| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੧੧. ਜਤੁਕਣ੍ਣਿਮਾਣવਪੁਚ੍ਛਾ
11. Jatukaṇṇimāṇavapucchā
੧੧੦੨.
1102.
‘‘ਸੁਤ੍વਾਨਹਂ વੀਰਮਕਾਮਕਾਮਿਂ, (ਇਚ੍ਚਾਯਸ੍ਮਾ ਜਤੁਕਣ੍ਣਿ)
‘‘Sutvānahaṃ vīramakāmakāmiṃ, (iccāyasmā jatukaṇṇi)
ਓਘਾਤਿਗਂ ਪੁਟ੍ਠੁਮਕਾਮਮਾਗਮਂ।
Oghātigaṃ puṭṭhumakāmamāgamaṃ;
ਸਨ੍ਤਿਪਦਂ ਬ੍ਰੂਹਿ ਸਹਜਨੇਤ੍ਤ, ਯਥਾਤਚ੍ਛਂ ਭਗવਾ ਬ੍ਰੂਹਿ ਮੇ ਤਂ॥
Santipadaṃ brūhi sahajanetta, yathātacchaṃ bhagavā brūhi me taṃ.
੧੧੦੩.
1103.
‘‘ਭਗવਾ ਹਿ ਕਾਮੇ ਅਭਿਭੁਯ੍ਯ ਇਰਿਯਤਿ, ਆਦਿਚ੍ਚੋવ ਪਥવਿਂ ਤੇਜੀ ਤੇਜਸਾ।
‘‘Bhagavā hi kāme abhibhuyya iriyati, ādiccova pathaviṃ tejī tejasā;
ਪਰਿਤ੍ਤਪਞ੍ਞਸ੍ਸ ਮੇ ਭੂਰਿਪਞ੍ਞ, ਆਚਿਕ੍ਖ ਧਮ੍ਮਂ ਯਮਹਂ વਿਜਞ੍ਞਂ।
Parittapaññassa me bhūripañña, ācikkha dhammaṃ yamahaṃ vijaññaṃ;
ਜਾਤਿਜਰਾਯ ਇਧ વਿਪ੍ਪਹਾਨਂ’’॥
Jātijarāya idha vippahānaṃ’’.
੧੧੦੪.
1104.
‘‘ਕਾਮੇਸੁ વਿਨਯ ਗੇਧਂ, (ਜਤੁਕਣ੍ਣੀਤਿ ਭਗવਾ) ਨੇਕ੍ਖਮ੍ਮਂ ਦਟ੍ਠੁ ਖੇਮਤੋ।
‘‘Kāmesu vinaya gedhaṃ, (jatukaṇṇīti bhagavā) nekkhammaṃ daṭṭhu khemato;
ਉਗ੍ਗਹੀਤਂ ਨਿਰਤ੍ਤਂ વਾ, ਮਾ ਤੇ વਿਜ੍ਜਿਤ੍ਥ ਕਿਞ੍ਚਨਂ॥
Uggahītaṃ nirattaṃ vā, mā te vijjittha kiñcanaṃ.
੧੧੦੫.
1105.
‘‘ਯਂ ਪੁਬ੍ਬੇ ਤਂ વਿਸੋਸੇਹਿ, ਪਚ੍ਛਾ ਤੇ ਮਾਹੁ ਕਿਞ੍ਚਨਂ।
‘‘Yaṃ pubbe taṃ visosehi, pacchā te māhu kiñcanaṃ;
ਮਜ੍ਝੇ ਚੇ ਨੋ ਗਹੇਸ੍ਸਸਿ, ਉਪਸਨ੍ਤੋ ਚਰਿਸ੍ਸਸਿ॥
Majjhe ce no gahessasi, upasanto carissasi.
੧੧੦੬.
1106.
‘‘ਸਬ੍ਬਸੋ ਨਾਮਰੂਪਸ੍ਮਿਂ, વੀਤਗੇਧਸ੍ਸ ਬ੍ਰਾਹ੍ਮਣ।
‘‘Sabbaso nāmarūpasmiṃ, vītagedhassa brāhmaṇa;
ਆਸવਾਸ੍ਸ ਨ વਿਜ੍ਜਨ੍ਤਿ, ਯੇਹਿ ਮਚ੍ਚੁવਸਂ વਜੇ’’ਤਿ॥
Āsavāssa na vijjanti, yehi maccuvasaṃ vaje’’ti.
ਜਤੁਕਣ੍ਣਿਮਾਣવਪੁਚ੍ਛਾ ਏਕਾਦਸਮਾ ਨਿਟ੍ਠਿਤਾ।
Jatukaṇṇimāṇavapucchā ekādasamā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੧੧. ਜਤੁਕਣ੍ਣਿਸੁਤ੍ਤવਣ੍ਣਨਾ • 11. Jatukaṇṇisuttavaṇṇanā
