| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. ж̇аад̇ибууж̇агад̇т̇зраабад̣̇аанаван̣н̣анаа
10. Jātipūjakattheraapadānavaṇṇanā
ж̇ааяам̣ д̇асса вибассиссаад̇иаад̣̇игам̣ ааяасмад̇о ж̇аад̇ибууж̇агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о нагкад̇д̇абаатагзхи вибассиб̣од̇хисад̇д̇асса вуд̇д̇алагкан̣анимид̇д̇ам̣ суд̇ваа ‘‘аяам̣ гира гумааро б̣уд̣̇д̇хо худ̇ваа сагалалогасса аг̇г̇о сздто суд̇ваа саб̣б̣асад̇д̇з сам̣саарад̇о уд̣̇д̇хариссад̇ий’’д̇и суд̇ваа д̇ам̣ бхаг̇аванд̇ам̣ гумаарагаалзязва б̣уд̣̇д̇хасса вияа махаабууж̇амагааси. бажчаа гамзна гумаарагаалам̣ рааж̇агумаарагаалам̣ раж̇ж̇агааланд̇и гаалад̇д̇аяамад̇иггамма б̣уд̣̇д̇хз ж̇аад̇зби махаабууж̇ам̣ гад̇ваа д̇ад̇о жуд̇о д̇усид̇аад̣̇ийсу ниб̣б̣ад̇д̇о д̣̇иб̣б̣асукаманубхавид̇ваа бажчаа мануссзсу жаггавад̇д̇аад̣̇имануссасукаманубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о сад̇д̇адтавассагаалзязва бхаг̇авад̇и басанно баб̣б̣аж̇ид̇ваа вибассанам̣ вад̣дхзд̇ваа нажирассзва арахаа ахоси.
Jāyaṃ tassa vipassissātiādikaṃ āyasmato jātipūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto viññutaṃ patto nakkhattapāṭhakehi vipassibodhisattassa vuttalakkhaṇanimittaṃ sutvā ‘‘ayaṃ kira kumāro buddho hutvā sakalalokassa aggo seṭṭho sutvā sabbasatte saṃsārato uddharissatī’’ti sutvā taṃ bhagavantaṃ kumārakāleyeva buddhassa viya mahāpūjamakāsi. Pacchā kamena kumārakālaṃ rājakumārakālaṃ rajjakālanti kālattayamatikkamma buddhe jātepi mahāpūjaṃ katvā tato cuto tusitādīsu nibbatto dibbasukhamanubhavitvā pacchā manussesu cakkavattādimanussasukhamanubhavitvā imasmiṃ buddhuppāde kulagehe nibbatto sattaṭṭhavassakāleyeva bhagavati pasanno pabbajitvā vipassanaṃ vaḍḍhetvā nacirasseva arahā ahosi.
82. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ж̇ааяам̣ д̇асса вибассиссаад̇иаад̣̇имааха. д̇ам̣ хздтаа вуд̇д̇ад̇т̇амзва.
82. So aparabhāge attano pubbakammaṃ saritvā somanassajāto pubbacaritāpadānaṃ pakāsento jāyaṃ tassa vipassissātiādimāha. Taṃ heṭṭhā vuttatthameva.
84. нзмид̇д̇аанам̣ сун̣ид̇ваанаад̇и зд̇т̇а нимид̇д̇ам̣ гааран̣ам̣ сукад̣̇угкаббад̇д̇ихзд̇ум̣ ж̇аананд̇ийд̇и нзмид̇д̇аа, д̇зсам̣ нзмид̇д̇аанам̣ нагкад̇д̇абаатагаанам̣ важанам̣ сун̣ид̇ваад̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
84.Nemittānaṃ suṇitvānāti ettha nimittaṃ kāraṇaṃ sukhadukkhappattihetuṃ jānantīti nemittā, tesaṃ nemittānaṃ nakkhattapāṭhakānaṃ vacanaṃ suṇitvāti attho. Sesaṃ sabbattha uttānamevāti.
ж̇аад̇ибууж̇агад̇т̇зраабад̣̇аанаван̣н̣анаа самад̇д̇аа.
Jātipūjakattheraapadānavaṇṇanā samattā.
д̣̇ваад̣̇асамаваг̇г̇аван̣н̣анаа самад̇д̇аа.
Dvādasamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. ж̇аад̇ибууж̇агад̇т̇зраабад̣̇аанам̣ • 10. Jātipūjakattheraapadānaṃ
