| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. ஜராவக்³கோ³
6. Jarāvaggo
1. ஜராஸுத்தவண்ணனா
1. Jarāsuttavaṇṇanā
51. ஜராவக்³க³ஸ்ஸ பட²மே ஸாதூ⁴தி லத்³த⁴கங் ப⁴த்³த³கங். ஸீலங் யாவ ஜராதி இமினா இத³ங் த³ஸ்ஸேதி – யதா² முத்தாமணிரத்தவத்தா²தீ³னி ஆப⁴ரணானி தருணகாலேயேவ ஸோப⁴ந்தி, ஜராஜிண்ணகாலே தானி தா⁴ரெந்தோ ‘‘அயங் அஜ்ஜாபி பா³லபா⁴வங் பத்தே²தி, உம்மத்தகோ மஞ்ஞே’’தி வத்தப்³ப³தங் ஆபஜ்ஜதி , ந ஏவங் ஸீலங். ஸீலஞ்ஹி நிச்சகாலங் ஸோப⁴தி. பா³லகாலேபி ஹி ஸீலங் ரக்க²ந்தங் ‘‘கிங் இமஸ்ஸ ஸீலேனா’’தி? வத்தாரோ நத்தி². மஜ்ஜி²மகாலேபி மஹல்லககாலேபீதி.
51. Jarāvaggassa paṭhame sādhūti laddhakaṃ bhaddakaṃ. Sīlaṃ yāva jarāti iminā idaṃ dasseti – yathā muttāmaṇirattavatthādīni ābharaṇāni taruṇakāleyeva sobhanti, jarājiṇṇakāle tāni dhārento ‘‘ayaṃ ajjāpi bālabhāvaṃ pattheti, ummattako maññe’’ti vattabbataṃ āpajjati , na evaṃ sīlaṃ. Sīlañhi niccakālaṃ sobhati. Bālakālepi hi sīlaṃ rakkhantaṃ ‘‘kiṃ imassa sīlenā’’ti? Vattāro natthi. Majjhimakālepi mahallakakālepīti.
ஸத்³தா⁴ ஸாது⁴ பதிட்டி²தாதி ஹத்தா²ளவகசித்தக³ஹபதிஆதீ³னங் விய மக்³கே³ன ஆக³தா பதிட்டி²தஸத்³தா⁴ நாம ஸாது⁴. பஞ்ஞா நரானங் ரதனந்தி எத்த² சித்தீகதட்டா²தீ³ஹி ரதனங் வேதி³தப்³ப³ங். வுத்தஞ்ஹேதங் –
Saddhāsādhu patiṭṭhitāti hatthāḷavakacittagahapatiādīnaṃ viya maggena āgatā patiṭṭhitasaddhā nāma sādhu. Paññā narānaṃ ratananti ettha cittīkataṭṭhādīhi ratanaṃ veditabbaṃ. Vuttañhetaṃ –
‘‘யதி³ சித்தீகதந்தி ரதனங், நனு ப⁴க³வா சித்தீகதோ புரிஸஸீஹோ, யே ச லோகே சித்தீகதா, தேஸங் சித்தீகதோ ப⁴க³வா. யதி³ ரதிகரந்தி ரதனங், நனு ப⁴க³வா ரதிகரோ புரிஸஸீஹோ, தஸ்ஸ வசனேன சரந்தா ஜா²னரதிஸுகே²ன அபி⁴ரமந்தி. யதி³ அதுல்யந்தி ரதனங், நனு ப⁴க³வா அதுலோ புரிஸஸீஹோ. ந ஹி ஸக்கா துலேதுங் கு³ணேஹி கு³ணபாரமிங் க³தோ. யதி³ து³ல்லப⁴ந்தி ரதனங், நனு ப⁴க³வா து³ல்லபோ⁴ புரிஸஸீஹோ. யதி³ அனோமஸத்தபரிபோ⁴க³ந்தி ரதனங், நனு ப⁴க³வா அனோமோ ஸீலேன ஸமாதி⁴னா பஞ்ஞாய விமுத்தியா விமுத்திஞாணத³ஸ்ஸனேனா’’தி.
‘‘Yadi cittīkatanti ratanaṃ, nanu bhagavā cittīkato purisasīho, ye ca loke cittīkatā, tesaṃ cittīkato bhagavā. Yadi ratikaranti ratanaṃ, nanu bhagavā ratikaro purisasīho, tassa vacanena carantā jhānaratisukhena abhiramanti. Yadi atulyanti ratanaṃ, nanu bhagavā atulo purisasīho. Na hi sakkā tuletuṃ guṇehi guṇapāramiṃ gato. Yadi dullabhanti ratanaṃ, nanu bhagavā dullabho purisasīho. Yadi anomasattaparibhoganti ratanaṃ, nanu bhagavā anomo sīlena samādhinā paññāya vimuttiyā vimuttiñāṇadassanenā’’ti.
இத⁴ பன து³ல்லப⁴பாதுபா⁴வட்டே²ன பஞ்ஞா ‘‘ரதன’’ந்தி வுத்தங். புஞ்ஞந்தி புஞ்ஞசேதனா, ஸா ஹி அரூபத்தா பரிஹரிதுங் ந ஸக்காதி. பட²மங்.
Idha pana dullabhapātubhāvaṭṭhena paññā ‘‘ratana’’nti vuttaṃ. Puññanti puññacetanā, sā hi arūpattā pariharituṃ na sakkāti. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஜராஸுத்தங் • 1. Jarāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஜராஸுத்தவண்ணனா • 1. Jarāsuttavaṇṇanā
