| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. ж̇аад̇аруубасигкаабад̣̇аван̣н̣анаа
8. Jātarūpasikkhāpadavaṇṇanā
раж̇ад̇анд̇и на гзвалам̣ руубияамзва ид̇хаад̇хиббзд̇ам̣, ат̇а ко яам̣ гин̃жи вохаараг̇аманийяам̣ гахаабан̣аад̣̇и жа зд̇ам̣ ад̇хиббзд̇анд̇и ааха ‘‘абижаа’’д̇иаад̣̇и. д̇ад̇т̇а гахаабан̣од̇и (баараа. адта. 2.583-584) суван̣н̣амаяо ваа руубияамаяо ваа баагад̇иго ваа. лохамаасаго наама д̇амб̣алохаад̣̇ийхи гад̇амаасаго. д̣̇аарумаасаго наама саарад̣̇аарунаа ваа взл̣убзсигааяа ваа анд̇амасо д̇аалабан̣н̣знаби руубам̣ чинд̣̇ид̇ваа гад̇амаасаго. ж̇ад̇умаасаго наама лаакааяа ваа нияяаасзна ваа руубам̣ самудтаабзд̇ваа гад̇амаасаго. ‘‘яз вохаарам̣ г̇ажчанд̇ий’’д̇и иминаа бана бад̣̇зна яо яо яад̇т̇а яад̇т̇а ж̇анабад̣̇з яад̣̇аа яад̣̇аа вохаарам̣ г̇ажчад̇и, анд̇амасо адтимаяоби жаммамаяоби ругкапалаб̣ийж̇амаяоби самудтаабид̇аруубоби асамудтаабид̇аруубоби саб̣б̣о сан̇г̇ахид̇о. д̇ад̣̇зваад̇и ж̇аад̇аруубараж̇ад̇амзва. хиран̃н̃ам̣ наама гахаабан̣о.
Rajatanti na kevalaṃ rūpiyameva idhādhippetaṃ, atha kho yaṃ kiñci vohāragamanīyaṃ kahāpaṇādi ca etaṃ adhippetanti āha ‘‘apicā’’tiādi. Tattha kahāpaṇoti (pārā. aṭṭha. 2.583-584) suvaṇṇamayo vā rūpiyamayo vā pākatiko vā. Lohamāsako nāma tambalohādīhi katamāsako. Dārumāsako nāma sāradārunā vā veḷupesikāya vā antamaso tālapaṇṇenapi rūpaṃ chinditvā katamāsako. Jatumāsako nāma lākhāya vā niyyāsena vā rūpaṃ samuṭṭhāpetvā katamāsako. ‘‘Ye vohāraṃ gacchantī’’ti iminā pana padena yo yo yattha yattha janapade yadā yadā vohāraṃ gacchati, antamaso aṭṭhimayopi cammamayopi rukkhaphalabījamayopi samuṭṭhāpitarūpopi asamuṭṭhāpitarūpopi sabbo saṅgahito. Tadevāti jātarūparajatameva. Hiraññaṃ nāma kahāpaṇo.
‘‘саад̣̇ияад̇ий’’д̇и вуд̇д̇амзвад̇т̇ам̣ вибхаавзд̇и ‘‘г̇ан̣хид̇угаамо ход̇ий’’д̇и. на гзвалам̣ гааяаваажаахи бадигкид̇д̇амзва бадигкид̇д̇ам̣ ход̇и, ат̇а ко манасааби бадигкид̇д̇ам̣ бадигкид̇д̇амзва ход̇ийд̇и ааха ‘‘гааяаваажаахий’’д̇иаад̣̇и. сажз бана гааяаваажаахи аббадигкибид̇ваа жид̇д̇зна ад̇хиваасзд̇и, гааяаваажаахи гад̇д̇аб̣б̣асса бадигкзбасса агаран̣ад̇о агирияасамудтаанам̣ гааяаважийд̣̇ваарз аабад̇д̇им̣ аабаж̇ж̇ад̇и. манод̣̇ваарз бана аабад̇д̇и наама над̇т̇и.
‘‘Sādiyatī’’ti vuttamevatthaṃ vibhāveti ‘‘gaṇhitukāmo hotī’’ti. Na kevalaṃ kāyavācāhi paṭikkhittameva paṭikkhittaṃ hoti, atha kho manasāpi paṭikkhittaṃ paṭikkhittameva hotīti āha ‘‘kāyavācāhī’’tiādi. Sace pana kāyavācāhi appaṭikkhipitvā cittena adhivāseti, kāyavācāhi kattabbassa paṭikkhepassa akaraṇato akiriyasamuṭṭhānaṃ kāyavacīdvāre āpattiṃ āpajjati. Manodvāre pana āpatti nāma natthi.
зго сад̇ам̣ (баараа. адта. 2.583-584) ваа сахассам̣ ваа баад̣̇амуулз табзд̇и ‘‘д̇уяхид̣̇ам̣ ход̇уу’’д̇и, бхигку ‘‘наяид̣̇ам̣ габбад̇ий’’д̇и бадигкибад̇и. убаасаго ‘‘барижжад̇д̇ам̣ маяаа д̇умхаага’’нд̇и г̇ад̇о, ан̃н̃о д̇ад̇т̇а ааг̇анд̇ваа бужчад̇и ‘‘гим̣, бханд̇з, ид̣̇а’’нд̇и. яам̣ д̇зна жа ад̇д̇анаа жа вуд̇д̇ам̣, д̇ам̣ аажигкид̇аб̣б̣ам̣. со жз вад̣̇ад̇и ‘‘г̇обзссаами, бханд̇з, г̇уд̇д̇адтаанам̣ д̣̇ассзт̇аа’’д̇и, сад̇д̇абхуумигамби баасаад̣̇ам̣ абхирухид̇ваа ‘‘ид̣̇ам̣ г̇уд̇д̇адтаана’’нд̇и аажигкид̇аб̣б̣ам̣, ‘‘ид̇ха нигкибаахий’’д̇и на вад̇д̇аб̣б̣ам̣. зд̇д̇аавад̇аа габбияан̃жа агаббияан̃жа ниссааяа тид̇ам̣ ход̇и, д̣̇ваарам̣ бид̣̇ахид̇ваа рагканд̇зна васид̇аб̣б̣ам̣. сажз гин̃жи виггааяигабхан̣д̣ам̣ бад̇д̇ам̣ ваа жийварам̣ ваа ааг̇ажчад̇и, ‘‘ид̣̇ам̣ г̇ахзссат̇а, бханд̇з’’д̇и вуд̇д̇з ‘‘убаасага, ад̇т̇и амхаагам̣ иминаа ад̇т̇о, вад̇т̇у жа зваруубам̣ наама сам̣виж̇ж̇ад̇и, габбияагаараго над̇т̇ий’’д̇и вад̇д̇аб̣б̣ам̣. сажз со вад̣̇ад̇и ‘‘ахам̣ габбияагаараго бхависсаами, д̣̇ваарам̣ виварид̇ваа д̣̇зт̇аа’’д̇и, д̣̇ваарам̣ виварид̇ваа ‘‘имасмим̣ огаасз табид̇а’’нд̇и вад̇д̇аб̣б̣ам̣, ‘‘имам̣ г̇ан̣хаа’’д̇и на вад̇д̇аб̣б̣ам̣. зван̃жа габбияан̃жа агаббияан̃жа ниссааяа тид̇амзва ход̇и. со жзд̇ам̣ г̇ахзд̇ваа д̇асса габбияабхан̣д̣ам̣ д̣̇зд̇и, ваддад̇и. сажз ад̇хигам̣ г̇ан̣хаад̇и, ‘‘на маяам̣ д̇ава бхан̣д̣ам̣ г̇ан̣хаама, нигкамаахий’’д̇и вад̇д̇аб̣б̣о.
Eko sataṃ (pārā. aṭṭha. 2.583-584) vā sahassaṃ vā pādamūle ṭhapeti ‘‘tuyhidaṃ hotū’’ti, bhikkhu ‘‘nayidaṃ kappatī’’ti paṭikkhipati. Upāsako ‘‘pariccattaṃ mayā tumhāka’’nti gato, añño tattha āgantvā pucchati ‘‘kiṃ, bhante, ida’’nti. Yaṃ tena ca attanā ca vuttaṃ, taṃ ācikkhitabbaṃ. So ce vadati ‘‘gopessāmi, bhante, guttaṭṭhānaṃ dassethā’’ti, sattabhūmikampi pāsādaṃ abhiruhitvā ‘‘idaṃ guttaṭṭhāna’’nti ācikkhitabbaṃ, ‘‘idha nikkhipāhī’’ti na vattabbaṃ. Ettāvatā kappiyañca akappiyañca nissāya ṭhitaṃ hoti, dvāraṃ pidahitvā rakkhantena vasitabbaṃ. Sace kiñci vikkāyikabhaṇḍaṃ pattaṃ vā cīvaraṃ vā āgacchati, ‘‘idaṃ gahessatha, bhante’’ti vutte ‘‘upāsaka, atthi amhākaṃ iminā attho, vatthu ca evarūpaṃ nāma saṃvijjati, kappiyakārako natthī’’ti vattabbaṃ. Sace so vadati ‘‘ahaṃ kappiyakārako bhavissāmi, dvāraṃ vivaritvā dethā’’ti, dvāraṃ vivaritvā ‘‘imasmiṃ okāse ṭhapita’’nti vattabbaṃ, ‘‘imaṃ gaṇhā’’ti na vattabbaṃ. Evañca kappiyañca akappiyañca nissāya ṭhitameva hoti. So cetaṃ gahetvā tassa kappiyabhaṇḍaṃ deti, vaṭṭati. Sace adhikaṃ gaṇhāti, ‘‘na mayaṃ tava bhaṇḍaṃ gaṇhāma, nikkhamāhī’’ti vattabbo.
сан̇гхамаж̇жхзязва ниссаж̇ж̇ид̇аб̣б̣анд̇и зд̇т̇а яасмаа руубияам̣ наама агаббияам̣, д̇асмаа ‘‘ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа’’д̇и на вуд̇д̇ам̣. яасмаа бана д̇ам̣ бадиг̇г̇ахид̇амад̇д̇амзва, на д̇зна гин̃жи габбияабхан̣д̣ам̣ жзд̇аабид̇ам̣, д̇асмаа убааязна барибхог̇ад̣̇ассанад̇т̇ам̣ ‘‘сан̇гхамаж̇жхзязва ниссаж̇ж̇ид̇аб̣б̣а’’нд̇и вуд̇д̇ам̣. аад̣̇и-сад̣̇д̣̇зна д̇злаад̣̇ийнам̣ г̇ахан̣ам̣. сод̇и яо г̇ахадто ‘‘сабби ваа д̇злам̣ ваа ваддад̇и убаасагаа’’д̇иаад̣̇инаа наязна вуд̇д̇о, со. ан̃н̃зна лабхид̇ваад̇и бхигкунаа ваа аараамигзна ваа ад̇д̇ано вассаг̇г̇зна лабхид̇ваа. д̇ад̇о ниб̣б̣ад̇д̇аругкажчааяаабийд̇и ниссаг̇г̇ияавад̇т̇унаа аахадаб̣ийж̇ад̇о ниб̣б̣ад̇д̇аругкабарижчзд̣̇зна тид̇ажчааяааби, барижчзд̣̇аад̇игганд̇аа бана ааг̇анд̇угад̇д̇аа ваддад̇и. но жз чад̣д̣зд̇ийд̇и ат̇а нзва г̇ахзд̇ваа г̇ажчад̇и, на чад̣д̣зд̇и, ‘‘гим̣ маяхам̣ иминаа б̣яаабаарзнаа’’д̇и язнагаамам̣ баггамад̇и. бан̃жан̇г̇асаманнааг̇ад̇о ‘‘яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, чад̣д̣ид̇аачад̣д̣ид̇ан̃жа ж̇аанзяяаа’’д̇и (баараа. 584) звам̣ вуд̇д̇абан̃жан̇г̇зхи саманнааг̇ад̇о. самманнид̇аб̣б̣од̇и ‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ руубияачад̣д̣агам̣ самманнзяяаа’’д̇иаад̣̇инаа бад̣̇абхааж̇анз вуд̇д̇ааяа н̃ад̇д̇ид̣̇уд̇ияагаммаваажааяа самманнид̇аб̣б̣о.
Saṅghamajjheyevanissajjitabbanti ettha yasmā rūpiyaṃ nāma akappiyaṃ, tasmā ‘‘nissajjitabbaṃ saṅghassa vā gaṇassa vā puggalassa vā’’ti na vuttaṃ. Yasmā pana taṃ paṭiggahitamattameva, na tena kiñci kappiyabhaṇḍaṃ cetāpitaṃ, tasmā upāyena paribhogadassanatthaṃ ‘‘saṅghamajjheyeva nissajjitabba’’nti vuttaṃ. Ādi-saddena telādīnaṃ gahaṇaṃ. Soti yo gahaṭṭho ‘‘sappi vā telaṃ vā vaṭṭati upāsakā’’tiādinā nayena vutto, so. Aññena labhitvāti bhikkhunā vā ārāmikena vā attano vassaggena labhitvā. Tato nibbattarukkhacchāyāpīti nissaggiyavatthunā āhaṭabījato nibbattarukkhaparicchedena ṭhitacchāyāpi, paricchedātikkantā pana āgantukattā vaṭṭati. No ce chaḍḍetīti atha neva gahetvā gacchati, na chaḍḍeti, ‘‘kiṃ mayhaṃ iminā byāpārenā’’ti yenakāmaṃ pakkamati. Pañcaṅgasamannāgato ‘‘yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, chaḍḍitāchaḍḍitañca jāneyyā’’ti (pārā. 584) evaṃ vuttapañcaṅgehi samannāgato. Sammannitabboti ‘‘suṇātu me, bhante, saṅgho, yadi saṅghassa pattakallaṃ, saṅgho itthannāmaṃ bhikkhuṃ rūpiyachaḍḍakaṃ sammanneyyā’’tiādinā padabhājane vuttāya ñattidutiyakammavācāya sammannitabbo.
анимид̇д̇ам̣ гад̇ваа г̇уут̇ам̣ вияа чад̣д̣зд̇аб̣б̣анд̇и бад̇ид̇адтаанам̣ саллагкан̣авасзна нимид̇д̇ам̣ агад̇ваа г̇уут̇ам̣ вияа чад̣д̣зд̇аб̣б̣ам̣, агкийни нимийлзд̇ваава над̣̇ияаа ваа бабаад̇з ваа ванаг̇аханз ваа г̇уут̇ам̣ вияа анабзгкзна бад̇ид̇огаасам̣ асаманнаахаранд̇зна баад̇зд̇аб̣б̣анд̇и вуд̇д̇ам̣ ход̇и. д̇знааха ‘‘г̇уут̇ам̣ вияа чад̣д̣зд̇аб̣б̣а’’нд̇и. д̇игабаажид̇д̇ияанд̇и руубияасан̃н̃ивзмад̇игааруубияасан̃н̃ийнам̣ васзна д̇ийн̣и баажид̇д̇ияаани. аруубияз руубияасан̃н̃инод̇и карабад̇д̇аад̣̇ийсу суван̣н̣аад̣̇исан̃н̃ино. рад̇анасигкаабад̣̇анаязнаад̇и ‘‘аж̇жхаараамз ваа аж̇жхаавасат̇з ваа’’д̇и (баажи. 505) зд̇т̇а вуд̇д̇авид̇хинаа.
Animittaṃ katvā gūthaṃ viya chaḍḍetabbanti patitaṭṭhānaṃ sallakkhaṇavasena nimittaṃ akatvā gūthaṃ viya chaḍḍetabbaṃ, akkhīni nimīletvāva nadiyā vā papāte vā vanagahane vā gūthaṃ viya anapekkhena patitokāsaṃ asamannāharantena pātetabbanti vuttaṃ hoti. Tenāha ‘‘gūthaṃ viya chaḍḍetabba’’nti. Tikapācittiyanti rūpiyasaññivematikaarūpiyasaññīnaṃ vasena tīṇi pācittiyāni. Arūpiye rūpiyasaññinoti kharapattādīsu suvaṇṇādisaññino. Ratanasikkhāpadanayenāti ‘‘ajjhārāme vā ajjhāvasathe vā’’ti (pāci. 505) ettha vuttavidhinā.
ж̇аад̇аруубасигкаабад̣̇аван̣н̣анаа нидтид̇аа.
Jātarūpasikkhāpadavaṇṇanā niṭṭhitā.
