| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. ชวหํสกเตฺถรอปทานํ
7. Javahaṃsakattheraapadānaṃ
๒๖.
26.
‘‘จนฺทภาคานทีตีเร, อาสิํ วนจโร ตทา;
‘‘Candabhāgānadītīre, āsiṃ vanacaro tadā;
สิทฺธตฺถํ อทฺทสํ พุทฺธํ, คจฺฉนฺตํ อนิลญฺชเสฯ
Siddhatthaṃ addasaṃ buddhaṃ, gacchantaṃ anilañjase.
๒๗.
27.
‘‘อญฺชลิํ ปคฺคเหตฺวาน, อุโลฺลเกโนฺต มหามุนิํ;
‘‘Añjaliṃ paggahetvāna, ullokento mahāmuniṃ;
สกํ จิตฺตํ ปสาเทตฺวา, อวนฺทิํ นายกํ อหํฯ
Sakaṃ cittaṃ pasādetvā, avandiṃ nāyakaṃ ahaṃ.
๒๘.
28.
‘‘จตุนฺนวุติโต กเปฺป, ยมวนฺทิํ นราสภํ;
‘‘Catunnavutito kappe, yamavandiṃ narāsabhaṃ;
ทุคฺคติํ นาภิชานามิ, วนฺทนาย อิทํ ผลํฯ
Duggatiṃ nābhijānāmi, vandanāya idaṃ phalaṃ.
๒๙.
29.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ชวหํสโก เถโร อิมา คาถาโย อภาสิตฺถาติฯ
Itthaṃ sudaṃ āyasmā javahaṃsako thero imā gāthāyo abhāsitthāti.
ชวหํสกเตฺถรสฺสาปทานํ สตฺตมํฯ
Javahaṃsakattherassāpadānaṃ sattamaṃ.
