| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā |
੧੧. ਜਤੁਕਣ੍ਣਿਸੁਤ੍ਤવਣ੍ਣਨਾ
11. Jatukaṇṇisuttavaṇṇanā
੧੧੦੩-੪. ਸੁਤ੍વਾਨਹਨ੍ਤਿ ਜਤੁਕਣ੍ਣਿਸੁਤ੍ਤਂ। ਤਤ੍ਥ ਸੁਤ੍વਾਨਹਂ વੀਰਮਕਾਮਕਾਮਿਨ੍ਤਿ ਅਹਂ ‘‘ਇਤਿਪਿ ਸੋ ਭਗવਾ’’ਤਿਆਦਿਨਾ ਨਯੇਨ વੀਰਂ ਕਾਮਾਨਂ ਅਕਾਮਨਤੋ ਅਕਾਮਕਾਮਿਂ ਬੁਦ੍ਧਂ ਸੁਤ੍વਾ। ਅਕਾਮਮਾਗਮਨ੍ਤਿ ਨਿਕ੍ਕਾਮਂ ਭਗવਨ੍ਤਂ ਪੁਚ੍ਛਿਤੁਂ ਆਗਤੋਮ੍ਹਿ। ਸਹਜਨੇਤ੍ਤਾਤਿ ਸਹਜਾਤਸਬ੍ਬਞ੍ਞੁਤਞ੍ਞਾਣਚਕ੍ਖੁ। ਯਥਾਤਚ੍ਛਨ੍ਤਿ ਯਥਾਤਥਂ। ਬ੍ਰੂਹਿ ਮੇਤਿ ਪੁਨ ਯਾਚਨ੍ਤੋ ਭਣਤਿ। ਯਾਚਨ੍ਤੋ ਹਿ ਸਹਸ੍ਸਕ੍ਖਤ੍ਤੁਮ੍ਪਿ ਭਣੇਯ੍ਯ, ਕੋ ਪਨ વਾਦੋ ਦ੍વਿਕ੍ਖਤ੍ਤੁਂ। ਤੇਜੀ ਤੇਜਸਾਤਿ ਤੇਜੇਨ ਸਮਨ੍ਨਾਗਤੋ ਤੇਜਸਾ ਅਭਿਭੁਯ੍ਯ। ਯਮਹਂ વਿਜਞ੍ਞਂ ਜਾਤਿਜਰਾਯ ਇਧ વਿਪ੍ਪਹਾਨਨ੍ਤਿ ਯਮਹਂ ਜਾਤਿਜਰਾਨਂ ਪਹਾਨਭੂਤਂ ਧਮ੍ਮਂ ਇਧੇવ ਜਾਨੇਯ੍ਯਂ।
1103-4.Sutvānahanti jatukaṇṇisuttaṃ. Tattha sutvānahaṃ vīramakāmakāminti ahaṃ ‘‘itipi so bhagavā’’tiādinā nayena vīraṃ kāmānaṃ akāmanato akāmakāmiṃ buddhaṃ sutvā. Akāmamāgamanti nikkāmaṃ bhagavantaṃ pucchituṃ āgatomhi. Sahajanettāti sahajātasabbaññutaññāṇacakkhu. Yathātacchanti yathātathaṃ. Brūhi meti puna yācanto bhaṇati. Yācanto hi sahassakkhattumpi bhaṇeyya, ko pana vādo dvikkhattuṃ. Tejī tejasāti tejena samannāgato tejasā abhibhuyya. Yamahaṃ vijaññaṃ jātijarāya idha vippahānanti yamahaṃ jātijarānaṃ pahānabhūtaṃ dhammaṃ idheva jāneyyaṃ.
੧੧੦੫-੭. ਅਥਸ੍ਸ ਭਗવਾ ਤਂ ਧਮ੍ਮਮਾਚਿਕ੍ਖਨ੍ਤੋ ਤਿਸ੍ਸੋ ਗਾਥਾਯੋ ਅਭਾਸਿ। ਤਤ੍ਥ ਨੇਕ੍ਖਮ੍ਮਂ ਦਟ੍ਠੁ ਖੇਮਤੋਤਿ ਨਿਬ੍ਬਾਨਞ੍ਚ ਨਿਬ੍ਬਾਨਗਾਮਿਨਿਞ੍ਚ ਪਟਿਪਦਂ ‘‘ਖੇਮ’’ਨ੍ਤਿ ਦਿਸ੍વਾ। ਉਗ੍ਗਹਿਤਨ੍ਤਿ ਤਣ੍ਹਾਦਿਟ੍ਠਿવਸੇਨ ਗਹਿਤਂ। ਨਿਰਤ੍ਤਂ વਾਤਿ ਨਿਰਸ੍ਸਿਤਬ੍ਬਂ વਾ, ਮੁਞ੍ਚਿਤਬ੍ਬਨ੍ਤਿ વੁਤ੍ਤਂ ਹੋਤਿ। ਮਾ ਤੇ વਿਜ੍ਜਿਤ੍ਥਾਤਿ ਮਾ ਤੇ ਅਹੋਸਿ। ਕਿਞ੍ਚਨਨ੍ਤਿ ਰਾਗਾਦਿਕਿਞ੍ਚਨਂ વਾਪਿ ਤੇ ਮਾ વਿਜ੍ਜਿਤ੍ਥ। ਪੁਬ੍ਬੇਤਿ ਅਤੀਤੇ ਸਙ੍ਖਾਰੇ ਆਰਬ੍ਭ ਉਪ੍ਪਨ੍ਨਕਿਲੇਸਾ। ਬ੍ਰਾਹ੍ਮਣਾਤਿ ਭਗવਾ ਜਤੁਕਣ੍ਣਿਂ ਆਲਪਤਿ। ਸੇਸਂ ਸਬ੍ਬਤ੍ਥ ਪਾਕਟਮੇવ।
1105-7. Athassa bhagavā taṃ dhammamācikkhanto tisso gāthāyo abhāsi. Tattha nekkhammaṃ daṭṭhu khematoti nibbānañca nibbānagāminiñca paṭipadaṃ ‘‘khema’’nti disvā. Uggahitanti taṇhādiṭṭhivasena gahitaṃ. Nirattaṃ vāti nirassitabbaṃ vā, muñcitabbanti vuttaṃ hoti. Mā te vijjitthāti mā te ahosi. Kiñcananti rāgādikiñcanaṃ vāpi te mā vijjittha. Pubbeti atīte saṅkhāre ārabbha uppannakilesā. Brāhmaṇāti bhagavā jatukaṇṇiṃ ālapati. Sesaṃ sabbattha pākaṭameva.
ਏવਂ ਭਗવਾ ਇਮਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ। ਦੇਸਨਾਪਰਿਯੋਸਾਨੇ ਚ ਪੁਬ੍ਬਸਦਿਸੋ ਏવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
ਪਰਮਤ੍ਥਜੋਤਿਕਾਯ ਖੁਦ੍ਦਕ-ਅਟ੍ਠਕਥਾਯ
Paramatthajotikāya khuddaka-aṭṭhakathāya
ਸੁਤ੍ਤਨਿਪਾਤ-ਅਟ੍ਠਕਥਾਯ ਜਤੁਕਣ੍ਣਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suttanipāta-aṭṭhakathāya jatukaṇṇisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਸੁਤ੍ਤਨਿਪਾਤਪਾਲ਼ਿ • Suttanipātapāḷi / ੧੧. ਜਤੁਕਣ੍ਣਿਮਾਣવਪੁਚ੍ਛਾ • 11. Jatukaṇṇimāṇavapucchā
