| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. ж̇арааваг̇г̇о
6. Jarāvaggo
1. ж̇араасуд̇д̇аван̣н̣анаа
1. Jarāsuttavaṇṇanā
51. хид̇асса саад̇ханад̇о саад̇ху, яам̣ гин̃жи ад̇т̇аж̇аад̇ам̣. д̇ам̣ бана ад̇т̇агаамзна лабхид̇аб̣б̣ад̇о убасзвид̇аб̣б̣ад̇о лад̣̇д̇хагам̣, галяаан̣адтзна бхад̣̇д̣̇аганд̇и вужжад̇ийд̇и ааха ‘‘саад̇хууд̇и лад̣̇д̇хагам̣ бхад̣̇д̣̇ага’’нд̇и. ‘‘сийлам̣ яаава ж̇араа саад̇хуу’’д̇и вуд̇д̇амад̇т̇ам̣ б̣яад̇ирзгад̇о вибхаавзд̇ум̣ ‘‘иминаа ид̣̇ам̣ д̣̇ассзд̇ий’’д̇и вуд̇д̇ам̣. ид̣̇анд̇и ид̣̇ам̣ ад̇т̇аж̇аад̇ам̣.
51. Hitassa sādhanato sādhu, yaṃ kiñci atthajātaṃ. Taṃ pana atthakāmena labhitabbato upasevitabbato laddhakaṃ, kalyāṇaṭṭhena bhaddakanti vuccatīti āha ‘‘sādhūti laddhakaṃ bhaddaka’’nti. ‘‘Sīlaṃ yāva jarā sādhū’’ti vuttamatthaṃ byatirekato vibhāvetuṃ ‘‘iminā idaṃ dassetī’’ti vuttaṃ. Idanti idaṃ atthajātaṃ.
бад̇идтид̇аад̇и жид̇д̇асанд̇аанз лад̣̇д̇хабад̇идтаа, гзнажи асам̣хаарияаа. д̇знааха ‘‘маг̇г̇зна ааг̇ад̇аа’’д̇и. жид̇д̇ийгад̇адтаад̣̇ийхийд̇и бууж̇анийяабхааваад̣̇ийхи. вуд̇д̇ам̣ хзд̇ам̣ бораан̣адтагат̇ааяам̣. жид̇д̇ийгад̇анд̇и рад̇ананд̇и ид̣̇ам̣ рад̇анам̣ наама логз жид̇д̇ийгад̇ам̣ вад̇т̇уунам̣ сахассаг̇гханад̇аад̣̇ивасзна. язби логз жид̇д̇ийгад̇аа кад̇д̇ияабан̣д̣ид̇а-жад̇умахаарааж̇а-сагга-суяаама-махааб̣рахмаад̣̇аяо, д̇зсам̣ жид̇д̇ийгад̇о д̇зхи саран̣анд̇и убаг̇анд̇аб̣б̣ад̇аад̣̇ивасзна. рад̇игаранд̇и бийд̇исукаавахам̣. жхаанарад̇исукзнаад̇и д̣̇увид̇хзнаби жхаанарад̇исукзна. д̇улзд̇унд̇и барижчинд̣̇ид̇ум̣. г̇ун̣абаараминд̇и г̇ун̣аанам̣ уггам̣сабаарамим̣. д̣̇уллабхо анзгаани асан̇кязяяаани ад̇ид̇хаавид̇вааби лад̣̇д̇хум̣ асаггун̣зяяад̇д̇аа. аномод̇и анууно барибун̣н̣о. д̇ад̇т̇а висзсад̇о аномасад̇д̇абарибхог̇ад̇о д̇зхи ‘‘саммаасамб̣уд̣̇д̇хо бхаг̇аваа’’д̇и ануссарид̇аб̣б̣ад̇од̇и ааха ‘‘бхаг̇аваа аномо сийлзнаа’’д̇иаад̣̇и.
Patiṭṭhitāti cittasantāne laddhapatiṭṭhā, kenaci asaṃhāriyā. Tenāha ‘‘maggena āgatā’’ti. Cittīkataṭṭhādīhīti pūjanīyabhāvādīhi. Vuttaṃ hetaṃ porāṇaṭṭhakathāyaṃ. Cittīkatanti ratananti idaṃ ratanaṃ nāma loke cittīkataṃ vatthūnaṃ sahassagghanatādivasena. Yepi loke cittīkatā khattiyapaṇḍita-catumahārāja-sakka-suyāma-mahābrahmādayo, tesaṃ cittīkato tehi saraṇanti upagantabbatādivasena. Ratikaranti pītisukhāvahaṃ. Jhānaratisukhenāti duvidhenapi jhānaratisukhena. Tuletunti paricchindituṃ. Guṇapāraminti guṇānaṃ ukkaṃsapāramiṃ. Dullabho anekāni asaṅkhyeyyāni atidhāvitvāpi laddhuṃ asakkuṇeyyattā. Anomoti anūno paripuṇṇo. Tattha visesato anomasattaparibhogato tehi ‘‘sammāsambuddho bhagavā’’ti anussaritabbatoti āha ‘‘bhagavā anomo sīlenā’’tiādi.
арияамаг̇г̇абан̃н̃ааязва ид̇ха ад̇хиббзд̇аад̇и ‘‘ид̇ха бана д̣̇уллабхабаад̇убхаавадтзна бан̃н̃аа ‘рад̇ана’нд̇и вуд̇д̇а’’нд̇и ааха. буж̇ж̇апаланиб̣б̣ад̇д̇анад̇о, ад̇д̇ано санд̇аанам̣ бунаад̇ийд̇и жа бун̃н̃ажзд̇анаа бун̃н̃ам̣, саа бана яасса уббаннаа, д̇ассзва аавзн̣игад̇ааяа анан̃н̃асаад̇хааран̣ад̇д̇аа гзнажиби анаахадаа, адтагат̇ааяам̣ бана ‘‘аруубад̇д̇аа’’д̇и вуд̇д̇ам̣.
Ariyamaggapaññāyeva idha adhippetāti ‘‘idha pana dullabhapātubhāvaṭṭhena paññā ‘ratana’nti vutta’’nti āha. Pujjaphalanibbattanato, attano santānaṃ punātīti ca puññacetanā puññaṃ, sā pana yassa uppannā, tasseva āveṇikatāya anaññasādhāraṇattā kenacipi anāhaṭā, aṭṭhakathāyaṃ pana ‘‘arūpattā’’ti vuttaṃ.
ж̇араасуд̇д̇аван̣н̣анаа нидтид̇аа.
Jarāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ж̇араасуд̇д̇ам̣ • 1. Jarāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ж̇араасуд̇д̇аван̣н̣анаа • 1. Jarāsuttavaṇṇanā
