| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. ж̇адаасуд̇д̇аван̣н̣анаа
3. Jaṭāsuttavaṇṇanā
23. д̇ад̇ияз анд̇ож̇адаад̇и г̇аат̇ааяам̣ ж̇адаад̇и д̇ан̣хааяа ж̇аалинияаа ад̇хиважанам̣. саа хи руубаад̣̇ийсу аарамман̣зсу хздтубарияавасзна бунаббунам̣ уббаж̇ж̇анад̇о сам̣сиб̣б̣анадтзна взл̣уг̇умб̣аад̣̇ийнам̣ саакааж̇ааласан̇каад̇аа ж̇адаа вияаад̇и ж̇адаа. саа банзсаа сагабаригкаарабарабаригкаарзсу сагаад̇д̇абхаава-бараад̇д̇абхаавзсу аж̇жхад̇д̇игааяад̇ана-б̣аахирааяад̇анзсу жа уббаж̇ж̇анад̇о анд̇ож̇адаа б̣ахиж̇адаад̇и вужжад̇и. д̇ааяа звам̣ уббаж̇ж̇амаанааяа ж̇адааяа ж̇адид̇аа баж̇аа. яат̇аа наама взл̣уж̇адаад̣̇ийхи взл̣уаад̣̇аяо, звам̣ д̇ааяа д̇ан̣хааж̇адааяа саб̣б̣ааби аяам̣ сад̇д̇анигааяасан̇каад̇аа баж̇аа ж̇адид̇аа винад̣̇д̇хаа, сам̣сиб̣б̣ид̇аад̇и ад̇т̇о. яасмаа жа звам̣ ж̇адид̇аа, д̇ам̣ д̇ам̣ г̇од̇ама бужчаамийд̇и д̇асмаа д̇ам̣ бужчаами. г̇од̇амаад̇и бхаг̇аванд̇ам̣ г̇од̇д̇зна аалабад̇и. го имам̣ виж̇адаяз ж̇аданд̇и имам̣ звам̣ д̇зд̇хаад̇угам̣ ж̇адзд̇ваа тид̇ам̣ ж̇адам̣ го виж̇адзяяа, виж̇адзд̇ум̣ го самад̇т̇од̇и бужчад̇и.
23. Tatiye antojaṭāti gāthāyaṃ jaṭāti taṇhāya jāliniyā adhivacanaṃ. Sā hi rūpādīsu ārammaṇesu heṭṭhupariyavasena punappunaṃ uppajjanato saṃsibbanaṭṭhena veḷugumbādīnaṃ sākhājālasaṅkhātā jaṭā viyāti jaṭā. Sā panesā sakaparikkhāraparaparikkhāresu sakaattabhāva-paraattabhāvesu ajjhattikāyatana-bāhirāyatanesu ca uppajjanato antojaṭā bahijaṭāti vuccati. Tāya evaṃ uppajjamānāya jaṭāya jaṭitā pajā. Yathā nāma veḷujaṭādīhi veḷuādayo, evaṃ tāya taṇhājaṭāya sabbāpi ayaṃ sattanikāyasaṅkhātā pajā jaṭitā vinaddhā, saṃsibbitāti attho. Yasmā ca evaṃ jaṭitā, taṃ taṃ gotama pucchāmīti tasmā taṃ pucchāmi. Gotamāti bhagavantaṃ gottena ālapati. Ko imaṃ vijaṭaye jaṭanti imaṃ evaṃ tedhātukaṃ jaṭetvā ṭhitaṃ jaṭaṃ ko vijaṭeyya, vijaṭetuṃ ko samatthoti pucchati.
ат̇асса бхаг̇аваа д̇амад̇т̇ам̣ виссаж̇ж̇знд̇о сийлз бад̇идтааяаад̇иаад̣̇имааха. д̇ад̇т̇а сийлз бад̇идтааяаад̇и жад̇убаарисуд̣̇д̇хисийлз тад̇ваа. зд̇т̇а жа бхаг̇аваа ж̇адаавиж̇аданам̣ бужчид̇о сийлам̣ аарабханд̇о на ‘‘ан̃н̃ам̣ будто ан̃н̃ам̣ гат̇зд̇ий’’д̇и взд̣̇ид̇аб̣б̣о. ж̇адаавиж̇адагасса хи бад̇идтаад̣̇ассанад̇т̇амзд̇т̇а сийлам̣ гат̇ид̇ам̣.
Athassa bhagavā tamatthaṃ vissajjento sīle patiṭṭhāyātiādimāha. Tattha sīle patiṭṭhāyāti catupārisuddhisīle ṭhatvā. Ettha ca bhagavā jaṭāvijaṭanaṃ pucchito sīlaṃ ārabhanto na ‘‘aññaṃ puṭṭho aññaṃ kathetī’’ti veditabbo. Jaṭāvijaṭakassa hi patiṭṭhādassanatthamettha sīlaṃ kathitaṃ.
народ̇и сад̇д̇о. сабан̃н̃од̇и гаммаж̇ад̇ихзд̇угабадисанд̇хибан̃н̃ааяа бан̃н̃аваа. жид̇д̇ам̣ бан̃н̃ан̃жа бхааваяанд̇и самаад̇хин̃жзва вибассанан̃жа бхааваяамаано. жид̇д̇асийсзна хзд̇т̇а адта самаабад̇д̇ияо гат̇ид̇аа, бан̃н̃аанаамзна вибассанаа. аад̇аабийд̇и вийрияаваа. вийрияан̃хи гилзсаанам̣ аад̇аабанабарид̇аабанадтзна ‘‘аад̇аабо’’д̇и вужжад̇и, д̇ад̣̇асса ад̇т̇ийд̇и аад̇аабий. нибагод̇и нзбаггам̣ вужжад̇и бан̃н̃аа, д̇ааяа саманнааг̇ад̇од̇и ад̇т̇о. иминаа бад̣̇зна баарихаарияабан̃н̃ам̣ д̣̇ассзд̇и. баарихаарияабан̃н̃аа наама ‘‘аяам̣ гаало уд̣̇д̣̇зсасса, аяам̣ гаало барибужчааяаа’’д̇иаад̣̇инаа наязна саб̣б̣ад̇т̇а гаараабид̇аа барихарид̇аб̣б̣абан̃н̃аа. имасмин̃хи бан̃хааб̣яаагаран̣з д̇игкад̇д̇ум̣ бан̃н̃аа ааг̇ад̇аа. д̇ад̇т̇а батамаа ж̇аад̇ибан̃н̃аа, д̣̇уд̇ияаа вибассанаабан̃н̃аа, д̇ад̇ияаа саб̣б̣агижжабарин̣ааяигаа баарихаарияабан̃н̃аа.
Naroti satto. Sapaññoti kammajatihetukapaṭisandhipaññāya paññavā. Cittaṃ paññañca bhāvayanti samādhiñceva vipassanañca bhāvayamāno. Cittasīsena hettha aṭṭha samāpattiyo kathitā, paññānāmena vipassanā. Ātāpīti vīriyavā. Vīriyañhi kilesānaṃ ātāpanaparitāpanaṭṭhena ‘‘ātāpo’’ti vuccati, tadassa atthīti ātāpī. Nipakoti nepakkaṃ vuccati paññā, tāya samannāgatoti attho. Iminā padena pārihāriyapaññaṃ dasseti. Pārihāriyapaññā nāma ‘‘ayaṃ kālo uddesassa, ayaṃ kālo paripucchāyā’’tiādinā nayena sabbattha kārāpitā pariharitabbapaññā. Imasmiñhi pañhābyākaraṇe tikkhattuṃ paññā āgatā. Tattha paṭhamā jātipaññā, dutiyā vipassanāpaññā, tatiyā sabbakiccapariṇāyikā pārihāriyapaññā.
со имам̣ виж̇адаяз ж̇аданд̇и со имзхи сийлаад̣̇ийхи саманнааг̇ад̇о бхигку. яат̇аа наама бурисо бат̇авияам̣ бад̇идтааяа сунисид̇ам̣ сад̇т̇ам̣ угкибид̇ваа маханд̇ам̣ взл̣уг̇умб̣ам̣ виж̇адзяяа, звамзвам̣ сийлз бад̇идтааяа самаад̇хисилааяам̣ сунисид̇ам̣ вибассанаабан̃н̃аасад̇т̇ам̣ вийрияаб̣алабаг̇г̇ахид̇зна баарихаарияабан̃н̃аахад̇т̇зна угкибид̇ваа саб̣б̣амби д̇ам̣ ад̇д̇ано санд̇аанз бад̇ид̇ам̣ д̇ан̣хааж̇адам̣ виж̇адзяяа сан̃чинд̣̇зяяа самбад̣̇аалзяяаад̇и.
Soimaṃ vijaṭaye jaṭanti so imehi sīlādīhi samannāgato bhikkhu. Yathā nāma puriso pathaviyaṃ patiṭṭhāya sunisitaṃ satthaṃ ukkhipitvā mahantaṃ veḷugumbaṃ vijaṭeyya, evamevaṃ sīle patiṭṭhāya samādhisilāyaṃ sunisitaṃ vipassanāpaññāsatthaṃ vīriyabalapaggahitena pārihāriyapaññāhatthena ukkhipitvā sabbampi taṃ attano santāne patitaṃ taṇhājaṭaṃ vijaṭeyya sañchindeyya sampadāleyyāti.
зд̇д̇аавад̇аа сзкабхуумим̣ гат̇зд̇ваа ид̣̇аани ж̇адам̣ виж̇адзд̇ваа тид̇ам̣ махаакийн̣аасавам̣ д̣̇ассзнд̇о язсанд̇иаад̣̇имааха. звам̣ ж̇адам̣ виж̇адзд̇ваа тид̇ам̣ кийн̣аасавам̣ д̣̇ассзд̇ваа буна ж̇адааяа виж̇аданогаасам̣ д̣̇ассзнд̇о яад̇т̇а нааман̃жаад̇иаад̣̇имааха. д̇ад̇т̇а нааманд̇и жад̇д̇ааро аруубино канд̇хаа. бадигхам̣ руубасан̃н̃аа жаад̇и зд̇т̇а бадигхасан̃н̃аавасзна гаамабхаво г̇ахид̇о, руубасан̃н̃аавасзна руубабхаво. д̇зсу д̣̇вийсу г̇ахид̇зсу аруубабхаво г̇ахид̇ова ход̇и бхавасан̇кзбзнаад̇и. зд̇т̇зсаа чиж̇ж̇ад̇з ж̇адаад̇и зд̇т̇а д̇збхуумагаваддасса барияаад̣̇ияанадтаанз зсаа ж̇адаа чиж̇ж̇ад̇и, ниб̣б̣аанам̣ ааг̇амма чиж̇ж̇ад̇и нируж̇жхад̇ийд̇и аяам̣ ад̇т̇о д̣̇ассид̇о ход̇и. д̇ад̇ияам̣.
Ettāvatā sekhabhūmiṃ kathetvā idāni jaṭaṃ vijaṭetvā ṭhitaṃ mahākhīṇāsavaṃ dassento yesantiādimāha. Evaṃ jaṭaṃ vijaṭetvā ṭhitaṃ khīṇāsavaṃ dassetvā puna jaṭāya vijaṭanokāsaṃ dassento yattha nāmañcātiādimāha. Tattha nāmanti cattāro arūpino khandhā. Paṭighaṃ rūpasaññā cāti ettha paṭighasaññāvasena kāmabhavo gahito, rūpasaññāvasena rūpabhavo. Tesu dvīsu gahitesu arūpabhavo gahitova hoti bhavasaṅkhepenāti. Etthesā chijjate jaṭāti ettha tebhūmakavaṭṭassa pariyādiyanaṭṭhāne esā jaṭā chijjati, nibbānaṃ āgamma chijjati nirujjhatīti ayaṃ attho dassito hoti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. ж̇адаасуд̇д̇ам̣ • 3. Jaṭāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. ж̇адаасуд̇д̇аван̣н̣анаа • 3. Jaṭāsuttavaṇṇanā
