| Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi |
6. ж̇араасуд̇д̇анид̣̇д̣̇зсо
6. Jarāsuttaniddeso
ат̇а ж̇араасуд̇д̇анид̣̇д̣̇зсам̣ вагкад̇и –
Atha jarāsuttaniddesaṃ vakkhati –
39.
39.
аббам̣ вад̇а ж̇ийвид̇ам̣ ид̣̇ам̣, орам̣ вассасад̇ааби мияяад̇и 1 ;
Appaṃvata jīvitaṃ idaṃ, oraṃ vassasatāpi miyyati2;
яо жзби ад̇ижжа ж̇ийвад̇и, ат̇а ко со ж̇арасааби мияяад̇и.
Yo cepi aticca jīvati, atha kho so jarasāpi miyyati.
аббам̣ вад̇а ж̇ийвид̇ам̣ ид̣̇анд̇и. ж̇ийвид̇анд̇и ааяу тид̇и яабанаа яаабанаа ирияанаа вад̇д̇анаа бааланаа ж̇ийвид̇ам̣ ж̇ийвид̇инд̣̇рияам̣. аби жа, д̣̇вийхи гааран̣зхи аббагам̣ ж̇ийвид̇ам̣ т̇огам̣ ж̇ийвид̇ам̣ – тид̇ибарид̇д̇ад̇ааяа ваа аббагам̣ ж̇ийвид̇ам̣, сарасабарид̇д̇ад̇ааяа ваа аббагам̣ ж̇ийвид̇ам̣. гат̇ам̣ тид̇ибарид̇д̇ад̇ааяа ваа аббагам̣ ж̇ийвид̇ам̣? ад̇ийд̇з жид̇д̇агкан̣з ж̇ийвид̇т̇а, на ж̇ийвад̇и на ж̇ийвиссад̇и; анааг̇ад̇з жид̇д̇агкан̣з ж̇ийвиссад̇и, на ж̇ийвад̇и на ж̇ийвид̇т̇а; бажжуббаннз жид̇д̇агкан̣з ж̇ийвад̇и, на ж̇ийвид̇т̇а на ж̇ийвиссад̇и.
Appaṃ vata jīvitaṃ idanti. Jīvitanti āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ. Api ca, dvīhi kāraṇehi appakaṃ jīvitaṃ thokaṃ jīvitaṃ – ṭhitiparittatāya vā appakaṃ jīvitaṃ, sarasaparittatāya vā appakaṃ jīvitaṃ. Kathaṃ ṭhitiparittatāya vā appakaṃ jīvitaṃ? Atīte cittakkhaṇe jīvittha, na jīvati na jīvissati; anāgate cittakkhaṇe jīvissati, na jīvati na jīvittha; paccuppanne cittakkhaṇe jīvati, na jīvittha na jīvissati.
‘‘ж̇ийвид̇ам̣ ад̇д̇абхааво жа, сукад̣̇угкаа жа гзвалаа;
‘‘Jīvitaṃ attabhāvo ca, sukhadukkhā ca kevalā;
згажид̇д̇асамааяуд̇д̇аа, лахусо вад̇д̇ад̇з кан̣о.
Ekacittasamāyuttā, lahuso vattate khaṇo.
‘‘жуллаасийд̇исахассаани, габбаа д̇идтанд̇и яз маруу;
‘‘Cullāsītisahassāni, kappā tiṭṭhanti ye marū;
на д̇взва д̇зби ж̇ийванд̇и, д̣̇вийхи жид̇д̇зхи сам̣яуд̇аа 3.
Na tveva tepi jīvanti, dvīhi cittehi saṃyutā 4.
‘‘яз нируд̣̇д̇хаа маранд̇асса, д̇идтамаанасса ваа ид̇ха;
‘‘Ye niruddhā marantassa, tiṭṭhamānassa vā idha;
саб̣б̣зби сад̣̇исаа канд̇хаа, г̇ад̇аа аббадисанд̇хигаа.
Sabbepi sadisā khandhā, gatā appaṭisandhikā.
‘‘ананд̇араа жа яз бхаг̇г̇аа, яз жа бхаг̇г̇аа анааг̇ад̇аа;
‘‘Anantarā ca ye bhaggā, ye ca bhaggā anāgatā;
д̇ад̣̇анд̇арз нируд̣̇д̇хаанам̣, взсамам̣ над̇т̇и лагкан̣з.
Tadantare niruddhānaṃ, vesamaṃ natthi lakkhaṇe.
‘‘аниб̣б̣ад̇д̇зна на ж̇аад̇о, бажжуббаннзна ж̇ийвад̇и;
‘‘Anibbattena na jāto, paccuppannena jīvati;
жид̇д̇абхаг̇г̇аа мад̇о лого, бан̃н̃ад̇д̇и барамад̇т̇ияаа.
Cittabhaggā mato loko, paññatti paramatthiyā.
‘‘яат̇аа ниннаа бавад̇д̇анд̇и, чанд̣̇зна барин̣аамид̇аа;
‘‘Yathā ninnā pavattanti, chandena pariṇāmitā;
ажчиннад̇хаараа вад̇д̇анд̇и, сал̣ааяад̇анабажжаяаа.
Acchinnadhārā vattanti, saḷāyatanapaccayā.
‘‘анид̇хаанаг̇ад̇аа бхаг̇г̇аа, бун̃ж̇о над̇т̇и анааг̇ад̇з;
‘‘Anidhānagatā bhaggā, puñjo natthi anāgate;
ниб̣б̣ад̇д̇аа яз жа д̇идтанд̇и, аараг̇г̇з саасабуубамаа.
Nibbattā ye ca tiṭṭhanti, āragge sāsapūpamā.
‘‘ниб̣б̣ад̇д̇аанан̃жа д̇хаммаанам̣, бхан̇г̇о нзсам̣ бурагкад̇о;
‘‘Nibbattānañca dhammānaṃ, bhaṅgo nesaṃ purakkhato;
балогад̇хаммаа д̇идтанд̇и, бураан̣зхи амиссид̇аа.
Palokadhammā tiṭṭhanti, purāṇehi amissitā.
‘‘ад̣̇ассанад̇о ааяанд̇и, бхан̇г̇аа г̇ажчанд̇и д̣̇ассанам̣;
‘‘Adassanato āyanti, bhaṅgā gacchanti dassanaṃ;
виж̇ж̇уббаад̣̇ова аагаасз, уббаж̇ж̇анд̇и ваяанд̇и жаа’’д̇и.
Vijjuppādova ākāse, uppajjanti vayanti cā’’ti.
звам̣ тид̇ибарид̇д̇ад̇ааяа аббагам̣ ж̇ийвид̇ам̣.
Evaṃ ṭhitiparittatāya appakaṃ jīvitaṃ.
гат̇ам̣ сарасабарид̇д̇ад̇ааяа аббагам̣ ж̇ийвид̇ам̣? ассаасуубаниб̣ад̣̇д̇хам̣ 5 ж̇ийвид̇ам̣, бассаасуубаниб̣ад̣̇д̇хам̣ ж̇ийвид̇ам̣, ассаасабассаасуубаниб̣ад̣̇д̇хам̣ ж̇ийвид̇ам̣, махаабхууд̇уубаниб̣ад̣̇д̇хам̣ ж̇ийвид̇ам̣, габ̣ал̣ийгаараахааруубаниб̣ад̣̇д̇хам̣ ж̇ийвид̇ам̣, усмуубаниб̣ад̣̇д̇хам̣ ж̇ийвид̇ам̣, вин̃н̃аан̣уубаниб̣ад̣̇д̇хам̣ ж̇ийвид̇ам̣. мууламби имзсам̣ д̣̇уб̣б̣алам̣, буб̣б̣ахзд̇ууби имзсам̣ д̣̇уб̣б̣алаа, яз бажжаяаа д̇зби д̣̇уб̣б̣алаа, язби бабхаавигаа д̇зби д̣̇уб̣б̣алаа, сахабхууби имзсам̣ д̣̇уб̣б̣алаа, самбаяог̇ааби имзсам̣ д̣̇уб̣б̣алаа, сахаж̇ааби имзсам̣ д̣̇уб̣б̣алаа, яааби баяож̇игаа сааби д̣̇уб̣б̣алаа. ан̃н̃аман̃н̃ам̣ имз нижжад̣̇уб̣б̣алаа, ан̃н̃аман̃н̃ам̣ анавадтид̇аа имз. ан̃н̃аман̃н̃ам̣ барибаад̇аяанд̇и имз, ан̃н̃аман̃н̃асса хи над̇т̇и д̇ааяид̇аа, на жааби табзнд̇и ан̃н̃аман̃н̃ам̣ имз. яоби ниб̣б̣ад̇д̇аго со на виж̇ж̇ад̇и.
Kathaṃ sarasaparittatāya appakaṃ jīvitaṃ? Assāsūpanibaddhaṃ 6 jīvitaṃ, passāsūpanibaddhaṃ jīvitaṃ, assāsapassāsūpanibaddhaṃ jīvitaṃ, mahābhūtūpanibaddhaṃ jīvitaṃ, kabaḷīkārāhārūpanibaddhaṃ jīvitaṃ, usmūpanibaddhaṃ jīvitaṃ, viññāṇūpanibaddhaṃ jīvitaṃ. Mūlampi imesaṃ dubbalaṃ, pubbahetūpi imesaṃ dubbalā, ye paccayā tepi dubbalā, yepi pabhāvikā tepi dubbalā, sahabhūpi imesaṃ dubbalā, sampayogāpi imesaṃ dubbalā, sahajāpi imesaṃ dubbalā, yāpi payojikā sāpi dubbalā. Aññamaññaṃ ime niccadubbalā, aññamaññaṃ anavaṭṭhitā ime. Aññamaññaṃ paripātayanti ime, aññamaññassa hi natthi tāyitā, na cāpi ṭhapenti aññamaññaṃ ime. Yopi nibbattako so na vijjati.
‘‘на жа гзнажи гожи хааяад̇и, г̇анд̇хаб̣б̣аа жа имз хи саб̣б̣асо;
‘‘Na ca kenaci koci hāyati, gandhabbā ca ime hi sabbaso;
буримзхи бабхаавигаа имз, язби бабхаавигаа д̇з бурз мад̇аа;
Purimehi pabhāvikā ime, yepi pabhāvikā te pure matā;
буримааби жа бажчимааби жа, ан̃н̃аман̃н̃ам̣ на гад̣̇аажи мад̣̇д̣̇асам̣суу’’д̇и.
Purimāpi ca pacchimāpi ca, aññamaññaṃ na kadāci maddasaṃsū’’ti.
звам̣ сарасабарид̇д̇ад̇ааяа аббагам̣ ж̇ийвид̇ам̣.
Evaṃ sarasaparittatāya appakaṃ jīvitaṃ.
аби жа, жаад̇умахаарааж̇игаанам̣ 7 д̣̇зваанам̣ ж̇ийвид̇ам̣ убаад̣̇ааяа мануссаанам̣ аббагам̣ ж̇ийвид̇ам̣ барид̇д̇ам̣ ж̇ийвид̇ам̣ т̇огам̣ ж̇ийвид̇ам̣ кан̣игам̣ ж̇ийвид̇ам̣ лахугам̣ ж̇ийвид̇ам̣ ид̇д̇арам̣ ж̇ийвид̇ам̣ анад̣̇д̇ханийяам̣ ж̇ийвид̇ам̣ нажирадтид̇игам̣ ж̇ийвид̇ам̣. д̇аавад̇им̣саанам̣ д̣̇зваанам̣…бз… яаамаанам̣ д̣̇зваанам̣… д̇усид̇аанам̣ д̣̇зваанам̣… ниммаанарад̇ийнам̣ д̣̇зваанам̣… бараниммид̇авасавад̇д̇ийнам̣ д̣̇зваанам̣… б̣рахмагааяигаанам̣ д̣̇зваанам̣ ж̇ийвид̇ам̣ убаад̣̇ааяа мануссаанам̣ аббагам̣ ж̇ийвид̇ам̣ барид̇д̇ам̣ ж̇ийвид̇ам̣ т̇огам̣ ж̇ийвид̇ам̣ кан̣игам̣ ж̇ийвид̇ам̣ лахугам̣ ж̇ийвид̇ам̣ ид̇д̇арам̣ ж̇ийвид̇ам̣ анад̣̇д̇ханийяам̣ ж̇ийвид̇ам̣ нажирадтид̇игам̣ ж̇ийвид̇ам̣. вуд̇д̇ан̃хзд̇ам̣ бхаг̇авад̇аа – ‘‘аббамид̣̇ам̣, бхигкавз, мануссаанам̣ ааяу, г̇аманияо самбарааяо, манд̇ааяа б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣. яо, бхигкавз, жирам̣ ж̇ийвад̇и, со вассасад̇ам̣ аббам̣ ваа бхияяо.
Api ca, cātumahārājikānaṃ 8 devānaṃ jīvitaṃ upādāya manussānaṃ appakaṃ jīvitaṃ parittaṃ jīvitaṃ thokaṃ jīvitaṃ khaṇikaṃ jīvitaṃ lahukaṃ jīvitaṃ ittaraṃ jīvitaṃ anaddhanīyaṃ jīvitaṃ naciraṭṭhitikaṃ jīvitaṃ. Tāvatiṃsānaṃ devānaṃ…pe… yāmānaṃ devānaṃ… tusitānaṃ devānaṃ… nimmānaratīnaṃ devānaṃ… paranimmitavasavattīnaṃ devānaṃ… brahmakāyikānaṃ devānaṃ jīvitaṃ upādāya manussānaṃ appakaṃ jīvitaṃ parittaṃ jīvitaṃ thokaṃ jīvitaṃ khaṇikaṃ jīvitaṃ lahukaṃ jīvitaṃ ittaraṃ jīvitaṃ anaddhanīyaṃ jīvitaṃ naciraṭṭhitikaṃ jīvitaṃ. Vuttañhetaṃ bhagavatā – ‘‘appamidaṃ, bhikkhave, manussānaṃ āyu, gamaniyo samparāyo, mantāya boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ. Yo, bhikkhave, ciraṃ jīvati, so vassasataṃ appaṃ vā bhiyyo.
‘‘аббамааяу мануссаанам̣, хийл̣зяяа нам̣ суборисо;
‘‘Appamāyu manussānaṃ, hīḷeyya naṃ suporiso;
жарзяяаад̣̇ид̇д̇асийсова над̇т̇и мажжуссанааг̇амо.
Careyyādittasīsova natthi maccussanāgamo.
‘‘ажжаяанд̇и ахорад̇д̇аа, ж̇ийвид̇ам̣ убаруж̇жхад̇и;
‘‘Accayanti ahorattā, jīvitaṃ uparujjhati;
ааяу кияяад̇и мажжаанам̣, гуннад̣̇ийнам̣ва од̣̇ага’’нд̇и.
Āyu khiyyati maccānaṃ, kunnadīnaṃva odaka’’nti.
аббам̣ вад̇а ж̇ийвид̇ам̣ ид̣̇ам̣.
Appaṃ vata jīvitaṃ idaṃ.
орам̣ вассасад̇ааби мияяад̇ийд̇и. галалагаалзби жавад̇и марад̇и анд̇арад̇хааяад̇и виббалуж̇ж̇ад̇и, аб̣б̣уд̣̇агаалзби жавад̇и марад̇и анд̇арад̇хааяад̇и виббалуж̇ж̇ад̇и, бзсигаалзби жавад̇и марад̇и анд̇арад̇хааяад̇и виббалуж̇ж̇ад̇и, гханагаалзби жавад̇и марад̇и анд̇арад̇хааяад̇и виббалуж̇ж̇ад̇и, басаакагаалзби жавад̇и марад̇и анд̇арад̇хааяад̇и виббалуж̇ж̇ад̇и, ж̇аад̇амад̇д̇оби жавад̇и марад̇и анд̇арад̇хааяад̇и виббалуж̇ж̇ад̇и, сууд̇игхарзби 9 жавад̇и марад̇и анд̇арад̇хааяад̇и виббалуж̇ж̇ад̇и, ад̣̇д̇хамаасигоби жавад̇и марад̇и анд̇арад̇хааяад̇и виббалуж̇ж̇ад̇и, маасигоби жавад̇и марад̇и анд̇арад̇хааяад̇и виббалуж̇ж̇ад̇и, д̣̇взмаасигоби…бз… д̇змаасигоби… жад̇умаасигоби… бан̃жамаасигоби жавад̇и марад̇и анд̇арад̇хааяад̇и виббалуж̇ж̇ад̇и, чамаасигоби… сад̇д̇амаасигоби… адтамаасигоби… навамаасигоби… д̣̇асамаасигоби… сам̣важчаригоби жавад̇и марад̇и анд̇арад̇хааяад̇и виббалуж̇ж̇ад̇и, д̣̇взвассигоби… д̇ивассигоби… жад̇увассигоби… бан̃жавассигоби … чавассигоби… сад̇д̇авассигоби… адтавассигоби… нававассигоби… д̣̇асавассигоби… вийсад̇ивассигоби… д̇им̣савассигоби… жад̇д̇аарийсавассигоби… бан̃н̃аасавассигоби… садтивассигоби… сад̇д̇ад̇ивассигоби… асийд̇ивассигоби… навуд̇ивассигоби жавад̇и марад̇и анд̇арад̇хааяад̇и виббалуж̇ж̇ад̇ийд̇и – орам̣ вассасад̇ааби мияяад̇и.
Oraṃ vassasatāpi miyyatīti. Kalalakālepi cavati marati antaradhāyati vippalujjati, abbudakālepi cavati marati antaradhāyati vippalujjati, pesikālepi cavati marati antaradhāyati vippalujjati, ghanakālepi cavati marati antaradhāyati vippalujjati, pasākhakālepi cavati marati antaradhāyati vippalujjati, jātamattopi cavati marati antaradhāyati vippalujjati, sūtigharepi 10 cavati marati antaradhāyati vippalujjati, addhamāsikopi cavati marati antaradhāyati vippalujjati, māsikopi cavati marati antaradhāyati vippalujjati, dvemāsikopi…pe… temāsikopi… catumāsikopi… pañcamāsikopi cavati marati antaradhāyati vippalujjati, chamāsikopi… sattamāsikopi… aṭṭhamāsikopi… navamāsikopi… dasamāsikopi… saṃvaccharikopi cavati marati antaradhāyati vippalujjati, dvevassikopi… tivassikopi… catuvassikopi… pañcavassikopi … chavassikopi… sattavassikopi… aṭṭhavassikopi… navavassikopi… dasavassikopi… vīsativassikopi… tiṃsavassikopi… cattārīsavassikopi… paññāsavassikopi… saṭṭhivassikopi… sattativassikopi… asītivassikopi… navutivassikopi cavati marati antaradhāyati vippalujjatīti – oraṃ vassasatāpi miyyati.
яо жзби ад̇ижжа ж̇ийвад̇ийд̇и. яо вассасад̇ам̣ ад̇иггамид̇ваа ж̇ийвад̇и со згам̣ ваа вассам̣ ж̇ийвад̇и, д̣̇вз ваа вассаани ж̇ийвад̇и, д̇ийн̣и ваа вассаани ж̇ийвад̇и, жад̇д̇аари ваа вассаани ж̇ийвад̇и, бан̃жа ваа вассаани ж̇ийвад̇и…бз… д̣̇аса ваа вассаани ж̇ийвад̇и, вийсад̇и ваа вассаани ж̇ийвад̇и, д̇им̣сам̣ ваа вассаани ж̇ийвад̇и, жад̇д̇аарийсам̣ ваа вассаани ж̇ийвад̇ийд̇и – яо жзби ад̇ижжа ж̇ийвад̇и. ат̇а ко со ж̇арасааби мияяад̇ийд̇и. яад̣̇аа ж̇ин̣н̣о ход̇и вуд̣̇д̇хо махаллаго ад̣̇д̇хаг̇ад̇о ваяоануббад̇д̇о кан̣д̣ад̣̇анд̇о балид̇агзсо вилуунам̣ калид̇асиро 11 валинам̣ д̇илагаахад̇аг̇ад̇д̇о ван̇го бхог̇г̇о д̣̇ан̣д̣абарааяано, со ж̇арааяаби жавад̇и марад̇и анд̇арад̇хааяад̇и виббалуж̇ж̇ад̇и, над̇т̇и маран̣амхаа могко.
Yocepi aticca jīvatīti. Yo vassasataṃ atikkamitvā jīvati so ekaṃ vā vassaṃ jīvati, dve vā vassāni jīvati, tīṇi vā vassāni jīvati, cattāri vā vassāni jīvati, pañca vā vassāni jīvati…pe… dasa vā vassāni jīvati, vīsati vā vassāni jīvati, tiṃsaṃ vā vassāni jīvati, cattārīsaṃ vā vassāni jīvatīti – yo cepi aticca jīvati. Atha kho so jarasāpi miyyatīti. Yadā jiṇṇo hoti vuddho mahallako addhagato vayoanuppatto khaṇḍadanto palitakeso vilūnaṃ khalitasiro 12 valinaṃ tilakāhatagatto vaṅko bhoggo daṇḍaparāyano, so jarāyapi cavati marati antaradhāyati vippalujjati, natthi maraṇamhā mokkho.
‘‘палаанамива баггаанам̣, баад̇о бад̇анад̇о 13 бхаяам̣;
‘‘Phalānamiva pakkānaṃ, pāto patanato 14 bhayaṃ;
звам̣ ж̇аад̇аана мажжаанам̣, нижжам̣ маран̣ад̇о бхаяам̣.
Evaṃ jātāna maccānaṃ, niccaṃ maraṇato bhayaṃ.
‘‘яат̇ааби гумбхагаарасса, гад̇аа мад̇д̇игабхааж̇анаа;
‘‘Yathāpi kumbhakārassa, katā mattikabhājanā;
саб̣б̣з бхзд̣̇анабарияанд̇аа, звам̣ мажжаана ж̇ийвид̇ам̣.
Sabbe bhedanapariyantā, evaṃ maccāna jīvitaṃ.
‘‘д̣̇ахараа жа маханд̇аа жа, яз б̣аалаа яз жа бан̣д̣ид̇аа;
‘‘Daharā ca mahantā ca, ye bālā ye ca paṇḍitā;
саб̣б̣з мажжувасам̣ яанд̇и, саб̣б̣з мажжубарааяанаа.
Sabbe maccuvasaṃ yanti, sabbe maccuparāyanā.
‘‘д̇зсам̣ мажжубарзд̇аанам̣, г̇ажчад̇ам̣ баралогад̇о;
‘‘Tesaṃ maccuparetānaṃ, gacchataṃ paralokato;
на бид̇аа д̇ааяад̇з буд̇д̇ам̣, н̃аад̇ий ваа бана н̃аад̇агз.
Na pitā tāyate puttaṃ, ñātī vā pana ñātake.
‘‘бзгкад̇ан̃н̃зва н̃аад̇ийнам̣, басса лаалаббад̇ам̣ бут̇у;
‘‘Pekkhataññeva ñātīnaṃ, passa lālappataṃ puthu;
згамзгова мажжаанам̣, г̇оваж̇жхо вияа нияяад̇и;
Ekamekova maccānaṃ, govajjho viya niyyati;
звамаб̣бхаахад̇о лого, мажжунаа жа ж̇арааяа жаа’’д̇и.
Evamabbhāhato loko, maccunā ca jarāya cā’’ti.
ат̇а ко со ж̇арасааби мияяад̇и.
Atha kho so jarasāpi miyyati.
д̇знааха бхаг̇аваа –
Tenāha bhagavā –
‘‘аббам̣ вад̇а ж̇ийвид̇ам̣ ид̣̇ам̣, орам̣ вассасад̇ааби мияяад̇и;
‘‘Appaṃ vata jīvitaṃ idaṃ, oraṃ vassasatāpi miyyati;
яо жзби ад̇ижжа ж̇ийвад̇и, ат̇а ко со ж̇арасааби мияяад̇ий’’д̇и.
Yo cepi aticca jīvati, atha kho so jarasāpi miyyatī’’ti.
40.
40.
сожанд̇и ж̇анаа мамааяид̇з, на хи санд̇и нижжаа бариг̇г̇ахаа;
Socantijanā mamāyite, na hi santi niccā pariggahā;
винаабхаавам̣ санд̇амзвид̣̇ам̣, ид̇и д̣̇исваа нааг̇аарамаавасз.
Vinābhāvaṃ santamevidaṃ, iti disvā nāgāramāvase.
сожанд̇и ж̇анаа мамааяид̇зд̇и. ж̇анаад̇и кад̇д̇ияаа жа б̣раахман̣аа жа взссаа жа суд̣̇д̣̇аа жа г̇ахадтаа жа баб̣б̣аж̇ид̇аа жа д̣̇зваа жа мануссаа жа. мамад̇д̇аад̇и д̣̇вз мамад̇д̇аа – д̇ан̣хаамамад̇д̇ан̃жа д̣̇идтимамад̇д̇ан̃жа…бз… ид̣̇ам̣ д̇ан̣хаамамад̇д̇ам̣…бз… ид̣̇ам̣ д̣̇идтимамад̇д̇ам̣. мамааяид̇ам̣ вад̇т̇ум̣ ажчзд̣̇асан̇гиноби сожанд̇и, ажчиж̇ж̇анд̇зби сожанд̇и, ажчиннзби сожанд̇и. мамааяид̇ам̣ вад̇т̇ум̣ вибарин̣аамасан̇гиноби сожанд̇и, вибарин̣ааманд̇зби сожанд̇и, вибарин̣ад̇зби сожанд̇и гиламанд̇и барид̣̇званд̇и урад̇д̇аал̣им̣ ганд̣̇анд̇и саммохам̣ аабаж̇ж̇анд̇ийд̇и – сожанд̇и ж̇анаа мамааяид̇з.
Socanti janā mamāyiteti. Janāti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Mamattāti dve mamattā – taṇhāmamattañca diṭṭhimamattañca…pe… idaṃ taṇhāmamattaṃ…pe… idaṃ diṭṭhimamattaṃ. Mamāyitaṃ vatthuṃ acchedasaṅkinopi socanti, acchijjantepi socanti, acchinnepi socanti. Mamāyitaṃ vatthuṃ vipariṇāmasaṅkinopi socanti, vipariṇāmantepi socanti, vipariṇatepi socanti kilamanti paridevanti urattāḷiṃ kandanti sammohaṃ āpajjantīti – socanti janā mamāyite.
на хи санд̇и нижжаа бариг̇г̇ахаад̇и. д̣̇вз бариг̇г̇ахаа – д̇ан̣хаабариг̇г̇ахо жа д̣̇идтибариг̇г̇ахо жа…бз… аяам̣ д̇ан̣хаабариг̇г̇ахо…бз… аяам̣ д̣̇идтибариг̇г̇ахо. д̇ан̣хаабариг̇г̇ахо анижжо сан̇кад̇о бадижжасамуббанно каяад̇хаммо ваяад̇хаммо вирааг̇ад̇хаммо нирод̇хад̇хаммо вибарин̣аамад̇хаммо. д̣̇идтибариг̇г̇ахоби анижжо сан̇кад̇о бадижжасамуббанно каяад̇хаммо ваяад̇хаммо вирааг̇ад̇хаммо нирод̇хад̇хаммо вибарин̣аамад̇хаммо. вуд̇д̇ан̃хзд̇ам̣ бхаг̇авад̇аа – ‘‘бассат̇а но д̇умхз, бхигкавз, д̇ам̣ бариг̇г̇ахам̣ явааяам̣ бариг̇г̇ахо нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассад̇ий’’д̇и? ‘‘но хзд̇ам̣, бханд̇з’’. ‘‘саад̇ху, бхигкавз! ахамби ко зд̇ам̣, бхигкавз, бариг̇г̇ахам̣ на саманубассаами, явааяам̣ бариг̇г̇ахо нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассад̇ий’’д̇и. бариг̇г̇ахаа нижжаа д̇хуваа сассад̇аа авибарин̣аамад̇хаммаа над̇т̇и на санд̇и на сам̣виж̇ж̇анд̇и на лаб̣бханд̇ийд̇и – на хи санд̇и нижжаа бариг̇г̇ахаа.
Nahi santi niccā pariggahāti. Dve pariggahā – taṇhāpariggaho ca diṭṭhipariggaho ca…pe… ayaṃ taṇhāpariggaho…pe… ayaṃ diṭṭhipariggaho. Taṇhāpariggaho anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammo. Diṭṭhipariggahopi anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammo. Vuttañhetaṃ bhagavatā – ‘‘passatha no tumhe, bhikkhave, taṃ pariggahaṃ yvāyaṃ pariggaho nicco dhuvo sassato avipariṇāmadhammo sassatisamaṃ tatheva ṭhassatī’’ti? ‘‘No hetaṃ, bhante’’. ‘‘Sādhu, bhikkhave! Ahampi kho etaṃ, bhikkhave, pariggahaṃ na samanupassāmi, yvāyaṃ pariggaho nicco dhuvo sassato avipariṇāmadhammo sassatisamaṃ tatheva ṭhassatī’’ti. Pariggahā niccā dhuvā sassatā avipariṇāmadhammā natthi na santi na saṃvijjanti na labbhantīti – na hi santi niccā pariggahā.
винаабхаавам̣ санд̇амзвид̣̇анд̇и. наанаабхаавз винаабхаавз ан̃н̃ат̇аабхаавз санд̇з сам̣виж̇ж̇амаанз убалаб̣бхияамаанз. вуд̇д̇ан̃хзд̇ам̣ бхаг̇авад̇аа – ‘‘алам̣, аананд̣̇а! маа сожи маа барид̣̇зви. нану зд̇ам̣, аананд̣̇а, маяаа бадигажжзва 15 агкаад̇ам̣ – ‘саб̣б̣зхзва биязхи манаабзхи наанаабхааво винаабхааво ан̃н̃ат̇аабхааво. д̇ам̣ гуд̇зд̇т̇а, аананд̣̇а, лаб̣бхаа – яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣ д̇ам̣ вад̇а маа балуж̇ж̇ий’д̇и! нзд̇ам̣ таанам̣ виж̇ж̇ад̇и. буримаанам̣ буримаанам̣ канд̇хаанам̣ д̇хаад̇уунам̣ ааяад̇анаанам̣ вибарин̣ааман̃н̃ат̇аабхааваа бажчимаа бажчимаа канд̇хаа жа д̇хаад̇уяо жа ааяад̇анаани жа бавад̇д̇анд̇ий’’д̇и – винаабхаавам̣ санд̇амзвид̣̇ам̣.
Vinābhāvaṃ santamevidanti. Nānābhāve vinābhāve aññathābhāve sante saṃvijjamāne upalabbhiyamāne. Vuttañhetaṃ bhagavatā – ‘‘alaṃ, ānanda! Mā soci mā paridevi. Nanu etaṃ, ānanda, mayā paṭikacceva 16 akkhātaṃ – ‘sabbeheva piyehi manāpehi nānābhāvo vinābhāvo aññathābhāvo. Taṃ kutettha, ānanda, labbhā – yaṃ taṃ jātaṃ bhūtaṃ saṅkhataṃ palokadhammaṃ taṃ vata mā palujjī’ti! Netaṃ ṭhānaṃ vijjati. Purimānaṃ purimānaṃ khandhānaṃ dhātūnaṃ āyatanānaṃ vipariṇāmaññathābhāvā pacchimā pacchimā khandhā ca dhātuyo ca āyatanāni ca pavattantī’’ti – vinābhāvaṃ santamevidaṃ.
ид̇и д̣̇исваа нааг̇аарамаавасзд̇и. ид̇ийд̇и бад̣̇асанд̇хи бад̣̇асам̣саг̇г̇о бад̣̇абаарибуурий агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аабзд̇ам̣. ид̇ийд̇и ид̇и д̣̇исваа бассид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа мамад̇д̇зсууд̇и – ид̇и д̣̇исваа. нааг̇аарамаавасзд̇и саб̣б̣ам̣ гхарааваасабалиб̣од̇хам̣ чинд̣̇ид̇ваа буд̇д̇ад̣̇аарабалиб̣од̇хам̣ чинд̣̇ид̇ваа н̃аад̇ибалиб̣од̇хам̣ чинд̣̇ид̇ваа мид̇д̇аамажжабалиб̣од̇хам̣ чинд̣̇ид̇ваа саннид̇хибалиб̣од̇хам̣ чинд̣̇ид̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ваа агин̃жанабхаавам̣ убаг̇анд̇ваа зго жарзяяа вихарзяяа ириязяяа вад̇д̇зяяа баалзяяа яабзяяа яаабзяяаад̇и – ид̇и д̣̇исваа нааг̇аарамаавасз.
Iti disvā nāgāramāvaseti. Itīti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ. Itīti iti disvā passitvā tulayitvā tīrayitvā vibhāvayitvā vibhūtaṃ katvā mamattesūti – iti disvā. Nāgāramāvaseti sabbaṃ gharāvāsapalibodhaṃ chinditvā puttadārapalibodhaṃ chinditvā ñātipalibodhaṃ chinditvā mittāmaccapalibodhaṃ chinditvā sannidhipalibodhaṃ chinditvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitvā akiñcanabhāvaṃ upagantvā eko careyya vihareyya iriyeyya vatteyya pāleyya yapeyya yāpeyyāti – iti disvā nāgāramāvase.
д̇знааха бхаг̇аваа –
Tenāha bhagavā –
‘‘сожанд̇и ж̇анаа мамааяид̇з, на хи санд̇и нижжаа бариг̇г̇ахаа;
‘‘Socanti janā mamāyite, na hi santi niccā pariggahā;
винаабхаавам̣ санд̇амзвид̣̇ам̣, ид̇и д̣̇исваа нааг̇аарамаавасз’’д̇и.
Vinābhāvaṃ santamevidaṃ, iti disvā nāgāramāvase’’ti.
41.
41.
маран̣знаби д̇ам̣ бахийяад̇и 17 яам̣ бурисо мамид̣̇анд̇и ман̃н̃ад̇и;
Maraṇenapi taṃ pahīyati18yaṃ puriso mamidanti maññati;
зд̇амби вид̣̇ид̇ваана 19 бан̣д̣ид̇о, на мамад̇д̇ааяа намзт̇а маамаго.
Etampividitvāna20paṇḍito, na mamattāya nametha māmako.
маран̣знаби д̇ам̣ бахийяад̇ийд̇и. маран̣анд̇и яаа д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжумаран̣ам̣ гаалам̣гирияаа канд̇хаанам̣ бхзд̣̇о гал̣зварасса нигкзбо ж̇ийвид̇инд̣̇рияассубажчзд̣̇о. д̇анд̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣. бахийяад̇ийд̇и бахийяад̇и ж̇ахийяад̇и виж̇ахийяад̇и анд̇арад̇хааяад̇и виббалуж̇ж̇ад̇и. бхаасид̇амби хзд̇ам̣ –
Maraṇenapi taṃ pahīyatīti. Maraṇanti yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccumaraṇaṃ kālaṃkiriyā khandhānaṃ bhedo kaḷevarassa nikkhepo jīvitindriyassupacchedo. Tanti rūpagataṃ vedanāgataṃ saññāgataṃ saṅkhāragataṃ viññāṇagataṃ. Pahīyatīti pahīyati jahīyati vijahīyati antaradhāyati vippalujjati. Bhāsitampi hetaṃ –
‘‘буб̣б̣зва мажжам̣ виж̇аханд̇и бхог̇аа, мажжова нз буб̣б̣ад̇арам̣ ж̇ахаад̇и;
‘‘Pubbeva maccaṃ vijahanti bhogā, maccova ne pubbataraṃ jahāti;
асассад̇аа бхог̇ино гаамагаамий, д̇асмаа на сожаамахам̣ согагаалз.
Asassatā bhogino kāmakāmī, tasmā na socāmahaṃ sokakāle.
‘‘уд̣̇зд̇и аабуурад̇и взд̇и жанд̣̇о, ад̇д̇ам̣ г̇амзд̇ваана балзд̇и суурияо;
‘‘Udeti āpūrati veti cando, attaṃ gametvāna paleti sūriyo;
вид̣̇ид̇аа маяаа сад̇д̇уга логад̇хаммаа, д̇асмаа на сожаамахам̣ согагаалз’’д̇и.
Viditā mayā sattuka lokadhammā, tasmā na socāmahaṃ sokakāle’’ti.
маран̣знаби д̇ам̣ бахийяад̇и. яам̣ бурисо мамид̣̇анд̇и ман̃н̃ад̇ийд̇и. яанд̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣. бурисод̇и сан̇каа саман̃н̃аа бан̃н̃ад̇д̇и вохааро 21 наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо. мамид̣̇анд̇и ман̃н̃ад̇ийд̇и д̇ан̣хааман̃н̃анааяа ман̃н̃ад̇и, д̣̇идтиман̃н̃анааяа ман̃н̃ад̇и, маанаман̃н̃анааяа ман̃н̃ад̇и, гилзсаман̃н̃анааяа ман̃н̃ад̇и, д̣̇ужжарид̇аман̃н̃анааяа ман̃н̃ад̇и, баяог̇аман̃н̃анааяа ман̃н̃ад̇и, вибаагаман̃н̃анааяа ман̃н̃ад̇ийд̇и – яам̣ бурисо мамид̣̇анд̇и ман̃н̃ад̇и.
Maraṇenapi taṃ pahīyati. Yaṃ puriso mamidanti maññatīti. Yanti rūpagataṃ vedanāgataṃ saññāgataṃ saṅkhāragataṃ viññāṇagataṃ. Purisoti saṅkhā samaññā paññatti vohāro 22 nāmaṃ nāmakammaṃ nāmadheyyaṃ nirutti byañjanaṃ abhilāpo. Mamidanti maññatīti taṇhāmaññanāya maññati, diṭṭhimaññanāya maññati, mānamaññanāya maññati, kilesamaññanāya maññati, duccaritamaññanāya maññati, payogamaññanāya maññati, vipākamaññanāya maññatīti – yaṃ puriso mamidanti maññati.
зд̇амби вид̣̇ид̇ваана бан̣д̣ид̇од̇и. зд̇ам̣ аад̣̇ийнавам̣ н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа мамад̇д̇зсууд̇и, зд̇амби вид̣̇ид̇ваа бан̣д̣ид̇о д̇хийро бан̣д̣ид̇о бан̃н̃аваа б̣уд̣̇д̇химаа н̃аан̣ий вибхаавий мзд̇хаавийд̇и – зд̇амби вид̣̇ид̇ваана бан̣д̣ид̇о.
Etampi viditvāna paṇḍitoti. Etaṃ ādīnavaṃ ñatvā jānitvā tulayitvā tīrayitvā vibhāvayitvā vibhūtaṃ katvā mamattesūti, etampi viditvā paṇḍito dhīro paṇḍito paññavā buddhimā ñāṇī vibhāvī medhāvīti – etampi viditvāna paṇḍito.
на мамад̇д̇ааяа намзт̇а маамагод̇и. мамад̇д̇аад̇и д̣̇вз мамад̇д̇аа – д̇ан̣хаамамад̇д̇ан̃жа д̣̇идтимамад̇д̇ан̃жа…бз… ид̣̇ам̣ д̇ан̣хаамамад̇д̇ам̣…бз… ид̣̇ам̣ д̣̇идтимамад̇д̇ам̣. маамагод̇и б̣уд̣̇д̇хамаамаго д̇хаммамаамаго сан̇гхамаамаго. со бхаг̇аванд̇ам̣ мамааяад̇и, бхаг̇аваа д̇ам̣ буг̇г̇алам̣ бариг̇г̇ан̣хаад̇и. вуд̇д̇ан̃хзд̇ам̣ бхаг̇авад̇аа – ‘‘яз д̇з, бхигкавз, бхигкуу гухаа т̇ад̣̇д̇хаа 23 лабаа син̇г̇ий уннал̣аа асамаахид̇аа, на мз д̇з, бхигкавз, бхигкуу маамагаа; абаг̇ад̇аа жа д̇з, бхигкавз, бхигкуу имасмаа д̇хаммавинаяаа. на жа д̇з имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇анд̇и. яз жа ко д̇з, бхигкавз, бхигкуу ниггухаа ниллабаа д̇хийраа ад̇т̇ад̣̇д̇хаа сусамаахид̇аа, д̇з ко мз, бхигкавз, бхигкуу маамагаа; анабаг̇ад̇аа жа д̇з, бхигкавз, бхигкуу имасмаа д̇хаммавинаяаа. д̇з жа имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇анд̇и’’.
Na mamattāya nametha māmakoti. Mamattāti dve mamattā – taṇhāmamattañca diṭṭhimamattañca…pe… idaṃ taṇhāmamattaṃ…pe… idaṃ diṭṭhimamattaṃ. Māmakoti buddhamāmako dhammamāmako saṅghamāmako. So bhagavantaṃ mamāyati, bhagavā taṃ puggalaṃ pariggaṇhāti. Vuttañhetaṃ bhagavatā – ‘‘ye te, bhikkhave, bhikkhū kuhā thaddhā 24 lapā siṅgī unnaḷā asamāhitā, na me te, bhikkhave, bhikkhū māmakā; apagatā ca te, bhikkhave, bhikkhū imasmā dhammavinayā. Na ca te imasmiṃ dhammavinaye vuddhiṃ virūḷhiṃ vepullaṃ āpajjanti. Ye ca kho te, bhikkhave, bhikkhū nikkuhā nillapā dhīrā atthaddhā susamāhitā, te kho me, bhikkhave, bhikkhū māmakā; anapagatā ca te, bhikkhave, bhikkhū imasmā dhammavinayā. Te ca imasmiṃ dhammavinaye vuddhiṃ virūḷhiṃ vepullaṃ āpajjanti’’.
‘‘гухаа т̇ад̣̇д̇хаа лабаа син̇г̇ий, уннал̣аа асамаахид̇аа;
‘‘Kuhā thaddhā lapā siṅgī, unnaḷā asamāhitā;
на д̇з д̇хаммз вирууханд̇и, саммаасамб̣уд̣̇д̇хад̣̇зсид̇з.
Na te dhamme virūhanti, sammāsambuddhadesite.
‘‘ниггухаа ниллабаа д̇хийраа, ад̇т̇ад̣̇д̇хаа сусамаахид̇аа;
‘‘Nikkuhā nillapā dhīrā, atthaddhā susamāhitā;
д̇з вз д̇хаммз вирууханд̇и, саммаасамб̣уд̣̇д̇хад̣̇зсид̇з’’.
Te ve dhamme virūhanti, sammāsambuddhadesite’’.
на мамад̇д̇ааяа намзт̇а маамагод̇и. маамаго д̇ан̣хаамамад̇д̇ам̣ бахааяа д̣̇идтимамад̇д̇ам̣ бадиниссаж̇ж̇ид̇ваа мамад̇д̇ааяа на намзяяа на онамзяяа, на д̇ам̣нинно асса на д̇аббон̣о на д̇аббаб̣бхааро на д̇ад̣̇ад̇химуд̇д̇о на д̇ад̣̇ад̇хибад̇зяяод̇и – на мамад̇д̇ааяа намзт̇а маамаго.
Na mamattāya nametha māmakoti. Māmako taṇhāmamattaṃ pahāya diṭṭhimamattaṃ paṭinissajjitvā mamattāya na nameyya na onameyya, na taṃninno assa na tappoṇo na tappabbhāro na tadadhimutto na tadadhipateyyoti – na mamattāya nametha māmako.
д̇знааха бхаг̇аваа –
Tenāha bhagavā –
‘‘маран̣знаби д̇ам̣ бахийяад̇и, яам̣ бурисо мамид̣̇анд̇и ман̃н̃ад̇и;
‘‘Maraṇenapi taṃ pahīyati, yaṃ puriso mamidanti maññati;
зд̇амби вид̣̇ид̇ваана бан̣д̣ид̇о, на мамад̇д̇ааяа намзт̇а маамаго’’д̇и.
Etampi viditvāna paṇḍito, na mamattāya nametha māmako’’ti.
42.
42.
субинзна яат̇ааби сан̇г̇ад̇ам̣, бадиб̣уд̣̇д̇хо бурисо на бассад̇и;
Supinenayathāpi saṅgataṃ, paṭibuddho puriso na passati;
звамби бияааяид̇ам̣ ж̇анам̣, бзд̇ам̣ гаалан̇гад̇ам̣ 25 на бассад̇и.
Evampi piyāyitaṃ janaṃ, petaṃ kālaṅkataṃ26na passati.
субинзна яат̇ааби сан̇г̇ад̇анд̇и. сан̇г̇ад̇ам̣ самааг̇ад̇ам̣ самаахид̇ам̣ саннибад̇ид̇анд̇и – субинзна яат̇ааби сан̇г̇ад̇ам̣. бадиб̣уд̣̇д̇хо бурисо на бассад̇ийд̇и яат̇аа бурисо субинаг̇ад̇о жанд̣̇ам̣ бассад̇и, суурияам̣ бассад̇и, махаасамуд̣̇д̣̇ам̣ бассад̇и, синзрум̣ баб̣б̣ад̇арааж̇аанам̣ бассад̇и, хад̇т̇им̣ бассад̇и, ассам̣ бассад̇и, рат̇ам̣ бассад̇и, бад̇д̇им̣ бассад̇и, сзнааб̣яуухам̣ бассад̇и, аараамарааман̣зяяагам̣ бассад̇и, ванарааман̣зяяагам̣…бз… бхуумирааман̣зяяагам̣… богкаран̣ийрааман̣зяяагам̣ бассад̇и; бадиб̣уд̣̇д̇хо на гин̃жи бассад̇ийд̇и – бадиб̣уд̣̇д̇хо бурисо на бассад̇и.
Supinena yathāpi saṅgatanti. Saṅgataṃ samāgataṃ samāhitaṃ sannipatitanti – supinena yathāpi saṅgataṃ. Paṭibuddhopuriso na passatīti yathā puriso supinagato candaṃ passati, sūriyaṃ passati, mahāsamuddaṃ passati, sineruṃ pabbatarājānaṃ passati, hatthiṃ passati, assaṃ passati, rathaṃ passati, pattiṃ passati, senābyūhaṃ passati, ārāmarāmaṇeyyakaṃ passati, vanarāmaṇeyyakaṃ…pe… bhūmirāmaṇeyyakaṃ… pokkharaṇīrāmaṇeyyakaṃ passati; paṭibuddho na kiñci passatīti – paṭibuddho puriso na passati.
звамби бияааяид̇ам̣ ж̇ананд̇и. званд̇и обаммасамбадибаад̣̇анам̣. бияааяид̇ам̣ ж̇ананд̇и мамааяид̇ам̣ ж̇анам̣ маад̇арам̣ ваа бид̇арам̣ ваа бхаад̇арам̣ ваа бхаг̇иним̣ ваа буд̇д̇ам̣ ваа д̇хийд̇арам̣ ваа мид̇д̇ам̣ ваа амажжам̣ ваа н̃аад̇им̣ ваа саалохид̇ам̣ ваад̇и – звамби бияааяид̇ам̣ ж̇анам̣.
Evampi piyāyitaṃ jananti. Evanti opammasampaṭipādanaṃ. Piyāyitaṃ jananti mamāyitaṃ janaṃ mātaraṃ vā pitaraṃ vā bhātaraṃ vā bhaginiṃ vā puttaṃ vā dhītaraṃ vā mittaṃ vā amaccaṃ vā ñātiṃ vā sālohitaṃ vāti – evampi piyāyitaṃ janaṃ.
бзд̇ам̣ гаалан̇гад̇ам̣ на бассад̇ийд̇и. бзд̇о вужжад̇и мад̇о. гаалан̇гад̇ам̣ на бассад̇и на д̣̇агкад̇и наад̇хиг̇ажчад̇и на винд̣̇ад̇и на бадилабхад̇ийд̇и – бзд̇ам̣ гаалан̇гад̇ам̣ на бассад̇и.
Petaṃkālaṅkataṃ na passatīti. Peto vuccati mato. Kālaṅkataṃ na passati na dakkhati nādhigacchati na vindati na paṭilabhatīti – petaṃ kālaṅkataṃ na passati.
д̇знааха бхаг̇аваа –
Tenāha bhagavā –
‘‘субинзна яат̇ааби сан̇г̇ад̇ам̣, бадиб̣уд̣̇д̇хо бурисо на бассад̇и;
‘‘Supinena yathāpi saṅgataṃ, paṭibuddho puriso na passati;
звамби бияааяид̇ам̣ ж̇анам̣, бзд̇ам̣ гаалан̇гад̇ам̣ на бассад̇ий’’д̇и.
Evampi piyāyitaṃ janaṃ, petaṃ kālaṅkataṃ na passatī’’ti.
43.
43.
д̣̇идтааби суд̇ааби д̇з ж̇анаа, язсам̣ наамамид̣̇ам̣ бавужжад̇и;
Diṭṭhāpisutāpi te janā, yesaṃ nāmamidaṃ pavuccati;
наамам̣язваавасиссад̇и , 27 агкзяяам̣ бзд̇асса ж̇анд̇уно.
Nāmaṃyevāvasissati, 28akkheyyaṃ petassa jantuno.
д̣̇идтааби суд̇ааби д̇з ж̇анаад̇и. д̣̇идтаад̇и яз жагкувин̃н̃аан̣аабхисамбхууд̇аа. суд̇аад̇и яз сод̇авин̃н̃аан̣аабхисамбхууд̇аа . д̇з ж̇анаад̇и кад̇д̇ияаа жа б̣раахман̣аа жа взссаа жа суд̣̇д̣̇аа жа г̇ахадтаа жа баб̣б̣аж̇ид̇аа жа д̣̇зваа жа мануссаа жаад̇и – д̣̇идтааби суд̇ааби д̇з ж̇анаа.
Diṭṭhāpi sutāpi te janāti. Diṭṭhāti ye cakkhuviññāṇābhisambhūtā. Sutāti ye sotaviññāṇābhisambhūtā . Te janāti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā cāti – diṭṭhāpi sutāpi te janā.
язсам̣ наамамид̣̇ам̣ бавужжад̇ийд̇и. язсанд̇и язсам̣ кад̇д̇ияаанам̣ б̣раахман̣аанам̣ взссаанам̣ суд̣̇д̣̇аанам̣ г̇ахадтаанам̣ баб̣б̣аж̇ид̇аанам̣ д̣̇зваанам̣ мануссаанам̣. нааманд̇и сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо. бавужжад̇ийд̇и вужжад̇и бавужжад̇и гат̇ийяад̇и бхан̣ийяад̇и д̣̇ийбийяад̇и вохарийяад̇ийд̇и – язсам̣ наамамид̣̇ам̣ бавужжад̇и.
Yesaṃ nāmamidaṃ pavuccatīti. Yesanti yesaṃ khattiyānaṃ brāhmaṇānaṃ vessānaṃ suddānaṃ gahaṭṭhānaṃ pabbajitānaṃ devānaṃ manussānaṃ. Nāmanti saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo. Pavuccatīti vuccati pavuccati kathīyati bhaṇīyati dīpīyati voharīyatīti – yesaṃ nāmamidaṃ pavuccati.
наамам̣язваавасиссад̇и агкзяяанд̇и. руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣ бахийяад̇и ж̇ахийяад̇и виж̇ахийяад̇и анд̇арад̇хааяад̇и виббалуж̇ж̇ад̇и, наамам̣язваавасиссад̇и. агкзяяанд̇и. агкаад̇ум̣ гат̇зд̇ум̣ бхан̣ид̇ум̣ д̣̇ийбаяид̇ум̣ вохарид̇унд̇и – наамам̣ зваавасиссад̇и агкзяяам̣. бзд̇асса ж̇анд̇унод̇и. бзд̇ассаад̇и мад̇асса гаалан̇гад̇асса. ж̇анд̇унод̇и сад̇д̇асса нарасса маанавасса босасса буг̇г̇аласса ж̇ийвасса ж̇ааг̇усса ж̇анд̇усса инд̣̇аг̇усса мануж̇ассаад̇и – бзд̇асса ж̇анд̇уно.
Nāmaṃyevāvasissati akkheyyanti. Rūpagataṃ vedanāgataṃ saññāgataṃ saṅkhāragataṃ viññāṇagataṃ pahīyati jahīyati vijahīyati antaradhāyati vippalujjati, nāmaṃyevāvasissati. Akkheyyanti. Akkhātuṃ kathetuṃ bhaṇituṃ dīpayituṃ voharitunti – nāmaṃ evāvasissati akkheyyaṃ. Petassa jantunoti. Petassāti matassa kālaṅkatassa. Jantunoti sattassa narassa mānavassa posassa puggalassa jīvassa jāgussa jantussa indagussa manujassāti – petassa jantuno.
д̇знааха бхаг̇аваа –
Tenāha bhagavā –
‘‘д̣̇идтааби суд̇ааби д̇з ж̇анаа, язсам̣ наамамид̣̇ам̣ бавужжад̇и;
‘‘Diṭṭhāpi sutāpi te janā, yesaṃ nāmamidaṃ pavuccati;
наамам̣язваавасиссад̇и, агкзяяам̣ бзд̇асса ж̇анд̇уно’’д̇и.
Nāmaṃyevāvasissati, akkheyyaṃ petassa jantuno’’ti.
44.
44.
согаббарид̣̇звамажчарам̣ , на баж̇аханд̇и г̇ид̣̇д̇хаа мамааяид̇з;
Sokapparidevamaccharaṃ, na pajahanti giddhā mamāyite;
д̇асмаа мунаяо бариг̇г̇ахам̣, хид̇ваа ажарим̣су кзмад̣̇ассино.
Tasmā munayo pariggahaṃ, hitvā acariṃsu khemadassino.
согаббарид̣̇звамажчарам̣ на баж̇аханд̇и г̇ид̣̇д̇хаа мамааяид̇зд̇и. согод̇и н̃аад̇иб̣яасанзна ваа пудтасса бхог̇аб̣яасанзна ваа пудтасса рог̇аб̣яасанзна ваа пудтасса сийлаб̣яасанзна ваа пудтасса д̣̇идтиб̣яасанзна ваа пудтасса ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса сого сожанаа сожид̇ад̇д̇ам̣ анд̇осого анд̇обарисого анд̇од̣̇аахо анд̇обарид̣̇аахо 29 жзд̇асо бариж̇жхааяанаа д̣̇оманассам̣ согасаллам̣. барид̣̇звод̇и н̃аад̇иб̣яасанзна ваа пудтасса…бз… д̣̇идтиб̣яасанзна ваа пудтасса ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса аад̣̇зво барид̣̇зво аад̣̇званаа барид̣̇званаа аад̣̇звид̇ад̇д̇ам̣ барид̣̇звид̇ад̇д̇ам̣ ваажаа балаабо виббалаабо лаалаббо лаалаббааяанаа лаалаббааяид̇ад̇д̇ам̣. мажчарияанд̇и бан̃жа мажчарияаани – ааваасамажчарияам̣ , гуламажчарияам̣, лаабхамажчарияам̣, ван̣н̣амажчарияам̣ , д̇хаммамажчарияам̣. яам̣ зваруубам̣ мажчарияам̣ мажчарааяанаа мажчарааяид̇ад̇д̇ам̣ взвижчам̣ гад̣̇арияам̣ гадуган̃жугад̇аа аг̇г̇ахид̇ад̇д̇ам̣ жид̇д̇асса – ид̣̇ам̣ вужжад̇и мажчарияам̣. аби жа канд̇хамажчарияамби мажчарияам̣, д̇хаад̇умажчарияамби мажчарияам̣, ааяад̇анамажчарияамби мажчарияам̣ г̇аахо – ид̣̇ам̣ вужжад̇и мажчарияам̣. г̇зд̇хо вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. мамад̇д̇аад̇и д̣̇вз мамад̇д̇аа – д̇ан̣хаамамад̇д̇ан̃жа д̣̇идтимамад̇д̇ан̃жа …бз… ид̣̇ам̣ д̇ан̣хаамамад̇д̇ам̣…бз… ид̣̇ам̣ д̣̇идтимамад̇д̇ам̣. мамааяид̇ам̣ вад̇т̇ум̣ ажчзд̣̇асан̇гиноби сожанд̇и, ажчиж̇ж̇анд̇зби сожанд̇и, ажчиннзби сожанд̇и, мамааяид̇ам̣ вад̇т̇ум̣ вибарин̣аамасан̇гиноби сожанд̇и, вибарин̣ааманд̇зби сожанд̇и, вибарин̣ад̇зби сожанд̇и, мамааяид̇ам̣ вад̇т̇ум̣ ажчзд̣̇асан̇гиноби барид̣̇званд̇и, ажчиж̇ж̇анд̇зби барид̣̇званд̇и, ажчиннзби барид̣̇званд̇и. мамааяид̇ам̣ вад̇т̇ум̣ вибарин̣аамасан̇гиноби барид̣̇званд̇и, вибарин̣ааманд̇зби барид̣̇званд̇и, вибарин̣ад̇зби барид̣̇званд̇и. мамааяид̇ам̣ вад̇т̇ум̣ рагканд̇и г̇обзнд̇и бариг̇г̇ан̣ханд̇и мамааяанд̇и мажчарааяанд̇и; мамааяид̇асмим̣ вад̇т̇усмим̣ согам̣ на ж̇аханд̇и, барид̣̇звам̣ на ж̇аханд̇и, мажчарияам̣ на ж̇аханд̇и, г̇зд̇хам̣ на ж̇аханд̇и наббаж̇аханд̇и на винод̣̇знд̇и на б̣яанд̇им̣ гаронд̇и на анабхаавам̣ г̇амзнд̇ийд̇и – согаббарид̣̇звамажчарам̣ наббаж̇аханд̇и г̇ид̣̇д̇хаа мамааяид̇з.
Sokapparidevamaccharaṃ na pajahanti giddhā mamāyiteti. Sokoti ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṃ antosoko antoparisoko antodāho antoparidāho 30 cetaso parijjhāyanā domanassaṃ sokasallaṃ. Paridevoti ñātibyasanena vā phuṭṭhassa…pe… diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ vācā palāpo vippalāpo lālappo lālappāyanā lālappāyitattaṃ. Macchariyanti pañca macchariyāni – āvāsamacchariyaṃ , kulamacchariyaṃ, lābhamacchariyaṃ, vaṇṇamacchariyaṃ , dhammamacchariyaṃ. Yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa – idaṃ vuccati macchariyaṃ. Api ca khandhamacchariyampi macchariyaṃ, dhātumacchariyampi macchariyaṃ, āyatanamacchariyampi macchariyaṃ gāho – idaṃ vuccati macchariyaṃ. Gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Mamattāti dve mamattā – taṇhāmamattañca diṭṭhimamattañca …pe… idaṃ taṇhāmamattaṃ…pe… idaṃ diṭṭhimamattaṃ. Mamāyitaṃ vatthuṃ acchedasaṅkinopi socanti, acchijjantepi socanti, acchinnepi socanti, mamāyitaṃ vatthuṃ vipariṇāmasaṅkinopi socanti, vipariṇāmantepi socanti, vipariṇatepi socanti, mamāyitaṃ vatthuṃ acchedasaṅkinopi paridevanti, acchijjantepi paridevanti, acchinnepi paridevanti. Mamāyitaṃ vatthuṃ vipariṇāmasaṅkinopi paridevanti, vipariṇāmantepi paridevanti, vipariṇatepi paridevanti. Mamāyitaṃ vatthuṃ rakkhanti gopenti pariggaṇhanti mamāyanti maccharāyanti; mamāyitasmiṃ vatthusmiṃ sokaṃ na jahanti, paridevaṃ na jahanti, macchariyaṃ na jahanti, gedhaṃ na jahanti nappajahanti na vinodenti na byantiṃ karonti na anabhāvaṃ gamentīti – sokapparidevamaccharaṃ nappajahanti giddhā mamāyite.
д̇асмаа мунаяо бариг̇г̇ахам̣, хид̇ваа ажарим̣су кзмад̣̇ассинод̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа зд̇ам̣ аад̣̇ийнавам̣ самбассамаанаа мамад̇д̇зсууд̇и – д̇асмаа. мунаяод̇и монам̣ вужжад̇и н̃аан̣ам̣. яаа бан̃н̃аа баж̇аананаа…бз… амохо д̇хаммавижаяо саммаад̣̇идти. д̇зна н̃аан̣зна саманнааг̇ад̇аа мунаяо монаббад̇д̇аа. д̇ийн̣и монзяяаани – гааяамонзяяам̣, важиймонзяяам̣, маномонзяяам̣…бз… сан̇г̇аж̇ааламад̇ижжа со муни. бариг̇г̇аход̇и д̣̇вз бариг̇г̇ахаа – д̇ан̣хаабариг̇г̇ахо жа д̣̇идтибариг̇г̇ахо жа…бз… аяам̣ д̇ан̣хаабариг̇г̇ахо…бз… аяам̣ д̣̇идтибариг̇г̇ахо. мунаяо д̇ан̣хаабариг̇г̇ахам̣ барижжаж̇ид̇ваа д̣̇идтибариг̇г̇ахам̣ бадиниссаж̇ж̇ид̇ваа жаж̇ид̇ваа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амзд̇ваа ажарим̣су вихарим̣су ирияим̣су вад̇д̇им̣су баалим̣су яабим̣су яаабим̣су. кзмад̣̇ассинод̇и кзмам̣ вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. кзмад̣̇ассинод̇и кзмад̣̇ассино д̇аан̣ад̣̇ассино лзн̣ад̣̇ассино саран̣ад̣̇ассино абхаяад̣̇ассино ажжуд̇ад̣̇ассино амад̇ад̣̇ассино ниб̣б̣аанад̣̇ассинод̇и – д̇асмаа мунаяо бариг̇г̇ахам̣ хид̇ваа ажарим̣су кзмад̣̇ассино.
Tasmā munayo pariggahaṃ, hitvā acariṃsu khemadassinoti. Tasmāti tasmā taṃkāraṇā taṃhetu tappaccayā taṃnidānā etaṃ ādīnavaṃ sampassamānā mamattesūti – tasmā. Munayoti monaṃ vuccati ñāṇaṃ. Yā paññā pajānanā…pe… amoho dhammavicayo sammādiṭṭhi. Tena ñāṇena samannāgatā munayo monappattā. Tīṇi moneyyāni – kāyamoneyyaṃ, vacīmoneyyaṃ, manomoneyyaṃ…pe… saṅgajālamaticca so muni. Pariggahoti dve pariggahā – taṇhāpariggaho ca diṭṭhipariggaho ca…pe… ayaṃ taṇhāpariggaho…pe… ayaṃ diṭṭhipariggaho. Munayo taṇhāpariggahaṃ pariccajitvā diṭṭhipariggahaṃ paṭinissajjitvā cajitvā pajahitvā vinodetvā byantiṃ karitvā anabhāvaṃ gametvā acariṃsu vihariṃsu iriyiṃsu vattiṃsu pāliṃsu yapiṃsu yāpiṃsu. Khemadassinoti khemaṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Khemadassinoti khemadassino tāṇadassino leṇadassino saraṇadassino abhayadassino accutadassino amatadassino nibbānadassinoti – tasmā munayo pariggahaṃ hitvā acariṃsu khemadassino.
д̇знааха бхаг̇аваа –
Tenāha bhagavā –
‘‘согаббарид̣̇звамажчарам̣, на ж̇аханд̇и г̇ид̣̇д̇хаа мамааяид̇з;
‘‘Sokapparidevamaccharaṃ, na jahanti giddhā mamāyite;
д̇асмаа мунаяо бариг̇г̇ахам̣, хид̇ваа ажарим̣су кзмад̣̇ассино’’д̇и.
Tasmā munayo pariggahaṃ, hitvā acariṃsu khemadassino’’ti.
45.
45.
бад̇илийнажарасса бхигкуно, бхаж̇амаанасса вивид̇д̇амаасанам̣;
Patilīnacarassa bhikkhuno, bhajamānassa vivittamāsanaṃ;
саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаяз.
Sāmaggiyamāhutassa taṃ, yo attānaṃ bhavane na dassaye.
бад̇илийнажарасса бхигкунод̇и. бад̇илийнажараа вужжанд̇и сад̇д̇а сзгкаа 31. арахаа бад̇илийно. гим̣гааран̣аа бад̇илийнажараа вужжанд̇и сад̇д̇а сзгкаа? д̇з д̇ад̇о д̇ад̇о жид̇д̇ам̣ бад̇илийнзнд̇аа бад̇игудзнд̇аа бад̇иваддзнд̇аа саннируд̣̇д̇ханд̇аа 32 санниг̇г̇ан̣ханд̇аа санниваарзнд̇аа рагканд̇аа г̇обзнд̇аа жаранд̇и вижаранд̇и вихаранд̇и ирияанд̇и вад̇д̇знд̇и баалзнд̇и яабзнд̇и яаабзнд̇и, жагкуд̣̇ваарз жид̇д̇ам̣ бад̇илийнзнд̇аа бад̇игудзнд̇аа бад̇иваддзнд̇аа саннируд̣̇д̇ханд̇аа санниг̇г̇ан̣ханд̇аа санниваарзнд̇аа рагканд̇аа г̇обзнд̇аа жаранд̇и вижаранд̇и вихаранд̇и ирияанд̇и вад̇д̇знд̇и баалзнд̇и яабзнд̇и яаабзнд̇и, сод̇ад̣̇ваарз жид̇д̇ам̣…бз… гхаанад̣̇ваарз жид̇д̇ам̣… ж̇ивхаад̣̇ваарз жид̇д̇ам̣… гааяад̣̇ваарз жид̇д̇ам̣… манод̣̇ваарз жид̇д̇ам̣ бад̇илийнзнд̇аа бад̇игудзнд̇аа бад̇иваддзнд̇аа саннируд̣̇д̇ханд̇аа санниг̇г̇ан̣ханд̇аа санниваарзнд̇аа рагканд̇аа г̇обзнд̇аа жаранд̇и вижаранд̇и вихаранд̇и ирияанд̇и вад̇д̇знд̇и баалзнд̇и яабзнд̇и яаабзнд̇и. яат̇аа гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бад̇илийяад̇и бад̇игудад̇и бад̇иваддад̇и на самбасаарияад̇и; звамзва д̇ад̇о д̇ад̇о жид̇д̇ам̣ бад̇илийнзнд̇аа бад̇игудзнд̇аа бад̇иваддзнд̇аа саннируд̣̇д̇ханд̇аа санниг̇г̇ан̣ханд̇аа санниваарзнд̇аа рагканд̇аа г̇обзнд̇аа жаранд̇и вижаранд̇и вихаранд̇и ирияанд̇и вад̇д̇знд̇и баалзнд̇и яабзнд̇и яаабзнд̇и, жагкуд̣̇ваарз жид̇д̇ам̣…бз… сод̇ад̣̇ваарз жид̇д̇ам̣… гхаанад̣̇ваарз жид̇д̇ам̣… ж̇ивхаад̣̇ваарз жид̇д̇ам̣… гааяад̣̇ваарз жид̇д̇ам̣… манод̣̇ваарз жид̇д̇ам̣ бад̇илийнзнд̇аа бад̇игудзнд̇аа бад̇иваддзнд̇аа саннируд̣̇д̇ханд̇аа санниг̇г̇ан̣ханд̇аа санниваарзнд̇аа рагканд̇аа г̇обзнд̇аа жаранд̇и вижаранд̇и вихаранд̇и ирияанд̇и вад̇д̇знд̇и баалзнд̇и яабзнд̇и яаабзнд̇и. д̇ам̣гааран̣аа бад̇илийнажараа вужжанд̇и сад̇д̇а сзгкаа. бхигкунод̇и бут̇уж̇ж̇анагаляаан̣агасса ваа бхигкуно сзгкасса ваа бхигкунод̇и – бад̇илийнажарасса бхигкуно.
Patilīnacarassabhikkhunoti. Patilīnacarā vuccanti satta sekkhā 33. Arahā patilīno. Kiṃkāraṇā patilīnacarā vuccanti satta sekkhā? Te tato tato cittaṃ patilīnentā patikuṭentā pativaṭṭentā sanniruddhantā 34 sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti, cakkhudvāre cittaṃ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti, sotadvāre cittaṃ…pe… ghānadvāre cittaṃ… jivhādvāre cittaṃ… kāyadvāre cittaṃ… manodvāre cittaṃ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti. Yathā kukkuṭapattaṃ vā nhārudaddulaṃ vā aggimhi pakkhittaṃ patilīyati patikuṭati pativaṭṭati na sampasāriyati; evameva tato tato cittaṃ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti, cakkhudvāre cittaṃ…pe… sotadvāre cittaṃ… ghānadvāre cittaṃ… jivhādvāre cittaṃ… kāyadvāre cittaṃ… manodvāre cittaṃ patilīnentā patikuṭentā pativaṭṭentā sanniruddhantā sanniggaṇhantā sannivārentā rakkhantā gopentā caranti vicaranti viharanti iriyanti vattenti pālenti yapenti yāpenti. Taṃkāraṇā patilīnacarā vuccanti satta sekkhā. Bhikkhunoti puthujjanakalyāṇakassa vā bhikkhuno sekkhassa vā bhikkhunoti – patilīnacarassa bhikkhuno.
бхаж̇амаанасса вивид̇д̇амаасананд̇и аасанам̣ вужжад̇и яад̇т̇а нисийд̣̇анд̇и – ман̃жо бийтам̣ бхиси д̇аддигаа жаммакан̣д̣о д̇ин̣асант̇ааро бан̣н̣асант̇ааро балааласант̇ааро. д̇ам̣ аасанам̣ асаббааяаруубад̣̇ассанзна рид̇д̇ам̣ вивид̇д̇ам̣ бавивид̇д̇ам̣, асаббааяасад̣̇д̣̇ассаванзна рид̇д̇ам̣ вивид̇д̇ам̣ бавивид̇д̇ам̣, асаббааяаг̇анд̇хагхааяанзна… асаббааяарасасааяанзна… асаббааяаподтаб̣б̣апусанзна… асаббааязхи бан̃жахи гаамаг̇ун̣зхи рид̇д̇ам̣ вивид̇д̇ам̣ бавивид̇д̇ам̣. д̇ам̣ вивид̇д̇ам̣ аасанам̣ бхаж̇ад̇о самбхаж̇ад̇о сзвад̇о нисзвад̇о сам̣сзвад̇о бадисзвад̇од̇и – бхаж̇амаанасса вивид̇д̇амаасанам̣.
Bhajamānassa vivittamāsananti āsanaṃ vuccati yattha nisīdanti – mañco pīṭhaṃ bhisi taṭṭikā cammakhaṇḍo tiṇasanthāro paṇṇasanthāro palālasanthāro. Taṃ āsanaṃ asappāyarūpadassanena rittaṃ vivittaṃ pavivittaṃ, asappāyasaddassavanena rittaṃ vivittaṃ pavivittaṃ, asappāyagandhaghāyanena… asappāyarasasāyanena… asappāyaphoṭṭhabbaphusanena… asappāyehi pañcahi kāmaguṇehi rittaṃ vivittaṃ pavivittaṃ. Taṃ vivittaṃ āsanaṃ bhajato sambhajato sevato nisevato saṃsevato paṭisevatoti – bhajamānassa vivittamāsanaṃ.
саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаязд̇и. саамаг̇г̇ияод̇и д̇иссо саамаг̇г̇ияо – г̇ан̣асаамаг̇г̇ий, д̇хаммасаамаг̇г̇ий, анабхиниб̣б̣ад̇д̇исаамаг̇г̇ий. гад̇амаа г̇ан̣асаамаг̇г̇ий? б̣аху жзби бхигкуу самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и – аяам̣ г̇ан̣асаамаг̇г̇ий. гад̇амаа д̇хаммасаамаг̇г̇ий? жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇о. д̇з згад̇о багканд̣̇анд̇и басийд̣̇анд̇и самбад̇идтанд̇и вимужжанд̇и; на д̇зсам̣ д̇хаммаанам̣ виваад̣̇о бавиваад̣̇о ад̇т̇и – аяам̣ д̇хаммасаамаг̇г̇ий. гад̇амаа анабхиниб̣б̣ад̇д̇исаамаг̇г̇ий? б̣аху жзби бхигкуу анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇и; на д̇зсам̣ ниб̣б̣аанад̇хаад̇уяаа 35 уунад̇д̇ам̣ ваа бун̣н̣ад̇д̇ам̣ ваа бан̃н̃ааяад̇и – аяам̣ анабхиниб̣б̣ад̇д̇исаамаг̇г̇ий. бхаванзд̇и нзраяигаанам̣ нираяо бхаванам̣, д̇иражчаанаяонигаанам̣ д̇иражчаанаяони бхаванам̣, бзд̇д̇ивисаяигаанам̣ бзд̇д̇ивисаяо бхаванам̣, мануссаанам̣ мануссалого бхаванам̣, д̣̇зваанам̣ д̣̇звалого бхавананд̇и. саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаязд̇и. д̇ассзсаа саамаг̇г̇ий зд̇ам̣ чаннам̣ зд̇ам̣ бад̇ируубам̣ зд̇ам̣ анужчавигам̣ зд̇ам̣ ануломам̣, яо звам̣ бадижчаннз нираяз ад̇д̇аанам̣ на д̣̇ассзяяа, д̇иражчаанаяонияам̣ ад̇д̇аанам̣ на д̣̇ассзяяа, бзд̇д̇ивисаяз ад̇д̇аанам̣ на д̣̇ассзяяа, мануссалогз ад̇д̇аанам̣ на д̣̇ассзяяа, д̣̇звалогз ад̇д̇аанам̣ на д̣̇ассзяяаад̇и звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаяз.
Sāmaggiyamāhutassa taṃ, yo attānaṃ bhavane na dassayeti. Sāmaggiyoti tisso sāmaggiyo – gaṇasāmaggī, dhammasāmaggī, anabhinibbattisāmaggī. Katamā gaṇasāmaggī? Bahu cepi bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti – ayaṃ gaṇasāmaggī. Katamā dhammasāmaggī? Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo. Te ekato pakkhandanti pasīdanti sampatiṭṭhanti vimuccanti; na tesaṃ dhammānaṃ vivādo pavivādo atthi – ayaṃ dhammasāmaggī. Katamā anabhinibbattisāmaggī? Bahu cepi bhikkhū anupādisesāya nibbānadhātuyā parinibbāyanti; na tesaṃ nibbānadhātuyā 36 ūnattaṃ vā puṇṇattaṃ vā paññāyati – ayaṃ anabhinibbattisāmaggī. Bhavaneti nerayikānaṃ nirayo bhavanaṃ, tiracchānayonikānaṃ tiracchānayoni bhavanaṃ, pettivisayikānaṃ pettivisayo bhavanaṃ, manussānaṃ manussaloko bhavanaṃ, devānaṃ devaloko bhavananti. Sāmaggiyamāhu tassa taṃ, yo attānaṃ bhavane na dassayeti. Tassesā sāmaggī etaṃ channaṃ etaṃ patirūpaṃ etaṃ anucchavikaṃ etaṃ anulomaṃ, yo evaṃ paṭicchanne niraye attānaṃ na dasseyya, tiracchānayoniyaṃ attānaṃ na dasseyya, pettivisaye attānaṃ na dasseyya, manussaloke attānaṃ na dasseyya, devaloke attānaṃ na dasseyyāti evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – sāmaggiyamāhu tassa taṃ, yo attānaṃ bhavane na dassaye.
д̇знааха бхаг̇аваа –
Tenāha bhagavā –
‘‘бад̇илийнажарасса бхигкуно, бхаж̇амаанасса вивид̇д̇амаасанам̣;
‘‘Patilīnacarassa bhikkhuno, bhajamānassa vivittamāsanaṃ;
саамаг̇г̇ияамааху д̇асса д̇ам̣, яо ад̇д̇аанам̣ бхаванз на д̣̇ассаяз’’д̇и.
Sāmaggiyamāhu tassa taṃ, yo attānaṃ bhavane na dassaye’’ti.
46.
46.
саб̣б̣ад̇т̇а муний аниссид̇о, на бияам̣ губ̣б̣ад̇и ноби аббияам̣;
Sabbatthamunī anissito, na piyaṃ kubbati nopi appiyaṃ;
д̇асмим̣ барид̣̇звамажчарам̣, бан̣н̣з ваари яат̇аа на лимбад̇и.
Tasmiṃ paridevamaccharaṃ, paṇṇe vāri yathā na limpati.
саб̣б̣ад̇т̇а муний аниссид̇од̇и. саб̣б̣ам̣ вужжад̇и д̣̇ваад̣̇асааяад̇анаани – жагкун̃жзва руубаа жа, сод̇ан̃жа сад̣̇д̣̇аа жа, гхаанан̃жа г̇анд̇хаа жа, ж̇ивхаа жа расаа жа, гааяо жа подтаб̣б̣аа жа, мано жа д̇хаммаа жа. мунийд̇и. монам̣ вужжад̇и н̃аан̣ам̣…бз… сан̇г̇аж̇ааламад̇ижжа со муни. аниссид̇од̇и . д̣̇вз ниссаяаа – д̇ан̣хааниссаяо жа д̣̇идтиниссаяо жа…бз… аяам̣ д̇ан̣хааниссаяо…бз… аяам̣ д̣̇идтиниссаяо. муни д̇ан̣хааниссаяам̣ бахааяа д̣̇идтиниссаяам̣ бадиниссаж̇ж̇ид̇ваа жагкум̣ аниссид̇о сод̇ам̣ аниссид̇о гхаанам̣ аниссид̇о ж̇ивхам̣ аниссид̇о гааяам̣ аниссид̇о манам̣ аниссид̇о руубз… сад̣̇д̣̇з… г̇анд̇хз… расз… подтаб̣б̣з… д̇хаммз… гулам̣… г̇ан̣ам̣… ааваасам̣… лаабхам̣… яасам̣… басам̣сам̣… сукам̣… жийварам̣… бин̣д̣абаад̇ам̣… сзнаасанам̣… г̇илаанабажжаяабхзсаж̇ж̇абаригкаарам̣… гаамад̇хаад̇ум̣… руубад̇хаад̇ум̣… аруубад̇хаад̇ум̣… гаамабхавам̣… руубабхавам̣… аруубабхавам̣… сан̃н̃аабхавам̣… асан̃н̃аабхавам̣ … нзвасан̃н̃аанаасан̃н̃аабхавам̣… згавогаарабхавам̣… жад̇увогаарабхавам̣… бан̃жавогаарабхавам̣… ад̇ийд̇ам̣… анааг̇ад̇ам̣… бажжуббаннам̣… д̣̇идтам̣… суд̇ам̣… муд̇ам̣… вин̃н̃аад̇ам̣… саб̣б̣з д̇хаммз аниссид̇о аналлийно анубаг̇ад̇о анаж̇жхосид̇о анад̇химуд̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – саб̣б̣ад̇т̇а муни аниссид̇о.
Sabbatthamunī anissitoti. Sabbaṃ vuccati dvādasāyatanāni – cakkhuñceva rūpā ca, sotañca saddā ca, ghānañca gandhā ca, jivhā ca rasā ca, kāyo ca phoṭṭhabbā ca, mano ca dhammā ca. Munīti. Monaṃ vuccati ñāṇaṃ…pe… saṅgajālamaticca so muni. Anissitoti . Dve nissayā – taṇhānissayo ca diṭṭhinissayo ca…pe… ayaṃ taṇhānissayo…pe… ayaṃ diṭṭhinissayo. Muni taṇhānissayaṃ pahāya diṭṭhinissayaṃ paṭinissajjitvā cakkhuṃ anissito sotaṃ anissito ghānaṃ anissito jivhaṃ anissito kāyaṃ anissito manaṃ anissito rūpe… sadde… gandhe… rase… phoṭṭhabbe… dhamme… kulaṃ… gaṇaṃ… āvāsaṃ… lābhaṃ… yasaṃ… pasaṃsaṃ… sukhaṃ… cīvaraṃ… piṇḍapātaṃ… senāsanaṃ… gilānapaccayabhesajjaparikkhāraṃ… kāmadhātuṃ… rūpadhātuṃ… arūpadhātuṃ… kāmabhavaṃ… rūpabhavaṃ… arūpabhavaṃ… saññābhavaṃ… asaññābhavaṃ … nevasaññānāsaññābhavaṃ… ekavokārabhavaṃ… catuvokārabhavaṃ… pañcavokārabhavaṃ… atītaṃ… anāgataṃ… paccuppannaṃ… diṭṭhaṃ… sutaṃ… mutaṃ… viññātaṃ… sabbe dhamme anissito anallīno anupagato anajjhosito anadhimutto nikkhanto nissaṭo vippamutto visaññutto vimariyādikatena cetasā viharatīti – sabbattha muni anissito.
на бияам̣ губ̣б̣ад̇и ноби аббияанд̇и. бияаад̇и д̣̇вз бияаа – сад̇д̇аа ваа сан̇каараа ваа. гад̇амз сад̇д̇аа бияаа? ид̇ха яасса д̇з хонд̇и ад̇т̇агаамаа хид̇агаамаа паасугаамаа яог̇агкзмагаамаа маад̇аа ваа бид̇аа ваа бхаад̇аа ваа бхаг̇иний ваа буд̇д̇аа ваа д̇хийд̇араа ваа мид̇д̇аа ваа амажжаа ваа н̃аад̇ий ваа саалохид̇аа ваа – имз сад̇д̇аа бияаа. гад̇амз сан̇каараа бияаа? манаабигаа руубаа манаабигаа сад̣̇д̣̇аа манаабигаа г̇анд̇хаа манаабигаа расаа манаабигаа подтаб̣б̣аа – имз сан̇каараа бияаа. аббияаад̇и д̣̇вз аббияаа – сад̇д̇аа ваа сан̇каараа ваа. гад̇амз сад̇д̇аа аббияаа? ид̇ха яасса д̇з хонд̇и анад̇т̇агаамаа ахид̇агаамаа апаасугаамаа аяог̇агкзмагаамаа ж̇ийвид̇аа воробзд̇угаамаа – имз сад̇д̇аа аббияаа. гад̇амз сан̇каараа аббияаа? аманаабигаа руубаа аманаабигаа сад̣̇д̣̇аа аманаабигаа г̇анд̇хаа аманаабигаа расаа аманаабигаа подтаб̣б̣аа – имз сан̇каараа аббияаа. на бияам̣ губ̣б̣ад̇и ноби аббияанд̇и. ‘‘аяам̣ мз сад̇д̇о бияо, имз жа сан̇каараа манаабаа’’д̇и рааг̇авасзна бияам̣ на гарод̇и; ‘‘аяам̣ мз сад̇д̇о аббияо, имз жа сан̇каараа аманаабаа’’д̇и бадигхавасзна аббияам̣ на гарод̇и на ж̇анзд̇и на сан̃ж̇анзд̇и на ниб̣б̣ад̇д̇зд̇и наабхиниб̣б̣ад̇д̇зд̇ийд̇и – на бияам̣ губ̣б̣ад̇и ноби аббияам̣.
Na piyaṃ kubbati nopi appiyanti. Piyāti dve piyā – sattā vā saṅkhārā vā. Katame sattā piyā? Idha yassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā puttā vā dhītarā vā mittā vā amaccā vā ñātī vā sālohitā vā – ime sattā piyā. Katame saṅkhārā piyā? Manāpikā rūpā manāpikā saddā manāpikā gandhā manāpikā rasā manāpikā phoṭṭhabbā – ime saṅkhārā piyā. Appiyāti dve appiyā – sattā vā saṅkhārā vā. Katame sattā appiyā? Idha yassa te honti anatthakāmā ahitakāmā aphāsukāmā ayogakkhemakāmā jīvitā voropetukāmā – ime sattā appiyā. Katame saṅkhārā appiyā? Amanāpikā rūpā amanāpikā saddā amanāpikā gandhā amanāpikā rasā amanāpikā phoṭṭhabbā – ime saṅkhārā appiyā. Na piyaṃ kubbati nopi appiyanti. ‘‘Ayaṃ me satto piyo, ime ca saṅkhārā manāpā’’ti rāgavasena piyaṃ na karoti; ‘‘ayaṃ me satto appiyo, ime ca saṅkhārā amanāpā’’ti paṭighavasena appiyaṃ na karoti na janeti na sañjaneti na nibbatteti nābhinibbattetīti – na piyaṃ kubbati nopi appiyaṃ.
д̇асмим̣ барид̣̇звамажчарам̣ бан̣н̣з ваари яат̇аа на лимбад̇ийд̇и. д̇асминд̇и д̇асмим̣ буг̇г̇алз араханд̇з кийн̣аасавз. барид̣̇звод̇и н̃аад̇иб̣яасанзна ваа пудтасса бхог̇аб̣яасанзна ваа пудтасса рог̇аб̣яасанзна ваа пудтасса сийлаб̣яасанзна ваа пудтасса д̣̇идтиб̣яасанзна ваа пудтасса ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса аад̣̇зво барид̣̇зво аад̣̇званаа барид̣̇званаа аад̣̇звид̇ад̇д̇ам̣ барид̣̇звид̇ад̇д̇ам̣ ваажаа балаабо виббалаабо лаалаббо лаалаббааяанаа лаалаббааяид̇ад̇д̇ам̣. мажчарияанд̇и бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣. яам̣ зваруубам̣ мажчарияам̣ мажчарааяанаа мажчарааяид̇ад̇д̇ам̣ взвижчам̣ гад̣̇арияам̣ гадуган̃жугад̇аа аг̇г̇ахид̇ад̇д̇ам̣ жид̇д̇асса – ид̣̇ам̣ вужжад̇и мажчарияам̣. аби жа канд̇хамажчарияамби мажчарияам̣, д̇хаад̇умажчарияамби мажчарияам̣, ааяад̇анамажчарияамби мажчарияам̣ г̇аахо – ид̣̇ам̣ вужжад̇и мажчарияам̣.
Tasmiṃ paridevamaccharaṃ paṇṇe vāri yathā na limpatīti. Tasminti tasmiṃ puggale arahante khīṇāsave. Paridevoti ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ vācā palāpo vippalāpo lālappo lālappāyanā lālappāyitattaṃ. Macchariyanti pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa – idaṃ vuccati macchariyaṃ. Api ca khandhamacchariyampi macchariyaṃ, dhātumacchariyampi macchariyaṃ, āyatanamacchariyampi macchariyaṃ gāho – idaṃ vuccati macchariyaṃ.
бан̣н̣з ваари яат̇аа на лимбад̇ийд̇и. бан̣н̣ам̣ вужжад̇и бад̣̇умабад̇д̇ам̣. ваари вужжад̇и уд̣̇агам̣. яат̇аа ваари бад̣̇умабад̇д̇ам̣ на лимбад̇и на балимбад̇и на убалимбад̇и алид̇д̇ам̣ абалид̇д̇ам̣ анубалид̇д̇ам̣, звамзва д̇асмим̣ буг̇г̇алз араханд̇з кийн̣аасавз барид̣̇зво мажчарияан̃жа на лимбад̇и на балимбад̇и на убалимбад̇и алид̇д̇аа абалид̇д̇аа анубалид̇д̇аа. со жа буг̇г̇ало араханд̇о д̇зхи гилзсзхи на лимбад̇и на балимбад̇и на убалимбад̇и алид̇д̇о абалид̇д̇о анубалид̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – д̇асмим̣ барид̣̇звамажчарам̣ бан̣н̣з ваари яат̇аа на лимбад̇и.
Paṇṇe vāri yathā na limpatīti. Paṇṇaṃ vuccati padumapattaṃ. Vāri vuccati udakaṃ. Yathā vāri padumapattaṃ na limpati na palimpati na upalimpati alittaṃ apalittaṃ anupalittaṃ, evameva tasmiṃ puggale arahante khīṇāsave paridevo macchariyañca na limpati na palimpati na upalimpati alittā apalittā anupalittā. So ca puggalo arahanto tehi kilesehi na limpati na palimpati na upalimpati alitto apalitto anupalitto nikkhanto nissaṭo vippamutto visaññutto vimariyādikatena cetasā viharatīti – tasmiṃ paridevamaccharaṃ paṇṇe vāri yathā na limpati.
д̇знааха бхаг̇аваа –
Tenāha bhagavā –
‘‘саб̣б̣ад̇т̇а муний аниссид̇о, на бияам̣ губ̣б̣ад̇и ноби аббияам̣;
‘‘Sabbattha munī anissito, na piyaṃ kubbati nopi appiyaṃ;
д̇асмим̣ барид̣̇звамажчарам̣, бан̣н̣з ваари яат̇аа на лимбад̇ий’’д̇и.
Tasmiṃ paridevamaccharaṃ, paṇṇe vāri yathā na limpatī’’ti.
47.
47.
уд̣̇аб̣инд̣̇у яат̇ааби богкарз, бад̣̇умз ваари яат̇аа на лимбад̇и;
Udabindu yathāpi pokkhare, padume vāri yathā na limpati;
звам̣ муни нобалимбад̇и, яад̣̇ид̣̇ам̣ д̣̇идтасуд̇амуд̇зсу 37 ваа.
Evaṃ muni nopalimpati, yadidaṃ diṭṭhasutamutesu38vā.
уд̣̇аб̣инд̣̇у яат̇ааби богкарзд̇и. уд̣̇аб̣инд̣̇у вужжад̇и уд̣̇агат̇зво. богкарам̣ вужжад̇и бад̣̇умабад̇д̇ам̣. яат̇аа уд̣̇аб̣инд̣̇у бад̣̇умабад̇д̇з на лимбад̇и на балимбад̇и на убалимбад̇и алид̇д̇ам̣ абалид̇д̇ам̣ анубалид̇д̇анд̇и – уд̣̇аб̣инд̣̇у яат̇ааби богкарз. бад̣̇умз ваари яат̇аа на лимбад̇ийд̇и. бад̣̇умам̣ вужжад̇и бад̣̇умабубпам̣. ваари вужжад̇и уд̣̇агам̣. яат̇аа ваари бад̣̇умабубпам̣ на лимбад̇и на балимбад̇и на убалимбад̇и алид̇д̇ам̣ абалид̇д̇ам̣ анубалид̇д̇анд̇и – бад̣̇умз ваари яат̇аа на лимбад̇и.
Udabindu yathāpi pokkhareti. Udabindu vuccati udakathevo. Pokkharaṃ vuccati padumapattaṃ. Yathā udabindu padumapatte na limpati na palimpati na upalimpati alittaṃ apalittaṃ anupalittanti – udabindu yathāpi pokkhare. Padumevāri yathā na limpatīti. Padumaṃ vuccati padumapupphaṃ. Vāri vuccati udakaṃ. Yathā vāri padumapupphaṃ na limpati na palimpati na upalimpati alittaṃ apalittaṃ anupalittanti – padume vāri yathā na limpati.
звам̣ муни нобалимбад̇и, яад̣̇ид̣̇ам̣ д̣̇идтасуд̇амуд̇зсу ваад̇и. званд̇и обаммасамбадибаад̣̇анам̣. мунийд̇и. монам̣ вужжад̇и н̃аан̣ам̣…бз… сан̇г̇аж̇ааламад̇ижжа со муни. лзбаад̇и д̣̇вз лзбаа – д̇ан̣хаалзбо жа д̣̇идтилзбо жа…бз… аяам̣ д̇ан̣хаалзбо…бз… аяам̣ д̣̇идтилзбо. муни д̇ан̣хаалзбам̣ бахааяа д̣̇идтилзбам̣ бадиниссаж̇ж̇ид̇ваа д̣̇идтз на лимбад̇и, суд̇з на лимбад̇и, муд̇з на лимбад̇и, вин̃н̃аад̇з на лимбад̇и на балимбад̇и на убалимбад̇и алид̇д̇о абалид̇д̇о анубалид̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – звам̣ муни нобалимбад̇и, яад̣̇ид̣̇ам̣ д̣̇идтасуд̇амуд̇зсу ваа.
Evaṃmuni nopalimpati, yadidaṃ diṭṭhasutamutesu vāti. Evanti opammasampaṭipādanaṃ. Munīti. Monaṃ vuccati ñāṇaṃ…pe… saṅgajālamaticca so muni. Lepāti dve lepā – taṇhālepo ca diṭṭhilepo ca…pe… ayaṃ taṇhālepo…pe… ayaṃ diṭṭhilepo. Muni taṇhālepaṃ pahāya diṭṭhilepaṃ paṭinissajjitvā diṭṭhe na limpati, sute na limpati, mute na limpati, viññāte na limpati na palimpati na upalimpati alitto apalitto anupalitto nikkhanto nissaṭo vippamutto visaññutto vimariyādikatena cetasā viharatīti – evaṃ muni nopalimpati, yadidaṃ diṭṭhasutamutesu vā.
д̇знааха бхаг̇аваа –
Tenāha bhagavā –
‘‘уд̣̇аб̣инд̣̇у яат̇ааби богкарз, бад̣̇умз ваари яат̇аа на лимбад̇и;
‘‘Udabindu yathāpi pokkhare, padume vāri yathā na limpati;
звам̣ муни нобалимбад̇и, яад̣̇ид̣̇ам̣ д̣̇идтасуд̇амуд̇зсу ваа’’д̇и.
Evaṃ muni nopalimpati, yadidaṃ diṭṭhasutamutesu vā’’ti.
48.
48.
д̇хоно на хи д̇зна ман̃н̃ад̇и, яад̣̇ид̣̇ам̣ д̣̇идтасуд̇амуд̇зсу ваа;
Dhono na hi tena maññati, yadidaṃ diṭṭhasutamutesu vā;
наан̃н̃зна висуд̣̇д̇химижчад̇и, на хи со раж̇ж̇ад̇и но вираж̇ж̇ад̇и.
Nāññenavisuddhimicchati, na hi so rajjati no virajjati.
д̇хоно на хи д̇зна ман̃н̃ад̇и, яад̣̇ид̣̇ам̣ д̣̇идтасуд̇амуд̇зсу ваад̇и. д̇хонод̇и д̇хонаа вужжад̇и бан̃н̃аа. яаа бан̃н̃аа баж̇аананаа…бз… амохо д̇хаммавижаяо саммаад̣̇идти. гим̣гааран̣аа д̇хонаа вужжад̇и бан̃н̃аа? д̇ааяа бан̃н̃ааяа гааяад̣̇ужжарид̇ам̣ д̇худ̇ан̃жа д̇ход̇а жа санд̇ход̇ан̃жа нид̣̇д̇ход̇ан̃жа, важийд̣̇ужжарид̇ам̣…бз… манод̣̇ужжарид̇ам̣ д̇худ̇ан̃жа д̇ход̇ан̃жа санд̇ход̇ан̃жа нид̣̇д̇ход̇ан̃жа, рааг̇о д̇худ̇о жа д̇ход̇о жа санд̇ход̇о жа нид̣̇д̇ход̇о жа, д̣̇осо… мохо… год̇хо… убанаахо… магко… бал̣аасо… иссаа… мажчарияам̣… мааяаа… саатзяяам̣… т̇амбхо… саарамбхо… маано… ад̇имаано… мад̣̇о… бамаад̣̇о… саб̣б̣з гилзсаа… саб̣б̣з д̣̇ужжарид̇аа… саб̣б̣з д̣̇арат̇аа… саб̣б̣з барил̣аахаа… саб̣б̣з санд̇аабаа… саб̣б̣аагусалаабхисан̇каараа д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа. д̇ам̣гааран̣аа д̇хонаа вужжад̇и бан̃н̃аа.
Dhono na hi tena maññati, yadidaṃ diṭṭhasutamutesu vāti. Dhonoti dhonā vuccati paññā. Yā paññā pajānanā…pe… amoho dhammavicayo sammādiṭṭhi. Kiṃkāraṇā dhonā vuccati paññā? Tāya paññāya kāyaduccaritaṃ dhutañca dhota ca sandhotañca niddhotañca, vacīduccaritaṃ…pe… manoduccaritaṃ dhutañca dhotañca sandhotañca niddhotañca, rāgo dhuto ca dhoto ca sandhoto ca niddhoto ca, doso… moho… kodho… upanāho… makkho… paḷāso… issā… macchariyaṃ… māyā… sāṭheyyaṃ… thambho… sārambho… māno… atimāno… mado… pamādo… sabbe kilesā… sabbe duccaritā… sabbe darathā… sabbe pariḷāhā… sabbe santāpā… sabbākusalābhisaṅkhārā dhutā ca dhotā ca sandhotā ca niddhotā ca. Taṃkāraṇā dhonā vuccati paññā.
ат̇а ваа саммаад̣̇идтияаа мижчаад̣̇идти д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа, саммаасан̇габбзна мижчаасан̇габбо д̇худ̇о жа д̇ход̇о жа санд̇ход̇о жа нид̣̇д̇ход̇о жа, саммааваажааяа мижчааваажаа д̇худ̇аа жа… саммаагамманд̇зна мижчаагамманд̇о д̇худ̇о жа… саммааааж̇ийвзна мижчааааж̇ийво д̇худ̇о жа… саммаавааяаамзна мижчаавааяаамо д̇худ̇о жа… саммаасад̇ияаа мижчаасад̇и д̇худ̇аа жа… саммаасамаад̇хинаа мижчаасамаад̇хи д̇худ̇о жа… саммаан̃аан̣зна мижчаан̃аан̣ам̣ д̇худ̇ан̃жа… саммаавимуд̇д̇ияаа мижчаавимуд̇д̇и д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа.
Atha vā sammādiṭṭhiyā micchādiṭṭhi dhutā ca dhotā ca sandhotā ca niddhotā ca, sammāsaṅkappena micchāsaṅkappo dhuto ca dhoto ca sandhoto ca niddhoto ca, sammāvācāya micchāvācā dhutā ca… sammākammantena micchākammanto dhuto ca… sammāājīvena micchāājīvo dhuto ca… sammāvāyāmena micchāvāyāmo dhuto ca… sammāsatiyā micchāsati dhutā ca… sammāsamādhinā micchāsamādhi dhuto ca… sammāñāṇena micchāñāṇaṃ dhutañca… sammāvimuttiyā micchāvimutti dhutā ca dhotā ca sandhotā ca niddhotā ca.
ат̇а ваа ариязна адтан̇г̇игзна маг̇г̇зна саб̣б̣з гилзсаа… саб̣б̣з д̣̇ужжарид̇аа… саб̣б̣з д̣̇арат̇аа… саб̣б̣з барил̣аахаа… саб̣б̣з санд̇аабаа… саб̣б̣аагусалаабхисан̇каараа д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа. арахаа имзхи д̇хонзхи д̇хаммзхи убзд̇о самубзд̇о убаг̇ад̇о самубаг̇ад̇о убабанно самубабанно саманнааг̇ад̇о. д̇асмаа арахаа д̇хоно. со д̇худ̇арааг̇о д̇худ̇абаабо д̇худ̇агилзсо д̇худ̇абарил̣ааход̇и – д̇хоно.
Atha vā ariyena aṭṭhaṅgikena maggena sabbe kilesā… sabbe duccaritā… sabbe darathā… sabbe pariḷāhā… sabbe santāpā… sabbākusalābhisaṅkhārā dhutā ca dhotā ca sandhotā ca niddhotā ca. Arahā imehi dhonehi dhammehi upeto samupeto upagato samupagato upapanno samupapanno samannāgato. Tasmā arahā dhono. So dhutarāgo dhutapāpo dhutakileso dhutapariḷāhoti – dhono.
д̇хоно на хи д̇зна ман̃н̃ад̇и, яад̣̇ид̣̇ам̣ д̣̇идтасуд̇амуд̇зсу ваад̇и. д̇хоно д̣̇идтам̣ на ман̃н̃ад̇и, д̣̇идтасмим̣ на ман̃н̃ад̇и, д̣̇идтад̇о на ман̃н̃ад̇и, д̣̇идтаа мзд̇и на ман̃н̃ад̇и; суд̇ам̣ на ман̃н̃ад̇и, суд̇асмим̣ на ман̃н̃ад̇и, суд̇ад̇о на ман̃н̃ад̇и, суд̇ам̣ мзд̇и на ман̃н̃ад̇и; муд̇ам̣ на ман̃н̃ад̇и, муд̇асмим̣ на ман̃н̃ад̇и, муд̇ад̇о на ман̃н̃ад̇и, муд̇ам̣ мзд̇и на ман̃н̃ад̇и; вин̃н̃аад̇ам̣ на ман̃н̃ад̇и, вин̃н̃аад̇асмим̣ на ман̃н̃ад̇и, вин̃н̃аад̇ад̇о на ман̃н̃ад̇и, вин̃н̃аад̇ам̣ мзд̇и на ман̃н̃ад̇и. вуд̇д̇амби хзд̇ам̣ бхаг̇авад̇аа – ‘‘асмийд̇и, бхигкавз, ман̃н̃ид̇амзд̇ам̣, аяамахамасмийд̇и ман̃н̃ид̇амзд̇ам̣, бхависсанд̇и ман̃н̃ид̇амзд̇ам̣, на бхависсанд̇и ман̃н̃ид̇амзд̇ам̣, руубий бхависсанд̇и ман̃н̃ид̇амзд̇ам̣, аруубий бхависсанд̇и ман̃н̃ид̇амзд̇ам̣, сан̃н̃ий бхависсанд̇и ман̃н̃ид̇амзд̇ам̣, асан̃н̃ий бхависсанд̇и ман̃н̃ид̇амзд̇ам̣, нзвасан̃н̃ийнаасан̃н̃ий бхависсанд̇и ман̃н̃ид̇амзд̇ам̣. ман̃н̃ид̇ам̣ 39, бхигкавз, рог̇о, ман̃н̃ид̇ам̣ г̇ан̣д̣о, ман̃н̃ид̇ам̣ саллам̣, ман̃н̃ид̇ам̣ убад̣̇д̣̇аво. д̇асмаад̇иха, бхигкавз, аман̃н̃амаанзна жзд̇асаа вихариссаамаад̇и, зван̃хи во, бхигкавз, сигкид̇аб̣б̣а’’нд̇и – д̇хоно на хи д̇зна ман̃н̃ад̇и яад̣̇ид̣̇ам̣ д̣̇идтасуд̇амуд̇зсу ваа.
Dhono na hi tena maññati, yadidaṃ diṭṭhasutamutesu vāti. Dhono diṭṭhaṃ na maññati, diṭṭhasmiṃ na maññati, diṭṭhato na maññati, diṭṭhā meti na maññati; sutaṃ na maññati, sutasmiṃ na maññati, sutato na maññati, sutaṃ meti na maññati; mutaṃ na maññati, mutasmiṃ na maññati, mutato na maññati, mutaṃ meti na maññati; viññātaṃ na maññati, viññātasmiṃ na maññati, viññātato na maññati, viññātaṃ meti na maññati. Vuttampi hetaṃ bhagavatā – ‘‘asmīti, bhikkhave, maññitametaṃ, ayamahamasmīti maññitametaṃ, bhavissanti maññitametaṃ, na bhavissanti maññitametaṃ, rūpī bhavissanti maññitametaṃ, arūpī bhavissanti maññitametaṃ, saññī bhavissanti maññitametaṃ, asaññī bhavissanti maññitametaṃ, nevasaññīnāsaññī bhavissanti maññitametaṃ. Maññitaṃ 40, bhikkhave, rogo, maññitaṃ gaṇḍo, maññitaṃ sallaṃ, maññitaṃ upaddavo. Tasmātiha, bhikkhave, amaññamānena cetasā viharissāmāti, evañhi vo, bhikkhave, sikkhitabba’’nti – dhono na hi tena maññati yadidaṃ diṭṭhasutamutesu vā.
наан̃н̃зна висуд̣̇д̇химижчад̇ийд̇и. д̇хоно ан̃н̃зна асуд̣̇д̇химаг̇г̇зна мижчаабадибад̣̇ааяа анияяаанигабат̇зна ан̃н̃ад̇ра сад̇ибадтаанзхи ан̃н̃ад̇ра саммаббад̇хаанзхи ан̃н̃ад̇ра ид̣̇д̇хибаад̣̇зхи ан̃н̃ад̇ра инд̣̇риязхи ан̃н̃ад̇ра б̣алзхи ан̃н̃ад̇ра б̣ож̇жхан̇г̇зхи ан̃н̃ад̇ра арияаа адтан̇г̇игаа маг̇г̇аа суд̣̇д̇хим̣ висуд̣̇д̇хим̣ барисуд̣̇д̇хим̣ муд̇д̇им̣ вимуд̇д̇им̣ баримуд̇д̇им̣ на ижчад̇и на саад̣̇ияад̇и на бад̇т̇зд̇и на бихзд̇и наабхиж̇аббад̇ийд̇и – наан̃н̃зна висуд̣̇д̇химижчад̇и.
Nāññenavisuddhimicchatīti. Dhono aññena asuddhimaggena micchāpaṭipadāya aniyyānikapathena aññatra satipaṭṭhānehi aññatra sammappadhānehi aññatra iddhipādehi aññatra indriyehi aññatra balehi aññatra bojjhaṅgehi aññatra ariyā aṭṭhaṅgikā maggā suddhiṃ visuddhiṃ parisuddhiṃ muttiṃ vimuttiṃ parimuttiṃ na icchati na sādiyati na pattheti na piheti nābhijappatīti – nāññena visuddhimicchati.
на хи со раж̇ж̇ад̇и но вираж̇ж̇ад̇ийд̇и. саб̣б̣з б̣аалабут̇уж̇ж̇анаа раж̇ж̇анд̇и, бут̇уж̇ж̇анагаляаан̣агам̣ убаад̣̇ааяа сад̇д̇а сзгкаа вираж̇ж̇анд̇и; арахаа нзва раж̇ж̇ад̇и но вираж̇ж̇ад̇и. вирад̇д̇о со каяаа рааг̇асса вийд̇арааг̇ад̇д̇аа, каяаа д̣̇осасса вийд̇ад̣̇осад̇д̇аа, каяаа мохасса вийд̇амохад̇д̇аа. со вудтаваасо жин̣н̣ажаран̣о…бз… ж̇аад̇иж̇араамаран̣асам̣сааро, над̇т̇и д̇асса бунаб̣бхавод̇и – на хи со раж̇ж̇ад̇и но вираж̇ж̇ад̇и.
Na hi so rajjati no virajjatīti. Sabbe bālaputhujjanā rajjanti, puthujjanakalyāṇakaṃ upādāya satta sekkhā virajjanti; arahā neva rajjati no virajjati. Viratto so khayā rāgassa vītarāgattā, khayā dosassa vītadosattā, khayā mohassa vītamohattā. So vuṭṭhavāso ciṇṇacaraṇo…pe… jātijarāmaraṇasaṃsāro, natthi tassa punabbhavoti – na hi so rajjati no virajjati.
д̇знааха бхаг̇аваа –
Tenāha bhagavā –
‘‘д̇хоно на хи д̇зна ман̃н̃ад̇и, яад̣̇ид̣̇ам̣ д̣̇идтасуд̇амуд̇зсу ваа;
‘‘Dhono na hi tena maññati, yadidaṃ diṭṭhasutamutesu vā;
наан̃н̃зна висуд̣̇д̇химижчад̇и, на хи со раж̇ж̇ад̇и но вираж̇ж̇ад̇ий’’д̇и.
Nāññena visuddhimicchati, na hi so rajjati no virajjatī’’ti.
ж̇араасуд̇д̇анид̣̇д̣̇зсо чадто.
Jarāsuttaniddeso chaṭṭho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 6. ж̇араасуд̇д̇анид̣̇д̣̇зсаван̣н̣анаа • 6. Jarāsuttaniddesavaṇṇanā
