| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
11. ж̇ад̇уган̣н̣имаан̣авасуд̇д̇анид̣̇д̣̇зсаван̣н̣анаа
11. Jatukaṇṇimāṇavasuttaniddesavaṇṇanā
65. згаад̣̇асамз ж̇ад̇уган̣н̣исуд̇д̇з – суд̇ваанахам̣ вийра агаамагааминд̇и ахам̣ ‘‘ид̇иби со бхаг̇аваа’’д̇иаад̣̇инаа (баараа. 1; д̣̇ий. ни. 1.157, 255, 301; а. ни. 6.10; сам̣. ни. 5.997) наязна вийра гаамаанам̣ агааманад̇о агаамагаамим̣ б̣уд̣̇д̇хам̣ суд̇ваа. агаамамааг̇аманд̇и ниггаамам̣ бхаг̇аванд̇ам̣ бужчид̇ум̣ ааг̇ад̇омхи. сахаж̇анзд̇д̇аад̇и сахаж̇аад̇асаб̣б̣ан̃н̃уд̇ан̃н̃аан̣ажагку . яат̇аад̇ажчанд̇и яат̇аад̇ат̇ам̣. б̣руухи мзд̇и буна яаажанд̇о бхан̣ад̇и. яаажанд̇о хи сахассагкад̇д̇умби бхан̣зяяа, го бана ваад̣̇о д̣̇вигкад̇д̇ум̣.
65. Ekādasame jatukaṇṇisutte – sutvānahaṃ vīra akāmakāminti ahaṃ ‘‘itipi so bhagavā’’tiādinā (pārā. 1; dī. ni. 1.157, 255, 301; a. ni. 6.10; saṃ. ni. 5.997) nayena vīra kāmānaṃ akāmanato akāmakāmiṃ buddhaṃ sutvā. Akāmamāgamanti nikkāmaṃ bhagavantaṃ pucchituṃ āgatomhi. Sahajanettāti sahajātasabbaññutaññāṇacakkhu . Yathātacchanti yathātathaṃ. Brūhi meti puna yācanto bhaṇati. Yācanto hi sahassakkhattumpi bhaṇeyya, ko pana vādo dvikkhattuṃ.
ид̇иби со бхаг̇аваа арахам̣ саммаасамб̣уд̣̇д̇ход̇и имзсам̣ бад̣̇аанам̣ ад̇т̇о хздтаа вуд̇д̇ова. виж̇ж̇аахи бана жаран̣зна жа самбаннад̇д̇аа виж̇ж̇аажаран̣асамбанно. д̇ад̇т̇а виж̇ж̇аад̇и д̇иссоби виж̇ж̇аа адтаби виж̇ж̇аа. д̇иссо виж̇ж̇аа бхаяабхзравасуд̇д̇з (ма. ни. 1.34 аад̣̇аяо) вуд̇д̇анаязна взд̣̇ид̇аб̣б̣аа, адта амб̣адтасуд̇д̇з (д̣̇ий. ни. 1.254 аад̣̇аяо). д̇ад̇т̇а хи вибассанаан̃аан̣зна маномаяид̣̇д̇хияаа жа саха ча абхин̃н̃аа бариг̇г̇ахзд̇ваа адта виж̇ж̇аа вуд̇д̇аа. жаран̣анд̇и сийласам̣варо инд̣̇риязсу г̇уд̇д̇ад̣̇ваарад̇аа бхож̇анз мад̇д̇ан̃н̃уд̇аа ж̇ааг̇арияаануяог̇о сад̇д̇а сад̣̇д̇хаммаа жад̇д̇аари руубааважараж̇жхаанаанийд̇и имз баннараса д̇хаммаа взд̣̇ид̇аб̣б̣аа. имзязва хи баннараса д̇хаммаа яасмаа зд̇зхи жарад̇и арияасааваго г̇ажчад̇и амад̇ам̣ д̣̇исам̣, д̇асмаа ‘‘жаран̣а’’нд̇и вуд̇д̇аа. яат̇ааха – ‘‘ид̇ха, махаанаама, арияасааваго сийлаваа ход̇ий’’д̇и (ма. ни. 2.24) саб̣б̣ам̣ маж̇жхимабан̣н̣аасагз вуд̇д̇анаязна взд̣̇ид̇аб̣б̣ам̣. бхаг̇аваа имаахи виж̇ж̇аахи иминаа жа жаран̣зна саманнааг̇ад̇о, д̇зна вужжад̇и виж̇ж̇аажаран̣асамбаннод̇и. д̇ад̇т̇а виж̇ж̇аасамбад̣̇аа бхаг̇авад̇о саб̣б̣ан̃н̃уд̇ам̣ буурзд̇ваа тид̇аа, жаран̣асамбад̣̇аа махаагаарун̣игад̇ам̣. со саб̣б̣ан̃н̃уд̇ааяа саб̣б̣асад̇д̇аанам̣ ад̇т̇аанад̇т̇ам̣ н̃ад̇ваа махаагаарун̣игад̇ааяа анад̇т̇ам̣ бариваж̇ж̇зд̇ваа ад̇т̇з нияож̇зд̇и, яат̇аа д̇ам̣ виж̇ж̇аажаран̣асамбанно. д̇знасса саавагаа суббадибаннаа хонд̇и, но д̣̇уббадибаннаа, виж̇ж̇аажаран̣авибаннаанан̃хи саавагаа ад̇д̇анд̇абаад̣̇аяо вияа (баараа. адта. 1.1).
Itipi so bhagavā arahaṃ sammāsambuddhoti imesaṃ padānaṃ attho heṭṭhā vuttova. Vijjāhi pana caraṇena ca sampannattā vijjācaraṇasampanno. Tattha vijjāti tissopi vijjā aṭṭhapi vijjā. Tisso vijjā bhayabheravasutte (ma. ni. 1.34 ādayo) vuttanayena veditabbā, aṭṭha ambaṭṭhasutte (dī. ni. 1.254 ādayo). Tattha hi vipassanāñāṇena manomayiddhiyā ca saha cha abhiññā pariggahetvā aṭṭha vijjā vuttā. Caraṇanti sīlasaṃvaro indriyesu guttadvāratā bhojane mattaññutā jāgariyānuyogo satta saddhammā cattāri rūpāvacarajjhānānīti ime pannarasa dhammā veditabbā. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Yathāha – ‘‘idha, mahānāma, ariyasāvako sīlavā hotī’’ti (ma. ni. 2.24) sabbaṃ majjhimapaṇṇāsake vuttanayena veditabbaṃ. Bhagavā imāhi vijjāhi iminā ca caraṇena samannāgato, tena vuccati vijjācaraṇasampannoti. Tattha vijjāsampadā bhagavato sabbaññutaṃ pūretvā ṭhitā, caraṇasampadā mahākāruṇikataṃ. So sabbaññutāya sabbasattānaṃ atthānatthaṃ ñatvā mahākāruṇikatāya anatthaṃ parivajjetvā atthe niyojeti, yathā taṃ vijjācaraṇasampanno. Tenassa sāvakā suppaṭipannā honti, no duppaṭipannā, vijjācaraṇavipannānañhi sāvakā attantapādayo viya (pārā. aṭṭha. 1.1).
собханаг̇аманад̇д̇аа сунд̣̇арам̣ таанам̣ г̇ад̇ад̇д̇аа саммаа г̇ад̇ад̇д̇аа саммаа жа г̇ад̣̇ад̇д̇аа суг̇ад̇о. г̇аманамби хи г̇ад̇анд̇и вужжад̇и. д̇ан̃жа бхаг̇авад̇о собханам̣ барисуд̣̇д̇хаманаваж̇ж̇ам̣. гим̣ бана д̇анд̇и? арияамаг̇г̇о. д̇зна хзса г̇аманзна кзмам̣ д̣̇исам̣ асаж̇ж̇амаано г̇ад̇од̇и собханаг̇аманад̇д̇аа суг̇ад̇о. сунд̣̇аран̃жзса таанам̣ г̇ад̇о амад̇ам̣ ниб̣б̣аананд̇и сунд̣̇арам̣ таанам̣ г̇ад̇ад̇д̇ааби суг̇ад̇о. саммаа жа г̇ад̇о д̇зна д̇зна маг̇г̇зна бахийнз гилзсз буна абажжааг̇ажчанд̇о. вуд̇д̇ан̃хзд̇ам̣ –
Sobhanagamanattā sundaraṃ ṭhānaṃ gatattā sammā gatattā sammā ca gadattā sugato. Gamanampi hi gatanti vuccati. Tañca bhagavato sobhanaṃ parisuddhamanavajjaṃ. Kiṃ pana tanti? Ariyamaggo. Tena hesa gamanena khemaṃ disaṃ asajjamāno gatoti sobhanagamanattā sugato. Sundarañcesa ṭhānaṃ gato amataṃ nibbānanti sundaraṃ ṭhānaṃ gatattāpi sugato. Sammā ca gato tena tena maggena pahīne kilese puna apaccāgacchanto. Vuttañhetaṃ –
‘‘сод̇аабад̇д̇имаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇ийд̇и суг̇ад̇о…бз… арахад̇д̇амаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇ийд̇и суг̇ад̇о’’д̇и (махаани. 38; жуул̣ани. мзд̇д̇аг̇уумаан̣авабужчаанид̣̇д̣̇зса 27).
‘‘Sotāpattimaggena ye kilesā pahīnā, te kilese na puneti na pacceti na paccāgacchatīti sugato…pe… arahattamaggena ye kilesā pahīnā, te kilese na puneti na pacceti na paccāgacchatīti sugato’’ti (mahāni. 38; cūḷani. mettagūmāṇavapucchāniddesa 27).
саммаа ваа г̇ад̇о д̣̇ийбан̇гарабаад̣̇амуулад̇о бабхуд̇и яаава б̣од̇химан̣д̣аа д̇аава самад̇им̣сабаарамийбууригааяа саммаа бадибад̇д̇ияаа саб̣б̣алогасса хид̇асукамзва гаронд̇о сассад̇ам̣ ужчзд̣̇ам̣ гаамасукам̣ ад̇д̇агиламат̇анд̇и имз жа анд̇з анубаг̇ажчанд̇о г̇ад̇од̇и саммаа г̇ад̇ад̇д̇ааби суг̇ад̇о. саммаа жзса г̇ад̣̇ад̇и яуд̇д̇адтаанзсу яуд̇д̇амзва ваажам̣ бхаасад̇ийд̇и саммаа г̇ад̣̇ад̇д̇ааби суг̇ад̇о.
Sammā vā gato dīpaṅkarapādamūlato pabhuti yāva bodhimaṇḍā tāva samatiṃsapāramīpūrikāya sammā paṭipattiyā sabbalokassa hitasukhameva karonto sassataṃ ucchedaṃ kāmasukhaṃ attakilamathanti ime ca ante anupagacchanto gatoti sammā gatattāpi sugato. Sammā cesa gadati yuttaṭṭhānesu yuttameva vācaṃ bhāsatīti sammā gadattāpi sugato.
д̇ад̇рид̣̇ам̣ саад̇хагасуд̇д̇ам̣ –
Tatridaṃ sādhakasuttaṃ –
‘‘яам̣ д̇ат̇ааг̇ад̇о ваажам̣ ж̇аанаад̇и абхууд̇ам̣ ад̇ажчам̣ анад̇т̇асам̣хид̇ам̣, саа жа барзсам̣ аббияаа аманаабаа, на д̇ам̣ д̇ат̇ааг̇ад̇о ваажам̣ бхаасад̇и. яамби д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ анад̇т̇асам̣хид̇ам̣, саа жа барзсам̣ аббияаа аманаабаа, д̇амби д̇ат̇ааг̇ад̇о ваажам̣ на бхаасад̇и. яан̃жа ко д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ ад̇т̇асам̣хид̇ам̣, саа жа барзсам̣ аббияаа аманаабаа, д̇ад̇ра гаалан̃н̃уу д̇ат̇ааг̇ад̇о ход̇и д̇ассаа ваажааяа взяяаагаран̣ааяа. яам̣ д̇ат̇ааг̇ад̇о ваажам̣ ж̇аанаад̇и абхууд̇ам̣ ад̇ажчам̣ анад̇т̇асам̣хид̇ам̣. саа жа барзсам̣ бияаа манаабаа, на д̇ам̣ д̇ат̇ааг̇ад̇о ваажам̣ бхаасад̇и. яамби д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ анад̇т̇асам̣хид̇ам̣, саа жа барзсам̣ бияаа манаабаа, д̇амби д̇ат̇ааг̇ад̇о ваажам̣ на бхаасад̇и. яан̃жа ко д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ ад̇т̇асам̣хид̇ам̣, саа жа барзсам̣ бияаа манаабаа, д̇ад̇ра гаалан̃н̃уу д̇ат̇ааг̇ад̇о ход̇и д̇ассаа ваажааяа взяяаагаран̣ааяаа’’д̇и (ма. ни. 2.86).
‘‘Yaṃ tathāgato vācaṃ jānāti abhūtaṃ atacchaṃ anatthasaṃhitaṃ, sā ca paresaṃ appiyā amanāpā, na taṃ tathāgato vācaṃ bhāsati. Yampi tathāgato vācaṃ jānāti bhūtaṃ tacchaṃ anatthasaṃhitaṃ, sā ca paresaṃ appiyā amanāpā, tampi tathāgato vācaṃ na bhāsati. Yañca kho tathāgato vācaṃ jānāti bhūtaṃ tacchaṃ atthasaṃhitaṃ, sā ca paresaṃ appiyā amanāpā, tatra kālaññū tathāgato hoti tassā vācāya veyyākaraṇāya. Yaṃ tathāgato vācaṃ jānāti abhūtaṃ atacchaṃ anatthasaṃhitaṃ. Sā ca paresaṃ piyā manāpā, na taṃ tathāgato vācaṃ bhāsati. Yampi tathāgato vācaṃ jānāti bhūtaṃ tacchaṃ anatthasaṃhitaṃ, sā ca paresaṃ piyā manāpā, tampi tathāgato vācaṃ na bhāsati. Yañca kho tathāgato vācaṃ jānāti bhūtaṃ tacchaṃ atthasaṃhitaṃ, sā ca paresaṃ piyā manāpā, tatra kālaññū tathāgato hoti tassā vācāya veyyākaraṇāyā’’ti (ma. ni. 2.86).
звам̣ саммаа г̇ад̣̇ад̇д̇ааби суг̇ад̇од̇и взд̣̇ид̇аб̣б̣о.
Evaṃ sammā gadattāpi sugatoti veditabbo.
саб̣б̣ат̇аа вид̣̇ид̇алогад̇д̇аа бана логавид̣̇уу. со хи бхаг̇аваа сабхаавад̇о самуд̣̇аяад̇о нирод̇хад̇о нирод̇хуубааяад̇од̇и саб̣б̣ат̇аа логам̣ авзд̣̇и ан̃н̃ааси бадивиж̇жхи. яат̇ааха –
Sabbathā viditalokattā pana lokavidū. So hi bhagavā sabhāvato samudayato nirodhato nirodhūpāyatoti sabbathā lokaṃ avedi aññāsi paṭivijjhi. Yathāha –
‘‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аами. на жаахам̣, аавусо, аббад̇ваава логасса анд̇ам̣ д̣̇угкасса анд̇агирияам̣ вад̣̇аами. аби жаахам̣, аавусо, имасмим̣язва б̣яаамамад̇д̇з гал̣зварз сасан̃н̃имхи саманагз логан̃жа бан̃н̃абзми логасамуд̣̇аяан̃жа логанирод̇хан̃жа логанирод̇хаг̇ааминин̃жа бадибад̣̇ам̣ (сам̣. ни. 1.107; а. ни. 4.45).
‘‘Yattha kho, āvuso, na jāyati na jīyati na mīyati na cavati na upapajjati, nāhaṃ taṃ gamanena lokassa antaṃ ñāteyyaṃ daṭṭheyyaṃ patteyyanti vadāmi. Na cāhaṃ, āvuso, appatvāva lokassa antaṃ dukkhassa antakiriyaṃ vadāmi. Api cāhaṃ, āvuso, imasmiṃyeva byāmamatte kaḷevare sasaññimhi samanake lokañca paññapemi lokasamudayañca lokanirodhañca lokanirodhagāminiñca paṭipadaṃ (saṃ. ni. 1.107; a. ni. 4.45).
‘‘г̇аманзна на бад̇д̇аб̣б̣о, логассанд̇о гуд̣̇аажанам̣;
‘‘Gamanena na pattabbo, lokassanto kudācanaṃ;
на жа аббад̇ваа логанд̇ам̣, д̣̇угкаа ад̇т̇и баможанам̣.
Na ca appatvā lokantaṃ, dukkhā atthi pamocanaṃ.
‘‘д̇асмаа хавз логавид̣̇уу сумзд̇хо, логанд̇аг̇уу вусид̇аб̣рахмажарияо;
‘‘Tasmā have lokavidū sumedho, lokantagū vusitabrahmacariyo;
логасса анд̇ам̣ самид̇аави н̃ад̇ваа, наасийсад̇ий логамимам̣ баран̃жаа’’д̇и. (сам̣. ни. 1.107; а. ни. 4.45);
Lokassa antaṃ samitāvi ñatvā, nāsīsatī lokamimaṃ parañcā’’ti. (saṃ. ni. 1.107; a. ni. 4.45);
аби жа – д̇аяо логаа сан̇кааралого сад̇д̇алого огаасалогод̇и. д̇ад̇т̇а ‘‘зго лого саб̣б̣з сад̇д̇аа аахаарадтид̇игаа’’д̇и (бади. ма. 1.112) ааг̇ад̇адтаанз сан̇кааралого взд̣̇ид̇аб̣б̣о. ‘‘сассад̇о логод̇и ваа асассад̇о логод̇и ваа’’д̇и (д̣̇ий. ни. 1.421; ма. ни. 1.269; сам̣. ни. 4.416; вибха. 937) ааг̇ад̇адтаанз сад̇д̇алого.
Api ca – tayo lokā saṅkhāraloko sattaloko okāsalokoti. Tattha ‘‘eko loko sabbe sattā āhāraṭṭhitikā’’ti (paṭi. ma. 1.112) āgataṭṭhāne saṅkhāraloko veditabbo. ‘‘Sassato lokoti vā asassato lokoti vā’’ti (dī. ni. 1.421; ma. ni. 1.269; saṃ. ni. 4.416; vibha. 937) āgataṭṭhāne sattaloko.
‘‘яаавад̇аа жанд̣̇имасуурияаа барихаранд̇и, д̣̇исаа бханд̇и вирожамаанаа;
‘‘Yāvatā candimasūriyā pariharanti, disā bhanti virocamānā;
д̇аава сахассад̇хаа лого, зд̇т̇а д̇з вад̇д̇ад̇ий васо’’д̇и. (ма. ни. 1.503) –
Tāva sahassadhā loko, ettha te vattatī vaso’’ti. (ma. ni. 1.503) –
ааг̇ад̇адтаанз огаасалого. д̇амби бхаг̇аваа саб̣б̣ат̇аа авзд̣̇и. д̇ат̇аа хисса ‘‘зго лого саб̣б̣з сад̇д̇аа аахаарадтид̇игаа. д̣̇вз логаа нааман̃жа руубан̃жа. д̇аяо логаа д̇иссо взд̣̇анаа. жад̇д̇ааро логаа жад̇д̇ааро аахаараа. бан̃жа логаа бан̃жубаад̣̇аанагканд̇хаа. ча логаа ча аж̇жхад̇д̇игаани ааяад̇анаани. сад̇д̇а логаа сад̇д̇а вин̃н̃аан̣адтид̇ияо. адта логаа адта логад̇хаммаа. нава логаа нава сад̇д̇ааваасаа. д̣̇аса логаа д̣̇асааяад̇анаани. д̣̇ваад̣̇аса логаа д̣̇ваад̣̇асааяад̇анаани. адтаарасалогаа адтаараса д̇хаад̇уяо’’д̇и (бади. ма. 1.112) аяам̣ сан̇кааралогоби саб̣б̣ат̇аа вид̣̇ид̇о.
Āgataṭṭhāne okāsaloko. Tampi bhagavā sabbathā avedi. Tathā hissa ‘‘eko loko sabbe sattā āhāraṭṭhitikā. Dve lokā nāmañca rūpañca. Tayo lokā tisso vedanā. Cattāro lokā cattāro āhārā. Pañca lokā pañcupādānakkhandhā. Cha lokā cha ajjhattikāni āyatanāni. Satta lokā satta viññāṇaṭṭhitiyo. Aṭṭha lokā aṭṭha lokadhammā. Nava lokā nava sattāvāsā. Dasa lokā dasāyatanāni. Dvādasa lokā dvādasāyatanāni. Aṭṭhārasalokā aṭṭhārasa dhātuyo’’ti (paṭi. ma. 1.112) ayaṃ saṅkhāralokopi sabbathā vidito.
яасмаа банзса саб̣б̣зсамби сад̇д̇аанам̣ аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ ж̇аанаад̇и, ад̇химуд̇д̇им̣ ж̇аанаад̇и, аббараж̇агкз махаараж̇агкз д̇игкинд̣̇рияз муд̣̇инд̣̇рияз, сваагаарз д̣̇ваагаарз, сувин̃н̃аабаяз д̣̇увин̃н̃аабаяз, бхаб̣б̣з абхаб̣б̣з сад̇д̇з ж̇аанаад̇и. д̇асмаасса сад̇д̇алогоби саб̣б̣ат̇аа вид̣̇ид̇о. яат̇аа жа сад̇д̇алого, звам̣ огаасалогоби. д̇ат̇аа хзса згам̣ жаггаваал̣ам̣ ааяаамад̇о жа вид̇т̇аарад̇о жа яож̇анаанам̣ д̣̇ваад̣̇аса сад̇асахассаани жад̇уд̇им̣са сад̇аани жа бан̃н̃аасан̃жа яож̇анаани. баригкзбад̇о –
Yasmā panesa sabbesampi sattānaṃ āsayaṃ jānāti, anusayaṃ jānāti, caritaṃ jānāti, adhimuttiṃ jānāti, apparajakkhe mahārajakkhe tikkhindriye mudindriye, svākāre dvākāre, suviññāpaye duviññāpaye, bhabbe abhabbe satte jānāti. Tasmāssa sattalokopi sabbathā vidito. Yathā ca sattaloko, evaṃ okāsalokopi. Tathā hesa ekaṃ cakkavāḷaṃ āyāmato ca vitthārato ca yojanānaṃ dvādasa satasahassāni catutiṃsa satāni ca paññāsañca yojanāni. Parikkhepato –
саб̣б̣ам̣ сад̇асахассаани, чад̇д̇им̣са бариман̣д̣алам̣;
Sabbaṃ satasahassāni, chattiṃsa parimaṇḍalaṃ;
д̣̇аса жзва сахассаани, ад̣дхуд̣дхаани сад̇аани жа.
Dasa ceva sahassāni, aḍḍhuḍḍhāni satāni ca.
д̇ад̇т̇а –
Tattha –
д̣̇увз сад̇асахассаани, жад̇д̇аари нахуд̇аани жа;
Duve satasahassāni, cattāri nahutāni ca;
зд̇д̇агам̣ б̣ахалад̇д̇зна, сан̇каад̇ааяам̣ васунд̇хараа.
Ettakaṃ bahalattena, saṅkhātāyaṃ vasundharā.
д̇ассааязва санд̇хаарагам̣ –
Tassāyeva sandhārakaṃ –
жад̇д̇аари сад̇асахассаани, адтзва нахуд̇аани жа;
Cattāri satasahassāni, aṭṭheva nahutāni ca;
зд̇д̇агам̣ б̣ахалад̇д̇зна, ж̇алам̣ ваад̇з бад̇идтид̇ам̣.
Ettakaṃ bahalattena, jalaṃ vāte patiṭṭhitaṃ.
д̇ассааби санд̇хаараго –
Tassāpi sandhārako –
нава сад̇асахассаани, маалуд̇о набхамуг̇г̇ад̇о;
Nava satasahassāni, māluto nabhamuggato;
садти жзва сахассаани, зсаа логасса сан̣тид̇и.
Saṭṭhi ceva sahassāni, esā lokassa saṇṭhiti.
звам̣ сан̣тид̇з жзд̇т̇а яож̇анаанам̣ –
Evaṃ saṇṭhite cettha yojanānaṃ –
жад̇ураасийд̇и сахассаани, аж̇жхог̇аал̣хо махан̣н̣авз;
Caturāsīti sahassāni, ajjhogāḷho mahaṇṇave;
ажжуг̇г̇ад̇о д̇аавад̣̇зва, синзру баб̣б̣ад̇уд̇д̇амо.
Accuggato tāvadeva, sineru pabbatuttamo.
д̇ад̇о убад̣дхубад̣дхзна, бамаан̣зна яат̇ааггамам̣;
Tato upaḍḍhupaḍḍhena, pamāṇena yathākkamaṃ;
аж̇жхог̇аал̣хуг̇г̇ад̇аа д̣̇иб̣б̣аа, наанаарад̇анажид̇д̇ид̇аа.
Ajjhogāḷhuggatā dibbā, nānāratanacittitā.
яуг̇анд̇харо ийсад̇харо, гаравийго суд̣̇ассано;
Yugandharo īsadharo, karavīko sudassano;
нзминд̇харо винад̇аго, ассаган̣н̣о г̇ири б̣рахаа.
Nemindharo vinatako, assakaṇṇo giri brahā.
зд̇з сад̇д̇а махаасзлаа, синзрусса саманд̇ад̇о;
Ete satta mahāselā, sinerussa samantato;
махаарааж̇аанамааваасаа, д̣̇зваяагканисзвид̇аа.
Mahārājānamāvāsā, devayakkhanisevitā.
яож̇анаанам̣ сад̇аанужжо, химаваа бан̃жа баб̣б̣ад̇о;
Yojanānaṃ satānucco, himavā pañca pabbato;
яож̇анаанам̣ сахассаани, д̇ийн̣и ааяад̇авид̇т̇ад̇о.
Yojanānaṃ sahassāni, tīṇi āyatavitthato.
жад̇ураасийд̇исахассзхи, гуудзхи бадиман̣д̣ид̇о;
Caturāsītisahassehi, kūṭehi paṭimaṇḍito;
д̇ибан̃жаяож̇анагканд̇ха-баригкзбаа наг̇авхаяаа.
Tipañcayojanakkhandha-parikkhepā nagavhayā.
бан̃н̃аасаяож̇анагканд̇ха-саакааяаамаа саманд̇ад̇о;
Paññāsayojanakkhandha-sākhāyāmā samantato;
сад̇аяож̇анавид̇т̇ин̣н̣аа, д̇аавад̣̇зва жа уг̇г̇ад̇аа;
Satayojanavitthiṇṇā, tāvadeva ca uggatā;
ж̇амб̣уу яассаанубхаавзна, ж̇амб̣уд̣̇ийбо багаасид̇о. (висуд̣̇д̇хи. 1.137; д̇ха. са. адта. 584);
Jambū yassānubhāvena, jambudīpo pakāsito. (visuddhi. 1.137; dha. sa. aṭṭha. 584);
яан̃жзд̇ам̣ ж̇амб̣уяаа бамаан̣ам̣, зд̇ад̣̇зва асураанам̣ жид̇д̇абаадалияаа, г̇арул̣аанам̣ симб̣алиругкасса, абараг̇ояаанз гад̣̇амб̣асса, уд̇д̇арагуруусу габбаругкасса, буб̣б̣авид̣̇зхз сирийсасса, д̇аавад̇им̣сзсу баарижчад̇д̇агассаад̇и. д̇знааху бораан̣аа –
Yañcetaṃ jambuyā pamāṇaṃ, etadeva asurānaṃ cittapāṭaliyā, garuḷānaṃ simbalirukkhassa, aparagoyāne kadambassa, uttarakurūsu kapparukkhassa, pubbavidehe sirīsassa, tāvatiṃsesu pāricchattakassāti. Tenāhu porāṇā –
‘‘баадалий симб̣алий ж̇амб̣уу, д̣̇зваанам̣ баарижчад̇д̇аго;
‘‘Pāṭalī simbalī jambū, devānaṃ pāricchattako;
гад̣̇амб̣о габбаругко жа, сирийсзна бхавад̇и сад̇д̇амам̣.
Kadambo kapparukkho ca, sirīsena bhavati sattamaṃ.
‘‘д̣̇вз асийд̇и сахассаани, аж̇жхог̇аал̣хо махан̣н̣авз;
‘‘Dve asīti sahassāni, ajjhogāḷho mahaṇṇave;
ажжуг̇г̇ад̇о д̇аавад̣̇зва, жаггаваал̣асилужжаяо;
Accuggato tāvadeva, cakkavāḷasiluccayo;
баригкибид̇ваа д̇ам̣ саб̣б̣ам̣, логад̇хаад̇умаяам̣ тид̇о’’д̇и. (висуд̣̇д̇хи. 1.137; д̇ха. са. адта. 584);
Parikkhipitvā taṃ sabbaṃ, lokadhātumayaṃ ṭhito’’ti. (visuddhi. 1.137; dha. sa. aṭṭha. 584);
д̇ад̇т̇а жанд̣̇аман̣д̣алам̣ згуунабан̃н̃аасаяож̇анам̣, суурияаман̣д̣алам̣ бан̃н̃аасаяож̇анам̣, д̇аавад̇им̣сабхаванам̣ д̣̇асасахассаяож̇анам̣, д̇ат̇аа асурабхаванам̣ авийжимахаанираяо ж̇амб̣уд̣̇ийбо жа. абараг̇ояаанам̣ сад̇д̇асахассаяож̇анам̣. д̇ат̇аа буб̣б̣авид̣̇зхо. уд̇д̇арагуру адтасахассаяож̇ано. згамзго жзд̇т̇а махаад̣̇ийбо бан̃жасад̇абан̃жасад̇абарид̇д̇ад̣̇ийбабаривааро. д̇ам̣ саб̣б̣амби згам̣ жаггаваал̣ам̣ згаа логад̇хаад̇у. д̇ад̣̇анд̇арзсу логанд̇ариганираяаа . звам̣ ананд̇аани жаггаваал̣аани ананд̇аа логад̇хаад̇уяо бхаг̇аваа ананд̇зна б̣уд̣̇д̇хан̃аан̣зна авзд̣̇и ан̃н̃ааси бадивиж̇жхи. звамасса огаасалогоби саб̣б̣ат̇аа вид̣̇ид̇о. звамби саб̣б̣ат̇аа вид̣̇ид̇алогад̇д̇аа логавид̣̇уу.
Tattha candamaṇḍalaṃ ekūnapaññāsayojanaṃ, sūriyamaṇḍalaṃ paññāsayojanaṃ, tāvatiṃsabhavanaṃ dasasahassayojanaṃ, tathā asurabhavanaṃ avīcimahānirayo jambudīpo ca. Aparagoyānaṃ sattasahassayojanaṃ. Tathā pubbavideho. Uttarakuru aṭṭhasahassayojano. Ekameko cettha mahādīpo pañcasatapañcasataparittadīpaparivāro. Taṃ sabbampi ekaṃ cakkavāḷaṃ ekā lokadhātu. Tadantaresu lokantarikanirayā . Evaṃ anantāni cakkavāḷāni anantā lokadhātuyo bhagavā anantena buddhañāṇena avedi aññāsi paṭivijjhi. Evamassa okāsalokopi sabbathā vidito. Evampi sabbathā viditalokattā lokavidū.
ад̇д̇ано бана г̇ун̣зхи висидтад̇арасса гассажи абхаавад̇о над̇т̇и зд̇асса уд̇д̇арод̇и ануд̇д̇аро. д̇ат̇аа хзса сийлаг̇ун̣знаби саб̣б̣ам̣ логам̣ абхибхавад̇и самаад̇хи…бз… бан̃н̃аа… вимуд̇д̇и… вимуд̇д̇ин̃аан̣ад̣̇ассанаг̇ун̣знаби. сийлаг̇ун̣знаби асамо асамасамо аббадимо аббадибхааг̇о аббадибуг̇г̇ало…бз… вимуд̇д̇ин̃аан̣ад̣̇ассанаг̇ун̣знаби. яат̇ааха – ‘‘на ко банаахам̣ бассаами сад̣̇звагз логз…бз… сад̣̇звамануссааяа ад̇д̇анаа сийласамбаннад̇ара’’нд̇и (сам̣. ни. 1.173; а. ни. 4.21) вид̇т̇ааро.
Attano pana guṇehi visiṭṭhatarassa kassaci abhāvato natthi etassa uttaroti anuttaro. Tathā hesa sīlaguṇenapi sabbaṃ lokaṃ abhibhavati samādhi…pe… paññā… vimutti… vimuttiñāṇadassanaguṇenapi. Sīlaguṇenapi asamo asamasamo appaṭimo appaṭibhāgo appaṭipuggalo…pe… vimuttiñāṇadassanaguṇenapi. Yathāha – ‘‘na kho panāhaṃ passāmi sadevake loke…pe… sadevamanussāya attanā sīlasampannatara’’nti (saṃ. ni. 1.173; a. ni. 4.21) vitthāro.
звам̣ аг̇г̇абасаад̣̇асуд̇д̇аад̣̇ийни (а. ни. 4.34; ид̇иву. 90) ‘‘на мз аажарияо ад̇т̇ий’’д̇иаад̣̇игаа (ма. ни. 1.285; махаава. 11; гат̇аа. 405; ми. ба. 4.5.11) г̇аат̇ааяо жа вид̇т̇аарзд̇аб̣б̣аа.
Evaṃ aggapasādasuttādīni (a. ni. 4.34; itivu. 90) ‘‘na me ācariyo atthī’’tiādikā (ma. ni. 1.285; mahāva. 11; kathā. 405; mi. pa. 4.5.11) gāthāyo ca vitthāretabbā.
бурисад̣̇аммз саарзд̇ийд̇и бурисад̣̇аммасаарат̇и, д̣̇амзд̇и винзд̇ийд̇и вуд̇д̇ам̣ ход̇и. д̇ад̇т̇а бурисад̣̇аммаад̇и ад̣̇анд̇аа д̣̇амзд̇ум̣ яуд̇д̇аа д̇иражчаанабурисааби мануссабурисааби амануссабурисааби . д̇ат̇аа хи бхаг̇авад̇аа д̇иражчаанабурисааби абалаало нааг̇арааж̇аа жуул̣од̣̇аро маход̣̇аро аг̇г̇исико д̇хуумасико араваал̣о нааг̇арааж̇аа д̇ханабаалаго хад̇т̇ийд̇и звамаад̣̇аяо д̣̇амид̇аа ниб̣б̣исаа гад̇аа, саран̣зсу жа сийлзсу жа бад̇идтаабид̇аа. мануссабурисааби сажжаганиг̇ан̣табуд̇д̇аамб̣адтамаан̣авабогкарасаад̇исон̣ад̣̇анд̇агуудад̣̇анд̇аад̣̇аяо. амануссабурисааби аал̣авагасуужиломакараломаяагкасаггад̣̇зварааж̇аад̣̇аяо д̣̇амид̇аа винийд̇аа вижид̇рзхи винаяануубааязхи. ‘‘ахам̣ ко гзси бурисад̣̇аммз сан̣хзнаби винзми, парусзнаби винзми, сан̣хапарусзнаби винзмий’’д̇и (а. ни. 4.111) ид̣̇ан̃жзд̇т̇а суд̇д̇ам̣ вид̇т̇аарзд̇аб̣б̣ам̣. аби жа бхаг̇аваа висуд̣̇д̇хасийлаад̣̇ийнам̣ батамаж̇жхаанаад̣̇ийни сод̇аабаннаад̣̇ийнан̃жа уд̇д̇аримаг̇г̇абадибад̣̇ам̣ аажигканд̇о д̣̇анд̇зби д̣̇амзд̇иязва.
Purisadamme sāretīti purisadammasārathi, dameti vinetīti vuttaṃ hoti. Tattha purisadammāti adantā dametuṃ yuttā tiracchānapurisāpi manussapurisāpi amanussapurisāpi . Tathā hi bhagavatā tiracchānapurisāpi apalālo nāgarājā cūḷodaro mahodaro aggisikho dhūmasikho aravāḷo nāgarājā dhanapālako hatthīti evamādayo damitā nibbisā katā, saraṇesu ca sīlesu ca patiṭṭhāpitā. Manussapurisāpi saccakanigaṇṭhaputtaambaṭṭhamāṇavapokkharasātisoṇadantakūṭadantādayo. Amanussapurisāpi āḷavakasūcilomakharalomayakkhasakkadevarājādayo damitā vinītā vicitrehi vinayanūpāyehi. ‘‘Ahaṃ kho kesi purisadamme saṇhenapi vinemi, pharusenapi vinemi, saṇhapharusenapi vinemī’’ti (a. ni. 4.111) idañcettha suttaṃ vitthāretabbaṃ. Api ca bhagavā visuddhasīlādīnaṃ paṭhamajjhānādīni sotāpannādīnañca uttarimaggapaṭipadaṃ ācikkhanto dantepi dametiyeva.
ат̇а ваа ануд̇д̇аро бурисад̣̇аммасаарат̇ийд̇и згамзвид̣̇ам̣ ад̇т̇абад̣̇ам̣. бхаг̇аваа хи д̇ат̇аа бурисад̣̇аммз саарзд̇и, яат̇аа згабаллан̇гзнзва нисиннаа адта д̣̇исаа асаж̇ж̇амаанаа д̇хааванд̇и. д̇асмаа ‘‘ануд̇д̇аро бурисад̣̇аммасаарат̇ий’’д̇и вужжад̇и. ‘‘хад̇т̇ид̣̇амагзна, бхигкавз, хад̇т̇и д̣̇аммо саарид̇о згам̣язва д̣̇исам̣ д̇хаавад̇ий’’д̇и ид̣̇ан̃жзд̇т̇а суд̇д̇ам̣ (ма. ни. 3.312) вид̇т̇аарзд̇аб̣б̣ам̣.
Atha vā anuttaro purisadammasārathīti ekamevidaṃ atthapadaṃ. Bhagavā hi tathā purisadamme sāreti, yathā ekapallaṅkeneva nisinnā aṭṭha disā asajjamānā dhāvanti. Tasmā ‘‘anuttaro purisadammasārathī’’ti vuccati. ‘‘Hatthidamakena, bhikkhave, hatthi dammo sārito ekaṃyeva disaṃ dhāvatī’’ti idañcettha suttaṃ (ma. ni. 3.312) vitthāretabbaṃ.
вийрияаваад̇и арияамаг̇г̇зна саб̣б̣абаабагзхи вирад̇о. бахууд̇и бабхуу. висавийд̇и барасанд̇аанз вийрияуббаад̣̇аго. аламад̇д̇од̇и самад̇т̇ажид̇д̇о.
Vīriyavāti ariyamaggena sabbapāpakehi virato. Pahūti pabhū. Visavīti parasantāne vīriyuppādako. Alamattoti samatthacitto.
вирад̇од̇и арияамаг̇г̇зна вирад̇ад̇д̇аа ааяад̇им̣ аббадисанд̇хиго. саб̣б̣абаабагзхи нираяад̣̇угкам̣ ад̇ижжаад̇и ааяад̇им̣ аббадисанд̇хид̇ааяа нираяад̣̇угкам̣ ад̇ижжа тид̇о. вийрияаваасод̇и вийрияанигзд̇о. со вийрияаваад̇и со кийн̣аасаво ‘‘вийрияаваа’’д̇и вад̇д̇аб̣б̣ад̇ам̣ арахад̇и. бад̇хаанаваа вийро д̇аад̣̇ийд̇и имаани банасса т̇уд̇иважанаани. со хи бад̇хаанаваа маг̇г̇аж̇жхаанабад̇хаанзна, вийро гилзсааривид̣̇д̇хам̣санасамад̇т̇ад̇ааяа, д̇аад̣̇и ниб̣б̣игаарад̇ааяа бавужжад̇з д̇ат̇ад̇д̇аад̇и д̇ат̇ааруубо ‘‘вийрияаваа’’д̇и бавужжад̇и.
Viratoti ariyamaggena viratattā āyatiṃ appaṭisandhiko. Sabbapāpakehi nirayadukkhaṃ aticcāti āyatiṃ appaṭisandhitāya nirayadukkhaṃ aticca ṭhito. Vīriyavāsoti vīriyaniketo. So vīriyavāti so khīṇāsavo ‘‘vīriyavā’’ti vattabbataṃ arahati. Padhānavā vīro tādīti imāni panassa thutivacanāni. So hi padhānavā maggajjhānapadhānena, vīro kilesārividdhaṃsanasamatthatāya, tādi nibbikāratāya pavuccate tathattāti tathārūpo ‘‘vīriyavā’’ti pavuccati.
д̇з гаамагааминод̇и зд̇з руубаад̣̇ивад̇т̇угаамз ижчанд̇аа. рааг̇арааг̇инод̇и рааг̇зна ран̃ж̇ид̇аа. сан̃н̃аасан̃н̃инод̇и рааг̇асан̃н̃ааяа сан̃н̃ино. на гаамз гаамзд̇ийд̇и руубаад̣̇ивад̇т̇угаамз на бад̇т̇зд̇и. агаамод̇и гаамзхи вирахид̇о. ниггаамод̇и нигганд̇агаамо.
Te kāmakāminoti ete rūpādivatthukāme icchantā. Rāgarāginoti rāgena rañjitā. Saññāsaññinoti rāgasaññāya saññino. Nakāme kāmetīti rūpādivatthukāme na pattheti. Akāmoti kāmehi virahito. Nikkāmoti nikkantakāmo.
саб̣б̣ан̃н̃уд̇ан̃н̃аан̣анд̇и д̇ияад̣̇д̇хаг̇ад̇ам̣ саб̣б̣анзяяабат̇ам̣ ж̇аанаад̇ийд̇и саб̣б̣ан̃н̃уу, д̇асса бхааво саб̣б̣ан̃н̃уд̇аа, саб̣б̣ан̃н̃уд̇аа зва н̃аан̣ам̣ саб̣б̣ан̃н̃уд̇ан̃н̃аан̣ам̣, саб̣б̣ан̃н̃уд̇ан̃н̃аан̣асан̇каад̇ам̣ нзд̇д̇ан̃жа ваасанааяа саха гилзсз барааж̇зд̇ваа ж̇ид̇ад̇д̇аа ж̇инабхааво жа абуб̣б̣ам̣ ажаримам̣ абурз абажчаа згасмим̣ кан̣з згасмим̣ гаалз уббанно буб̣б̣анд̇ад̇о уд̣̇д̇хам̣ баннод̇и уббанно.
Sabbaññutaññāṇanti tiyaddhagataṃ sabbaneyyapathaṃ jānātīti sabbaññū, tassa bhāvo sabbaññutā, sabbaññutā eva ñāṇaṃ sabbaññutaññāṇaṃ, sabbaññutaññāṇasaṅkhātaṃ nettañca vāsanāya saha kilese parājetvā jitattā jinabhāvo ca apubbaṃ acarimaṃ apure apacchā ekasmiṃ khaṇe ekasmiṃ kāle uppanno pubbantato uddhaṃ pannoti uppanno.
66. д̇зж̇ий д̇зж̇асаад̇и д̇зж̇зна саманнааг̇ад̇о д̇зж̇асаа абхибхуяяа. яамахам̣ виж̇ан̃н̃ам̣ ж̇аад̇иж̇арааяа ид̇ха виббахаананд̇и яам̣ ахам̣ ж̇аад̇иж̇арааяа бахаанабхууд̇ам̣ д̇хаммам̣ ид̇хзва ж̇аанзяяам̣.
66.Tejī tejasāti tejena samannāgato tejasā abhibhuyya. Yamahaṃ vijaññaṃ jātijarāya idha vippahānanti yaṃ ahaṃ jātijarāya pahānabhūtaṃ dhammaṃ idheva jāneyyaṃ.
ж̇аг̇ад̇ийд̇и бат̇авий. саб̣б̣ам̣ аагаасаг̇ад̇анд̇и сагалам̣ аагаасз бавад̇д̇ам̣ бад̇т̇адам̣. д̇амаг̇ад̇анд̇и д̇амамзва д̇амаг̇ад̇ам̣ анд̇хагаарам̣ яат̇аа г̇уут̇аг̇ад̇ам̣ муд̇д̇аг̇ад̇анд̇и. абхивихажжаад̇и наасзд̇ваа. анд̇хагаарам̣ вид̇хамид̇ваад̇и жагкувин̃н̃аан̣уббад̇д̇иниваарагам̣ анд̇хагаарам̣ балаабзд̇ваа. аалогам̣ д̣̇ассаяид̇ваад̇и суурияаалогам̣ д̣̇ассаяид̇ваа. аагаасзд̇и аж̇адаагаасз. анд̇алигкзд̇и анд̇арад̇хаад̇усамад̇т̇ад̇ужчогаасз. г̇аг̇анабат̇зд̇и д̣̇звад̇аанам̣ г̇аманамаг̇г̇з г̇ажчад̇и. саб̣б̣ам̣ абхисан̇каарасамуд̣̇аяанд̇и сагалам̣ гаммам̣ самуд̣̇аяам̣ уббаад̣̇ам̣, д̇ан̣ханд̇и ад̇т̇о. гилзсад̇амам̣ авиж̇ж̇анд̇хагаарам̣ вид̇хамид̇ваад̇и гилзсад̇амасан̇каад̇ам̣ ан̃н̃аан̣ам̣ авиж̇ж̇анд̇хагаарам̣ нийхарид̇ваа наасзд̇ваа. н̃аан̣аалогам̣ бан̃н̃аалогам̣ д̣̇ассаяид̇ваа. вад̇т̇угаамз бариж̇аанид̇ваад̇и руубаад̣̇ивад̇т̇угаамз н̃аад̇ад̇ийран̣абарин̃н̃ааяа ж̇аанид̇ваа. гилзсагаамз бахааяаад̇и убад̇аабанасан̇каад̇з гилзсагаамз бахаанабарин̃н̃ааяа баж̇ахид̇ваа.
Jagatīti pathavī. Sabbaṃ ākāsagatanti sakalaṃ ākāse pavattaṃ patthaṭaṃ. Tamagatanti tamameva tamagataṃ andhakāraṃ yathā gūthagataṃ muttagatanti. Abhivihaccāti nāsetvā. Andhakāraṃ vidhamitvāti cakkhuviññāṇuppattinivārakaṃ andhakāraṃ palāpetvā. Ālokaṃ dassayitvāti sūriyālokaṃ dassayitvā. Ākāseti ajaṭākāse. Antalikkheti antaradhātusamatthatucchokāse. Gaganapatheti devatānaṃ gamanamagge gacchati. Sabbaṃ abhisaṅkhārasamudayanti sakalaṃ kammaṃ samudayaṃ uppādaṃ, taṇhanti attho. Kilesatamaṃ avijjandhakāraṃ vidhamitvāti kilesatamasaṅkhātaṃ aññāṇaṃ avijjandhakāraṃ nīharitvā nāsetvā. Ñāṇālokaṃ paññālokaṃ dassayitvā. Vatthukāme parijānitvāti rūpādivatthukāme ñātatīraṇapariññāya jānitvā. Kilesakāme pahāyāti upatāpanasaṅkhāte kilesakāme pahānapariññāya pajahitvā.
67. ат̇асса бхаг̇аваа д̇ам̣ д̇хаммам̣ аажигканд̇о убаруубариг̇аат̇ааяо абхааси. д̇ад̇т̇а нзгкаммам̣ д̣̇адту кзмад̇од̇и ниб̣б̣аанан̃жа ниб̣б̣аанаг̇ааминин̃жа бадибад̣̇ам̣ ‘‘кзма’’нд̇и д̣̇исваа. уг̇г̇ахид̇анд̇и д̇ан̣хаавасзна д̣̇идтивасзна г̇ахид̇ам̣. нирад̇д̇ам̣ ваад̇и нирассид̇аб̣б̣ам̣ ваа, мун̃жид̇аб̣б̣анд̇и вуд̇д̇ам̣ ход̇и. маа д̇з виж̇ж̇ид̇т̇аад̇и маа д̇з ахоси. гин̃жананд̇и рааг̇аад̣̇игин̃жанам̣, д̇амби д̇з маа виж̇ж̇ид̇т̇а.
67. Athassa bhagavā taṃ dhammaṃ ācikkhanto uparūparigāthāyo abhāsi. Tattha nekkhammaṃ daṭṭhu khematoti nibbānañca nibbānagāminiñca paṭipadaṃ ‘‘khema’’nti disvā. Uggahitanti taṇhāvasena diṭṭhivasena gahitaṃ. Nirattaṃ vāti nirassitabbaṃ vā, muñcitabbanti vuttaṃ hoti. Mā te vijjitthāti mā te ahosi. Kiñcananti rāgādikiñcanaṃ, tampi te mā vijjittha.
мун̃жид̇аб̣б̣анд̇и мун̃жид̇ваа на буна г̇ахзд̇аб̣б̣ам̣. виж̇ахид̇аб̣б̣анд̇и жаж̇ид̇аб̣б̣ам̣. винод̣̇зд̇аб̣б̣анд̇и кибид̇аб̣б̣ам̣. б̣яанд̇ийгаад̇аб̣б̣анд̇и виг̇ад̇анд̇ам̣ гаад̇аб̣б̣ам̣ . анабхаавам̣ г̇амзд̇аб̣б̣анд̇и ану ану абхаавам̣ г̇амзд̇аб̣б̣ам̣.
Muñcitabbanti muñcitvā na puna gahetabbaṃ. Vijahitabbanti cajitabbaṃ. Vinodetabbanti khipitabbaṃ. Byantīkātabbanti vigatantaṃ kātabbaṃ . Anabhāvaṃ gametabbanti anu anu abhāvaṃ gametabbaṃ.
68-9. буб̣б̣зд̇и ад̇ийд̇з сан̇каарз аараб̣бха уббаннагилзсаа. б̣раахман̣аад̇и бхаг̇аваа ж̇ад̇уган̣н̣им̣ аалабад̇и. сзсам̣ саб̣б̣ад̇т̇а баагадамзва.
68-9.Pubbeti atīte saṅkhāre ārabbha uppannakilesā. Brāhmaṇāti bhagavā jatukaṇṇiṃ ālapati. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
ж̇ад̇уган̣н̣имаан̣авасуд̇д̇анид̣̇д̣̇зсаван̣н̣анаа нидтид̇аа.
Jatukaṇṇimāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
11. ж̇ад̇уган̣н̣имаан̣авабужчаа • 11. Jatukaṇṇimāṇavapucchā
11. ж̇ад̇уган̣н̣имаан̣авабужчаанид̣̇д̣̇зсо • 11. Jatukaṇṇimāṇavapucchāniddeso
