ сийсасса жад̇т̇ааяа бан̃жа бийл̣агаа ж̇ааяанд̇и, яам̣ санд̇хааяа вуд̇д̇ам̣ – ‘‘бан̃жамз, бхигкавз, сад̇д̇аахз бан̃жа бийл̣агаа сан̣таханд̇и гаммад̇о’’д̇и. д̇асмим̣ басаакагаалзби. д̇ад̇о барам̣ чадтасад̇д̇амаад̣̇ийни сад̇д̇аахаани ад̇иггамма д̣̇зсанам̣ сан̇кибид̇ваа д̣̇ваажад̇д̇аалийсасад̇д̇аахз барин̣ад̇агаалз гзсаломанакаад̣̇ийнам̣ уббад̇д̇игаалан̃жа. д̇асса жа наабхид̇о удтид̇о наал̣о маад̇у уд̣̇арабадалзна згааб̣ад̣̇д̇хо ход̇и, со уббалад̣̇ан̣д̣аго вияа чид̣̇д̣̇о, д̇зна аахаарарасо сам̣сарид̇ваа аахаарасамудтаанаруубам̣ самудтаабзд̇и. звам̣ со д̣̇асамаасз яаабзд̇и, д̇ам̣ саб̣б̣ам̣ авад̇ваа ‘‘сууд̇игхарз’’д̇и ааха. яам̣ санд̇хааяа вуд̇д̇ам̣ –
Tasmiṃ ghanakālepi. Pasākhakālepīti pañcame sattāhe dvinnaṃ dvinnaṃ hatthapādānaṃ sīsassa catthāya pañca pīḷakā jāyanti, yaṃ sandhāya vuttaṃ – ‘‘pañcame, bhikkhave, sattāhe pañca pīḷakā saṇṭhahanti kammato’’ti. Tasmiṃ pasākhakālepi. Tato paraṃ chaṭṭhasattamādīni sattāhāni atikkamma desanaṃ saṅkhipitvā dvācattālīsasattāhe pariṇatakāle kesalomanakhādīnaṃ uppattikālañca. Tassa ca nābhito uṭṭhito nāḷo mātu udarapaṭalena ekābaddho hoti, so uppaladaṇḍako viya chiddo, tena āhāraraso saṃsaritvā āhārasamuṭṭhānarūpaṃ samuṭṭhāpeti. Evaṃ so dasamāse yāpeti, taṃ sabbaṃ avatvā ‘‘sūtighare’’ti āha. Yaṃ sandhāya vuttaṃ –
‘‘гзсаа ломаа накаани жа’’;
‘‘Kesā lomā nakhāni ca’’;
‘‘яан̃жасса бхун̃ж̇ад̇ий маад̇аа, аннам̣ баанан̃жа бхож̇анам̣;
‘‘Yañcassa bhuñjatī mātā, annaṃ pānañca bhojanaṃ;
д̇зна со д̇ад̇т̇а яаабзд̇и, маад̇угужчиг̇ад̇о наро’’д̇и. (сам̣. ни. 1.235; гат̇аа. 692);
Tena so tattha yāpeti, mātukucchigato naro’’ti. (saṃ. ni. 1.235; kathā. 692);
д̇ад̇т̇а сууд̇игхарзд̇и сууд̇игагхарз, виж̇ааяанагхарзд̇и ад̇т̇о. ‘‘сууд̇игаагхарз’’д̇и ваа баато, сууд̇игааяаад̇и бад̣̇ажчзд̣̇о. ад̣̇д̇хамаасигобийд̇и ж̇аад̇ад̣̇ивасад̇о бадтааяа ад̣̇д̇хамаасо зд̇асса ад̇т̇ийд̇и ад̣̇д̇хамаасиго. д̣̇взмаасигаад̣̇ийсуби зсзва наяо. ж̇аад̇ад̣̇ивасад̇о бадтааяа згам̣ сам̣важчарам̣ зд̇асса ад̇т̇ийд̇и сам̣важчариго. убари д̣̇взвассигаад̣̇ийсуби зсзва наяо.
Tattha sūtighareti sūtikaghare, vijāyanaghareti attho. ‘‘Sūtikāghare’’ti vā pāṭho, sūtikāyāti padacchedo. Addhamāsikopīti jātadivasato paṭṭhāya addhamāso etassa atthīti addhamāsiko. Dvemāsikādīsupi eseva nayo. Jātadivasato paṭṭhāya ekaṃ saṃvaccharaṃ etassa atthīti saṃvacchariko. Upari dvevassikādīsupi eseva nayo.
яад̣̇аа ж̇ин̣н̣о ход̇ийд̇и яасмим̣ гаалз ж̇арааж̇ин̣н̣о бхавад̇и ж̇аж̇ж̇арийбхууд̇о. вуд̣̇д̇ход̇и ваяовуд̣̇д̇хо. махаллагод̇и ж̇аад̇имахаллаго. ад̣̇д̇хаг̇ад̇од̇и д̇аяо ад̣̇д̇хз ад̇игганд̇о. ваяоануббад̇д̇од̇и д̇ад̇ияам̣ ваяам̣ ануббад̇д̇о. кан̣д̣ад̣̇анд̇од̇и анд̇аранд̇араа бад̇ид̇аа д̣̇анд̇аа паалид̇аа жа ж̇араанубхаавзна кан̣д̣аа д̣̇анд̇аа ж̇аад̇аа ассаад̇и кан̣д̣ад̣̇анд̇о. балид̇агзсод̇и бан̣д̣арагзсо. вилуунанд̇и лун̃жид̇ваа г̇ахид̇агзсаа вияа каллаадасийсо . калид̇асирод̇и махаакаллаадасийсо. валинанд̇и сан̃ж̇аад̇авали. д̇илагаахад̇аг̇ад̇д̇од̇и сзд̇ад̇илагагаал̣ад̇илагзхи вигин̣н̣асарийро. бхог̇г̇од̇и бхаг̇г̇о, иминаабисса ван̇габхаавам̣ д̣̇ийбзд̇и. д̣̇ан̣д̣абарааяан̣од̇и д̣̇ан̣д̣абадиссаран̣о д̣̇ан̣д̣ад̣̇уд̇ияо. со ж̇арааяабийд̇и со буг̇г̇ало ж̇арааяаби абхибхууд̇о марад̇и. над̇т̇и маран̣амхаа могкод̇и маран̣ад̇о мун̃жанубааяо над̇т̇и нубалаб̣бхад̇и.
Yadā jiṇṇo hotīti yasmiṃ kāle jarājiṇṇo bhavati jajjarībhūto. Vuddhoti vayovuddho. Mahallakoti jātimahallako. Addhagatoti tayo addhe atikkanto. Vayoanuppattoti tatiyaṃ vayaṃ anuppatto. Khaṇḍadantoti antarantarā patitā dantā phālitā ca jarānubhāvena khaṇḍā dantā jātā assāti khaṇḍadanto. Palitakesoti paṇḍarakeso. Vilūnanti luñcitvā gahitakesā viya khallāṭasīso . Khalitasiroti mahākhallāṭasīso. Valinanti sañjātavali. Tilakāhatagattoti setatilakakāḷatilakehi vikiṇṇasarīro. Bhoggoti bhaggo, imināpissa vaṅkabhāvaṃ dīpeti. Daṇḍaparāyaṇoti daṇḍapaṭissaraṇo daṇḍadutiyo. So jarāyapīti so puggalo jarāyapi abhibhūto marati. Natthi maraṇamhā mokkhoti maraṇato muñcanupāyo natthi nupalabbhati.
палаанамива баггаанам̣, баад̇о бад̇анад̇о бхаяанд̇и барибаагаг̇ад̇аанам̣ сит̇илаван̣даанам̣ банасапалаад̣̇ибаггаанам̣ бажжуусагаалз авассам̣ бад̇иссанд̇ийд̇и паласаамигаанам̣ бхааяамаанаанам̣ вияа. звам̣ ж̇аад̇аана мажжаанам̣, нижжам̣ маран̣ад̇о бхаяанд̇и звамзва уббаннаанам̣ сад̇д̇аанам̣ мажжусан̇каад̇амаран̣ад̇о сад̇ад̇ам̣ гаалам̣ бхаяам̣.
Phalānamiva pakkānaṃ, pāto patanato bhayanti paripākagatānaṃ sithilavaṇṭānaṃ panasaphalādipakkānaṃ paccūsakāle avassaṃ patissantīti phalasāmikānaṃ bhāyamānānaṃ viya. Evaṃ jātāna maccānaṃ, niccaṃ maraṇato bhayanti evameva uppannānaṃ sattānaṃ maccusaṅkhātamaraṇato satataṃ kālaṃ bhayaṃ.
яат̇ааби гумбхагаарассаад̇и яат̇аа наама мад̇д̇игаабхааж̇анам̣ гаронд̇асса. гад̇ам̣ мад̇д̇игабхааж̇ананд̇и (су. ни. 582) д̇зна нидтаабид̇абхааж̇анам̣. саб̣б̣ам̣ бхзд̣̇анабарияанд̇анд̇и баггаабаггам̣ саб̣б̣ам̣ бхзд̣̇анам̣ бхиж̇ж̇абарияанд̇ам̣ авасаанам̣ ассаад̇и бхзд̣̇анабарияанд̇ам̣. звам̣ мажжаана ж̇ийвид̇анд̇и звамзва сад̇д̇аанам̣ ааяусан̇каарам̣.
Yathāpikumbhakārassāti yathā nāma mattikābhājanaṃ karontassa. Kataṃ mattikabhājananti (su. ni. 582) tena niṭṭhāpitabhājanaṃ. Sabbaṃ bhedanapariyantanti pakkāpakkaṃ sabbaṃ bhedanaṃ bhijjapariyantaṃ avasānaṃ assāti bhedanapariyantaṃ. Evaṃ maccāna jīvitanti evameva sattānaṃ āyusaṅkhāraṃ.
д̣̇ахараа жа маханд̇аа жаад̇и д̇арун̣аа жа махаллагаа жа. яз б̣аалаа яз жа бан̣д̣ид̇аад̇и яз жа ассаасабассаасааяад̇д̇аа ж̇ийвид̇аа б̣аалаа яз жа бан̣д̣ижжзна саманнааг̇ад̇аа б̣уд̣̇д̇хаад̣̇аяо. саб̣б̣з мажжувасам̣ яанд̇ийд̇и зд̇з вуд̇д̇аббагаараа д̣̇ахараад̣̇аяо саб̣б̣з мажжуно иссарияам̣ убаг̇ажчанд̇и.
Daharāca mahantā cāti taruṇā ca mahallakā ca. Ye bālā ye ca paṇḍitāti ye ca assāsapassāsāyattā jīvitā bālā ye ca paṇḍiccena samannāgatā buddhādayo. Sabbe maccuvasaṃ yantīti ete vuttappakārā daharādayo sabbe maccuno issariyaṃ upagacchanti.
д̇зсам̣ мажжубарзд̇аананд̇и зд̇зсам̣ мажжунаа бариваарид̇аанам̣. г̇ажчад̇ам̣ баралогад̇од̇и ид̇о мануссалогад̇о баралогам̣ г̇ажчанд̇аанам̣. на бид̇аа д̇ааяад̇з буд̇д̇анд̇и бид̇аа буд̇д̇ам̣ на рагкад̇и. н̃аад̇ий ваа бана н̃аад̇агзд̇и маад̇аабид̇ибагкигаа н̃аад̇ий ваа д̇зязва н̃аад̇агз рагкид̇ум̣ на саггонд̇и.
Tesaṃ maccuparetānanti etesaṃ maccunā parivāritānaṃ. Gacchataṃ paralokatoti ito manussalokato paralokaṃ gacchantānaṃ. Na pitā tāyate puttanti pitā puttaṃ na rakkhati. Ñātī vā pana ñātaketi mātāpitipakkhikā ñātī vā teyeva ñātake rakkhituṃ na sakkonti.
бзгкад̇ан̃н̃зва н̃аад̇ийнанд̇и вуд̇д̇авид̇хаанам̣язва н̃аад̇ийнам̣ бзгканд̇аанам̣язва ологзнд̇аанам̣язва. басса лаалаббад̇ам̣ бут̇ууд̇и бассаад̇и аалабанам̣. лаалабанд̇аанам̣ вилабанд̇аанам̣ бут̇уунам̣ наанаббагаараанам̣. згамзгова мажжаанам̣, г̇оваж̇жхо вияа нияяад̇ийд̇и сад̇д̇аанам̣ згамзго вад̇хааяа нияяамаанаг̇он̣о вияа маран̣ааяа нияяад̇и баабун̣ийяад̇и. звамаб̣бхаахад̇о логод̇и звамзва сад̇д̇алого бхусам̣ аахад̇о. мажжунаа жа ж̇арааяа жаад̇и маран̣зна жа ж̇арааяа жа абхибхууд̇о.
Pekkhataññeva ñātīnanti vuttavidhānaṃyeva ñātīnaṃ pekkhantānaṃyeva olokentānaṃyeva. Passa lālappataṃ puthūti passāti ālapanaṃ. Lālapantānaṃ vilapantānaṃ puthūnaṃ nānappakārānaṃ. Ekamekova maccānaṃ, govajjho viya niyyatīti sattānaṃ ekameko vadhāya niyyamānagoṇo viya maraṇāya niyyati pāpuṇīyati. Evamabbhāhato lokoti evameva sattaloko bhusaṃ āhato. Maccunā ca jarāya cāti maraṇena ca jarāya ca abhibhūto.
40. мамааяид̇зд̇и мамааяид̇авад̇т̇угааран̣аа. винаабхаавам̣ санд̇амзвид̣̇анд̇и санд̇ам̣ виж̇ж̇амаанам̣ винаабхаавамзва ид̣̇ам̣, на саггаа авинаабхаавзна бхавид̇унд̇и вуд̇д̇ам̣ ход̇и.
40.Mamāyiteti mamāyitavatthukāraṇā. Vinābhāvaṃ santamevidanti santaṃ vijjamānaṃ vinābhāvameva idaṃ, na sakkā avinābhāvena bhavitunti vuttaṃ hoti.
сожанд̇ийд̇и жид̇д̇зна сожанам̣ гаронд̇и. гиламанд̇ийд̇и гааязна гиламат̇ам̣ баабун̣анд̇и. барид̣̇званд̇ийд̇и наанаавид̇хам̣ ваажаавилаабам̣ бхан̣анд̇и. урад̇д̇аал̣им̣ ганд̣̇анд̇ийд̇и урам̣ д̇аал̣зд̇ваа д̇аал̣зд̇ваа ганд̣̇анд̇и. саммохам̣ аабаж̇ж̇анд̇ийд̇и саммохабхаавам̣ баабун̣анд̇и.
Socantīti cittena socanaṃ karonti. Kilamantīti kāyena kilamathaṃ pāpuṇanti. Paridevantīti nānāvidhaṃ vācāvilāpaṃ bhaṇanti. Urattāḷiṃ kandantīti uraṃ tāḷetvā tāḷetvā kandanti. Sammohaṃ āpajjantīti sammohabhāvaṃ pāpuṇanti.
анижжод̇и худ̇ваа абхаавадтзна. сан̇кад̇од̇и бажжаязхи сан̇г̇амма гад̇о. бадижжасамуббаннод̇и бажжаяасаамаг̇г̇им̣ бадижжа на бажжагкааяа саха саммаа жа уббанно. каяад̇хаммод̇и каяам̣ г̇аманасабхааво. ваяад̇хаммод̇и ваяам̣ г̇аманасабхааво, бхан̇г̇авасзна бхан̇г̇аг̇аманасабхаавод̇и ад̇т̇о. вирааг̇ад̇хаммод̇и вираж̇ж̇анасабхааво. нирод̇хад̇хаммод̇и нируж̇жханасабхааво. явааяам̣ бариг̇г̇аход̇и яо аяам̣ бариг̇г̇ахо. ‘‘яааяа бариг̇г̇ахо’’д̇иби баато, аяамзва бад̣̇ажчзд̣̇о. нижжод̇и сад̇ад̇агаалиго. д̇хувод̇и т̇иро. сассад̇од̇и ажавано. авибарин̣аамад̇хаммод̇и багад̇иаж̇аханасабхааво. сассад̇и самам̣ д̇ат̇зва тассад̇ийд̇и жанд̣̇асуурияасинзрумахаасамуд̣̇д̣̇абат̇авийбаб̣б̣ад̇аад̣̇аяо вияа д̇идтзяяа.
Aniccoti hutvā abhāvaṭṭhena. Saṅkhatoti paccayehi saṅgamma kato. Paṭiccasamuppannoti paccayasāmaggiṃ paṭicca na paccakkhāya saha sammā ca uppanno. Khayadhammoti khayaṃ gamanasabhāvo. Vayadhammoti vayaṃ gamanasabhāvo, bhaṅgavasena bhaṅgagamanasabhāvoti attho. Virāgadhammoti virajjanasabhāvo. Nirodhadhammoti nirujjhanasabhāvo. Yvāyaṃ pariggahoti yo ayaṃ pariggaho. ‘‘Yāya pariggaho’’tipi pāṭho, ayameva padacchedo. Niccoti satatakāliko. Dhuvoti thiro. Sassatoti acavano. Avipariṇāmadhammoti pakatiajahanasabhāvo. Sassati samaṃ tatheva ṭhassatīti candasūriyasinerumahāsamuddapathavīpabbatādayo viya tiṭṭheyya.
наанаабхаавод̇и ж̇аад̇ияаа наанаабхааво. винаабхаавод̇и маран̣зна вияог̇абхааво. ан̃н̃ат̇аабхаавод̇и саб̣бхаавад̇о ан̃н̃ат̇аабхааво. буримаанам̣ буримаанам̣ канд̇хаананд̇и ананд̇арз бурз уббаннаанам̣ канд̇хаанам̣. вибарин̣ааман̃н̃ат̇аабхааваад̇и багад̇ибхаавам̣ ж̇ахид̇ваа ан̃н̃ат̇аабхаавзна. бажчимаа бажчимаа канд̇хаад̣̇аяо бавад̇д̇анд̇и уббаж̇ж̇анд̇ийд̇и самб̣анд̇хо.
Nānābhāvoti jātiyā nānābhāvo. Vinābhāvoti maraṇena viyogabhāvo. Aññathābhāvoti sabbhāvato aññathābhāvo. Purimānaṃ purimānaṃ khandhānanti anantare pure uppannānaṃ khandhānaṃ. Vipariṇāmaññathābhāvāti pakatibhāvaṃ jahitvā aññathābhāvena. Pacchimā pacchimā khandhādayo pavattanti uppajjantīti sambandho.
саб̣б̣ам̣ гхарааваасабалиб̣од̇ханд̇и сагалам̣ г̇ихибхааваж̇адам̣. н̃аад̇имид̇д̇аамажжабалиб̣од̇ханд̇и маад̇аабид̇убагкигаа н̃аад̇ий, мид̇д̇аа сахааяаа, амажжаа бхажжаа. саннид̇хибалиб̣од̇ханд̇и нид̇хаанаж̇адам̣ чинд̣̇ид̇ваа. гзсамассум̣ охаарзд̇ваад̇и гзсз жа массууни жа оробаяид̇ваа. гаасааяаани вад̇т̇аанийд̇и гасааяарасабийд̇аани вад̇т̇аани.
Sabbaṃ gharāvāsapalibodhanti sakalaṃ gihibhāvajaṭaṃ. Ñātimittāmaccapalibodhanti mātāpitupakkhikā ñātī, mittā sahāyā, amaccā bhaccā. Sannidhipalibodhanti nidhānajaṭaṃ chinditvā. Kesamassuṃ ohāretvāti kese ca massūni ca oropayitvā. Kāsāyāni vatthānīti kasāyarasapītāni vatthāni.
41. маамагод̇и мама убаасаго бхигку ваад̇и сан̇кам̣ г̇ад̇о, б̣уд̣̇д̇хаад̣̇ийни ваа вад̇т̇ууни мамааяамаано.
41.Māmakoti mama upāsako bhikkhu vāti saṅkhaṃ gato, buddhādīni vā vatthūni mamāyamāno.
д̇зсам̣ д̇зсам̣ сад̇д̇аананд̇и анзгзсам̣ сад̇д̇аанам̣ саад̇хааран̣анид̣̇д̣̇зсо. ‘‘яан̃н̃ад̣̇ад̇д̇асса маран̣ам̣, сомад̣̇ад̇д̇асса маран̣а’’нд̇и зван̃хи д̣̇ивасамби гат̇ияамаанз нзва сад̇д̇аа барияаад̣̇аанам̣ г̇ажчанд̇и, на саб̣б̣ам̣ абарад̇д̇ад̣̇ийбанам̣ сиж̇жхад̇и. имзхи бана д̣̇вийхи бад̣̇зхи на гожи сад̇д̇о абарияаад̣̇инно ход̇и, на гин̃жи абарад̇д̇аад̣̇ийбанам̣ на сиж̇жхад̇и. д̇амхаа д̇амхаад̇и аяам̣ г̇ад̇ивасзна анзгзсам̣ нигааяаанам̣ саад̇хааран̣анид̣̇д̣̇зсо. сад̇д̇анигааяаад̇и сад̇д̇аанам̣ нигааяаа, сад̇д̇агхадаа сад̇д̇асамуухаад̇и ад̇т̇о. жуд̇ийд̇и жаванавасзна вуд̇д̇ам̣. згажад̇убан̃жагканд̇хааяа жуд̇ияаа сааман̃н̃аважанамзд̇ам̣. жаванад̇аад̇и бхаававажанзна лагкан̣анид̣̇ассанам̣. бхзд̣̇од̇и жуд̇иканд̇хаанам̣ бхан̇г̇уббад̇д̇ибарид̣̇ийбанам̣. анд̇арад̇хаананд̇и гхадасса вияа бхиннасса бхиннаанам̣ канд̇хаанам̣ язна гзнажи барияааязна таанаабхаавабарид̣̇ийбанам̣. мажжумаран̣анд̇и мажжусан̇каад̇ам̣ маран̣ам̣, на кан̣игамаран̣ам̣. гаало наама анд̇аго, д̇асса гирияаад̇и гаалам̣гирияаа. зд̇д̇аавад̇аа саммуд̇имаран̣ам̣ д̣̇ийбид̇ам̣. ид̣̇аани барамад̇т̇зна д̣̇ийбзд̇ум̣ ‘‘канд̇хаанам̣ бхзд̣̇о’’д̇иаад̣̇имааха. барамад̇т̇зна хи канд̇хааязва бхиж̇ж̇анд̇и, на сад̇д̇о наама гожи марад̇и. канд̇хзсу бана бхиж̇ж̇амаанзсу сад̇д̇о марад̇и, бхиннзсу ‘‘мад̇о’’д̇и вохааро ход̇и.
Tesaṃ tesaṃ sattānanti anekesaṃ sattānaṃ sādhāraṇaniddeso. ‘‘Yaññadattassa maraṇaṃ, somadattassa maraṇa’’nti evañhi divasampi kathiyamāne neva sattā pariyādānaṃ gacchanti, na sabbaṃ aparattadīpanaṃ sijjhati. Imehi pana dvīhi padehi na koci satto apariyādinno hoti, na kiñci aparattādīpanaṃ na sijjhati. Tamhā tamhāti ayaṃ gativasena anekesaṃ nikāyānaṃ sādhāraṇaniddeso. Sattanikāyāti sattānaṃ nikāyā, sattaghaṭā sattasamūhāti attho. Cutīti cavanavasena vuttaṃ. Ekacatupañcakkhandhāya cutiyā sāmaññavacanametaṃ. Cavanatāti bhāvavacanena lakkhaṇanidassanaṃ. Bhedoti cutikhandhānaṃ bhaṅguppattiparidīpanaṃ. Antaradhānanti ghaṭassa viya bhinnassa bhinnānaṃ khandhānaṃ yena kenaci pariyāyena ṭhānābhāvaparidīpanaṃ. Maccumaraṇanti maccusaṅkhātaṃ maraṇaṃ, na khaṇikamaraṇaṃ. Kālo nāma antako, tassa kiriyāti kālaṃkiriyā. Ettāvatā sammutimaraṇaṃ dīpitaṃ. Idāni paramatthena dīpetuṃ ‘‘khandhānaṃ bhedo’’tiādimāha. Paramatthena hi khandhāyeva bhijjanti, na satto nāma koci marati. Khandhesu pana bhijjamānesu satto marati, bhinnesu ‘‘mato’’ti vohāro hoti.
зд̇т̇а жа жад̇увогаарабан̃жавогааравасзна канд̇хаанам̣ бхзд̣̇о, згавогааравасзна гал̣зварасса нигкзбо. жад̇увогааравасзна ваа канд̇хаанам̣ бхзд̣̇о, сзсад̣̇ваяавасзна гал̣зварасса нигкзбо взд̣̇ид̇аб̣б̣о. гасмаа? гаамаруубабхавад̣̇ваязби руубагааяасан̇каад̇асса гал̣зварасса саб̣бхаавад̇о. яасмаа ваа жаад̇умахаарааж̇игаад̣̇ийсу канд̇хаа бхиж̇ж̇анд̇зва, на гин̃жи нигкибанд̇и, д̇асмаа д̇зсам̣ васзна канд̇хаанам̣ бхзд̣̇о, мануссаад̣̇ийсу гал̣зварасса нигкзбо. зд̇т̇а жа гал̣зварасса нигкзбагаран̣ад̇о маран̣ам̣ ‘‘гал̣зварасса нигкзбо’’д̇и вуд̇д̇ам̣. ж̇ийвид̇инд̣̇рияассубажчзд̣̇од̇и иминаа инд̣̇рияаб̣ад̣̇д̇хассзва маран̣ам̣ наама ход̇и, анинд̣̇рияаб̣ад̣̇д̇хасса маран̣ам̣ наама над̇т̇ийд̇и д̣̇ассзд̇и. ‘‘сассам̣ мад̇ам̣, ругко мад̇о’’д̇и ид̣̇ам̣ бана вохаарамад̇д̇амзва. ад̇т̇ад̇о бана зваруубаани важанаани сассаад̣̇ийнам̣ каяаваяабхаавамзва д̣̇ийбзнд̇и. руубаг̇ад̇анд̇и руубамзва руубаг̇ад̇ам̣. взд̣̇анааг̇ад̇анд̇иаад̣̇ийсуби зсзва наяо.
Ettha ca catuvokārapañcavokāravasena khandhānaṃ bhedo, ekavokāravasena kaḷevarassa nikkhepo. Catuvokāravasena vā khandhānaṃ bhedo, sesadvayavasena kaḷevarassa nikkhepo veditabbo. Kasmā? Kāmarūpabhavadvayepi rūpakāyasaṅkhātassa kaḷevarassa sabbhāvato. Yasmā vā cātumahārājikādīsu khandhā bhijjanteva, na kiñci nikkhipanti, tasmā tesaṃ vasena khandhānaṃ bhedo, manussādīsu kaḷevarassa nikkhepo. Ettha ca kaḷevarassa nikkhepakaraṇato maraṇaṃ ‘‘kaḷevarassa nikkhepo’’ti vuttaṃ. Jīvitindriyassupacchedoti iminā indriyabaddhasseva maraṇaṃ nāma hoti, anindriyabaddhassa maraṇaṃ nāma natthīti dasseti. ‘‘Sassaṃ mataṃ, rukkho mato’’ti idaṃ pana vohāramattameva. Atthato pana evarūpāni vacanāni sassādīnaṃ khayavayabhāvameva dīpenti. Rūpagatanti rūpameva rūpagataṃ. Vedanāgatantiādīsupi eseva nayo.
д̇ад̇т̇а буб̣б̣зва мажжанд̇и мажжам̣ ваа бхог̇аа буб̣б̣зва батамад̇аран̃н̃зва виж̇аханд̇и. мажжо ваа д̇з бхог̇з буб̣б̣ад̇арам̣ ж̇ахад̇и. гаамагаамийд̇и жорарааж̇аанам̣ аалабад̇и. амбхо гаамз гаамаяамаана гаамагаами бхог̇ино наама логз асассад̇аа, бхог̇зсу ваа надтзсу ж̇ийвамаанаа жа абхог̇ино хонд̇и. бхог̇з ваа бахааяа саяам̣ нассанд̇и, д̇асмаа ахам̣ махааж̇анасса согагаалзби на сожаамийд̇и ад̇т̇о.
Tattha pubbeva maccanti maccaṃ vā bhogā pubbeva paṭhamataraññeva vijahanti. Macco vā te bhoge pubbataraṃ jahati. Kāmakāmīti corarājānaṃ ālapati. Ambho kāme kāmayamāna kāmakāmi bhogino nāma loke asassatā, bhogesu vā naṭṭhesu jīvamānā ca abhogino honti. Bhoge vā pahāya sayaṃ nassanti, tasmā ahaṃ mahājanassa sokakālepi na socāmīti attho.
вид̣̇ид̇аа маяаа сад̇д̇уга логад̇хаммаад̇и жорарааж̇аанам̣ аалабанд̇о ааха. амбхо сад̇д̇уга маяаа лаабхо алаабхо яасо аяасод̇иаад̣̇аяо логад̇хаммаа вид̣̇ид̇аа. яат̇зва хи жанд̣̇о уд̣̇зд̇и жа буурад̇и жа буна жа кийяад̇и, яат̇аа жа суурияо анд̇хагаарам̣ вид̇хамзнд̇о маханд̇ам̣ логаббад̣̇зсам̣ д̇абид̇ваана буна сааяам̣ ад̇т̇ам̣ балзд̇и ад̇т̇ам̣ г̇ажчад̇и на д̣̇иссад̇и, звамзва бхог̇аа уббаж̇ж̇анд̇и жа винассанд̇и жа, д̇ад̇т̇а гим̣ согзна, д̇асмаа на сожаамийд̇и ад̇т̇о.
Viditāmayā sattuka lokadhammāti corarājānaṃ ālapanto āha. Ambho sattuka mayā lābho alābho yaso ayasotiādayo lokadhammā viditā. Yatheva hi cando udeti ca pūrati ca puna ca khīyati, yathā ca sūriyo andhakāraṃ vidhamento mahantaṃ lokappadesaṃ tapitvāna puna sāyaṃ atthaṃ paleti atthaṃ gacchati na dissati, evameva bhogā uppajjanti ca vinassanti ca, tattha kiṃ sokena, tasmā na socāmīti attho.
д̇ан̣хааман̃н̃анааяа ман̃н̃ад̇ийд̇и д̇ан̣хааяа ж̇анид̇амаанаман̃н̃анааяа ман̃н̃ад̇и. маанам̣ гарод̇и д̣̇идтиман̃н̃анааяаад̇и д̣̇идтим̣ убаниссаяам̣ гад̇ваа уббаннааяа ман̃н̃анааяа. маанаман̃н̃анааяаад̇и сахаж̇аад̇амаанаман̃н̃анааяа. гилзсаман̃н̃анааяаад̇и вуд̇д̇аббагаарааяа убад̇аабанадтзна гилзсаман̃н̃анааяа ман̃н̃ад̇и.
Taṇhāmaññanāya maññatīti taṇhāya janitamānamaññanāya maññati. Mānaṃ karoti diṭṭhimaññanāyāti diṭṭhiṃ upanissayaṃ katvā uppannāya maññanāya. Mānamaññanāyāti sahajātamānamaññanāya. Kilesamaññanāyāti vuttappakārāya upatāpanaṭṭhena kilesamaññanāya maññati.
гухаад̇и вимхаабагаа. т̇ад̣̇д̇хаад̇и каан̣у вияа т̇ад̣̇д̇хаа. лабаад̇и бажжаяанимид̇д̇зна лабанагаа.
Kuhāti vimhāpakā. Thaddhāti khāṇu viya thaddhā. Lapāti paccayanimittena lapanakā.
42. сан̇г̇ад̇анд̇и самааг̇ад̇ам̣, д̣̇идтам̣ пудтам̣ ваа. бияааяид̇анд̇и бияагад̇ам̣.
42.Saṅgatanti samāgataṃ, diṭṭhaṃ phuṭṭhaṃ vā. Piyāyitanti piyakataṃ.
сан̇г̇ад̇анд̇и саммукийбхууд̇ам̣. самааг̇ад̇анд̇и самийбам̣ ааг̇ад̇ам̣. самаахид̇анд̇и згийбхууд̇ам̣. саннибад̇ид̇анд̇и бин̣д̣ид̇ам̣. субинаг̇ад̇од̇и субинам̣ бавидто. сзнааб̣яуухам̣ бассад̇ийд̇и сзнаасаннивзсам̣ д̣̇агкад̇и. аараамарааман̣зяяаганд̇и бубпаараамаад̣̇ийнам̣ раман̣ийяабхаавам̣. ванарааман̣зяяагаад̣̇ийсуби зсзва наяо. бзд̇анд̇и ид̇о баралогам̣ г̇ад̇ам̣. гаалан̇гад̇анд̇и мад̇ам̣.
Saṅgatanti sammukhībhūtaṃ. Samāgatanti samīpaṃ āgataṃ. Samāhitanti ekībhūtaṃ. Sannipatitanti piṇḍitaṃ. Supinagatoti supinaṃ paviṭṭho. Senābyūhaṃ passatīti senāsannivesaṃ dakkhati. Ārāmarāmaṇeyyakanti pupphārāmādīnaṃ ramaṇīyabhāvaṃ. Vanarāmaṇeyyakādīsupi eseva nayo. Petanti ito paralokaṃ gataṃ. Kālaṅkatanti mataṃ.
43. наамам̣язваавасиссад̇и , агкзяяанд̇и саб̣б̣ам̣ руубаад̣̇ид̇хаммаж̇аад̇ам̣ бахийяад̇и, наамамад̇д̇амзва д̇у авасиссад̇и ‘‘б̣уд̣̇д̇харагкид̇о д̇хаммарагкид̇о’’д̇и звам̣ агкаад̇ум̣ гат̇зд̇ум̣.
43.Nāmaṃyevāvasissati, akkheyyanti sabbaṃ rūpādidhammajātaṃ pahīyati, nāmamattameva tu avasissati ‘‘buddharakkhito dhammarakkhito’’ti evaṃ akkhātuṃ kathetuṃ.
яз жагкувин̃н̃аан̣аабхисамбхууд̇аад̇и яз саяам̣ жагкувин̃н̃аан̣зна абхисамбхууд̇аа раасигад̇аа д̣̇идтаа жад̇усамудтаанигаа руубаа. сод̇авин̃н̃аан̣аабхисамбхууд̇аад̇и барад̇огхосзна сод̇авин̃н̃аан̣зна раасигад̇аа суд̇аа д̣̇висамудтаанигаа сад̣̇д̣̇аа.
Yecakkhuviññāṇābhisambhūtāti ye sayaṃ cakkhuviññāṇena abhisambhūtā rāsikatā diṭṭhā catusamuṭṭhānikā rūpā. Sotaviññāṇābhisambhūtāti paratoghosena sotaviññāṇena rāsikatā sutā dvisamuṭṭhānikā saddā.
44. мунаяод̇и кийн̣аасавамунаяо. кзмад̣̇ассинод̇и ниб̣б̣аанад̣̇ассино.
44.Munayoti khīṇāsavamunayo. Khemadassinoti nibbānadassino.
согод̇и соганид̣̇д̣̇зсз – б̣яасад̇ийд̇и б̣яасанам̣, хид̇асукам̣ кибад̇и вид̣̇д̇хам̣сзд̇ийд̇и ад̇т̇о. н̃аад̇ийнам̣ б̣яасанам̣ н̃аад̇иб̣яасанам̣, жорарог̇абхаяаад̣̇ийхи н̃аад̇игкаяо н̃аад̇ивинаасод̇и ад̇т̇о. д̇зна н̃аад̇иб̣яасанзна. пудтассаад̇и аж̇жход̇т̇адасса, абхибхууд̇асса саманнааг̇ад̇ассаад̇и ад̇т̇о. сзсзсуби зсзва наяо. аяам̣ бана висзсо – бхог̇аанам̣ б̣яасанам̣ бхог̇аб̣яасанам̣, рааж̇ажораад̣̇ивасзна бхог̇агкаяо бхог̇авинаасод̇и ад̇т̇о. рог̇оязва б̣яасанам̣ рог̇аб̣яасанам̣. рог̇о хи аарог̇яам̣ б̣яасад̇и винаасзд̇ийд̇и б̣яасанам̣. сийласса б̣яасанам̣ сийлаб̣яасанам̣, д̣̇уссиляассзд̇ам̣ наамам̣. саммаад̣̇идтим̣ винаасаяамаанаа уббаннаа д̣̇идтиязва б̣яасанам̣ д̣̇идтиб̣яасанам̣. зд̇т̇а жа буримаани д̣̇вз анибпаннаани, бажчимаани д̇ийн̣и нибпаннаани д̇илагкан̣аб̣бхаахад̇аани. буримаани жа д̇ийн̣и нзва гусалаани наагусалаани, сийлад̣̇идтиб̣яасанад̣̇ваяам̣ агусалам̣.
Sokoti sokaniddese – byasatīti byasanaṃ, hitasukhaṃ khipati viddhaṃsetīti attho. Ñātīnaṃ byasanaṃ ñātibyasanaṃ, corarogabhayādīhi ñātikkhayo ñātivināsoti attho. Tena ñātibyasanena. Phuṭṭhassāti ajjhotthaṭassa, abhibhūtassa samannāgatassāti attho. Sesesupi eseva nayo. Ayaṃ pana viseso – bhogānaṃ byasanaṃ bhogabyasanaṃ, rājacorādivasena bhogakkhayo bhogavināsoti attho. Rogoyeva byasanaṃ rogabyasanaṃ. Rogo hi ārogyaṃ byasati vināsetīti byasanaṃ. Sīlassa byasanaṃ sīlabyasanaṃ, dussilyassetaṃ nāmaṃ. Sammādiṭṭhiṃ vināsayamānā uppannā diṭṭhiyeva byasanaṃ diṭṭhibyasanaṃ. Ettha ca purimāni dve anipphannāni, pacchimāni tīṇi nipphannāni tilakkhaṇabbhāhatāni. Purimāni ca tīṇi neva kusalāni nākusalāni, sīladiṭṭhibyasanadvayaṃ akusalaṃ.
ан̃н̃ад̇аран̃н̃ад̇арзнаад̇и г̇ахид̇зсу ваа язна гзнажи аг̇г̇ахид̇зсу ваа мид̇д̇аамажжаб̣яасанаад̣̇ийсу язна гзнажи. саманнааг̇ад̇ассаад̇и самануб̣анд̇хасса абаримужжамаанасса. ан̃н̃ад̇аран̃н̃ад̇арзна д̣̇угкад̇хаммзнаад̇и язна гзнажи согад̣̇угкасса уббад̇д̇ихзд̇унаа. согод̇и сожанагавасзна сого. ид̣̇ам̣ д̇зхи гааран̣зхи уббаж̇ж̇анагасогасса сабхаавабажжад̇д̇ам̣. сожанаад̇и сожанаагааро. сожид̇ад̇д̇анд̇и сожид̇абхааво. анд̇осогод̇и аб̣бханд̇арасого. д̣̇уд̇ияабад̣̇ам̣ убасаг̇г̇зна вад̣дхид̇ам̣. со хи аб̣бханд̇арам̣ сугкаабзнд̇о вияа барисугкаабзнд̇о вияа уббаж̇ж̇ад̇ийд̇и ‘‘анд̇осого анд̇обарисого’’д̇и вужжад̇и. анд̇од̣̇ааход̇и аб̣бханд̇арад̣̇аахо. д̣̇уд̇ияабад̣̇ам̣ убасаг̇г̇зна вад̣дхид̇ам̣. жзд̇асо бариж̇жхааяанаад̇и жид̇д̇асса жхаананаагааро. сого хи уббаж̇ж̇амаано аг̇г̇и вияа жид̇д̇ам̣ жхаабзд̇и д̣̇ахад̇и, ‘‘жид̇д̇ам̣ мз жхаамам̣, на мз гин̃жи бадибхаад̇ий’’д̇и вад̣̇аабзд̇и. д̣̇угкид̇о мано д̣̇уммано, д̇асса бхааво д̣̇оманассам̣. анубавидтадтзна согова салланд̇и согасаллам̣.
Aññataraññatarenāti gahitesu vā yena kenaci aggahitesu vā mittāmaccabyasanādīsu yena kenaci. Samannāgatassāti samanubandhassa aparimuccamānassa. Aññataraññatarena dukkhadhammenāti yena kenaci sokadukkhassa uppattihetunā. Sokoti socanakavasena soko. Idaṃ tehi kāraṇehi uppajjanakasokassa sabhāvapaccattaṃ. Socanāti socanākāro. Socitattanti socitabhāvo. Antosokoti abbhantarasoko. Dutiyapadaṃ upasaggena vaḍḍhitaṃ. So hi abbhantaraṃ sukkhāpento viya parisukkhāpento viya uppajjatīti ‘‘antosoko antoparisoko’’ti vuccati. Antodāhoti abbhantaradāho. Dutiyapadaṃ upasaggena vaḍḍhitaṃ. Cetaso parijjhāyanāti cittassa jhānanākāro. Soko hi uppajjamāno aggi viya cittaṃ jhāpeti dahati, ‘‘cittaṃ me jhāmaṃ, na me kiñci paṭibhātī’’ti vadāpeti. Dukkhito mano dummano, tassa bhāvo domanassaṃ. Anupaviṭṭhaṭṭhena sokova sallanti sokasallaṃ.
барид̣̇званид̣̇д̣̇зсз – ‘‘маяхам̣ д̇хийд̇аа, маяхам̣ буд̇д̇о’’д̇и звам̣ аад̣̇исса аад̣̇исса д̣̇званд̇и род̣̇анд̇и зд̇знаад̇и аад̣̇зво. д̇ам̣ д̇ам̣ ван̣н̣ам̣ баригид̇д̇зд̇ваа баригид̇д̇зд̇ваа д̣̇званд̇и зд̇знаад̇и барид̣̇зво. д̇ад̇о бараани д̣̇вз д̣̇вз бад̣̇аани буримад̣̇ваяассзва аагаарабхааванид̣̇д̣̇зсавасзна вуд̇д̇аани. ваажаад̇и важанам̣. балаабод̇и д̇ужчам̣ нирад̇т̇агаважанам̣ . уббад̣дхабхан̣ид̇аан̃н̃абхан̣ид̇аад̣̇ивасзна вируубо балаабо виббалаабо. лаалаббод̇и бунаббунам̣ лабанам̣. лаалаббанаагааро лаалаббанаа. лаалаббид̇асса бхааво лаалаббид̇ад̇д̇ам̣. мажчарияаад̣̇ийни вуд̇д̇ад̇т̇аанзва.
Paridevaniddese – ‘‘mayhaṃ dhītā, mayhaṃ putto’’ti evaṃ ādissa ādissa devanti rodanti etenāti ādevo. Taṃ taṃ vaṇṇaṃ parikittetvā parikittetvā devanti etenāti paridevo. Tato parāni dve dve padāni purimadvayasseva ākārabhāvaniddesavasena vuttāni. Vācāti vacanaṃ. Palāpoti tucchaṃ niratthakavacanaṃ . Uppaḍḍhabhaṇitaaññabhaṇitādivasena virūpo palāpo vippalāpo. Lālappoti punappunaṃ lapanaṃ. Lālappanākāro lālappanā. Lālappitassa bhāvo lālappitattaṃ. Macchariyādīni vuttatthāneva.
45. сад̇д̇амаг̇аат̇аа звам̣ маран̣аб̣бхаахад̇з логз ануруубабадибад̇д̇ид̣̇ассанад̇т̇ам̣ вуд̇д̇аа. д̇ад̇т̇а бад̇илийнажарассаад̇и д̇ад̇о д̇ад̇о бад̇илийнам̣ жид̇д̇ам̣ гад̇ваа жаранд̇асса. бхигкунод̇и галяаан̣абут̇уж̇ж̇анасса ваа сзгкасса ваа. саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаязд̇и д̇ассзд̇ам̣ бад̇ируубамааху, яо звам̣бадибанно нираяаад̣̇ибхзд̣̇з бхаванз ад̇д̇аанам̣ на д̣̇ассаяз. зван̃хи со имамхаа маран̣аа мужжзяяаад̇и ад̇хиббааяо.
45. Sattamagāthā evaṃ maraṇabbhāhate loke anurūpapaṭipattidassanatthaṃ vuttā. Tattha patilīnacarassāti tato tato patilīnaṃ cittaṃ katvā carantassa. Bhikkhunoti kalyāṇaputhujjanassa vā sekkhassa vā. Sāmaggiyamāhu tassa taṃ, yo attānaṃ bhavane na dassayeti tassetaṃ patirūpamāhu, yo evaṃpaṭipanno nirayādibhede bhavane attānaṃ na dassaye. Evañhi so imamhā maraṇā mucceyyāti adhippāyo.
бад̇илийнажараа вужжанд̇ийд̇и д̇ад̇о д̇ад̇о лийнажид̇д̇аажаараа гат̇ийяанд̇и. сад̇д̇а сзгкаад̇и ад̇хисийлаад̣̇ийсу д̇ийсу сигкаасу сигканд̇ийд̇и сод̇аабад̇д̇имаг̇г̇адтам̣ аад̣̇им̣ гад̇ваа яаава арахад̇д̇амаг̇г̇адтаа сад̇д̇а сзгкаа. арахаад̇и паладто. со нидтид̇ажид̇д̇ад̇д̇аа бад̇илийно. сзгкаанам̣ бад̇илийнажаран̣абхаавз гааран̣ам̣ д̣̇ассзнд̇о ‘‘гим̣ гааран̣аа’’д̇иаад̣̇имааха. д̇з д̇ад̇о д̇ад̇од̇и д̇з сад̇д̇а сзгкаа д̇зхи д̇зхи аарамман̣зхи жид̇д̇ам̣ бад̇илийнзнд̇аад̇и ад̇д̇ано жид̇д̇ам̣ нилийнзнд̇аа. бад̇игудзнд̇аад̇и сан̇гожзнд̇аа. бад̇иваддзнд̇аад̇и гадасаарагам̣ вияа аабхуж̇знд̇аа. саннируд̣̇д̇ханд̇аад̇и саннируж̇жханд̇аа. санниг̇ан̣ханд̇аад̇и ниг̇г̇ахам̣ гурумаанаа. санниваарзнд̇аад̇и ваараяамаанаа. рагканд̇аад̇и рагкам̣ гурумаанаа. г̇обзнд̇аад̇и жид̇д̇аман̃ж̇уусааяа г̇обаяамаанаа.
Patilīnacarā vuccantīti tato tato līnacittācārā kathīyanti. Satta sekkhāti adhisīlādīsu tīsu sikkhāsu sikkhantīti sotāpattimaggaṭṭhaṃ ādiṃ katvā yāva arahattamaggaṭṭhā satta sekkhā. Arahāti phalaṭṭho. So niṭṭhitacittattā patilīno. Sekkhānaṃ patilīnacaraṇabhāve kāraṇaṃ dassento ‘‘kiṃ kāraṇā’’tiādimāha. Te tato tatoti te satta sekkhā tehi tehi ārammaṇehi cittaṃ patilīnentāti attano cittaṃ nilīnentā. Patikuṭentāti saṅkocentā. Pativaṭṭentāti kaṭasārakaṃ viya ābhujentā. Sanniruddhantāti sannirujjhantā. Sannigaṇhantāti niggahaṃ kurumānā. Sannivārentāti vārayamānā. Rakkhantāti rakkhaṃ kurumānā. Gopentāti cittamañjūsāya gopayamānā.
ид̣̇аани д̣̇вааравасзна д̣̇ассзнд̇о ‘‘жагкуд̣̇ваарз’’д̇иаад̣̇имааха. д̇ад̇т̇а жагкуд̣̇ваарзд̇и жагкувин̃н̃аан̣ад̣̇ваарз. сод̇ад̣̇ваараад̣̇ийсуби зсзва наяо. бхигкунод̇и бут̇уж̇ж̇анагаляаан̣агасса ваа бхигкуно, сзгкасса ваа бхигкунод̇и бхигкусад̣̇д̣̇асса важанад̇т̇ам̣ авад̇ваа ид̇хаад̇хиббзд̇абхигкуязва д̣̇ассид̇о. д̇ад̇т̇а бут̇уж̇ж̇ано жа со гилзсаанам̣ асамужчиннад̇д̇аа, галяаан̣о жа сийлаад̣̇ибадибад̇д̇ияуд̇д̇ад̇д̇аад̇и бут̇уж̇ж̇анагаляаан̣ова бут̇уж̇ж̇анагаляаан̣аго, д̇асса бут̇уж̇ж̇анагаляаан̣агасса. ад̇хисийлаад̣̇ийни сигкад̇ийд̇и сзгко, д̇асса сзгкасса ваа сод̇аабаннасса ваа сагад̣̇ааг̇аамино ваа анааг̇аамино ваа.
Idāni dvāravasena dassento ‘‘cakkhudvāre’’tiādimāha. Tattha cakkhudvāreti cakkhuviññāṇadvāre. Sotadvārādīsupi eseva nayo. Bhikkhunoti puthujjanakalyāṇakassa vā bhikkhuno, sekkhassa vā bhikkhunoti bhikkhusaddassa vacanatthaṃ avatvā idhādhippetabhikkhuyeva dassito. Tattha puthujjano ca so kilesānaṃ asamucchinnattā, kalyāṇo ca sīlādipaṭipattiyuttattāti puthujjanakalyāṇova puthujjanakalyāṇako, tassa puthujjanakalyāṇakassa. Adhisīlādīni sikkhatīti sekkho, tassa sekkhassa vā sotāpannassa vā sakadāgāmino vā anāgāmino vā.
аасанд̇и нисийд̣̇анд̇и зд̇т̇аад̇и аасанам̣. яад̇т̇аад̇и язсу ман̃жабийтаад̣̇ийсу. ман̃жод̇иаад̣̇ийни аасанасса бабхзд̣̇аважанаани. ман̃жоби хи нисаж̇ж̇ааяаби огаасад̇д̇аа ид̇ха аасанзсу вуд̇д̇о, со бана масаарагаб̣унд̣̇игааб̣ад̣̇д̇хагул̣ийрабаад̣̇агааахажжабаад̣̇агаанам̣ ан̃н̃ад̇аро. бийтамби д̇зсам̣ ан̃н̃ад̇арамзва. бхисийд̇и ун̣н̣абхиси жол̣абхиси ваагабхиси д̇ин̣абхиси бан̣н̣абхисийнам̣ ан̃н̃ад̇араа. д̇аддигаад̇и д̇аалабан̣н̣аад̣̇ийхи винид̇ваа гад̇аа. жаммакан̣д̣од̇и нисаж̇ж̇аарахо яо гожи жаммакан̣д̣о. д̇ин̣асант̇аараад̣̇аяо д̇ин̣аад̣̇ийни г̇умб̣зд̇ваа гад̇аа. асаббааяаруубад̣̇ассанзнаад̇и асаббааяаанам̣ идтаруубаанам̣ ологанзна. рид̇д̇анд̇и аб̣бханд̇арад̇о д̇ужчам̣. вивид̇д̇анд̇и б̣ахид̣̇д̇хаабавзсанзна сун̃н̃ам̣. бавивид̇д̇анд̇и гожи г̇ахадто д̇ад̇т̇а над̇т̇ийд̇и ад̇ирзгзна сун̃н̃ам̣. асаббааяасад̣̇д̣̇ассаванзби зсзва наяо. бан̃жахи гаамаг̇ун̣зхийд̇и ид̇т̇ируубасад̣̇д̣̇аг̇анд̇харасаподтаб̣б̣зхи бан̃жахи гаамагодтаасзхи. вуд̇д̇амби жзд̇ам̣ –
Āsanti nisīdanti etthāti āsanaṃ. Yatthāti yesu mañcapīṭhādīsu. Mañcotiādīni āsanassa pabhedavacanāni. Mañcopi hi nisajjāyapi okāsattā idha āsanesu vutto, so pana masārakabundikābaddhakuḷīrapādakaāhaccapādakānaṃ aññataro. Pīṭhampi tesaṃ aññatarameva. Bhisīti uṇṇabhisi coḷabhisi vākabhisi tiṇabhisi paṇṇabhisīnaṃ aññatarā. Taṭṭikāti tālapaṇṇādīhi vinitvā katā. Cammakhaṇḍoti nisajjāraho yo koci cammakhaṇḍo. Tiṇasanthārādayo tiṇādīni gumbetvā katā. Asappāyarūpadassanenāti asappāyānaṃ iṭṭharūpānaṃ olokanena. Rittanti abbhantarato tucchaṃ. Vivittanti bahiddhāpavesanena suññaṃ. Pavivittanti koci gahaṭṭho tattha natthīti atirekena suññaṃ. Asappāyasaddassavanepi eseva nayo. Pañcahi kāmaguṇehīti itthirūpasaddagandharasaphoṭṭhabbehi pañcahi kāmakoṭṭhāsehi. Vuttampi cetaṃ –
‘‘руубаа сад̣̇д̣̇аа расаа г̇анд̇хаа, подтаб̣б̣аа жа манорамаа;
‘‘Rūpā saddā rasā gandhā, phoṭṭhabbā ca manoramā;
бан̃жа гаамаг̇ун̣аа логз, ид̇т̇ируубасмим̣ д̣̇иссарз’’д̇и. (а. ни. 5.55);
Pañca kāmaguṇā loke, itthirūpasmiṃ dissare’’ti. (a. ni. 5.55);
бхаж̇ад̇од̇и жид̇д̇зна сзванам̣ гаронд̇асса. самбхаж̇ад̇од̇и саммаа сзванд̇асса. сзвад̇од̇и убасан̇гаманд̇асса. нисзвад̇од̇и ниссаяам̣ гад̇ваа сзванд̇асса. сам̣сзвад̇од̇и судту сзванд̇асса. бадисзвад̇од̇и бунаббунам̣ убасан̇гаманд̇асса.
Bhajatoti cittena sevanaṃ karontassa. Sambhajatoti sammā sevantassa. Sevatoti upasaṅkamantassa. Nisevatoti nissayaṃ katvā sevantassa. Saṃsevatoti suṭṭhu sevantassa. Paṭisevatoti punappunaṃ upasaṅkamantassa.
г̇ан̣асаамаг̇г̇ийд̇и саман̣аанам̣ згийбхааво самаг̇г̇абхааво. д̇хаммасаамаг̇г̇ийд̇и сад̇д̇ад̇им̣саб̣од̇хибагкияад̇хаммаанам̣ самуухабхааво. анабхиниб̣б̣ад̇д̇исаамаг̇г̇ийд̇и аниб̣б̣ад̇д̇амаанаанам̣ ануббаж̇ж̇амаанаанам̣ анубаад̣̇исзсааяа ниб̣б̣аанад̇хаад̇уяаа бариниб̣б̣уд̇аанам̣ араханд̇аанам̣ самуухо. самаг̇г̇аад̇и гааязна авияог̇аа. саммод̣̇амаанаад̇и жид̇д̇зна судту мод̣̇амаанаа д̇уссамаанаа. авивад̣̇амаанаад̇и ваажааяа виваад̣̇ам̣ агурумаанаа. кийрод̣̇агийбхууд̇аад̇и кийрзна сам̣садтауд̣̇агасад̣̇исаа.
Gaṇasāmaggīti samaṇānaṃ ekībhāvo samaggabhāvo. Dhammasāmaggīti sattatiṃsabodhipakkhiyadhammānaṃ samūhabhāvo. Anabhinibbattisāmaggīti anibbattamānānaṃ anuppajjamānānaṃ anupādisesāya nibbānadhātuyā parinibbutānaṃ arahantānaṃ samūho. Samaggāti kāyena aviyogā. Sammodamānāti cittena suṭṭhu modamānā tussamānā. Avivadamānāti vācāya vivādaṃ akurumānā. Khīrodakībhūtāti khīrena saṃsaṭṭhaudakasadisā.
д̇з згад̇о багканд̣̇анд̇ийд̇и д̇з б̣од̇хибагкияад̇хаммаа згам̣ аарамман̣ам̣ бависанд̇и. басийд̣̇анд̇ийд̇и д̇асмим̣язва аарамман̣з басаад̣̇амаабаж̇ж̇анд̇и. анубаад̣̇исзсааяаад̇и убаад̣̇ивирахид̇ааяа.
Te ekato pakkhandantīti te bodhipakkhiyadhammā ekaṃ ārammaṇaṃ pavisanti. Pasīdantīti tasmiṃyeva ārammaṇe pasādamāpajjanti. Anupādisesāyāti upādivirahitāya.
ниб̣б̣аанад̇хаад̇уяаад̇и амад̇амахааниб̣б̣аанад̇хаад̇уяаа. уунад̇д̇ам̣ ваад̇и зд̇т̇а унабхааво уунад̇д̇ам̣, абарибун̣н̣абхаавод̇и ад̇т̇о. бун̣н̣ад̇д̇ам̣ ваад̇и барибун̣н̣абхааво бун̣н̣ад̇д̇ам̣, бун̣н̣абхааво ваа на бан̃н̃ааяад̇и над̇т̇ийд̇и ад̇т̇о.
Nibbānadhātuyāti amatamahānibbānadhātuyā. Ūnattaṃ vāti ettha unabhāvo ūnattaṃ, aparipuṇṇabhāvoti attho. Puṇṇattaṃ vāti paripuṇṇabhāvo puṇṇattaṃ, puṇṇabhāvo vā na paññāyati natthīti attho.
нзраяигаананд̇и нираяз ниб̣б̣ад̇д̇анагагаммаанам̣ ад̇т̇ибхаавзна. нираяам̣ араханд̇ийд̇и нзраяигаа, д̇зсам̣ нзраяигаанам̣. нираяо бхавананд̇и нираяо зва д̇зсам̣ васанадтаанам̣ гхарам̣. д̇иражчаанаяонигаананд̇иаад̣̇ийсуби зсзва наяо. д̇ассзсаа саамаг̇г̇ийд̇и д̇асса кийн̣аасавасса зсаа ниб̣б̣аанасаамаг̇г̇ий. зд̇ам̣ чаннанд̇и зд̇ам̣ анужчавигам̣. бад̇ируубанд̇и сад̣̇исам̣ бадибхааг̇ам̣, асад̣̇исам̣ аббадибхааг̇ам̣ на ход̇и. анужчавиганд̇и зд̇ам̣ саман̣аб̣раахман̣аанам̣ ваа д̇хаммаанам̣, маг̇г̇апаланиб̣б̣аанасаасанад̇хаммаанам̣ ваа анужчавигам̣. д̇зсам̣ чавим̣ чааяам̣ сунд̣̇арабхаавам̣ анвзд̇и ануг̇ажчад̇и, ат̇а ко санд̇игаава д̇зхи д̇хаммзхи анужчавигад̇д̇аа зва жа ануломам̣. д̇зсан̃жа ануломзд̇и, ат̇а ко на виломам̣ на бажжанийгабхаавз тид̇ам̣.
Nerayikānanti niraye nibbattanakakammānaṃ atthibhāvena. Nirayaṃ arahantīti nerayikā, tesaṃ nerayikānaṃ. Nirayo bhavananti nirayo eva tesaṃ vasanaṭṭhānaṃ gharaṃ. Tiracchānayonikānantiādīsupi eseva nayo. Tassesā sāmaggīti tassa khīṇāsavassa esā nibbānasāmaggī. Etaṃ channanti etaṃ anucchavikaṃ. Patirūpanti sadisaṃ paṭibhāgaṃ, asadisaṃ appaṭibhāgaṃ na hoti. Anucchavikanti etaṃ samaṇabrāhmaṇānaṃ vā dhammānaṃ, maggaphalanibbānasāsanadhammānaṃ vā anucchavikaṃ. Tesaṃ chaviṃ chāyaṃ sundarabhāvaṃ anveti anugacchati, atha kho santikāva tehi dhammehi anucchavikattā eva ca anulomaṃ. Tesañca anulometi, atha kho na vilomaṃ na paccanīkabhāve ṭhitaṃ.
46. ид̣̇аани ‘‘яо ад̇д̇аанам̣ бхаванз на д̣̇ассаяз’’д̇и звам̣ кийн̣аасаво вибхаавид̇о, д̇асса ван̣н̣абхан̣анад̇т̇ам̣ ид̇о бараа д̇иссо г̇аат̇ааяо ааха. д̇ад̇т̇а батамаг̇аат̇ааяа саб̣б̣ад̇т̇аад̇и д̣̇ваад̣̇асасу ааяад̇анзсу. на бияам̣ губ̣б̣ад̇и ноби аббияанд̇и нид̣̇д̣̇зсз бияаад̇и жид̇д̇з бийд̇игараа. д̇з вибхааг̇ад̇о д̣̇ассзнд̇о ‘‘гад̇амз сад̇д̇аа бияаа, ид̇ха яасса д̇з хонд̇ий’’д̇и ааха. д̇ад̇т̇а яасса д̇зд̇и яз асса д̇з. хонд̇ийд̇и бхаванд̇и. ад̇т̇агаамаад̇и вад̣дхигаамаа. хид̇агаамаад̇и сукагаамаа. паасугаамаад̇и сукавихаарагаамаа. яог̇агкзмагаамаад̇и жад̇уухи яог̇зхи кзмам̣ ниб̣бхаяам̣ гаамаа. мамааяад̇ийд̇и маад̇аа. бияааяад̇ийд̇и бид̇аа. бхаж̇ад̇ийд̇и бхаад̇аа. бхаг̇инийд̇и зд̇т̇ааби зсзва наяо. бум̣ д̇ааяад̇и рагкад̇ийд̇и буд̇д̇о. гулавам̣сам̣ д̇хаарзд̇ийд̇и д̇хийд̇аа. мид̇д̇аа сахааяаа. амажжаа бхажжаа. н̃аад̇ий бид̇убагкигаа. саалохид̇аа маад̇ибагкигаа. имз сад̇д̇аа бияаад̇и имз сад̇д̇аа бийд̇иж̇анагаа. вуд̇д̇авибарияааязна аббияаа взд̣̇ид̇аб̣б̣аа.
46. Idāni ‘‘yo attānaṃ bhavane na dassaye’’ti evaṃ khīṇāsavo vibhāvito, tassa vaṇṇabhaṇanatthaṃ ito parā tisso gāthāyo āha. Tattha paṭhamagāthāya sabbatthāti dvādasasu āyatanesu. Na piyaṃ kubbati nopi appiyanti niddese piyāti citte pītikarā. Te vibhāgato dassento ‘‘katame sattā piyā, idha yassa te hontī’’ti āha. Tattha yassa teti ye assa te. Hontīti bhavanti. Atthakāmāti vaḍḍhikāmā. Hitakāmāti sukhakāmā. Phāsukāmāti sukhavihārakāmā. Yogakkhemakāmāti catūhi yogehi khemaṃ nibbhayaṃ kāmā. Mamāyatīti mātā. Piyāyatīti pitā. Bhajatīti bhātā. Bhaginīti etthāpi eseva nayo. Puṃ tāyati rakkhatīti putto. Kulavaṃsaṃ dhāretīti dhītā. Mittā sahāyā. Amaccā bhaccā. Ñātī pitupakkhikā. Sālohitā mātipakkhikā. Ime sattā piyāti ime sattā pītijanakā. Vuttavipariyāyena appiyā veditabbā.
47. яад̣̇ид̣̇ам̣ д̣̇идтасуд̇амуд̇зсу ваад̇и зд̇т̇а бана яад̣̇ид̣̇ам̣ д̣̇идтасуд̇ам̣, зд̇т̇а ваа муд̇зсу ваа д̇хаммзсу; звам̣ муни на убалимбад̇ийд̇и звам̣ самб̣анд̇хо взд̣̇ид̇аб̣б̣о.
47.Yadidaṃ diṭṭhasutamutesu vāti ettha pana yadidaṃ diṭṭhasutaṃ, ettha vā mutesu vā dhammesu; evaṃ muni na upalimpatīti evaṃ sambandho veditabbo.
уд̣̇агат̇звод̇и уд̣̇агасса т̇зво. ‘‘уд̣̇агад̇т̇зваго’’д̇иби баато. бад̣̇умабад̇д̇зд̇и бад̣̇уминибад̇д̇з.
Udakathevoti udakassa thevo. ‘‘Udakatthevako’’tipi pāṭho. Padumapatteti paduminipatte.
48. д̇хоно на хи д̇зна ман̃н̃ад̇и, яад̣̇ид̣̇ам̣ д̣̇идтасуд̇амуд̇зсу ваад̇и ад̇рааби яад̣̇ид̣̇ам̣ д̣̇идтасуд̇ам̣, д̇зна вад̇т̇унаа на ман̃н̃ад̇и, муд̇зсу ваа д̇хаммзсу на ман̃н̃ад̇ийд̇и звамзва самб̣анд̇хо взд̣̇ид̇аб̣б̣о. на хи со раж̇ж̇ад̇и, но вираж̇ж̇ад̇ийд̇и б̣аалабут̇уж̇ж̇ано вияа на раж̇ж̇ад̇и, галяаан̣абут̇уж̇ж̇анасзгкаа вияа на вираж̇ж̇ад̇и, рааг̇асса кийн̣ад̇д̇аа ‘‘вирад̇д̇о’’д̇взва сан̇кам̣ г̇ажчад̇и. сзсам̣ баагадамзваад̇и.
48.Dhono na hi tena maññati, yadidaṃ diṭṭhasutamutesu vāti atrāpi yadidaṃ diṭṭhasutaṃ, tena vatthunā na maññati, mutesu vā dhammesu na maññatīti evameva sambandho veditabbo. Na hi so rajjati, no virajjatīti bālaputhujjano viya na rajjati, kalyāṇaputhujjanasekkhā viya na virajjati, rāgassa khīṇattā ‘‘viratto’’tveva saṅkhaṃ gacchati. Sesaṃ pākaṭamevāti.
д̇ааяа бан̃н̃ааяа гааяад̣̇ужжарид̇анд̇и самбаяуд̇д̇ааяа буб̣б̣абхааг̇ааязва ваа бан̃н̃ааяа бариг̇г̇ахзд̇аб̣б̣з бариг̇г̇ан̣ханд̇о яог̇ий д̇ивид̇хам̣ гааяад̣̇ужжарид̇ам̣ самужчзд̣̇авасзна д̇хунаад̇и. аяан̃жа буг̇г̇ало вибаннад̇хаммам̣ д̣̇зсанаад̇хаммзсу д̇хунанд̇зсу д̇ам̣д̇хаммасаман̇г̇ийбуг̇г̇алоби д̇хунаад̇и наама. д̇з жа д̇хаммз бан̃н̃ааяа ад̇д̇ано бавад̇д̇игкан̣з д̇хунид̇умаарад̣̇д̇хо д̇худ̇аад̇и вужжад̇и, яат̇аа бхун̃ж̇ид̇умаарад̣̇д̇хо бхуд̇д̇од̇и вужжад̇и. лагкан̣ам̣ банзд̇т̇а сад̣̇д̣̇асад̇т̇ад̇о взд̣̇ид̇аб̣б̣ам̣. д̇худ̇анд̇и гад̇д̇усаад̇ханам̣. д̇худ̇ам̣ батамамаг̇г̇зна. д̇ход̇ам̣ д̣̇уд̇ияамаг̇г̇зна. санд̇ход̇ам̣ д̇ад̇ияамаг̇г̇зна. нид̣̇д̇ход̇ам̣ жад̇уд̇т̇амаг̇г̇зна.
Tāyapaññāya kāyaduccaritanti sampayuttāya pubbabhāgāyeva vā paññāya pariggahetabbe pariggaṇhanto yogī tividhaṃ kāyaduccaritaṃ samucchedavasena dhunāti. Ayañca puggalo vipannadhammaṃ desanādhammesu dhunantesu taṃdhammasamaṅgīpuggalopi dhunāti nāma. Te ca dhamme paññāya attano pavattikkhaṇe dhunitumāraddho dhutāti vuccati, yathā bhuñjitumāraddho bhuttoti vuccati. Lakkhaṇaṃ panettha saddasatthato veditabbaṃ. Dhutanti kattusādhanaṃ. Dhutaṃ paṭhamamaggena. Dhotaṃ dutiyamaggena. Sandhotaṃ tatiyamaggena. Niddhotaṃ catutthamaggena.
д̇хоно д̣̇идтам̣ на ман̃н̃ад̇ийд̇и арахаа мам̣сажагкунаа д̣̇идтам̣ д̣̇иб̣б̣ажагкунаа д̣̇идтам̣ руубааяад̇анам̣ на ман̃н̃ад̇и д̇ийхи ман̃н̃анаахи, гат̇ам̣? руубааяад̇анам̣ субхасан̃н̃ааяа сукасан̃н̃ааяа жа бассанд̇о на д̇ад̇т̇а чанд̣̇арааг̇ам̣ ж̇анзд̇и на д̇ам̣ ассаад̣̇зд̇и наабхинанд̣̇ад̇и, звам̣ д̣̇идтам̣ д̇ан̣хааман̃н̃анааяа на ман̃н̃ад̇и. ‘‘ид̇и мз руубам̣ сияаа анааг̇ад̇амад̣̇д̇хаана’’нд̇и ваа банзд̇т̇а нанд̣̇им̣ на саманнаанзд̇и. руубасамбад̣̇ам̣ ваа ааган̇камаано д̣̇аанам̣ на д̣̇зд̇и, сийлам̣ на самаад̣̇ияад̇и, убосат̇агаммам̣ на гарод̇и. звамби д̣̇идтам̣ д̇ан̣хааман̃н̃анааяа на ман̃н̃ад̇и, ад̇д̇ано бана барасса жа руубасамбад̇д̇ивибад̇д̇им̣ ниссааяа маанам̣ на ж̇анзд̇и. ‘‘иминаахам̣ сзяяосмийд̇и ваа, сад̣̇исосмийд̇и ваа, хийносмийд̇и ваа’’д̇и звам̣ д̣̇идтам̣ маанаман̃н̃анааяа на ман̃н̃ад̇и. руубааяад̇анам̣ бана ‘‘нижжам̣ д̇хувам̣ сассад̇а’’нд̇и на ман̃н̃ад̇и. ад̇д̇аанам̣ ‘‘ад̇д̇анияа’’нд̇и на ман̃н̃ад̇и. ман̇г̇алам̣ ‘‘аман̇г̇ала’’нд̇и на ман̃н̃ад̇и. звам̣ д̣̇идтам̣ д̣̇идтиман̃н̃анааяа на ман̃н̃ад̇и. д̣̇идтасмим̣ на ман̃н̃ад̇ийд̇и руубасмим̣ ад̇д̇аанам̣ саманубассананаязна аман̃н̃анд̇о д̣̇идтасмим̣ на ман̃н̃ад̇и. яат̇аа ваа т̇анз т̇ан̃н̃ам̣, звам̣ руубасмим̣ рааг̇аад̣̇аяод̇и аман̃н̃анд̇оби д̣̇идтасмим̣ на ман̃н̃ад̇и. д̇асмим̣язва банасса д̣̇идтиман̃н̃анааяа аман̃н̃ид̇з вад̇т̇усмим̣ синзхам̣ маанан̃жа на уббаад̣̇аяад̇о д̇ан̣хаамаанаман̃н̃анааби над̇т̇ийд̇и взд̣̇ид̇аб̣б̣аа. звам̣ д̣̇идтасмим̣ на ман̃н̃ад̇и. д̣̇идтад̇о на ман̃н̃ад̇ийд̇и зд̇т̇а бана д̣̇идтад̇од̇и ниссаггаважанам̣. д̇асмаа саубагааран̣асса ад̇д̇ано ваа барасса ваа яат̇аавуд̇д̇аббабхзд̣̇ад̇о д̣̇идтад̇о убабад̇д̇и ваа ниг̇г̇аманам̣ ваа д̣̇идтад̇о ваа ан̃н̃о ад̇д̇аад̇и аман̃н̃амаано д̣̇идтад̇о на ман̃н̃ад̇ийд̇и взд̣̇ид̇аб̣б̣о. аяамасса на д̣̇идтиман̃н̃анаа. д̇асмим̣язва банасса д̣̇идтиман̃н̃анааяа аман̃н̃ид̇з вад̇т̇усмим̣ синзхам̣ маанан̃жа на уббаад̣̇аяад̇о на д̇ан̣хаамаанаман̃н̃анааби взд̣̇ид̇аб̣б̣аа.
Dhono diṭṭhaṃ na maññatīti arahā maṃsacakkhunā diṭṭhaṃ dibbacakkhunā diṭṭhaṃ rūpāyatanaṃ na maññati tīhi maññanāhi, kathaṃ? Rūpāyatanaṃ subhasaññāya sukhasaññāya ca passanto na tattha chandarāgaṃ janeti na taṃ assādeti nābhinandati, evaṃ diṭṭhaṃ taṇhāmaññanāya na maññati. ‘‘Iti me rūpaṃ siyā anāgatamaddhāna’’nti vā panettha nandiṃ na samannāneti. Rūpasampadaṃ vā ākaṅkhamāno dānaṃ na deti, sīlaṃ na samādiyati, uposathakammaṃ na karoti. Evampi diṭṭhaṃ taṇhāmaññanāya na maññati, attano pana parassa ca rūpasampattivipattiṃ nissāya mānaṃ na janeti. ‘‘Imināhaṃ seyyosmīti vā, sadisosmīti vā, hīnosmīti vā’’ti evaṃ diṭṭhaṃ mānamaññanāya na maññati. Rūpāyatanaṃ pana ‘‘niccaṃ dhuvaṃ sassata’’nti na maññati. Attānaṃ ‘‘attaniya’’nti na maññati. Maṅgalaṃ ‘‘amaṅgala’’nti na maññati. Evaṃ diṭṭhaṃ diṭṭhimaññanāya na maññati. Diṭṭhasmiṃ na maññatīti rūpasmiṃ attānaṃ samanupassananayena amaññanto diṭṭhasmiṃ na maññati. Yathā vā thane thaññaṃ, evaṃ rūpasmiṃ rāgādayoti amaññantopi diṭṭhasmiṃ na maññati. Tasmiṃyeva panassa diṭṭhimaññanāya amaññite vatthusmiṃ sinehaṃ mānañca na uppādayato taṇhāmānamaññanāpi natthīti veditabbā. Evaṃ diṭṭhasmiṃ na maññati. Diṭṭhato na maññatīti ettha pana diṭṭhatoti nissakkavacanaṃ. Tasmā saupakāraṇassa attano vā parassa vā yathāvuttappabhedato diṭṭhato upapatti vā niggamanaṃ vā diṭṭhato vā añño attāti amaññamāno diṭṭhato na maññatīti veditabbo. Ayamassa na diṭṭhimaññanā. Tasmiṃyeva panassa diṭṭhimaññanāya amaññite vatthusmiṃ sinehaṃ mānañca na uppādayato na taṇhāmānamaññanāpi veditabbā.
д̣̇идтаа мзд̇и на ман̃н̃ад̇ийд̇и зд̇т̇а бана ‘‘зд̇ам̣ мамаа’’д̇и д̇ан̣хаавасзна амамааяамаано д̣̇идтам̣ д̇ан̣хааман̃н̃анааяа на ман̃н̃ад̇и. суд̇анд̇и мам̣сасод̇знаби суд̇ам̣, д̣̇иб̣б̣асод̇знаби суд̇ам̣, сад̣̇д̣̇ааяад̇анассзд̇ам̣ ад̇хиважанам̣. муд̇анд̇и муд̇ваа мунид̇ваа жа г̇ахид̇ам̣ аахажжа убаг̇анд̇ваад̇и ад̇т̇о. инд̣̇рияаанам̣ аарамман̣аанан̃жа ан̃н̃аман̃н̃ам̣ сам̣гилзсз вин̃н̃аад̇анд̇и вуд̇д̇ам̣ ход̇и. г̇анд̇харасаподтаб̣б̣ааяад̇анаанам̣ зд̇ам̣ ад̇хиважанам̣. вин̃н̃аад̇анд̇и манасаа вин̃н̃аад̇ам̣, сзсаанам̣ сад̇д̇аанам̣ ааяад̇анаанамзд̇ам̣ ад̇хиважанам̣, д̇хаммаарамман̣асса ваа, ид̇ха бана саггааяабарияаабаннамзва лаб̣бхад̇и. вид̇т̇ааро банзд̇т̇а д̣̇идтаваарз вуд̇д̇анаязна взд̣̇ид̇аб̣б̣о.
Diṭṭhā meti na maññatīti ettha pana ‘‘etaṃ mamā’’ti taṇhāvasena amamāyamāno diṭṭhaṃ taṇhāmaññanāya na maññati. Sutanti maṃsasotenapi sutaṃ, dibbasotenapi sutaṃ, saddāyatanassetaṃ adhivacanaṃ. Mutanti mutvā munitvā ca gahitaṃ āhacca upagantvāti attho. Indriyānaṃ ārammaṇānañca aññamaññaṃ saṃkilese viññātanti vuttaṃ hoti. Gandharasaphoṭṭhabbāyatanānaṃ etaṃ adhivacanaṃ. Viññātanti manasā viññātaṃ, sesānaṃ sattānaṃ āyatanānametaṃ adhivacanaṃ, dhammārammaṇassa vā, idha pana sakkāyapariyāpannameva labbhati. Vitthāro panettha diṭṭhavāre vuttanayena veditabbo.
ид̣̇аани бхаг̇авад̇аа вуд̇д̇асуд̇д̇авасзна д̣̇ассзнд̇о ‘‘асмийд̇и бхигкавз’’д̇иаад̣̇имааха. д̇ад̇т̇а асмийд̇и бхаваами, нижжассзд̇ам̣ ад̇хиважанам̣. ман̃н̃ид̇амзд̇анд̇и д̣̇идтигаббанам̣ зд̇ам̣. аяамахамасмийд̇и аяам̣ ахам̣ асми бхаваами.
Idāni bhagavatā vuttasuttavasena dassento ‘‘asmīti bhikkhave’’tiādimāha. Tattha asmīti bhavāmi, niccassetaṃ adhivacanaṃ. Maññitametanti diṭṭhikappanaṃ etaṃ. Ayamahamasmīti ayaṃ ahaṃ asmi bhavāmi.
ан̃н̃ад̇ра сад̇ибадтаанзхийд̇и табзд̇ваа жад̇усад̇ибадтаанз.
Aññatra satipaṭṭhānehīti ṭhapetvā catusatipaṭṭhāne.
саб̣б̣з б̣аалабут̇уж̇ж̇анаа раж̇ж̇анд̇ийд̇и сагалаа анд̇хаб̣аалаа наанааж̇анаа лаг̇г̇анд̇и. сад̇д̇а сзгкаа вираж̇ж̇анд̇ийд̇и сод̇аабаннаад̣̇аяо сад̇д̇а арияаж̇анаа вирааг̇ам̣ аабаж̇ж̇анд̇и . арахаа нзва раж̇ж̇ад̇и но вираж̇ж̇ад̇ийд̇и гилзсаанам̣ бариниб̣б̣аабид̇ад̇д̇аа убхаяамби на гарод̇и. каяаа рааг̇ассаад̇иаад̣̇аяо д̇ивид̇хааби ниб̣б̣аанамзва.
Sabbe bālaputhujjanā rajjantīti sakalā andhabālā nānājanā lagganti. Satta sekkhā virajjantīti sotāpannādayo satta ariyajanā virāgaṃ āpajjanti . Arahā neva rajjati no virajjatīti kilesānaṃ parinibbāpitattā ubhayampi na karoti. Khayā rāgassātiādayo tividhāpi nibbānameva.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
ж̇араасуд̇д̇анид̣̇д̣̇зсаван̣н̣анаа нидтид̇аа.
Jarāsuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 6. ж̇араасуд̇д̇анид̣̇д̣̇зсо • 6. Jarāsuttaniddeso
