| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
11. ж̇арааваг̇г̇о
11. Jarāvaggo
146.
146.
го ну хаасо 1 гимаананд̣̇о, нижжам̣ баж̇ж̇алид̇з сад̇и;
Ko nu hāso 2 kimānando, niccaṃ pajjalite sati;
анд̇хагаарзна онад̣̇д̇хаа, бад̣̇ийбам̣ на г̇авзсат̇а.
Andhakārena onaddhā, padīpaṃ na gavesatha.
147.
147.
басса жид̇д̇агад̇ам̣ б̣имб̣ам̣, аругааяам̣ самуссид̇ам̣;
Passa cittakataṃ bimbaṃ, arukāyaṃ samussitaṃ;
аад̇урам̣ б̣ахусан̇габбам̣, яасса над̇т̇и д̇хувам̣ тид̇и.
Āturaṃ bahusaṅkappaṃ, yassa natthi dhuvaṃ ṭhiti.
148.
148.
бариж̇ин̣н̣амид̣̇ам̣ руубам̣, рог̇анийл̣ам̣ 3 бабхан̇г̇урам̣;
Parijiṇṇamidaṃ rūpaṃ, roganīḷaṃ 4 pabhaṅguraṃ;
бхиж̇ж̇ад̇и бууд̇исанд̣̇зхо, маран̣анд̇ан̃хи ж̇ийвид̇ам̣.
Bhijjati pūtisandeho, maraṇantañhi jīvitaṃ.
149.
149.
гаабод̇агаани адтийни, д̇аани д̣̇исваана гаа рад̇и.
Kāpotakāni aṭṭhīni, tāni disvāna kā rati.
150.
150.
адтийнам̣ наг̇арам̣ гад̇ам̣, мам̣салохид̇алзбанам̣;
Aṭṭhīnaṃ nagaraṃ kataṃ, maṃsalohitalepanaṃ;
яад̇т̇а ж̇араа жа мажжу жа, маано магко жа охид̇о.
Yattha jarā ca maccu ca, māno makkho ca ohito.
151.
151.
ж̇ийранд̇и вз рааж̇арат̇аа сужид̇д̇аа, ат̇о сарийрамби ж̇арам̣ убзд̇и;
Jīranti ve rājarathā sucittā, atho sarīrampi jaraṃ upeti;
сад̇ан̃жа д̇хаммо на ж̇арам̣ убзд̇и, санд̇о хавз саб̣бхи бавзд̣̇аяанд̇и.
Satañca dhammo na jaraṃ upeti, santo have sabbhi pavedayanti.
152.
152.
мам̣саани д̇асса вад̣дханд̇и, бан̃н̃аа д̇асса на вад̣дхад̇и.
Maṃsāni tassa vaḍḍhanti, paññā tassa na vaḍḍhati.
153.
153.
анзгаж̇аад̇исам̣саарам̣ , санд̇хаависсам̣ аниб̣б̣исам̣;
Anekajātisaṃsāraṃ , sandhāvissaṃ anibbisaṃ;
г̇ахагаарам̣ 11 г̇авзсанд̇о, д̣̇угкаа ж̇аад̇и бунаббунам̣.
Gahakāraṃ 12 gavesanto, dukkhā jāti punappunaṃ.
154.
154.
г̇ахагаарага д̣̇идтоси, буна г̇зхам̣ на гаахаси;
Gahakāraka diṭṭhosi, puna gehaṃ na kāhasi;
саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;
Sabbā te phāsukā bhaggā, gahakūṭaṃ visaṅkhataṃ;
висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа.
Visaṅkhāragataṃ cittaṃ, taṇhānaṃ khayamajjhagā.
155.
155.
ажарид̇ваа б̣рахмажарияам̣, алад̣̇д̇хаа яоб̣б̣анз д̇ханам̣;
Acaritvā brahmacariyaṃ, aladdhā yobbane dhanaṃ;
ж̇ин̣н̣агон̃жаава жхааяанд̇и, кийн̣амажчзва баллалз.
Jiṇṇakoñcāva jhāyanti, khīṇamaccheva pallale.
156.
156.
ажарид̇ваа б̣рахмажарияам̣, алад̣̇д̇хаа яоб̣б̣анз д̇ханам̣;
Acaritvā brahmacariyaṃ, aladdhā yobbane dhanaṃ;
сзнд̇и жаабаад̇икийн̣аава, бураан̣аани ануд̇т̇унам̣.
Senti cāpātikhīṇāva, purāṇāni anutthunaṃ.
ж̇арааваг̇г̇о згаад̣̇асамо нидтид̇о.
Jarāvaggo ekādasamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 11. ж̇арааваг̇г̇о • 11. Jarāvaggo
