| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਜਰਾવਗ੍ਗੋ
6. Jarāvaggo
੧. ਜਰਾਸੁਤ੍ਤવਣ੍ਣਨਾ
1. Jarāsuttavaṇṇanā
੫੧. ਹਿਤਸ੍ਸ ਸਾਧਨਤੋ ਸਾਧੁ, ਯਂ ਕਿਞ੍ਚਿ ਅਤ੍ਥਜਾਤਂ। ਤਂ ਪਨ ਅਤ੍ਥਕਾਮੇਨ ਲਭਿਤਬ੍ਬਤੋ ਉਪਸੇવਿਤਬ੍ਬਤੋ ਲਦ੍ਧਕਂ, ਕਲ੍ਯਾਣਟ੍ਠੇਨ ਭਦ੍ਦਕਨ੍ਤਿ વੁਚ੍ਚਤੀਤਿ ਆਹ ‘‘ਸਾਧੂਤਿ ਲਦ੍ਧਕਂ ਭਦ੍ਦਕ’’ਨ੍ਤਿ। ‘‘ਸੀਲਂ ਯਾવ ਜਰਾ ਸਾਧੂ’’ਤਿ વੁਤ੍ਤਮਤ੍ਥਂ ਬ੍ਯਤਿਰੇਕਤੋ વਿਭਾવੇਤੁਂ ‘‘ਇਮਿਨਾ ਇਦਂ ਦਸ੍ਸੇਤੀ’’ਤਿ વੁਤ੍ਤਂ। ਇਦਨ੍ਤਿ ਇਦਂ ਅਤ੍ਥਜਾਤਂ।
51. Hitassa sādhanato sādhu, yaṃ kiñci atthajātaṃ. Taṃ pana atthakāmena labhitabbato upasevitabbato laddhakaṃ, kalyāṇaṭṭhena bhaddakanti vuccatīti āha ‘‘sādhūti laddhakaṃ bhaddaka’’nti. ‘‘Sīlaṃ yāva jarā sādhū’’ti vuttamatthaṃ byatirekato vibhāvetuṃ ‘‘iminā idaṃ dassetī’’ti vuttaṃ. Idanti idaṃ atthajātaṃ.
ਪਤਿਟ੍ਠਿਤਾਤਿ ਚਿਤ੍ਤਸਨ੍ਤਾਨੇ ਲਦ੍ਧਪਤਿਟ੍ਠਾ, ਕੇਨਚਿ ਅਸਂਹਾਰਿਯਾ। ਤੇਨਾਹ ‘‘ਮਗ੍ਗੇਨ ਆਗਤਾ’’ਤਿ। ਚਿਤ੍ਤੀਕਤਟ੍ਠਾਦੀਹੀਤਿ ਪੂਜਨੀਯਭਾવਾਦੀਹਿ। વੁਤ੍ਤਂ ਹੇਤਂ ਪੋਰਾਣਟ੍ਠਕਥਾਯਂ। ਚਿਤ੍ਤੀਕਤਨ੍ਤਿ ਰਤਨਨ੍ਤਿ ਇਦਂ ਰਤਨਂ ਨਾਮ ਲੋਕੇ ਚਿਤ੍ਤੀਕਤਂ વਤ੍ਥੂਨਂ ਸਹਸ੍ਸਗ੍ਘਨਤਾਦਿવਸੇਨ। ਯੇਪਿ ਲੋਕੇ ਚਿਤ੍ਤੀਕਤਾ ਖਤ੍ਤਿਯਪਣ੍ਡਿਤ-ਚਤੁਮਹਾਰਾਜ-ਸਕ੍ਕ-ਸੁਯਾਮ-ਮਹਾਬ੍ਰਹ੍ਮਾਦਯੋ, ਤੇਸਂ ਚਿਤ੍ਤੀਕਤੋ ਤੇਹਿ ਸਰਣਨ੍ਤਿ ਉਪਗਨ੍ਤਬ੍ਬਤਾਦਿવਸੇਨ। ਰਤਿਕਰਨ੍ਤਿ ਪੀਤਿਸੁਖਾવਹਂ। ਝਾਨਰਤਿਸੁਖੇਨਾਤਿ ਦੁવਿਧੇਨਪਿ ਝਾਨਰਤਿਸੁਖੇਨ। ਤੁਲੇਤੁਨ੍ਤਿ ਪਰਿਚ੍ਛਿਨ੍ਦਿਤੁਂ। ਗੁਣਪਾਰਮਿਨ੍ਤਿ ਗੁਣਾਨਂ ਉਕ੍ਕਂਸਪਾਰਮਿਂ। ਦੁਲ੍ਲਭੋ ਅਨੇਕਾਨਿ ਅਸਙ੍ਖ੍ਯੇਯ੍ਯਾਨਿ ਅਤਿਧਾવਿਤ੍વਾਪਿ ਲਦ੍ਧੁਂ ਅਸਕ੍ਕੁਣੇਯ੍ਯਤ੍ਤਾ। ਅਨੋਮੋਤਿ ਅਨੂਨੋ ਪਰਿਪੁਣ੍ਣੋ। ਤਤ੍ਥ વਿਸੇਸਤੋ ਅਨੋਮਸਤ੍ਤਪਰਿਭੋਗਤੋ ਤੇਹਿ ‘‘ਸਮ੍ਮਾਸਮ੍ਬੁਦ੍ਧੋ ਭਗવਾ’’ਤਿ ਅਨੁਸ੍ਸਰਿਤਬ੍ਬਤੋਤਿ ਆਹ ‘‘ਭਗવਾ ਅਨੋਮੋ ਸੀਲੇਨਾ’’ਤਿਆਦਿ।
Patiṭṭhitāti cittasantāne laddhapatiṭṭhā, kenaci asaṃhāriyā. Tenāha ‘‘maggena āgatā’’ti. Cittīkataṭṭhādīhīti pūjanīyabhāvādīhi. Vuttaṃ hetaṃ porāṇaṭṭhakathāyaṃ. Cittīkatanti ratananti idaṃ ratanaṃ nāma loke cittīkataṃ vatthūnaṃ sahassagghanatādivasena. Yepi loke cittīkatā khattiyapaṇḍita-catumahārāja-sakka-suyāma-mahābrahmādayo, tesaṃ cittīkato tehi saraṇanti upagantabbatādivasena. Ratikaranti pītisukhāvahaṃ. Jhānaratisukhenāti duvidhenapi jhānaratisukhena. Tuletunti paricchindituṃ. Guṇapāraminti guṇānaṃ ukkaṃsapāramiṃ. Dullabho anekāni asaṅkhyeyyāni atidhāvitvāpi laddhuṃ asakkuṇeyyattā. Anomoti anūno paripuṇṇo. Tattha visesato anomasattaparibhogato tehi ‘‘sammāsambuddho bhagavā’’ti anussaritabbatoti āha ‘‘bhagavā anomo sīlenā’’tiādi.
ਅਰਿਯਮਗ੍ਗਪਞ੍ਞਾਯੇવ ਇਧ ਅਧਿਪ੍ਪੇਤਾਤਿ ‘‘ਇਧ ਪਨ ਦੁਲ੍ਲਭਪਾਤੁਭਾવਟ੍ਠੇਨ ਪਞ੍ਞਾ ‘ਰਤਨ’ਨ੍ਤਿ વੁਤ੍ਤ’’ਨ੍ਤਿ ਆਹ। ਪੁਜ੍ਜਫਲਨਿਬ੍ਬਤ੍ਤਨਤੋ, ਅਤ੍ਤਨੋ ਸਨ੍ਤਾਨਂ ਪੁਨਾਤੀਤਿ ਚ ਪੁਞ੍ਞਚੇਤਨਾ ਪੁਞ੍ਞਂ, ਸਾ ਪਨ ਯਸ੍ਸ ਉਪ੍ਪਨ੍ਨਾ, ਤਸ੍ਸੇવ ਆવੇਣਿਕਤਾਯ ਅਨਞ੍ਞਸਾਧਾਰਣਤ੍ਤਾ ਕੇਨਚਿਪਿ ਅਨਾਹਟਾ, ਅਟ੍ਠਕਥਾਯਂ ਪਨ ‘‘ਅਰੂਪਤ੍ਤਾ’’ਤਿ વੁਤ੍ਤਂ।
Ariyamaggapaññāyeva idha adhippetāti ‘‘idha pana dullabhapātubhāvaṭṭhena paññā ‘ratana’nti vutta’’nti āha. Pujjaphalanibbattanato, attano santānaṃ punātīti ca puññacetanā puññaṃ, sā pana yassa uppannā, tasseva āveṇikatāya anaññasādhāraṇattā kenacipi anāhaṭā, aṭṭhakathāyaṃ pana ‘‘arūpattā’’ti vuttaṃ.
ਜਰਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Jarāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਜਰਾਸੁਤ੍ਤਂ • 1. Jarāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਜਰਾਸੁਤ੍ਤવਣ੍ਣਨਾ • 1. Jarāsuttavaṇṇanā
