| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. ජවහංසකත්‌ථෙරඅපදානං
7. Javahaṃsakattheraapadānaṃ
26.
26.
‘‘චන්‌දභාගානදීතීරෙ, ආසිං වනචරො තදා;
‘‘Candabhāgānadītīre, āsiṃ vanacaro tadā;
සිද්‌ධත්‌ථං අද්‌දසං බුද්‌ධං, ගච්‌ඡන්‌තං අනිලඤ්‌ජසෙ.
Siddhatthaṃ addasaṃ buddhaṃ, gacchantaṃ anilañjase.
27.
27.
‘‘අඤ්‌ජලිං පග්‌ගහෙත්‌වාන, උල්‌ලොකෙන්‌තො මහාමුනිං;
‘‘Añjaliṃ paggahetvāna, ullokento mahāmuniṃ;
සකං චිත්‌තං පසාදෙත්‌වා, අවන්‌දිං නායකං අහං.
Sakaṃ cittaṃ pasādetvā, avandiṃ nāyakaṃ ahaṃ.
28.
28.
‘‘චතුන්‌නවුතිතො කප්‌පෙ, යමවන්‌දිං නරාසභං;
‘‘Catunnavutito kappe, yamavandiṃ narāsabhaṃ;
දුග්‌ගතිං නාභිජානාමි, වන්‌දනාය ඉදං ඵලං.
Duggatiṃ nābhijānāmi, vandanāya idaṃ phalaṃ.
29.
29.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ජවහංසකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā javahaṃsako thero imā gāthāyo abhāsitthāti.
ජවහංසකත්‌ථෙරස්‌සාපදානං සත්‌තමං.
Javahaṃsakattherassāpadānaṃ sattamaṃ.
