| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. जातिपूजकत्थेरअपदानं
10. Jātipūjakattheraapadānaṃ
८२.
82.
‘‘जायन्तस्स विपस्सिस्स, आलोको विपुलो अहु।
‘‘Jāyantassa vipassissa, āloko vipulo ahu;
पथवी च पकम्पित्थ, ससागरा सपब्बता॥
Pathavī ca pakampittha, sasāgarā sapabbatā.
८३.
83.
‘‘नेमित्ता च वियाकंसु, बुद्धो लोके भविस्सति।
‘‘Nemittā ca viyākaṃsu, buddho loke bhavissati;
अग्गो च सब्बसत्तानं, जनतं उद्धरिस्सति॥
Aggo ca sabbasattānaṃ, janataṃ uddharissati.
८४.
84.
‘‘नेमित्तानं सुणित्वान, जातिपूजमकासहं।
‘‘Nemittānaṃ suṇitvāna, jātipūjamakāsahaṃ;
एदिसा पूजना नत्थि, यादिसा जातिपूजना॥
Edisā pūjanā natthi, yādisā jātipūjanā.
८५.
85.
कुसलं, सकं चित्तं पसादयिं।
Kusalaṃ, sakaṃ cittaṃ pasādayiṃ.
जातिपूजं करित्वान, तत्थ कालङ्कतो अहं॥
Jātipūjaṃ karitvāna, tattha kālaṅkato ahaṃ.
८६.
86.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
सब्बे सत्ते अभिभोमि, जातिपूजायिदं फलं॥
Sabbe satte abhibhomi, jātipūjāyidaṃ phalaṃ.
८७.
87.
‘‘धातियो मं उपट्ठन्ति, मम चित्तवसानुगा।
‘‘Dhātiyo maṃ upaṭṭhanti, mama cittavasānugā;
न ता सक्कोन्ति कोपेतुं, जातिपूजायिदं फलं॥
Na tā sakkonti kopetuṃ, jātipūjāyidaṃ phalaṃ.
८८.
88.
‘‘एकनवुतितो कप्पे, यं पूजमकरिं तदा।
‘‘Ekanavutito kappe, yaṃ pūjamakariṃ tadā;
दुग्गतिं नाभिजानामि, जातिपूजायिदं फलं॥
Duggatiṃ nābhijānāmi, jātipūjāyidaṃ phalaṃ.
८९.
89.
‘‘सुपारिचरिया नाम, चतुत्तिंस जनाधिपा।
‘‘Supāricariyā nāma, catuttiṃsa janādhipā;
इतो ततियकप्पम्हि, चक्कवत्ती महब्बला॥
Ito tatiyakappamhi, cakkavattī mahabbalā.
९०.
90.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा जातिपूजको थेरो इमा गाथायो अभासित्थाति।
Itthaṃ sudaṃ āyasmā jātipūjako thero imā gāthāyo abhāsitthāti.
जातिपूजकत्थेरस्सापदानं दसमं।
Jātipūjakattherassāpadānaṃ dasamaṃ.
महापरिवारवग्गो द्वादसमो।
Mahāparivāravaggo dvādasamo.
तस्सुद्दानं –
Tassuddānaṃ –
परिवारसुमङ्गला, सरणासनपुप्फिया।
Parivārasumaṅgalā, saraṇāsanapupphiyā;
चितपूजी बुद्धसञ्ञी, मग्गुपट्ठानजातिना।
Citapūjī buddhasaññī, maggupaṭṭhānajātinā;
गाथायो नवुति वुत्ता, गणितायो विभाविहि॥
Gāthāyo navuti vuttā, gaṇitāyo vibhāvihi.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. जातिपूजकत्थेरअपदानवण्णना • 10. Jātipūjakattheraapadānavaṇṇanā
