| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๖. ชฎาสุตฺตํ
6. Jaṭāsuttaṃ
๑๙๒. สาวตฺถินิทานํ ฯ อถ โข ชฎาภารทฺวาโช พฺราหฺมโณ เยน ภควา เตนุปสงฺกมิ; อุปสงฺกมิตฺวา ภควตา สทฺธิํ สโมฺมทิฯ สโมฺมทนียํ กถํ สารณียํ วีติสาเรตฺวา เอกมนฺตํ นิสีทิฯ เอกมนฺตํ นิสิโนฺน โข ชฎาภารทฺวาโช พฺราหฺมโณ ภควนฺตํ คาถาย อชฺฌภาสิ –
192. Sāvatthinidānaṃ . Atha kho jaṭābhāradvājo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jaṭābhāradvājo brāhmaṇo bhagavantaṃ gāthāya ajjhabhāsi –
‘‘อโนฺตชฎา พหิชฎา, ชฎาย ชฎิตา ปชา;
‘‘Antojaṭā bahijaṭā, jaṭāya jaṭitā pajā;
ตํ ตํ โคตม ปุจฺฉามิ, โก อิมํ วิชฎเย ชฎ’’นฺติฯ
Taṃ taṃ gotama pucchāmi, ko imaṃ vijaṭaye jaṭa’’nti.
‘‘สีเล ปติฎฺฐาย นโร สปโญฺญ, จิตฺตํ ปญฺญญฺจ ภาวยํ;
‘‘Sīle patiṭṭhāya naro sapañño, cittaṃ paññañca bhāvayaṃ;
อาตาปี นิปโก ภิกฺขุ, โส อิมํ วิชฎเย ชฎํฯ
Ātāpī nipako bhikkhu, so imaṃ vijaṭaye jaṭaṃ.
‘‘เยสํ ราโค จ โทโส จ, อวิชฺชา จ วิราชิตา;
‘‘Yesaṃ rāgo ca doso ca, avijjā ca virājitā;
ขีณาสวา อรหโนฺต, เตสํ วิชฎิตา ชฎาฯ
Khīṇāsavā arahanto, tesaṃ vijaṭitā jaṭā.
‘‘ยตฺถ นามญฺจ รูปญฺจ, อเสสํ อุปรุชฺฌติ;
‘‘Yattha nāmañca rūpañca, asesaṃ uparujjhati;
ปฎิฆํ รูปสญฺญา จ, เอเตฺถสา ฉิชฺชเต ชฎา’’ติฯ
Paṭighaṃ rūpasaññā ca, etthesā chijjate jaṭā’’ti.
เอวํ วุเตฺต, ชฎาภารทฺวาโช ภควนฺตํ เอตทโวจ – ‘‘อภิกฺกนฺตํ, โภ โคตม…เป.… อญฺญตโร จ ปนายสฺมา ภารทฺวาโช อรหตํ อโหสี’’ติฯ
Evaṃ vutte, jaṭābhāradvājo bhagavantaṃ etadavoca – ‘‘abhikkantaṃ, bho gotama…pe… aññataro ca panāyasmā bhāradvājo arahataṃ ahosī’’ti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. ชฎาสุตฺตวณฺณนา • 6. Jaṭāsuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. ชฎาสุตฺตวณฺณนา • 6. Jaṭāsuttavaṇṇanā
