| Library / Tipiṭaka / തിപിടക • Tipiṭaka / ചൂളനിദ്ദേസപാളി • Cūḷaniddesapāḷi |
൧൧. ജതുകണ്ണിമാണവപുച്ഛാ
11. Jatukaṇṇimāṇavapucchā
൧൨൧.
121.
‘‘സുത്വാനഹം വീരമകാമകാമിം, [ഇച്ചായസ്മാ ജതുകണ്ണി]
‘‘Sutvānahaṃ vīramakāmakāmiṃ, [iccāyasmā jatukaṇṇi]
ഓഘാതിഗം പുട്ഠുമകാമമാഗമം;
Oghātigaṃ puṭṭhumakāmamāgamaṃ;
സന്തിപദം ബ്രൂഹി സഹജനേത്ത, യഥാതച്ഛം ഭഗവാ ബ്രൂഹി മേതം.
Santipadaṃ brūhi sahajanetta, yathātacchaṃ bhagavā brūhi metaṃ.
൧൨൨.
122.
‘‘ഭഗവാ ഹി കാമേ അഭിഭുയ്യ ഇരിയതി, ആദിച്ചോവ പഥവിം തേജീ തേജസാ;
‘‘Bhagavā hi kāme abhibhuyya iriyati, ādiccova pathaviṃ tejī tejasā;
പരിത്തപഞ്ഞസ്സ മേ ഭൂരിപഞ്ഞ, ആചിക്ഖ ധമ്മം യമഹം വിജഞ്ഞം;
Parittapaññassa me bhūripañña, ācikkha dhammaṃ yamahaṃ vijaññaṃ;
ജാതിജരായ ഇധ വിപ്പഹാനം’’.
Jātijarāya idha vippahānaṃ’’.
൧൨൩.
123.
‘‘കാമേസു വിനയ ഗേധം, [ജതുകണ്ണീതി ഭഗവാ]
‘‘Kāmesu vinaya gedhaṃ, [jatukaṇṇīti bhagavā]
നേക്ഖമ്മം ദട്ഠു ഖേമതോ;
Nekkhammaṃ daṭṭhu khemato;
ഉഗ്ഗഹിതം നിരത്തം വാ, മാ തേ വിജ്ജിത്ഥ കിഞ്ചനം.
Uggahitaṃ nirattaṃ vā, mā te vijjittha kiñcanaṃ.
൧൨൪.
124.
‘‘യം പുബ്ബേ തം വിസോസേഹി, പച്ഛാ തേ മാഹു കിഞ്ചനം;
‘‘Yaṃ pubbe taṃ visosehi, pacchā te māhu kiñcanaṃ;
മജ്ഝേ ചേ നോ ഗഹേസ്സസി, ഉപസന്തോ ചരിസ്സസി.
Majjhe ce no gahessasi, upasanto carissasi.
൧൨൫.
125.
‘‘സബ്ബസോ നാമരൂപസ്മിം, വീതഗേധസ്സ ബ്രാഹ്മണ;
‘‘Sabbaso nāmarūpasmiṃ, vītagedhassa brāhmaṇa;
ആസവാസ്സ ന വിജ്ജന്തി, യേഹി മച്ചുവസം വജേ’’തി.
Āsavāssa na vijjanti, yehi maccuvasaṃ vaje’’ti.
ജതുകണ്ണിമാണവപുച്ഛാ ഏകാദസമാ.
Jatukaṇṇimāṇavapucchā ekādasamā.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ചൂളനിദ്ദേസ-അട്ഠകഥാ • Cūḷaniddesa-aṭṭhakathā / ൧൧. ജതുകണ്ണിമാണവസുത്തനിദ്ദേസവണ്ണനാ • 11. Jatukaṇṇimāṇavasuttaniddesavaṇṇanā
