| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ชาติปูชกเตฺถรอปทานํ
10. Jātipūjakattheraapadānaṃ
๘๒.
82.
‘‘ชายนฺตสฺส วิปสฺสิสฺส, อาโลโก วิปุโล อหุ;
‘‘Jāyantassa vipassissa, āloko vipulo ahu;
ปถวี จ ปกมฺปิตฺถ, สสาครา สปพฺพตาฯ
Pathavī ca pakampittha, sasāgarā sapabbatā.
๘๓.
83.
‘‘เนมิตฺตา จ วิยากํสุ, พุโทฺธ โลเก ภวิสฺสติ;
‘‘Nemittā ca viyākaṃsu, buddho loke bhavissati;
อโคฺค จ สพฺพสตฺตานํ, ชนตํ อุทฺธริสฺสติฯ
Aggo ca sabbasattānaṃ, janataṃ uddharissati.
๘๔.
84.
‘‘เนมิตฺตานํ สุณิตฺวาน, ชาติปูชมกาสหํ;
‘‘Nemittānaṃ suṇitvāna, jātipūjamakāsahaṃ;
เอทิสา ปูชนา นตฺถิ, ยาทิสา ชาติปูชนาฯ
Edisā pūjanā natthi, yādisā jātipūjanā.
๘๕.
85.
กุสลํ, สกํ จิตฺตํ ปสาทยิํฯ
Kusalaṃ, sakaṃ cittaṃ pasādayiṃ.
ชาติปูชํ กริตฺวาน, ตตฺถ กาลงฺกโต อหํฯ
Jātipūjaṃ karitvāna, tattha kālaṅkato ahaṃ.
๘๖.
86.
‘‘ยํ ยํ โยนุปปชฺชามิ, เทวตฺตํ อถ มานุสํ;
‘‘Yaṃ yaṃ yonupapajjāmi, devattaṃ atha mānusaṃ;
สเพฺพ สเตฺต อภิโภมิ, ชาติปูชายิทํ ผลํฯ
Sabbe satte abhibhomi, jātipūjāyidaṃ phalaṃ.
๘๗.
87.
‘‘ธาติโย มํ อุปฎฺฐนฺติ, มม จิตฺตวสานุคา;
‘‘Dhātiyo maṃ upaṭṭhanti, mama cittavasānugā;
น ตา สโกฺกนฺติ โกเปตุํ, ชาติปูชายิทํ ผลํฯ
Na tā sakkonti kopetuṃ, jātipūjāyidaṃ phalaṃ.
๘๘.
88.
‘‘เอกนวุติโต กเปฺป, ยํ ปูชมกริํ ตทา;
‘‘Ekanavutito kappe, yaṃ pūjamakariṃ tadā;
ทุคฺคติํ นาภิชานามิ, ชาติปูชายิทํ ผลํฯ
Duggatiṃ nābhijānāmi, jātipūjāyidaṃ phalaṃ.
๘๙.
89.
‘‘สุปาริจริยา นาม, จตุตฺติํส ชนาธิปา;
‘‘Supāricariyā nāma, catuttiṃsa janādhipā;
อิโต ตติยกปฺปมฺหิ, จกฺกวตฺตี มหพฺพลาฯ
Ito tatiyakappamhi, cakkavattī mahabbalā.
๙๐.
90.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ชาติปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā jātipūjako thero imā gāthāyo abhāsitthāti.
ชาติปูชกเตฺถรสฺสาปทานํ ทสมํฯ
Jātipūjakattherassāpadānaṃ dasamaṃ.
มหาปริวารวโคฺค ทฺวาทสโมฯ
Mahāparivāravaggo dvādasamo.
ตสฺสุทฺทานํ –
Tassuddānaṃ –
ปริวารสุมงฺคลา, สรณาสนปุปฺผิยา;
Parivārasumaṅgalā, saraṇāsanapupphiyā;
จิตปูชี พุทฺธสญฺญี, มคฺคุปฎฺฐานชาตินา;
Citapūjī buddhasaññī, maggupaṭṭhānajātinā;
คาถาโย นวุติ วุตฺตา, คณิตาโย วิภาวิหิฯ
Gāthāyo navuti vuttā, gaṇitāyo vibhāvihi.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. ชาติปูชกเตฺถรอปทานวณฺณนา • 10. Jātipūjakattheraapadānavaṇṇanā
