| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
11. ж̇ад̇уган̣н̣имаан̣авабужчаанид̣̇д̣̇зсо
11. Jatukaṇṇimāṇavapucchāniddeso
65.
65.
суд̇ваанахам̣ вийра агаамагаамим̣, [ижжааяасмаа ж̇ад̇уган̣н̣и]
Sutvānahaṃvīra akāmakāmiṃ, [iccāyasmā jatukaṇṇi]
огхаад̇иг̇ам̣ будтумагаамамааг̇амам̣;
Oghātigaṃ puṭṭhumakāmamāgamaṃ;
санд̇ибад̣̇ам̣ б̣руухи сахаж̇анзд̇д̇а, яат̇аад̇ажчам̣ бхаг̇аваа б̣руухи мзд̇ам̣.
Santipadaṃ brūhi sahajanetta, yathātacchaṃ bhagavā brūhi metaṃ.
суд̇ваанахам̣ вийра агаамагааминд̇и суд̇ваа сун̣ид̇ваа уг̇г̇ахзд̇ваа убад̇хаарзд̇ваа убалагкаяид̇ваа. ид̇иби со бхаг̇аваа арахам̣…бз… б̣уд̣̇д̇хо бхаг̇аваад̇и – суд̇ваанахам̣. вийраад̇и вийро бхаг̇аваа. вийрияаваад̇и вийро, бахууд̇и вийро, висавийд̇и вийро, аламад̇д̇од̇и вийро, суурод̇и вийро, вигганд̇о абхийруу ажчамбхий ануд̇раасий абалааяий бахийнабхаяабхзраво виг̇ад̇аломахам̣сод̇и вийро.
Sutvānahaṃ vīra akāmakāminti sutvā suṇitvā uggahetvā upadhāretvā upalakkhayitvā. Itipi so bhagavā arahaṃ…pe… buddho bhagavāti – sutvānahaṃ. Vīrāti vīro bhagavā. Vīriyavāti vīro, pahūti vīro, visavīti vīro, alamattoti vīro, sūroti vīro, vikkanto abhīrū acchambhī anutrāsī apalāyī pahīnabhayabheravo vigatalomahaṃsoti vīro.
вирад̇о ид̇ха саб̣б̣абаабагзхи, нираяад̣̇угкам̣ ад̇ижжа вийрияаваа 1 со;
Virato idha sabbapāpakehi, nirayadukkhaṃ aticca vīriyavā 2 so;
со вийрияаваа бад̇хаанаваа, вийро д̇аад̣̇и бавужжад̇з д̇ат̇ад̇д̇аад̇и.
So vīriyavā padhānavā, vīro tādi pavuccate tathattāti.
суд̇ваанахам̣ вийра. агаамагааминд̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. б̣уд̣̇д̇хасса бхаг̇авад̇о вад̇т̇угаамаа барин̃н̃аад̇аа, гилзсагаамаа бахийнаа. вад̇т̇угаамаанам̣ барин̃н̃аад̇ад̇д̇аа гилзсагаамаанам̣ бахийнад̇д̇аа бхаг̇аваа на гаамз гаамзд̇и, на гаамз бад̇т̇зд̇и, на гаамз бихзд̇и, на гаамз абхиж̇аббад̇и. яз гаамз гаамзнд̇и, гаамз бад̇т̇знд̇и, гаамз бихзнд̇и, гаамз абхиж̇аббанд̇и, д̇з гаамагаамино рааг̇арааг̇ино сан̃н̃аасан̃н̃ино. бхаг̇аваа на гаамз гаамзд̇и, на гаамз бад̇т̇зд̇и, на гаамз бихзд̇и, на гаамз абхиж̇аббад̇и. д̇асмаа б̣уд̣̇д̇хо агаамо ниггаамо жад̇д̇агаамо ванд̇агаамо муд̇д̇агаамо бахийнагаамо бадиниссадтагаамо вийд̇арааг̇о виг̇ад̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о нижчаад̇о ниб̣б̣уд̇о сийд̇ибхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇ийд̇и – суд̇ваанахам̣ вийра амагаамагаамим̣.
Sutvānahaṃ vīra. Akāmakāminti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Buddhassa bhagavato vatthukāmā pariññātā, kilesakāmā pahīnā. Vatthukāmānaṃ pariññātattā kilesakāmānaṃ pahīnattā bhagavā na kāme kāmeti, na kāme pattheti, na kāme piheti, na kāme abhijappati. Ye kāme kāmenti, kāme patthenti, kāme pihenti, kāme abhijappanti, te kāmakāmino rāgarāgino saññāsaññino. Bhagavā na kāme kāmeti, na kāme pattheti, na kāme piheti, na kāme abhijappati. Tasmā buddho akāmo nikkāmo cattakāmo vantakāmo muttakāmo pahīnakāmo paṭinissaṭṭhakāmo vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharatīti – sutvānahaṃ vīra amakāmakāmiṃ.
ижжааяасмаа ж̇ад̇уган̣н̣ийд̇и. ижжаад̇и бад̣̇асанд̇хи…бз… бад̣̇аанубуб̣б̣ад̇аабзд̇ам̣ – ижжаад̇и. ааяасмаад̇и бияаважанам̣ саг̇ааравасаббад̇иссаад̇хиважанамзд̇ам̣ ааяасмаад̇и. ж̇ад̇уган̣н̣ийд̇и д̇асса б̣раахман̣асса г̇од̇д̇ам̣ сан̇каа саман̃н̃аа бан̃н̃ад̇д̇и вохаарод̇и – ижжааяасмаа ж̇ад̇уган̣н̣и.
Iccāyasmā jatukaṇṇīti. Iccāti padasandhi…pe… padānupubbatāpetaṃ – iccāti. Āyasmāti piyavacanaṃ sagāravasappatissādhivacanametaṃ āyasmāti. Jatukaṇṇīti tassa brāhmaṇassa gottaṃ saṅkhā samaññā paññatti vohāroti – iccāyasmā jatukaṇṇi.
огхаад̇иг̇ам̣ будтумагаамамааг̇аманд̇и. огхаад̇иг̇анд̇и огхаад̇иг̇ам̣ огхам̣ ад̇игганд̇ам̣ самад̇игганд̇ам̣ вийд̇ивад̇д̇анд̇и – огхаад̇иг̇ам̣. будтунд̇и будтум̣ бужчид̇ум̣ яаажид̇ум̣ аж̇жхзсид̇ум̣ басаад̣̇зд̇ум̣. агаамамааг̇аманд̇и агаамам̣ будтум̣ ниггаамам̣ жад̇д̇агаамам̣ ванд̇агаамам̣ муд̇д̇агаамам̣ бахийнагаамам̣ бадиниссадтагаамам̣ вийд̇арааг̇ам̣ виг̇ад̇арааг̇ам̣ жад̇д̇арааг̇ам̣ ванд̇арааг̇ам̣ муд̇д̇арааг̇ам̣ бахийнарааг̇ам̣ бадиниссадтарааг̇ам̣ ааг̇амхаа ааг̇ад̇амхаа убааг̇ад̇амхаа самбад̇д̇амхаа д̇аяаа сад̣̇д̇хим̣ самааг̇ад̇амхаад̇и – огхаад̇иг̇ам̣ будтумагаамамааг̇амам̣.
Oghātigaṃ puṭṭhumakāmamāgamanti. Oghātiganti oghātigaṃ oghaṃ atikkantaṃ samatikkantaṃ vītivattanti – oghātigaṃ. Puṭṭhunti puṭṭhuṃ pucchituṃ yācituṃ ajjhesituṃ pasādetuṃ. Akāmamāgamanti akāmaṃ puṭṭhuṃ nikkāmaṃ cattakāmaṃ vantakāmaṃ muttakāmaṃ pahīnakāmaṃ paṭinissaṭṭhakāmaṃ vītarāgaṃ vigatarāgaṃ cattarāgaṃ vantarāgaṃ muttarāgaṃ pahīnarāgaṃ paṭinissaṭṭharāgaṃ āgamhā āgatamhā upāgatamhā sampattamhā tayā saddhiṃ samāgatamhāti – oghātigaṃ puṭṭhumakāmamāgamaṃ.
санд̇ибад̣̇ам̣ б̣руухи сахаж̇анзд̇д̇аад̇и. санд̇ийд̇и згзна аагаарзна санд̇иби санд̇ибад̣̇амби 3 д̇ам̣язва амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣ . вуд̇д̇ан̃хзд̇ам̣ бхаг̇авад̇аа – ‘‘санд̇амзд̇ам̣ бад̣̇ам̣, бан̣ийд̇амзд̇ам̣ бад̣̇ам̣, яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аана’’нд̇и. ат̇аабарзнаагаарзна яз д̇хаммаа санд̇аад̇хиг̇амааяа санд̇ипусанааяа санд̇исажчигирияааяа сам̣вад̇д̇анд̇и, сзяяат̇ид̣̇ам̣ – жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о – имз вужжанд̇и санд̇ибад̣̇аа. санд̇ибад̣̇ам̣ д̇аан̣абад̣̇ам̣ лзн̣абад̣̇ам̣ саран̣абад̣̇ам̣ абхаяабад̣̇ам̣ ажжуд̇абад̣̇ам̣ амад̇абад̣̇ам̣ ниб̣б̣аанабад̣̇ам̣ б̣руухи аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхи. сахаж̇анзд̇д̇аад̇и нзд̇д̇ам̣ вужжад̇и саб̣б̣ан̃н̃уд̇ан̃аан̣ам̣. б̣уд̣̇д̇хасса бхаг̇авад̇о нзд̇д̇ан̃жа ж̇инабхааво жа б̣од̇хияаа муулз абуб̣б̣ам̣ ажаримам̣ згасмим̣ кан̣з уббанно, д̇асмаа б̣уд̣̇д̇хо сахаж̇анзд̇д̇од̇и – санд̇ибад̣̇ам̣ б̣руухи сахаж̇анзд̇д̇а.
Santipadaṃ brūhi sahajanettāti. Santīti ekena ākārena santipi santipadampi 4 taṃyeva amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ . Vuttañhetaṃ bhagavatā – ‘‘santametaṃ padaṃ, paṇītametaṃ padaṃ, yadidaṃ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbāna’’nti. Athāparenākārena ye dhammā santādhigamāya santiphusanāya santisacchikiriyāya saṃvattanti, seyyathidaṃ – cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo – ime vuccanti santipadā. Santipadaṃ tāṇapadaṃ leṇapadaṃ saraṇapadaṃ abhayapadaṃ accutapadaṃ amatapadaṃ nibbānapadaṃ brūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehi. Sahajanettāti nettaṃ vuccati sabbaññutañāṇaṃ. Buddhassa bhagavato nettañca jinabhāvo ca bodhiyā mūle apubbaṃ acarimaṃ ekasmiṃ khaṇe uppanno, tasmā buddho sahajanettoti – santipadaṃ brūhi sahajanetta.
яат̇аад̇ажчам̣ бхаг̇аваа б̣руухи мзд̇анд̇и яат̇аад̇ажчам̣ вужжад̇и амад̇ам̣ ниб̣б̣аанам̣…бз… нирод̇хо ниб̣б̣аанам̣. бхаг̇аваад̇и г̇аараваад̇хиважанам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и. б̣руухи мзд̇анд̇и б̣руухи аажигкаахи…бз… багаасзхийд̇и – яат̇аад̇ажчам̣ бхаг̇аваа б̣руухи мзд̇ам̣. д̇знааха со б̣раахман̣о –
Yathātacchaṃ bhagavā brūhi metanti yathātacchaṃ vuccati amataṃ nibbānaṃ…pe… nirodho nibbānaṃ. Bhagavāti gāravādhivacanaṃ…pe… sacchikā paññatti, yadidaṃ bhagavāti. Brūhi metanti brūhi ācikkhāhi…pe… pakāsehīti – yathātacchaṃ bhagavā brūhi metaṃ. Tenāha so brāhmaṇo –
‘‘суд̇ваанахам̣ вийра агаамагаамим̣, [ижжааяасмаа ж̇ад̇уган̣н̣и]
‘‘Sutvānahaṃ vīra akāmakāmiṃ, [iccāyasmā jatukaṇṇi]
огхаад̇иг̇ам̣ будтумагаамамааг̇амам̣;
Oghātigaṃ puṭṭhumakāmamāgamaṃ;
санд̇ибад̣̇ам̣ б̣руухи сахаж̇анзд̇д̇а, яат̇аад̇ажчам̣ бхаг̇аваа б̣руухи мзд̇а’’нд̇и.
Santipadaṃ brūhi sahajanetta, yathātacchaṃ bhagavā brūhi meta’’nti.
66.
66.
бхаг̇аваа хи гаамз абхибхуяяа ирияад̇и, аад̣̇ижжова бат̇авим̣ д̇зж̇ий д̇зж̇асаа;
Bhagavā hi kāme abhibhuyya iriyati, ādiccova pathaviṃ tejī tejasā;
барид̇д̇абан̃н̃асса мз бхуурибан̃н̃о, аажигка д̇хаммам̣ яамахам̣ виж̇ан̃н̃ам̣;
Parittapaññassa me bhūripañño, ācikkha dhammaṃ yamahaṃ vijaññaṃ;
ж̇аад̇иж̇арааяа ид̇ха виббахаанам̣.
Jātijarāya idha vippahānaṃ.
бхаг̇аваа хи гаамз абхибхуяяа ирияад̇ийд̇и. бхаг̇аваад̇и г̇аараваад̇хиважанам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. бхаг̇аваа вад̇т̇угаамз бариж̇аанид̇ваа гилзсагаамз бахааяа абхибхуяяа абхибхавид̇ваа аж̇жход̇т̇арид̇ваа барияаад̣̇ияид̇ваа жарад̇и вихарад̇и ирияад̇и вад̇д̇зд̇и баалзд̇и яабзд̇и яаабзд̇ийд̇и – бхаг̇аваа хи гаамз абхибхуяяа ирияад̇и.
Bhagavā hi kāme abhibhuyya iriyatīti. Bhagavāti gāravādhivacanaṃ…pe… sacchikā paññatti, yadidaṃ bhagavāti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Bhagavā vatthukāme parijānitvā kilesakāme pahāya abhibhuyya abhibhavitvā ajjhottharitvā pariyādiyitvā carati viharati iriyati vatteti pāleti yapeti yāpetīti – bhagavā hi kāme abhibhuyya iriyati.
аад̣̇ижжова бат̇авим̣ д̇зж̇ий д̇зж̇асаад̇и аад̣̇ижжо вужжад̇и суурияо 5. бат̇авий вужжад̇и ж̇аг̇ад̇ий 6. яат̇аа суурияо д̇зж̇ий д̇зж̇зна саманнааг̇ад̇о бат̇авим̣ абхибхуяяа абхибхавид̇ваа аж̇жход̇т̇арид̇ваа барияаад̣̇ияид̇ваа санд̇аабаяид̇ваа саб̣б̣ам̣ аагаасаг̇ад̇ам̣ д̇амаг̇ад̇ам̣ абхивихажжа анд̇хагаарам̣ вид̇хамид̇ваа аалогам̣ д̣̇ассаяид̇ваа аагаасз анд̇алигкз г̇аг̇анабат̇з 7 г̇ажчад̇и, звамзва бхаг̇аваа н̃аан̣ад̇зж̇ий н̃аан̣ад̇зж̇зна саманнааг̇ад̇о саб̣б̣ам̣ абхисан̇каарасамуд̣̇аяам̣…бз… гилзсад̇амам̣ авиж̇ж̇анд̇хагаарам̣ вид̇хамид̇ваа н̃аан̣аалогам̣ д̣̇ассзд̇ваа вад̇т̇угаамз бариж̇аанид̇ваа гилзсагаамз бахааяа абхибхуяяа абхибхавид̇ваа аж̇жход̇т̇арид̇ваа барияаад̣̇ияид̇ваа мад̣̇д̣̇ид̇ваа жарад̇и вихарад̇и ирияад̇и вад̇д̇зд̇и баалзд̇и яабзд̇и яаабзд̇ийд̇и – аад̣̇ижжова бат̇авим̣ д̇зж̇ий д̇зж̇асаа.
Ādiccova pathaviṃ tejī tejasāti ādicco vuccati sūriyo 8. Pathavī vuccati jagatī 9. Yathā sūriyo tejī tejena samannāgato pathaviṃ abhibhuyya abhibhavitvā ajjhottharitvā pariyādiyitvā santāpayitvā sabbaṃ ākāsagataṃ tamagataṃ abhivihacca andhakāraṃ vidhamitvā ālokaṃ dassayitvā ākāse antalikkhe gaganapathe 10 gacchati, evameva bhagavā ñāṇatejī ñāṇatejena samannāgato sabbaṃ abhisaṅkhārasamudayaṃ…pe… kilesatamaṃ avijjandhakāraṃ vidhamitvā ñāṇālokaṃ dassetvā vatthukāme parijānitvā kilesakāme pahāya abhibhuyya abhibhavitvā ajjhottharitvā pariyādiyitvā madditvā carati viharati iriyati vatteti pāleti yapeti yāpetīti – ādiccova pathaviṃ tejī tejasā.
барид̇д̇абан̃н̃асса мз бхуурибан̃н̃од̇и ахамасми барид̇д̇абан̃н̃о омагабан̃н̃о лаамагабан̃н̃о чад̇уггабан̃н̃о. д̇вамби махаабан̃н̃о бут̇убан̃н̃о хаасабан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о. бхуури вужжад̇и бат̇авий. бхаг̇аваа д̇ааяа бат̇ависамааяа бан̃н̃ааяа вибулааяа вид̇т̇ад̇ааяа саманнааг̇ад̇од̇и – барид̇д̇абан̃н̃асса мз бхуурибан̃н̃о.
Parittapaññassa me bhūripaññoti ahamasmi parittapañño omakapañño lāmakapañño chatukkapañño. Tvampi mahāpañño puthupañño hāsapañño javanapañño tikkhapañño nibbedhikapañño. Bhūri vuccati pathavī. Bhagavā tāya pathavisamāya paññāya vipulāya vitthatāya samannāgatoti – parittapaññassa me bhūripañño.
аажигка д̇хаммам̣ яамахам̣ виж̇ан̃н̃анд̇и. д̇хамманд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣, жад̇д̇ааро сад̇ибадтаанз…бз… ниб̣б̣аанан̃жа ниб̣б̣аанаг̇ааминин̃жа бадибад̣̇ам̣ аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхи. яамахам̣ виж̇ан̃н̃анд̇и яамахам̣ ж̇аанзяяам̣ ааж̇аанзяяам̣ виж̇аанзяяам̣ бадиж̇аанзяяам̣ бадивиж̇жхзяяам̣ ад̇хиг̇ажчзяяам̣ пассзяяам̣ сажчигарзяяанд̇и – аажигка д̇хаммам̣ яамахам̣ виж̇ан̃н̃ам̣.
Ācikkha dhammaṃ yamahaṃ vijaññanti. Dhammanti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ, cattāro satipaṭṭhāne…pe… nibbānañca nibbānagāminiñca paṭipadaṃ ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehi. Yamahaṃ vijaññanti yamahaṃ jāneyyaṃ ājāneyyaṃ vijāneyyaṃ paṭijāneyyaṃ paṭivijjheyyaṃ adhigaccheyyaṃ phasseyyaṃ sacchikareyyanti – ācikkha dhammaṃ yamahaṃ vijaññaṃ.
ж̇аад̇иж̇арааяа ид̇ха виббахаананд̇и ид̇хзва ж̇аад̇иж̇арааяа маран̣асса бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – ж̇аад̇иж̇арааяа ид̇ха виббахаанам̣. д̇знааха со б̣раахман̣о –
Jātijarāya idha vippahānanti idheva jātijarāya maraṇassa pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – jātijarāya idha vippahānaṃ. Tenāha so brāhmaṇo –
‘‘бхаг̇аваа хи гаамз абхибхуяяа ирияад̇и, аад̣̇ижжова бат̇авим̣ д̇зж̇ий д̇зж̇асаа;
‘‘Bhagavā hi kāme abhibhuyya iriyati, ādiccova pathaviṃ tejī tejasā;
барид̇д̇абан̃н̃асса мз бхуурибан̃н̃о, аажигка д̇хаммам̣ яамахам̣ виж̇ан̃н̃ам̣;
Parittapaññassa me bhūripañño, ācikkha dhammaṃ yamahaṃ vijaññaṃ;
ж̇аад̇иж̇арааяа ид̇ха виббахаана’’нд̇и.
Jātijarāya idha vippahāna’’nti.
67.
67.
гаамзсу винаяа г̇зд̇хам̣, [ж̇ад̇уган̣н̣ийд̇и бхаг̇аваа]
Kāmesuvinaya gedhaṃ, [jatukaṇṇīti bhagavā]
нзгкаммам̣ д̣̇адту кзмад̇о;
Nekkhammaṃ daṭṭhu khemato;
уг̇г̇ахид̇ам̣ нирад̇д̇ам̣ ваа, маа д̇з виж̇ж̇ид̇т̇а гин̃жанам̣.
Uggahitaṃ nirattaṃ vā, mā te vijjittha kiñcanaṃ.
гаамзсу винаяа г̇зд̇ханд̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. г̇зд̇ханд̇и г̇зд̇хо вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. гаамзсу винаяа г̇зд̇ханд̇и гаамзсу г̇зд̇хам̣ винаяа бадивинаяа баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – гаамзсу винаяа г̇зд̇хам̣. ж̇ад̇уган̣н̣ийд̇и бхаг̇аваа д̇ам̣ б̣раахман̣ам̣ г̇од̇д̇зна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – ж̇ад̇уган̣н̣ийд̇и бхаг̇аваа.
Kāmesu vinaya gedhanti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Gedhanti gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Kāmesu vinaya gedhanti kāmesu gedhaṃ vinaya paṭivinaya pajaha vinodehi byantīkarohi anabhāvaṃ gamehīti – kāmesu vinaya gedhaṃ. Jatukaṇṇīti bhagavā taṃ brāhmaṇaṃ gottena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – jatukaṇṇīti bhagavā.
нзгкаммам̣ д̣̇адту кзмад̇од̇и. нзгкамманд̇и саммаабадибад̣̇ам̣ ануломабадибад̣̇ам̣ абажжанийгабадибад̣̇ам̣ анвад̇т̇абадибад̣̇ам̣ д̇хаммаануд̇хаммабадибад̣̇ам̣ сийлзсу барибуурагаарид̇ам̣ инд̣̇риязсу г̇уд̇д̇ад̣̇ваарад̇ам̣ бхож̇анз мад̇д̇ан̃н̃уд̇ам̣ ж̇ааг̇арияаануяог̇ам̣ сад̇исамбаж̇ан̃н̃ам̣ жад̇д̇ааро сад̇ибадтаанз жад̇д̇ааро саммаббад̇хаанз жад̇д̇ааро ид̣̇д̇хибаад̣̇з бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇з арияам̣ адтан̇г̇игам̣ маг̇г̇ам̣ ниб̣б̣аанан̃жа ниб̣б̣аанаг̇ааминин̃жа бадибад̣̇ам̣ кзмад̇о д̇аан̣ад̇о лзн̣ад̇о саран̣ад̇о саран̣ийбхууд̇ад̇о абхаяад̇о ажжуд̇ад̇о амад̇ад̇о ниб̣б̣аанад̇о д̣̇адтум̣ бассид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – нзгкаммам̣ д̣̇адту кзмад̇о.
Nekkhammaṃ daṭṭhu khematoti. Nekkhammanti sammāpaṭipadaṃ anulomapaṭipadaṃ apaccanīkapaṭipadaṃ anvatthapaṭipadaṃ dhammānudhammapaṭipadaṃ sīlesu paripūrakāritaṃ indriyesu guttadvārataṃ bhojane mattaññutaṃ jāgariyānuyogaṃ satisampajaññaṃ cattāro satipaṭṭhāne cattāro sammappadhāne cattāro iddhipāde pañcindriyāni pañca balāni satta bojjhaṅge ariyaṃ aṭṭhaṅgikaṃ maggaṃ nibbānañca nibbānagāminiñca paṭipadaṃ khemato tāṇato leṇato saraṇato saraṇībhūtato abhayato accutato amatato nibbānato daṭṭhuṃ passitvā tulayitvā tīrayitvā vibhāvayitvā vibhūtaṃ katvāti – nekkhammaṃ daṭṭhu khemato.
уг̇г̇ахид̇ам̣ нирад̇д̇ам̣ ваад̇и. уг̇г̇ахид̇анд̇и д̇ан̣хаавасзна д̣̇идтивасзна г̇ахид̇ам̣ бараамадтам̣ абхинивидтам̣ аж̇жхосид̇ам̣ ад̇химуд̇д̇ам̣. нирад̇д̇ам̣ ваад̇и нирад̇д̇ам̣ ваа мун̃жид̇аб̣б̣ам̣ виж̇ахид̇аб̣б̣ам̣ винод̣̇ид̇аб̣б̣ам̣ б̣яанд̇ийгаад̇аб̣б̣ам̣ анабхаавам̣ г̇амзд̇аб̣б̣анд̇и – уг̇г̇ахид̇ам̣ нирад̇д̇ам̣ ваа.
Uggahitaṃ nirattaṃ vāti. Uggahitanti taṇhāvasena diṭṭhivasena gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ. Nirattaṃ vāti nirattaṃ vā muñcitabbaṃ vijahitabbaṃ vinoditabbaṃ byantīkātabbaṃ anabhāvaṃ gametabbanti – uggahitaṃ nirattaṃ vā.
маа д̇з виж̇ж̇ид̇т̇а гин̃жананд̇и рааг̇агин̃жанам̣ д̣̇осагин̃жанам̣ мохагин̃жанам̣ маанагин̃жанам̣ д̣̇идтигин̃жанам̣ гилзсагин̃жанам̣ д̣̇ужжарид̇агин̃жанам̣. ид̣̇ам̣ гин̃жанам̣ 11 д̇уяхам̣ маа виж̇ж̇ид̇т̇а маа бавиж̇ж̇ид̇т̇а маа сам̣виж̇ж̇ид̇т̇а баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – маа д̇з виж̇ж̇ид̇т̇а гин̃жанам̣. д̇знааха бхаг̇аваа –
Mā te vijjittha kiñcananti rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ. Idaṃ kiñcanaṃ 12 tuyhaṃ mā vijjittha mā pavijjittha mā saṃvijjittha pajaha vinodehi byantīkarohi anabhāvaṃ gamehīti – mā te vijjittha kiñcanaṃ. Tenāha bhagavā –
‘‘гаамзсу винаяа г̇зд̇хам̣, [ж̇ад̇уган̣н̣ийд̇и бхаг̇аваа]
‘‘Kāmesu vinaya gedhaṃ, [jatukaṇṇīti bhagavā]
нзгкаммам̣ д̣̇адту кзмад̇о;
Nekkhammaṃ daṭṭhu khemato;
уг̇г̇ахид̇ам̣ нирад̇д̇ам̣ ваа, маа д̇з виж̇ж̇ид̇т̇а гин̃жана’’нд̇и.
Uggahitaṃ nirattaṃ vā, mā te vijjittha kiñcana’’nti.
68.
68.
яам̣ буб̣б̣з д̇ам̣ висосзхи, бажчаа д̇з мааху гин̃жанам̣;
Yaṃ pubbe taṃ visosehi, pacchā te māhu kiñcanaṃ;
маж̇жхз жз но г̇ахзссаси, убасанд̇о жариссаси.
Majjhe ce no gahessasi, upasanto carissasi.
яам̣ буб̣б̣з д̇ам̣ висосзхийд̇и ад̇ийд̇з сан̇каарз аараб̣бха яз гилзсаа уббаж̇ж̇зяяум̣ д̇з гилзсз сосзхи висосзхи сугкаабзхи висугкаабзхи аб̣ийж̇ам̣ гарохи баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – звамби яам̣ буб̣б̣з д̇ам̣ висосзхи. ат̇а ваа, яз ад̇ийд̇аа гаммаабхисан̇каараа авибаггавибаагаа д̇з гаммаабхисан̇каарз сосзхи висосзхи сугкаабзхи висугкаабзхи аб̣ийж̇ам̣ 13 гарохи баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – звамби яам̣ буб̣б̣з д̇ам̣ висосзхи.
Yaṃ pubbe taṃ visosehīti atīte saṅkhāre ārabbha ye kilesā uppajjeyyuṃ te kilese sosehi visosehi sukkhāpehi visukkhāpehi abījaṃ karohi pajaha vinodehi byantīkarohi anabhāvaṃ gamehīti – evampi yaṃ pubbe taṃ visosehi. Atha vā, ye atītā kammābhisaṅkhārā avipakkavipākā te kammābhisaṅkhāre sosehi visosehi sukkhāpehi visukkhāpehi abījaṃ 14 karohi pajaha vinodehi byantīkarohi anabhāvaṃ gamehīti – evampi yaṃ pubbe taṃ visosehi.
бажчаа д̇з мааху гин̃жананд̇и бажчаа вужжад̇и анааг̇ад̇з сан̇каарз аараб̣бха рааг̇агин̃жанам̣ д̣̇осагин̃жанам̣ мохагин̃жанам̣ маанагин̃жанам̣ д̣̇идтигин̃жанам̣ гилзсагин̃жанам̣ д̣̇ужжарид̇агин̃жанам̣. ид̣̇ам̣ гин̃жанам̣ д̇уяхам̣ маа аху маа ахоси маа ж̇анзси 15 маа сан̃ж̇анзси маабхиниб̣б̣ад̇д̇зси баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – бажчаа д̇з мааху гин̃жанам̣.
Pacchā te māhu kiñcananti pacchā vuccati anāgate saṅkhāre ārabbha rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ. Idaṃ kiñcanaṃ tuyhaṃ mā ahu mā ahosi mā janesi 16 mā sañjanesi mābhinibbattesi pajaha vinodehi byantīkarohi anabhāvaṃ gamehīti – pacchā te māhu kiñcanaṃ.
маж̇жхз жз но г̇ахзссасийд̇и маж̇жхз вужжад̇и бажжуббаннам̣ руубам̣ взд̣̇анаа сан̃н̃аа сан̇каараа вин̃н̃аан̣ам̣. бажжуббаннз сан̇каарз д̇ан̣хаавасзна д̣̇идтивасзна на г̇ахзссаси на д̇ан̣хиссаси на бараамасиссаси на нанд̣̇иссаси наабхинанд̣̇иссаси на аж̇жхосиссаси. абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахиссаси винод̣̇зссаси б̣яанд̇ийгариссаси анабхаавам̣ г̇амзссасийд̇и – маж̇жхз жз но г̇ахзссаси.
Majjhe ce no gahessasīti majjhe vuccati paccuppannaṃ rūpaṃ vedanā saññā saṅkhārā viññāṇaṃ. Paccuppanne saṅkhāre taṇhāvasena diṭṭhivasena na gahessasi na taṇhissasi na parāmasissasi na nandissasi nābhinandissasi na ajjhosissasi. Abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahissasi vinodessasi byantīkarissasi anabhāvaṃ gamessasīti – majjhe ce no gahessasi.
убасанд̇о жариссасийд̇и рааг̇асса убасамид̇ад̇д̇аа убасанд̇о жариссаси, д̣̇осасса…бз… саб̣б̣аагусалаабхисан̇каараанам̣ санд̇ад̇д̇аа самид̇ад̇д̇аа убасамид̇ад̇д̇аа вуубасамид̇ад̇д̇аа ниж̇жхаад̇ад̇д̇аа ниб̣б̣уд̇ад̇д̇аа виг̇ад̇ад̇д̇аа бадиббассад̣̇д̇хад̇д̇аа санд̇о убасанд̇о вуубасанд̇о ниб̣б̣уд̇о бадиббассад̣̇д̇хо жариссаси вихариссаси ирияиссаси вад̇д̇иссаси баалзссаси яабзссаси яаабзссасийд̇и – убасанд̇о жариссаси. д̇знааха бхаг̇аваа –
Upasanto carissasīti rāgassa upasamitattā upasanto carissasi, dosassa…pe… sabbākusalābhisaṅkhārānaṃ santattā samitattā upasamitattā vūpasamitattā nijjhātattā nibbutattā vigatattā paṭippassaddhattā santo upasanto vūpasanto nibbuto paṭippassaddho carissasi viharissasi iriyissasi vattissasi pālessasi yapessasi yāpessasīti – upasanto carissasi. Tenāha bhagavā –
‘‘яам̣ буб̣б̣з д̇ам̣ висосзхи, бажчаа д̇з мааху гин̃жанам̣;
‘‘Yaṃ pubbe taṃ visosehi, pacchā te māhu kiñcanaṃ;
маж̇жхз жз но г̇ахзссаси, убасанд̇о жариссасий’’д̇и.
Majjhe ce no gahessasi, upasanto carissasī’’ti.
69.
69.
саб̣б̣асо наамаруубасмим̣, вийд̇аг̇зд̇хасса б̣раахман̣а;
Sabbaso nāmarūpasmiṃ, vītagedhassa brāhmaṇa;
аасаваасса на виж̇ж̇анд̇и, язхи мажжувасам̣ важ̇з.
Āsavāssa na vijjanti, yehi maccuvasaṃ vaje.
саб̣б̣асо наамаруубасмим̣ вийд̇аг̇зд̇хасса б̣раахман̣аад̇и. саб̣б̣асод̇и саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ барияаад̣̇ияанаважанамзд̇ам̣ саб̣б̣асод̇и. нааманд̇и жад̇д̇ааро аруубино канд̇хаа. руубанд̇и жад̇д̇ааро жа махаабхууд̇аа жад̇уннан̃жа махаабхууд̇аанам̣ убаад̣̇ааяа руубам̣. г̇зд̇хо вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. саб̣б̣асо наамаруубасмим̣ вийд̇аг̇зд̇хасса б̣раахман̣аад̇и саб̣б̣асо наамаруубасмим̣ вийд̇аг̇зд̇хасса виг̇ад̇аг̇зд̇хасса жад̇д̇аг̇зд̇хасса ванд̇аг̇зд̇хасса муд̇д̇аг̇зд̇хасса бахийнаг̇зд̇хасса бадиниссадтаг̇зд̇хасса вийд̇арааг̇асса виг̇ад̇арааг̇асса жад̇д̇арааг̇асса ванд̇арааг̇асса муд̇д̇арааг̇асса бахийнарааг̇асса бадиниссадтарааг̇ассаад̇и – саб̣б̣асо наамаруубасмим̣ вийд̇аг̇зд̇хасса б̣раахман̣а.
Sabbaso nāmarūpasmiṃ vītagedhassa brāhmaṇāti. Sabbasoti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ sabbasoti. Nāmanti cattāro arūpino khandhā. Rūpanti cattāro ca mahābhūtā catunnañca mahābhūtānaṃ upādāya rūpaṃ. Gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Sabbaso nāmarūpasmiṃ vītagedhassa brāhmaṇāti sabbaso nāmarūpasmiṃ vītagedhassa vigatagedhassa cattagedhassa vantagedhassa muttagedhassa pahīnagedhassa paṭinissaṭṭhagedhassa vītarāgassa vigatarāgassa cattarāgassa vantarāgassa muttarāgassa pahīnarāgassa paṭinissaṭṭharāgassāti – sabbaso nāmarūpasmiṃ vītagedhassa brāhmaṇa.
аасаваасса на виж̇ж̇анд̇ийд̇и. аасаваад̇и жад̇д̇ааро аасаваа – гаамаасаво, бхаваасаво, д̣̇идтаасаво, авиж̇ж̇аасаво. ассаад̇и арахад̇о кийн̣аасавасса. на виж̇ж̇анд̇ийд̇и имз аасаваа д̇асса над̇т̇и на санд̇и на сам̣виж̇ж̇анд̇и нубалаб̣бханд̇и бахийнаа самужчиннаа вуубасанд̇аа бадиббассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – аасаваасса на виж̇ж̇анд̇и.
Āsavāssa na vijjantīti. Āsavāti cattāro āsavā – kāmāsavo, bhavāsavo, diṭṭhāsavo, avijjāsavo. Assāti arahato khīṇāsavassa. Na vijjantīti ime āsavā tassa natthi na santi na saṃvijjanti nupalabbhanti pahīnā samucchinnā vūpasantā paṭippassaddhā abhabbuppattikā ñāṇagginā daḍḍhāti – āsavāssa na vijjanti.
язхи мажжувасам̣ важ̇зд̇и язхи аасавзхи мажжуно ваа васам̣ г̇ажчзяяа, маран̣асса ваа васам̣ г̇ажчзяяа, маарабагкасса ваа васам̣ г̇ажчзяяа; д̇з аасаваа д̇асса над̇т̇и на санд̇и на сам̣виж̇ж̇анд̇и нубалаб̣бханд̇и бахийнаа самужчиннаа вуубасанд̇аа бадиббассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – язхи мажжувасам̣ важ̇з. д̇знааха бхаг̇аваа –
Yehi maccuvasaṃ vajeti yehi āsavehi maccuno vā vasaṃ gaccheyya, maraṇassa vā vasaṃ gaccheyya, mārapakkhassa vā vasaṃ gaccheyya; te āsavā tassa natthi na santi na saṃvijjanti nupalabbhanti pahīnā samucchinnā vūpasantā paṭippassaddhā abhabbuppattikā ñāṇagginā daḍḍhāti – yehi maccuvasaṃ vaje. Tenāha bhagavā –
‘‘саб̣б̣асо наамаруубасмим̣, вийд̇аг̇зд̇хасса б̣раахман̣а;
‘‘Sabbaso nāmarūpasmiṃ, vītagedhassa brāhmaṇa;
аасаваасса на виж̇ж̇анд̇и, язхи мажжувасам̣ важ̇з’’д̇и.
Āsavāssa na vijjanti, yehi maccuvasaṃ vaje’’ti.
саха г̇аат̇аабарияосаанаа…бз… сад̇т̇аа мз бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me bhante bhagavā, sāvakohamasmīti.
ж̇ад̇уган̣н̣имаан̣авабужчаанид̣̇д̣̇зсо згаад̣̇асамо.
Jatukaṇṇimāṇavapucchāniddeso ekādasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 11. ж̇ад̇уган̣н̣имаан̣авасуд̇д̇анид̣̇д̣̇зсаван̣н̣анаа • 11. Jatukaṇṇimāṇavasuttaniddesavaṇṇanā
