| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. ж̇адаасуд̇д̇аван̣н̣анаа
3. Jaṭāsuttavaṇṇanā
23. язна ад̇т̇зна д̇ан̣хаа ‘‘ж̇адаа’’д̇и вуд̇д̇аа, д̇амзвад̇т̇ам̣ д̣̇ассзд̇ум̣ ‘‘ж̇аалинияаа’’д̇и вуд̇д̇ам̣. саа хи адтасад̇ад̇ан̣хаавижарид̇абабхзд̣̇аа ад̇д̇ано аваяавабхууд̇аа зва ж̇аалаа зд̇иссаа ад̇т̇ийд̇и ж̇аалинийд̇и вужжад̇и. ид̣̇ааниссаа ж̇адаагаарзна бавад̇д̇им̣ д̣̇ассзд̇ум̣ ‘‘саа хий’’д̇иаад̣̇и вуд̇д̇ам̣. д̇ад̇т̇а руубаад̣̇ийсу аарамман̣зсууд̇и д̇ассаа бавад̇д̇идтаанамааха руубаад̣̇ичал̣аарамман̣авинимуд̇д̇асса д̇ан̣хаависаяасса абхаавад̇о. хздтубарияавасзнаад̇и гад̣̇аажи руубаарамман̣з гад̣̇аажи яаава д̇хаммаарамман̣аа, гад̣̇аажи д̇хаммаарамман̣з гад̣̇аажи яаава руубаарамман̣аад̇и звам̣ хздтаа жа убари жа бавад̇д̇ивасзна. д̣̇зсанааггамзна жзд̇т̇а хздтубарияад̇аа взд̣̇ид̇аб̣б̣аа, гаамарааг̇аад̣̇ивасзнаби аяамад̇т̇о взд̣̇ид̇аб̣б̣о. сан̇каараанам̣ кан̣игабхаавад̇о абараабаруббад̇д̇и зд̇т̇а сам̣сиб̣б̣ананд̇и ааха ‘‘бунаббунам̣ уббаж̇ж̇анад̇о сам̣сиб̣б̣анадтзнаа’’д̇и. ид̣̇ам̣ язна самб̣анд̇хзна ж̇адаа вияаад̇и ж̇адаад̇и ж̇адаад̇ан̣хаанам̣ убамуубамзяяад̇аа, д̇ам̣д̣̇ассанам̣. аяан̃хзд̇т̇а ад̇т̇о – яат̇аа ж̇аалиний взл̣уг̇умб̣асса саакаа, д̇аасам̣ сан̃жаяаад̣̇аяо жа ад̇д̇ано аваяавзхи сам̣сиб̣б̣ид̇аа винад̣̇д̇хаа ‘‘ж̇адаа’’д̇и вужжанд̇и, звам̣ д̇ан̣хааби сам̣сиб̣б̣анасабхаавзнаад̇и.
23. Yena atthena taṇhā ‘‘jaṭā’’ti vuttā, tamevatthaṃ dassetuṃ ‘‘jāliniyā’’ti vuttaṃ. Sā hi aṭṭhasatataṇhāvicaritapabhedā attano avayavabhūtā eva jālā etissā atthīti jālinīti vuccati. Idānissā jaṭākārena pavattiṃ dassetuṃ ‘‘sā hī’’tiādi vuttaṃ. Tattha rūpādīsu ārammaṇesūti tassā pavattiṭṭhānamāha rūpādichaḷārammaṇavinimuttassa taṇhāvisayassa abhāvato. Heṭṭhupariyavasenāti kadāci rūpārammaṇe kadāci yāva dhammārammaṇā, kadāci dhammārammaṇe kadāci yāva rūpārammaṇāti evaṃ heṭṭhā ca upari ca pavattivasena. Desanākkamena cettha heṭṭhupariyatā veditabbā, kāmarāgādivasenapi ayamattho veditabbo. Saṅkhārānaṃ khaṇikabhāvato aparāparuppatti ettha saṃsibbananti āha ‘‘punappunaṃ uppajjanato saṃsibbanaṭṭhenā’’ti. Idaṃ yena sambandhena jaṭā viyāti jaṭāti jaṭātaṇhānaṃ upamūpameyyatā, taṃdassanaṃ. Ayañhettha attho – yathā jālinī veḷugumbassa sākhā, tāsaṃ sañcayādayo ca attano avayavehi saṃsibbitā vinaddhā ‘‘jaṭā’’ti vuccanti, evaṃ taṇhāpi saṃsibbanasabhāvenāti.
имз сад̇д̇аа ‘‘мама ид̣̇а’’нд̇и бариг̇г̇ахид̇ам̣ ад̇д̇аниб̣б̣исзсам̣ ман̃н̃амаанаа аб̣бханд̇аримам̣ гаронд̇и. аб̣бханд̇арадто жа анд̇о-сад̣̇д̣̇од̇и сагабаригкаарзсу уббаж̇ж̇анамаанааби д̇ан̣хаа ‘‘анд̇ож̇адаа’’д̇и вуд̇д̇аа. баб̣б̣аж̇ид̇асса бад̇д̇аад̣̇и, г̇ахадтасса хад̇т̇иаад̣̇и сагабаригкааро. ад̇д̇аад̇и бхавад̇и зд̇т̇а абхимаанод̇и ад̇д̇абхааво, убаад̣̇аанагканд̇хабан̃жагам̣. сарийранд̇и гзжи. ‘‘мама ад̇д̇абхааво сунд̣̇аро, асугасса вияа мама ад̇д̇абхааво бхавзяяаа’’д̇иаад̣̇инаа сагаад̇д̇абхааваад̣̇ийсу д̇ан̣хааяа уббаж̇ж̇анаагааро взд̣̇ид̇аб̣б̣о. ад̇д̇ано жагкаад̣̇ийни аж̇жхад̇д̇игааяад̇анаани, ад̇д̇ано жа барзсан̃жа руубаад̣̇ийни б̣аахирааяад̇анаани, барзсам̣ саб̣б̣аани ваа. сабарасанд̇ад̇ибарияаабаннаани ваа жагкаад̣̇ийни аж̇жхад̇д̇игааяад̇анаани, д̇ат̇аа руубаад̣̇ийни б̣аахирааяад̇анаани. барид̇д̇амахаг̇г̇ад̇абхавзсу бавад̇д̇ияааби д̇ан̣хааяа анд̇ож̇адааб̣ахиж̇адаабхааво взд̣̇ид̇аб̣б̣о. гаамабхаво хи гассажиби гилзсасса авигкамбхид̇ад̇д̇аа гад̇т̇ажиби авимуд̇д̇о аж̇жхад̇д̇аг̇г̇ахан̣асса висзсабажжаяод̇и ‘‘аж̇жхад̇д̇ам̣ анд̇о’’д̇и жа вужжад̇и, д̇аб̣б̣ибарияааяад̇о руубааруубабхаво ‘‘б̣ахид̣̇д̇хаа б̣ахий’’д̇и жа. д̇знааха бхаг̇аваа – ‘‘аж̇жхад̇д̇асам̣яож̇ано буг̇г̇ало, б̣ахид̣̇д̇хаасам̣яож̇ано буг̇г̇ало’’д̇и (а. ни. 2.37).
Ime sattā ‘‘mama ida’’nti pariggahitaṃ attanibbisesaṃ maññamānā abbhantarimaṃ karonti. Abbhantaraṭṭho ca anto-saddoti sakaparikkhāresu uppajjanamānāpi taṇhā ‘‘antojaṭā’’ti vuttā. Pabbajitassa pattādi, gahaṭṭhassa hatthiādi sakaparikkhāro. Attāti bhavati ettha abhimānoti attabhāvo, upādānakkhandhapañcakaṃ. Sarīranti keci. ‘‘Mama attabhāvo sundaro, asukassa viya mama attabhāvo bhaveyyā’’tiādinā sakaattabhāvādīsu taṇhāya uppajjanākāro veditabbo. Attano cakkhādīni ajjhattikāyatanāni, attano ca paresañca rūpādīni bāhirāyatanāni, paresaṃ sabbāni vā. Saparasantatipariyāpannāni vā cakkhādīni ajjhattikāyatanāni, tathā rūpādīni bāhirāyatanāni. Parittamahaggatabhavesu pavattiyāpi taṇhāya antojaṭābahijaṭābhāvo veditabbo. Kāmabhavo hi kassacipi kilesassa avikkhambhitattā katthacipi avimutto ajjhattaggahaṇassa visesapaccayoti ‘‘ajjhattaṃ anto’’ti ca vuccati, tabbipariyāyato rūpārūpabhavo ‘‘bahiddhā bahī’’ti ca. Tenāha bhagavā – ‘‘ajjhattasaṃyojano puggalo, bahiddhāsaṃyojano puggalo’’ti (a. ni. 2.37).
висаяабхзд̣̇зна бавад̇д̇иаагаарабхзд̣̇зна анзгабхзд̣̇абхиннамби д̇ан̣хам̣ ж̇адаабхаавасааман̃н̃зна зганд̇и г̇ахзд̇ваа ‘‘д̇ааяа звам̣ уббаж̇ж̇амаанааяа ж̇адааяаа’’д̇и вуд̇д̇ам̣. саа бана баж̇аад̇и вуд̇д̇асад̇д̇асанд̇аанабарияаабаннаа зва худ̇ваа бунаббунам̣ д̇ам̣ ж̇адзнд̇ий винанд̇ханд̇ий бавад̇д̇ад̇ийд̇и ааха ‘‘ж̇адааяа ж̇адид̇аа баж̇аа’’д̇и. д̇ат̇аа хи барамад̇т̇ад̇о яад̣̇иби аваяаваб̣яад̇ирзгзна самуд̣̇ааяо над̇т̇и, згад̣̇зсо бана самуд̣̇ааяо наама на ход̇ийд̇и аваяавад̇о самуд̣̇ааяам̣ бхиннам̣ гад̇ваа убамуубамзяяам̣ д̣̇ассзнд̇о ‘‘яат̇аа наама взл̣уж̇адаад̣̇ийхи…бз… сам̣сиб̣б̣ид̇аа’’д̇и ааха. имам̣ ж̇аданд̇и самб̣анд̇хо. д̇ийсу д̇хаад̇уусу згамби асзсзд̇ваа сам̣сиб̣б̣анзна д̇зд̇хаад̇угам̣ ж̇адзд̇ваа тид̇ам̣. д̇знассаа махаависаяад̇ам̣ виж̇аданасса жа суд̣̇уггарабхаавамааха. виж̇адзд̇ум̣ го самад̇т̇од̇и иминаа ‘‘виж̇адаяз’’д̇и бад̣̇ам̣ сад̇д̇иад̇т̇ам̣, на вид̇хиад̇т̇анд̇и д̣̇ассзд̇и.
Visayabhedena pavattiākārabhedena anekabhedabhinnampi taṇhaṃ jaṭābhāvasāmaññena ekanti gahetvā ‘‘tāya evaṃ uppajjamānāya jaṭāyā’’ti vuttaṃ. Sā pana pajāti vuttasattasantānapariyāpannā eva hutvā punappunaṃ taṃ jaṭentī vinandhantī pavattatīti āha ‘‘jaṭāya jaṭitā pajā’’ti. Tathā hi paramatthato yadipi avayavabyatirekena samudāyo natthi, ekadeso pana samudāyo nāma na hotīti avayavato samudāyaṃ bhinnaṃ katvā upamūpameyyaṃ dassento ‘‘yathā nāma veḷujaṭādīhi…pe… saṃsibbitā’’ti āha. Imaṃ jaṭanti sambandho. Tīsu dhātūsu ekampi asesetvā saṃsibbanena tedhātukaṃ jaṭetvā ṭhitaṃ. Tenassā mahāvisayataṃ vijaṭanassa ca sudukkarabhāvamāha. Vijaṭetuṃ ko samatthoti iminā ‘‘vijaṭaye’’ti padaṃ sattiatthaṃ, na vidhiatthanti dasseti.
звам̣ ‘‘анд̇ож̇адаа’’д̇иаад̣̇инаа будто ат̇асса бхаг̇аваа д̇амад̇т̇ам̣ виссаж̇ж̇знд̇о ‘‘сийлз бад̇идтааяаа’’д̇иаад̣̇имааха. зд̇т̇а сийлзд̇и гусаласийлз. д̇ам̣ бана баад̇имогкасам̣вараад̣̇ибхзд̣̇зсу барисуд̣̇д̇хамзва ижчид̇аб̣б̣анд̇и ааха ‘‘жад̇убаарисуд̣̇д̇хисийлз’’д̇и.
Evaṃ ‘‘antojaṭā’’tiādinā puṭṭho athassa bhagavā tamatthaṃ vissajjento ‘‘sīle patiṭṭhāyā’’tiādimāha. Ettha sīleti kusalasīle. Taṃ pana pātimokkhasaṃvarādibhedesu parisuddhameva icchitabbanti āha ‘‘catupārisuddhisīle’’ti.
нарад̇и нзд̇ийд̇и наро, бурисо. гаамам̣ ид̇т̇ийби д̇ан̣хааж̇адаавиж̇аданз самад̇т̇аа ад̇т̇и, бад̇хаанамзва бана сад̇д̇ам̣ д̣̇ассзнд̇о ‘‘наро’’д̇и ааха яат̇аа ‘‘сад̇т̇аа д̣̇звамануссаана’’нд̇и, адтагат̇ааяам̣ бана авибхааг̇зна буг̇г̇алабарияааяо аяанд̇и д̣̇ассзд̇ум̣ ‘‘народ̇и сад̇д̇о’’д̇и вуд̇д̇ам̣. вибаагабхууд̇ааяа саха бан̃н̃ааяа бхавад̇ийд̇и сабан̃н̃о. д̇ааяа хи аад̣̇ид̇о бадтааяа санд̇аанавасзна б̣ахулам̣ бавад̇д̇амаанааяа аяам̣ сад̇д̇о сависзсам̣ сабан̃н̃од̇и вад̇д̇аб̣б̣ад̇ам̣ арахад̇и. вибаагабан̃н̃ааби хи санд̇аанависзсзна бхааванаабан̃н̃уббад̇д̇ияаа убаниссаяабажжаяо ход̇и ахзд̇угад̣̇вихзд̇угаанам̣ д̇ад̣̇абхаавад̇о. гаммаж̇ад̇ихзд̇угабадисанд̇хибан̃н̃ааяаад̇и гаммаж̇ааяа д̇ихзд̇угабадисанд̇хияам̣ бан̃н̃ааяаад̇и звам̣ д̇ихзд̇угасад̣̇д̣̇о бадисанд̇хисад̣̇д̣̇зна самб̣анд̇хид̇аб̣б̣о, на бан̃н̃аасад̣̇д̣̇зна. на хи бан̃н̃аа д̇ихзд̇угаа ад̇т̇и. бадисанд̇хид̇о бабхуд̇и бавад̇д̇амаанаа бан̃н̃аа ‘‘бадисанд̇хияам̣ бан̃н̃аа’’д̇и вуд̇д̇аа д̇ам̣муулагад̇д̇аа, на бадисанд̇хигкан̣з бавад̇д̇аа зва.
Narati netīti naro, puriso. Kāmaṃ itthīpi taṇhājaṭāvijaṭane samatthā atthi, padhānameva pana sattaṃ dassento ‘‘naro’’ti āha yathā ‘‘satthā devamanussāna’’nti, aṭṭhakathāyaṃ pana avibhāgena puggalapariyāyo ayanti dassetuṃ ‘‘naroti satto’’ti vuttaṃ. Vipākabhūtāya saha paññāya bhavatīti sapañño. Tāya hi ādito paṭṭhāya santānavasena bahulaṃ pavattamānāya ayaṃ satto savisesaṃ sapaññoti vattabbataṃ arahati. Vipākapaññāpi hi santānavisesena bhāvanāpaññuppattiyā upanissayapaccayo hoti ahetukadvihetukānaṃ tadabhāvato. Kammajatihetukapaṭisandhipaññāyāti kammajāya tihetukapaṭisandhiyaṃ paññāyāti evaṃ tihetukasaddo paṭisandhisaddena sambandhitabbo, na paññāsaddena. Na hi paññā tihetukā atthi. Paṭisandhito pabhuti pavattamānā paññā ‘‘paṭisandhiyaṃ paññā’’ti vuttā taṃmūlakattā, na paṭisandhikkhaṇe pavattā eva.
жинд̇зд̇и аарамман̣ам̣ убаниж̇жхааяад̇ийд̇и жид̇д̇ам̣, самаад̇хи. со хи саад̇исаяам̣ убаниж̇жхаанагижжо. на хи вид̇аггаад̣̇аяо винаа самаад̇хинаа д̇амад̇т̇ам̣ саад̇хзнд̇и, самаад̇хи бана д̇зхи винааби саад̇хзд̇ийд̇и. баг̇ун̣аб̣алавабхааваабаад̣̇анзна бажжаязхи жид̇д̇ам̣, ад̇д̇асанд̇аанам̣ жинод̇ийд̇иби жид̇д̇ам̣, самаад̇хи. батамаж̇жхаанаад̣̇ивасзна жид̇д̇авижид̇д̇ад̇ааяа ид̣̇д̇хивид̇хаад̣̇ижид̇д̇агаран̣зна жа самаад̇хи жид̇д̇анд̇и винааби баробад̣̇зсзнасса жид̇д̇абарияааяо лаб̣бхад̇зва. адтагат̇ааяам̣ бана жид̇д̇а-сад̣̇д̣̇о вин̃н̃аан̣з нирул̣ход̇и гад̇ваа вуд̇д̇ам̣ ‘‘жид̇д̇асийсзна хзд̇т̇а адта самаабад̇д̇ияо гат̇ид̇аа’’д̇и. яат̇аасабхаавам̣ багаарзхи ж̇аанаад̇ийд̇и бан̃н̃аа. саа яад̣̇иби гусалаад̣̇ибхзд̣̇ад̇о б̣ахувид̇хаа, ‘‘бхааваяа’’нд̇и бана важанад̇о бхаавзд̇аб̣б̣аа ид̇хаад̇хиббзд̇аад̇и д̇ам̣ д̣̇ассзнд̇о ‘‘бан̃н̃аанаамзна вибассанаа гат̇ид̇аа’’д̇и. яад̣̇иби гилзсаанам̣ бахаанам̣ аад̇аабанам̣, д̇ам̣ саммаад̣̇идтиаад̣̇ийнамби ад̇т̇зва, аад̇аббасад̣̇д̣̇о вияа бана аад̇ааба-сад̣̇д̣̇о вийрияз зва нирул̣ход̇и ааха ‘‘аад̇аабийд̇и вийрияаваа’’д̇и. яат̇аа гаммадтаанам̣ д̇ааяа бан̃н̃ааяа барид̇о харийяад̇и бавад̇д̇ийяад̇и, звам̣ сааби д̇ад̣̇ад̇т̇ам̣ яог̇инаад̇и ааха ‘‘баарихаарияабан̃н̃аа’’д̇и. абхиггамаад̣̇ийни саб̣б̣агижжаани саад̇т̇агасамбаж̇ан̃н̃аад̣̇ивасзна барижчиж̇ж̇а нзд̇ийд̇и саб̣б̣агижжабарин̣ааяигаа.
Cinteti ārammaṇaṃ upanijjhāyatīti cittaṃ, samādhi. So hi sātisayaṃ upanijjhānakicco. Na hi vitakkādayo vinā samādhinā tamatthaṃ sādhenti, samādhi pana tehi vināpi sādhetīti. Paguṇabalavabhāvāpādanena paccayehi cittaṃ, attasantānaṃ cinotītipi cittaṃ, samādhi. Paṭhamajjhānādivasena cittavicittatāya iddhividhādicittakaraṇena ca samādhi cittanti vināpi paropadesenassa cittapariyāyo labbhateva. Aṭṭhakathāyaṃ pana citta-saddo viññāṇe niruḷhoti katvā vuttaṃ ‘‘cittasīsena hettha aṭṭha samāpattiyo kathitā’’ti. Yathāsabhāvaṃ pakārehi jānātīti paññā. Sā yadipi kusalādibhedato bahuvidhā, ‘‘bhāvaya’’nti pana vacanato bhāvetabbā idhādhippetāti taṃ dassento ‘‘paññānāmena vipassanā kathitā’’ti. Yadipi kilesānaṃ pahānaṃ ātāpanaṃ, taṃ sammādiṭṭhiādīnampi attheva, ātappasaddo viya pana ātāpa-saddo vīriye eva niruḷhoti āha ‘‘ātāpīti vīriyavā’’ti. Yathā kammaṭṭhānaṃ tāya paññāya parito harīyati pavattīyati, evaṃ sāpi tadatthaṃ yogināti āha ‘‘pārihāriyapaññā’’ti. Abhikkamādīni sabbakiccāni sātthakasampajaññādivasena paricchijja netīti sabbakiccapariṇāyikā.
яасмаа буг̇г̇алаад̇хидтаанзна г̇аат̇аа бхаасид̇аа, д̇асмаа буг̇г̇алаад̇хидтаанамзва убамам̣ д̣̇ассзнд̇о ‘‘яат̇аа наама бурисо’’д̇иаад̣̇имааха. д̇ад̇т̇а сунисид̇анд̇и судту нисид̇ам̣, ад̇ивияа д̇икин̣анд̇и ад̇т̇о. сад̇т̇асса нисид̇ад̇арабхаавагаран̣ам̣ нисаанасилааяам̣, б̣аахуб̣алзна жасса угкибананд̇и убхаяамбзд̇ам̣ ад̇т̇аабаннам̣ гад̇ваа убамаа вуд̇д̇аад̇и д̇ад̣̇убхаяам̣ убамзяяам̣ д̣̇ассзнд̇о ‘‘самаад̇хисилааяам̣ сунисид̇ам̣…бз… бан̃н̃аахад̇т̇зна угкибид̇ваа’’д̇и ааха. самаад̇хиг̇ун̣зна хи бан̃н̃ааяа д̇игкабхааво. яат̇ааха ‘‘самаахид̇о яат̇аабхууд̇ам̣ баж̇аанаад̇ий’’д̇и (сам̣. ни. 3.5; 4.99; 5.1071). вийрияан̃жассаа убад̇т̇амбхагам̣ баг̇г̇ан̣ханад̇о. виж̇адзяяаад̇и виж̇адзд̇ум̣ саггун̣зяяа. вудтаанаг̇ааминивибассанааяа хи вад̇д̇амаанааяа яог̇ааважаро д̇ан̣хааж̇адам̣ виж̇адзд̇ум̣ самад̇т̇о наама. виж̇аданан̃жзд̇т̇а самужчзд̣̇авасзна бахаананд̇и ааха – ‘‘сан̃чинд̣̇зяяа самбад̣̇аалзяяаа’’д̇и.
Yasmā puggalādhiṭṭhānena gāthā bhāsitā, tasmā puggalādhiṭṭhānameva upamaṃ dassento ‘‘yathā nāma puriso’’tiādimāha. Tattha sunisitanti suṭṭhu nisitaṃ, ativiya tikhiṇanti attho. Satthassa nisitatarabhāvakaraṇaṃ nisānasilāyaṃ, bāhubalena cassa ukkhipananti ubhayampetaṃ atthāpannaṃ katvā upamā vuttāti tadubhayaṃ upameyyaṃ dassento ‘‘samādhisilāyaṃ sunisitaṃ…pe… paññāhatthena ukkhipitvā’’ti āha. Samādhiguṇena hi paññāya tikkhabhāvo. Yathāha ‘‘samāhito yathābhūtaṃ pajānātī’’ti (saṃ. ni. 3.5; 4.99; 5.1071). Vīriyañcassā upatthambhakaṃ paggaṇhanato. Vijaṭeyyāti vijaṭetuṃ sakkuṇeyya. Vuṭṭhānagāminivipassanāya hi vattamānāya yogāvacaro taṇhājaṭaṃ vijaṭetuṃ samattho nāma. Vijaṭanañcettha samucchedavasena pahānanti āha – ‘‘sañchindeyya sampadāleyyā’’ti.
маг̇г̇агкан̣з банзса виж̇адзд̇и наама, аг̇г̇апалагкан̣з саб̣б̣асо виж̇адид̇аж̇адо наама. д̇знааха ‘‘ид̣̇ааний’’д̇иаад̣̇и. яасмаа ж̇адааяа виж̇аданам̣ арияамаг̇г̇зна, д̇ан̃жа ко ниб̣б̣аанам̣ ааг̇амма, д̇асмаа д̇ам̣ санд̇хааяааха ‘‘ж̇адааяа виж̇аданогааса’’нд̇и. яад̇т̇а бана саа виж̇адийяад̇и, д̇ам̣ д̣̇ассзд̇ум̣ ‘‘яад̇т̇а нааман̃жаа’’д̇иаад̣̇и вуд̇д̇ам̣. ‘‘бадигхам̣ руубасан̃н̃аа жаа’’д̇и г̇аат̇аасукад̇т̇ам̣ саанунаасигам̣ гад̇ваа нид̣̇д̣̇зсо, ‘‘бадигхаруубасан̃н̃аа’’д̇и вуд̇д̇ам̣ ход̇и. бадигхасан̃н̃аавасзна гаамабхаво г̇ахид̇о гаамабхавабарияаабаннад̇д̇аа д̇ааяа. бат̇авийгасин̣аад̣̇ируубз сан̃н̃аа руубасан̃н̃аа. убхаяад̇т̇ааби сан̃н̃аасийсзна жид̇д̇уббаад̣̇ассзва г̇ахан̣ам̣. бхавасан̇кзбзнаад̇и бхавабхаавзна сан̇кибид̇аб̣б̣ад̇ааяа, бхавалагкан̣зна згалагкан̣ад̇д̇аад̇и ад̇т̇о. руубз ваа вираж̇ж̇анавасзна жа вад̇д̇ум̣ саггун̣зяяаа ид̇ха руубасан̃н̃аад̇и вуд̇д̇аа , звамбзд̇т̇а аруубабхавасса жа г̇ахид̇ад̇аа взд̣̇ид̇аб̣б̣аа. ‘‘нааман̃жа руубан̃жаа’’д̇и анавасзсад̇о наамаруубам̣ г̇ахид̇анд̇и аруубабхава-асан̃н̃абхаваанамбзд̇т̇а г̇ахан̣ам̣ сид̣̇д̇ханд̇и абарз. барияаад̣̇ияанадтаанзд̇и барияаад̣̇ияанагааран̣з саб̣б̣асо кзбананимид̇д̇з ниб̣б̣аанз. д̇знааха ‘‘ниб̣б̣аанам̣…бз… д̣̇ассид̇о ход̇ий’’д̇и.
Maggakkhaṇe panesa vijaṭeti nāma, aggaphalakkhaṇe sabbaso vijaṭitajaṭo nāma. Tenāha ‘‘idānī’’tiādi. Yasmā jaṭāya vijaṭanaṃ ariyamaggena, tañca kho nibbānaṃ āgamma, tasmā taṃ sandhāyāha ‘‘jaṭāya vijaṭanokāsa’’nti. Yattha pana sā vijaṭīyati, taṃ dassetuṃ ‘‘yattha nāmañcā’’tiādi vuttaṃ. ‘‘Paṭighaṃ rūpasaññā cā’’ti gāthāsukhatthaṃ sānunāsikaṃ katvā niddeso, ‘‘paṭigharūpasaññā’’ti vuttaṃ hoti. Paṭighasaññāvasena kāmabhavo gahito kāmabhavapariyāpannattā tāya. Pathavīkasiṇādirūpe saññā rūpasaññā. Ubhayatthāpi saññāsīsena cittuppādasseva gahaṇaṃ. Bhavasaṅkhepenāti bhavabhāvena saṅkhipitabbatāya, bhavalakkhaṇena ekalakkhaṇattāti attho. Rūpe vā virajjanavasena ca vattuṃ sakkuṇeyyā idha rūpasaññāti vuttā , evampettha arūpabhavassa ca gahitatā veditabbā. ‘‘Nāmañca rūpañcā’’ti anavasesato nāmarūpaṃ gahitanti arūpabhava-asaññabhavānampettha gahaṇaṃ siddhanti apare. Pariyādiyanaṭṭhāneti pariyādiyanakāraṇe sabbaso khepananimitte nibbāne. Tenāha ‘‘nibbānaṃ…pe… dassito hotī’’ti.
ж̇адаасуд̇д̇аван̣н̣анаа нидтид̇аа.
Jaṭāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. ж̇адаасуд̇д̇ам̣ • 3. Jaṭāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. ж̇адаасуд̇д̇аван̣н̣анаа • 3. Jaṭāsuttavaṇṇanā
