| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
10. ஜாதிபூஜகத்தே²ரஅபதா³னவண்ணனா
10. Jātipūjakattheraapadānavaṇṇanā
ஜாயங் தஸ்ஸ விபஸ்ஸிஸ்ஸாதிஆதி³கங் ஆயஸ்மதோ ஜாதிபூஜகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தோ விஞ்ஞுதங் பத்தோ நக்க²த்தபாட²கேஹி விபஸ்ஸிபோ³தி⁴ஸத்தஸ்ஸ வுத்தலக்க²ணனிமித்தங் ஸுத்வா ‘‘அயங் கிர குமாரோ பு³த்³தோ⁴ ஹுத்வா ஸகலலோகஸ்ஸ அக்³கோ³ ஸெட்டோ² ஸுத்வா ஸப்³ப³ஸத்தே ஸங்ஸாரதோ உத்³த⁴ரிஸ்ஸதீ’’தி ஸுத்வா தங் ப⁴க³வந்தங் குமாரகாலேயேவ பு³த்³த⁴ஸ்ஸ விய மஹாபூஜமகாஸி. பச்சா² கமேன குமாரகாலங் ராஜகுமாரகாலங் ரஜ்ஜகாலந்தி காலத்தயமதிக்கம்ம பு³த்³தே⁴ ஜாதேபி மஹாபூஜங் கத்வா ததோ சுதோ துஸிதாதீ³ஸு நிப்³ப³த்தோ தி³ப்³ப³ஸுக²மனுப⁴வித்வா பச்சா² மனுஸ்ஸேஸு சக்கவத்தாதி³மனுஸ்ஸஸுக²மனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ ஸத்தட்ட²வஸ்ஸகாலேயேவ ப⁴க³வதி பஸன்னோ பப்³ப³ஜித்வா விபஸ்ஸனங் வட்³டெ⁴த்வா நசிரஸ்ஸேவ அரஹா அஹோஸி.
Jāyaṃ tassa vipassissātiādikaṃ āyasmato jātipūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto viññutaṃ patto nakkhattapāṭhakehi vipassibodhisattassa vuttalakkhaṇanimittaṃ sutvā ‘‘ayaṃ kira kumāro buddho hutvā sakalalokassa aggo seṭṭho sutvā sabbasatte saṃsārato uddharissatī’’ti sutvā taṃ bhagavantaṃ kumārakāleyeva buddhassa viya mahāpūjamakāsi. Pacchā kamena kumārakālaṃ rājakumārakālaṃ rajjakālanti kālattayamatikkamma buddhe jātepi mahāpūjaṃ katvā tato cuto tusitādīsu nibbatto dibbasukhamanubhavitvā pacchā manussesu cakkavattādimanussasukhamanubhavitvā imasmiṃ buddhuppāde kulagehe nibbatto sattaṭṭhavassakāleyeva bhagavati pasanno pabbajitvā vipassanaṃ vaḍḍhetvā nacirasseva arahā ahosi.
82. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஜாயங் தஸ்ஸ விபஸ்ஸிஸ்ஸாதிஆதி³மாஹ. தங் ஹெட்டா² வுத்தத்த²மேவ.
82. So aparabhāge attano pubbakammaṃ saritvā somanassajāto pubbacaritāpadānaṃ pakāsento jāyaṃ tassa vipassissātiādimāha. Taṃ heṭṭhā vuttatthameva.
84. நேமித்தானங் ஸுணித்வானாதி எத்த² நிமித்தங் காரணங் ஸுக²து³க்க²ப்பத்திஹேதுங் ஜானந்தீதி நேமித்தா, தேஸங் நேமித்தானங் நக்க²த்தபாட²கானங் வசனங் ஸுணித்வாதி அத்தோ². ஸேஸங் ஸப்³ப³த்த² உத்தானமேவாதி.
84.Nemittānaṃ suṇitvānāti ettha nimittaṃ kāraṇaṃ sukhadukkhappattihetuṃ jānantīti nemittā, tesaṃ nemittānaṃ nakkhattapāṭhakānaṃ vacanaṃ suṇitvāti attho. Sesaṃ sabbattha uttānamevāti.
ஜாதிபூஜகத்தே²ரஅபதா³னவண்ணனா ஸமத்தா.
Jātipūjakattheraapadānavaṇṇanā samattā.
த்³வாத³ஸமவக்³க³வண்ணனா ஸமத்தா.
Dvādasamavaggavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 10. ஜாதிபூஜகத்தே²ரஅபதா³னங் • 10. Jātipūjakattheraapadānaṃ
