| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[476] 3. ж̇аванахам̣саж̇аад̇агаван̣н̣анаа
[476] 3. Javanahaṃsajātakavaṇṇanā
ид̇хзва хам̣са нибад̇аад̇и ид̣̇ам̣ сад̇т̇аа ж̇зд̇аванз вихаранд̇о д̣̇ал̣хад̇хаммад̇хануг̇г̇ахасуд̇д̇анд̇ад̣̇зсанам̣ (сам̣. ни. 2.228) аараб̣бха гат̇зси. бхаг̇авад̇аа хи –
Idhevahaṃsa nipatāti idaṃ satthā jetavane viharanto daḷhadhammadhanuggahasuttantadesanaṃ (saṃ. ni. 2.228) ārabbha kathesi. Bhagavatā hi –
‘‘сзяяат̇ааби, бхигкавз, жад̇д̇ааро д̣̇ал̣хад̇хаммаа д̇хануг̇г̇ахаа сусигкид̇аа гад̇ахад̇т̇аа гад̇уубаасанаа жад̇уд̣̇д̣̇исаа тид̇аа ассу, ат̇а бурисо ааг̇ажчзяяа ‘ахам̣ имзсам̣ жад̇уннам̣ д̣̇ал̣хад̇хаммаанам̣ д̇хануг̇г̇ахаанам̣ сусигкид̇аанам̣ гад̇ахад̇т̇аанам̣ гад̇уубаасанаанам̣ жад̇уд̣̇д̣̇исаа ган̣д̣з кид̇д̇з абад̇идтид̇з бат̇авияам̣ г̇ахзд̇ваа аахариссаамий’д̇и. ‘‘д̇ам̣ гим̣ ман̃н̃ат̇а, бхигкавз, ‘ж̇авано бурисо барамзна ж̇авзна саманнааг̇ад̇о’д̇и алам̣ важанааяаа’’д̇и? ‘‘звам̣ бханд̇з’’д̇и. яат̇аа жа, бхигкавз, д̇асса бурисасса ж̇аво, яат̇аа жа жанд̣̇имасуурияаанам̣ ж̇аво, д̇ад̇о сийгхад̇аро. яат̇аа жа, бхигкавз, д̇асса бурисасса ж̇аво, яат̇аа жа жанд̣̇имасуурияаанам̣ ж̇аво, яат̇аа жа яаа д̣̇звад̇аа жанд̣̇имасуурияаанам̣ бурад̇о д̇хааванд̇и, д̇аасам̣ д̣̇звад̇аанам̣ ж̇аво, д̇ад̇о сийгхад̇арам̣ ааяусан̇каараа кийяанд̇и, д̇асмаад̇иха, бхигкавз, звам̣ сигкид̇аб̣б̣ам̣ ‘аббамад̇д̇аа вихариссаамаа’д̇и. зван̃хи во, бхигкавз, сигкид̇аб̣б̣а’’нд̇и –
‘‘Seyyathāpi, bhikkhave, cattāro daḷhadhammā dhanuggahā susikkhitā katahatthā katūpāsanā catuddisā ṭhitā assu, atha puriso āgaccheyya ‘ahaṃ imesaṃ catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanānaṃ catuddisā kaṇḍe khitte apatiṭṭhite pathaviyaṃ gahetvā āharissāmī’ti. ‘‘Taṃ kiṃ maññatha, bhikkhave, ‘javano puriso paramena javena samannāgato’ti alaṃ vacanāyā’’ti? ‘‘Evaṃ bhante’’ti. Yathā ca, bhikkhave, tassa purisassa javo, yathā ca candimasūriyānaṃ javo, tato sīghataro. Yathā ca, bhikkhave, tassa purisassa javo, yathā ca candimasūriyānaṃ javo, yathā ca yā devatā candimasūriyānaṃ purato dhāvanti, tāsaṃ devatānaṃ javo, tato sīghataraṃ āyusaṅkhārā khīyanti, tasmātiha, bhikkhave, evaṃ sikkhitabbaṃ ‘appamattā viharissāmā’ti. Evañhi vo, bhikkhave, sikkhitabba’’nti –
имасса суд̇д̇асса гат̇ид̇ад̣̇ивасад̇о д̣̇уд̇ияад̣̇ивасз бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, сад̇т̇аа ад̇д̇ано б̣уд̣̇д̇хависаяз тад̇ваа имзсам̣ сад̇д̇аанам̣ ааяусан̇каарз ид̇д̇арз д̣̇уб̣б̣алз гад̇ваа барид̣̇ийбзнд̇о бут̇уж̇ж̇анабхигкуу ад̇ивияа санд̇аасам̣ баабзси, ахо б̣уд̣̇д̇хаб̣алам̣ наамаа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘анажчарияам̣, бхигкавз, сваахам̣ ид̣̇аани саб̣б̣ан̃н̃уд̇ам̣ бад̇д̇о ааяусан̇каараанам̣ ид̇д̇арабхаавам̣ д̣̇ассзд̇ваа бхигкуу сам̣взж̇зд̇ваа д̇хаммам̣ д̣̇зсзми, маяаа хи буб̣б̣з ахзд̇угахам̣саяонияам̣ ниб̣б̣ад̇д̇знаби ааяусан̇каараанам̣ ид̇д̇арабхаавам̣ д̣̇ассзд̇ваа б̣аараан̣асирааж̇аанам̣ аад̣̇им̣ гад̇ваа сагаларааж̇абарисам̣ сам̣взж̇зд̇ваа д̇хаммо д̣̇зсид̇о’’д̇и вад̇ваа ад̇ийд̇ам̣ аахари.
Imassa suttassa kathitadivasato dutiyadivase bhikkhū dhammasabhāyaṃ kathaṃ samuṭṭhāpesuṃ ‘‘āvuso, satthā attano buddhavisaye ṭhatvā imesaṃ sattānaṃ āyusaṅkhāre ittare dubbale katvā paridīpento puthujjanabhikkhū ativiya santāsaṃ pāpesi, aho buddhabalaṃ nāmā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘anacchariyaṃ, bhikkhave, svāhaṃ idāni sabbaññutaṃ patto āyusaṅkhārānaṃ ittarabhāvaṃ dassetvā bhikkhū saṃvejetvā dhammaṃ desemi, mayā hi pubbe ahetukahaṃsayoniyaṃ nibbattenapi āyusaṅkhārānaṃ ittarabhāvaṃ dassetvā bārāṇasirājānaṃ ādiṃ katvā sakalarājaparisaṃ saṃvejetvā dhammo desito’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ж̇аванахам̣саяонияам̣ ниб̣б̣ад̇д̇ид̇ваа навуд̇ихам̣сасахассабаривуд̇о жид̇д̇агуудз бадивасад̇и. со згад̣̇ивасам̣ ж̇амб̣уд̣̇ийбад̇алз згасмим̣ сарз сабаривааро саяам̣ж̇аад̇асаалим̣ каад̣̇ид̇ваа аагаасз суван̣н̣агилан̃ж̇ам̣ бад̇т̇аранд̇о вияа маханд̇зна бариваарзна б̣аараан̣асинаг̇арасса мад̇т̇агзна манд̣̇аманд̣̇ааяа вилаасаг̇ад̇ияаа жид̇д̇агуудам̣ г̇ажчад̇и. ат̇а нам̣ б̣аараан̣асирааж̇аа д̣̇исваа ‘‘иминааби маад̣̇исзна ран̃н̃аа бхавид̇аб̣б̣а’’нд̇и амажжаанам̣ вад̇ваа д̇асмим̣ синзхам̣ уббаад̣̇зд̇ваа маалааг̇анд̇хавилзбанам̣ г̇ахзд̇ваа махаасад̇д̇ам̣ ологзд̇ваа саб̣б̣ад̇уурияаани баг̇г̇ан̣хаабзси. махаасад̇д̇о ад̇д̇ано саггаарам̣ гаронд̇ам̣ д̣̇исваа хам̣сз бужчи ‘‘рааж̇аа , мама зваруубам̣ саггаарам̣ гаронд̇о гим̣ бажжаасийсад̇ий’’д̇и? ‘‘д̇умхзхи сад̣̇д̇хим̣ мид̇д̇абхаавам̣ д̣̇зваа’’д̇и. ‘‘д̇зна хи ран̃н̃о амхзхи сад̣̇д̇хим̣ мид̇д̇абхааво ход̇уу’’д̇и ран̃н̃аа сад̣̇д̇хим̣ мид̇д̇абхаавам̣ гад̇ваа баггаами. ат̇згад̣̇ивасам̣ ран̃н̃о уяяаанам̣ г̇ад̇агаалз анод̇ад̇д̇ад̣̇ахам̣ г̇анд̇ваа згзна багкзна уд̣̇агам̣, згзна жанд̣̇анажун̣н̣ам̣ аад̣̇ааяа ааг̇анд̇ваа рааж̇аанам̣ д̇зна уд̣̇агзна нхаабзд̇ваа жанд̣̇анажун̣н̣зна огирид̇ваа махааж̇анасса бассанд̇ассзва сабаривааро жид̇д̇агуудам̣ аг̇амааси. д̇ад̇о бадтааяа рааж̇аа махаасад̇д̇ам̣ д̣̇адтугаамо худ̇ваа ‘‘сахааяо мз аж̇ж̇а ааг̇амиссад̇и, сахааяо мз аж̇ж̇а ааг̇амиссад̇ий’’д̇и ааг̇аманамаг̇г̇ам̣ ологзнд̇о ажчад̇и.
Atīte bārāṇasiyaṃ brahmadatte rajjaṃ kārente bodhisatto javanahaṃsayoniyaṃ nibbattitvā navutihaṃsasahassaparivuto cittakūṭe paṭivasati. So ekadivasaṃ jambudīpatale ekasmiṃ sare saparivāro sayaṃjātasāliṃ khāditvā ākāse suvaṇṇakilañjaṃ pattharanto viya mahantena parivārena bārāṇasinagarassa matthakena mandamandāya vilāsagatiyā cittakūṭaṃ gacchati. Atha naṃ bārāṇasirājā disvā ‘‘imināpi mādisena raññā bhavitabba’’nti amaccānaṃ vatvā tasmiṃ sinehaṃ uppādetvā mālāgandhavilepanaṃ gahetvā mahāsattaṃ oloketvā sabbatūriyāni paggaṇhāpesi. Mahāsatto attano sakkāraṃ karontaṃ disvā haṃse pucchi ‘‘rājā , mama evarūpaṃ sakkāraṃ karonto kiṃ paccāsīsatī’’ti? ‘‘Tumhehi saddhiṃ mittabhāvaṃ devā’’ti. ‘‘Tena hi rañño amhehi saddhiṃ mittabhāvo hotū’’ti raññā saddhiṃ mittabhāvaṃ katvā pakkāmi. Athekadivasaṃ rañño uyyānaṃ gatakāle anotattadahaṃ gantvā ekena pakkhena udakaṃ, ekena candanacuṇṇaṃ ādāya āgantvā rājānaṃ tena udakena nhāpetvā candanacuṇṇena okiritvā mahājanassa passantasseva saparivāro cittakūṭaṃ agamāsi. Tato paṭṭhāya rājā mahāsattaṃ daṭṭhukāmo hutvā ‘‘sahāyo me ajja āgamissati, sahāyo me ajja āgamissatī’’ti āgamanamaggaṃ olokento acchati.
д̇ад̣̇аа махаасад̇д̇асса ганидтаа д̣̇вз хам̣сабод̇агаа ‘‘сууриязна сад̣̇д̇хим̣ ж̇ависсаамаа’’д̇и манд̇зд̇ваа махаасад̇д̇асса аарожзсум̣ ‘‘маяам̣ сууриязна сад̣̇д̇хим̣ ж̇ависсаамаа’’д̇и. ‘‘д̇аад̇аа, суурияаж̇аво наама сийгхо, сууриязна сад̣̇д̇хим̣ ж̇авид̇ум̣ на сагкиссат̇а, анд̇араава винассиссат̇а, маа г̇амид̇т̇аа’’д̇и. д̇з д̣̇уд̇ияамби д̇ад̇ияамби яаажим̣су, б̣од̇хисад̇д̇оби д̇з яаавад̇ад̇ияам̣ ваарзсиязва. д̇з маанат̇ад̣̇д̇хаа ад̇д̇ано б̣алам̣ аж̇аананд̇аа махаасад̇д̇асса анаажигкид̇ваава ‘‘сууриязна сад̣̇д̇хим̣ ж̇ависсаамаа’’д̇и суурияз ануг̇г̇ад̇зязва г̇анд̇ваа яуг̇анд̇харамад̇т̇агз нисийд̣̇им̣су. махаасад̇д̇о д̇з ад̣̇исваа ‘‘гахам̣ ну ко г̇ад̇аа’’д̇и бужчид̇ваа д̇ам̣ бавад̇д̇им̣ суд̇ваа жинд̇зси ‘‘д̇з сууриязна сад̣̇д̇хим̣ ж̇авид̇ум̣ на сагкиссанд̇и, анд̇араава винассиссанд̇и, ж̇ийвид̇ам̣ д̇зсам̣ д̣̇ассаамий’’д̇и. соби г̇анд̇ваа яуг̇анд̇харамад̇т̇агзязва нисийд̣̇и. ат̇а уг̇г̇ад̇з суурияаман̣д̣алз хам̣сабод̇агаа уббад̇ид̇ваа сууриязна сад̣̇д̇хим̣ багканд̣̇им̣су, махаасад̇д̇оби д̇зхи сад̣̇д̇хим̣ багканд̣̇и. ганидтабхаад̇иго яаава буб̣б̣ан̣хасамаяаа ж̇авид̇ваа гилами, багкасанд̇хийсу аг̇г̇иудтаанагаало вияа ахоси. со б̣од̇хисад̇д̇асса сан̃н̃ам̣ ад̣̇ааси ‘‘бхаад̇ига, на саггомий’’д̇и. ат̇а нам̣ махаасад̇д̇о ‘‘маа бхааяи, ж̇ийвид̇ам̣ д̇з д̣̇ассаамий’’д̇и багкабан̃ж̇арзна баригкибид̇ваа ассаасзд̇ваа жид̇д̇агуудабаб̣б̣ад̇ам̣ нзд̇ваа хам̣саанам̣ маж̇жхз табзд̇ваа буна багканд̣̇ид̇ваа суурияам̣ бад̇ваа ид̇арзна сад̣̇д̇хим̣ бааяааси. соби яаава убагадтамаж̇жханхигаа сууриязна сад̣̇д̇хим̣ ж̇авид̇ваа гилами, багкасанд̇хийсу аг̇г̇иудтаанагаало вияа ахоси. д̇ад̣̇аа б̣од̇хисад̇д̇асса сан̃н̃ам̣ ад̣̇ааси ‘‘бхаад̇ига, на саггомий’’д̇и. д̇амби махаасад̇д̇о д̇ат̇зва самассаасзд̇ваа багкабан̃ж̇арзнаад̣̇ааяа жид̇д̇агуудамзва аг̇амааси. д̇асмим̣ кан̣з суурияо набхамаж̇жхам̣ баабун̣и.
Tadā mahāsattassa kaniṭṭhā dve haṃsapotakā ‘‘sūriyena saddhiṃ javissāmā’’ti mantetvā mahāsattassa ārocesuṃ ‘‘mayaṃ sūriyena saddhiṃ javissāmā’’ti. ‘‘Tātā, sūriyajavo nāma sīgho, sūriyena saddhiṃ javituṃ na sakkhissatha, antarāva vinassissatha, mā gamitthā’’ti. Te dutiyampi tatiyampi yāciṃsu, bodhisattopi te yāvatatiyaṃ vāresiyeva. Te mānathaddhā attano balaṃ ajānantā mahāsattassa anācikkhitvāva ‘‘sūriyena saddhiṃ javissāmā’’ti sūriye anuggateyeva gantvā yugandharamatthake nisīdiṃsu. Mahāsatto te adisvā ‘‘kahaṃ nu kho gatā’’ti pucchitvā taṃ pavattiṃ sutvā cintesi ‘‘te sūriyena saddhiṃ javituṃ na sakkhissanti, antarāva vinassissanti, jīvitaṃ tesaṃ dassāmī’’ti. Sopi gantvā yugandharamatthakeyeva nisīdi. Atha uggate sūriyamaṇḍale haṃsapotakā uppatitvā sūriyena saddhiṃ pakkhandiṃsu, mahāsattopi tehi saddhiṃ pakkhandi. Kaniṭṭhabhātiko yāva pubbaṇhasamayā javitvā kilami, pakkhasandhīsu aggiuṭṭhānakālo viya ahosi. So bodhisattassa saññaṃ adāsi ‘‘bhātika, na sakkomī’’ti. Atha naṃ mahāsatto ‘‘mā bhāyi, jīvitaṃ te dassāmī’’ti pakkhapañjarena parikkhipitvā assāsetvā cittakūṭapabbataṃ netvā haṃsānaṃ majjhe ṭhapetvā puna pakkhanditvā sūriyaṃ patvā itarena saddhiṃ pāyāsi. Sopi yāva upakaṭṭhamajjhanhikā sūriyena saddhiṃ javitvā kilami, pakkhasandhīsu aggiuṭṭhānakālo viya ahosi. Tadā bodhisattassa saññaṃ adāsi ‘‘bhātika, na sakkomī’’ti. Tampi mahāsatto tatheva samassāsetvā pakkhapañjarenādāya cittakūṭameva agamāsi. Tasmiṃ khaṇe sūriyo nabhamajjhaṃ pāpuṇi.
ат̇а махаасад̇д̇о ‘‘мама аж̇ж̇а сарийраб̣алам̣ виймам̣сиссаамий’’д̇и жинд̇зд̇ваа згавзг̇зна багканд̣̇ид̇ваа яуг̇анд̇харамад̇т̇агз нисийд̣̇ид̇ваа д̇ад̇о уббад̇ид̇ваа згавзг̇зна суурияам̣ баабун̣ид̇ваа гаалзна бурад̇о, гаалзна бажчад̇о ж̇авид̇ваа жинд̇зси ‘‘маяхам̣ сууриязна сад̣̇д̇хим̣ ж̇аванам̣ наама нирад̇т̇агам̣ аяонисоманасигаарасамбхууд̇ам̣, гим̣ мз иминаа, б̣аараан̣асим̣ г̇анд̇ваа мама сахааяагасса ран̃н̃о ад̇т̇аяуд̇д̇ам̣ д̇хаммаяуд̇д̇ам̣ гат̇ам̣ гат̇зссаамий’’д̇и. со нивад̇д̇ид̇ваа суурияз набхамаж̇жхам̣ анад̇игганд̇зязва сагалажаггаваал̣аг̇аб̣бхам̣ анд̇анд̇зна анусам̣яааяид̇ваа взг̇ам̣ барихаабзнд̇о сагалаж̇амб̣уд̣̇ийбам̣ анд̇анд̇зна анусам̣яааяид̇ваа б̣аараан̣асим̣ баабун̣и. д̣̇ваад̣̇асаяож̇анигам̣ сагаланаг̇арам̣ хам̣сажчаннам̣ вияа ахоси, чид̣̇д̣̇ам̣ наама на бан̃н̃ааяи, ануггамзна взг̇з барихааяанд̇з аагаасз чид̣̇д̣̇аани бан̃н̃ааяим̣су. махаасад̇д̇о взг̇ам̣ барихаабзд̇ваа аагаасад̇о од̇арид̇ваа сийхабан̃ж̇арасса абхимукадтаанз адтааси. рааж̇аа ‘‘ааг̇ад̇о мз сахааяо’’д̇и соманассаббад̇д̇о д̇асса нисийд̣̇анад̇т̇ааяа ган̃жанабийтам̣ бан̃н̃абзд̇ваа ‘‘самма, бависа, ид̇ха нисийд̣̇аа’’д̇и вад̇ваа батамам̣ г̇аат̇амааха –
Atha mahāsatto ‘‘mama ajja sarīrabalaṃ vīmaṃsissāmī’’ti cintetvā ekavegena pakkhanditvā yugandharamatthake nisīditvā tato uppatitvā ekavegena sūriyaṃ pāpuṇitvā kālena purato, kālena pacchato javitvā cintesi ‘‘mayhaṃ sūriyena saddhiṃ javanaṃ nāma niratthakaṃ ayonisomanasikārasambhūtaṃ, kiṃ me iminā, bārāṇasiṃ gantvā mama sahāyakassa rañño atthayuttaṃ dhammayuttaṃ kathaṃ kathessāmī’’ti. So nivattitvā sūriye nabhamajjhaṃ anatikkanteyeva sakalacakkavāḷagabbhaṃ antantena anusaṃyāyitvā vegaṃ parihāpento sakalajambudīpaṃ antantena anusaṃyāyitvā bārāṇasiṃ pāpuṇi. Dvādasayojanikaṃ sakalanagaraṃ haṃsacchannaṃ viya ahosi, chiddaṃ nāma na paññāyi, anukkamena vege parihāyante ākāse chiddāni paññāyiṃsu. Mahāsatto vegaṃ parihāpetvā ākāsato otaritvā sīhapañjarassa abhimukhaṭṭhāne aṭṭhāsi. Rājā ‘‘āgato me sahāyo’’ti somanassappatto tassa nisīdanatthāya kañcanapīṭhaṃ paññapetvā ‘‘samma, pavisa, idha nisīdā’’ti vatvā paṭhamaṃ gāthamāha –
27.
27.
‘‘ид̇хзва хам̣са нибад̇а, бияам̣ мз д̇ава д̣̇ассанам̣;
‘‘Idheva haṃsa nipata, piyaṃ me tava dassanaṃ;
иссароси ануббад̇д̇о, яамид̇хад̇т̇и бавзд̣̇аяаа’’д̇и.
Issarosi anuppatto, yamidhatthi pavedayā’’ti.
д̇ад̇т̇а ‘‘ид̇хаа’’д̇и ган̃жанабийтам̣ санд̇хааяааха. нибад̇аад̇и нисийд̣̇а. иссаросийд̇и д̇вам̣ имасса таанасса иссаро саами худ̇ваа ааг̇ад̇осийд̇и вад̣̇ад̇и. яамид̇хад̇т̇и бавзд̣̇аяаад̇и яам̣ имасмим̣ нивзсанз ад̇т̇и, д̇ам̣ абарисан̇ганд̇о амхаагам̣ гат̇зхийд̇и.
Tattha ‘‘idhā’’ti kañcanapīṭhaṃ sandhāyāha. Nipatāti nisīda. Issarosīti tvaṃ imassa ṭhānassa issaro sāmi hutvā āgatosīti vadati. Yamidhatthi pavedayāti yaṃ imasmiṃ nivesane atthi, taṃ aparisaṅkanto amhākaṃ kathehīti.
махаасад̇д̇о ган̃жанабийтз нисийд̣̇и. рааж̇аа сад̇абаагасахассабаагзхи д̇злзхи д̇асса багканд̇араани магкзд̇ваа ган̃жанад̇аддагз мад̇хулааж̇з жа мад̇хурод̣̇аган̃жа сагкарод̣̇аган̃жа д̣̇аабзд̇ваа мад̇хурабадисант̇аарам̣ гад̇ваа ‘‘самма, д̇вам̣ згагова ааг̇ад̇оси, гухим̣ аг̇амид̇т̇аа’’д̇и бужчи. со д̇ам̣ бавад̇д̇им̣ вид̇т̇аарзна гат̇зси. ат̇а нам̣ рааж̇аа ааха ‘‘самма, мамаби сууриязна сад̣̇д̇хим̣ ж̇авид̇авзг̇ам̣ д̣̇ассзхий’’д̇и. махаарааж̇а, на саггаа со взг̇о д̣̇ассзд̇унд̇и. д̇зна хи мз саригкагамад̇д̇ам̣ д̣̇ассзхийд̇и. саад̇ху, махаарааж̇а, саригкагамад̇д̇ам̣ д̣̇ассзссаами, агкан̣авзд̇хий д̇хануг̇г̇ахз саннибаад̇зхийд̇и. рааж̇аа саннибаад̇зси. махаасад̇д̇о жад̇д̇ааро д̇хануг̇г̇ахз г̇ахзд̇ваа нивзсанаа оруяха рааж̇ан̇г̇ан̣з силаат̇амбхам̣ никан̣аабзд̇ваа ад̇д̇ано г̇ийвааяам̣ гхан̣дам̣ б̣анд̇хаабзд̇ваа силаат̇амбхамад̇т̇агз нисийд̣̇ид̇ваа жад̇д̇ааро д̇хануг̇г̇ахз т̇амбхам̣ ниссааяа жад̇уд̣̇д̣̇исаабхимукз табзд̇ваа ‘‘махаарааж̇а, имз жад̇д̇ааро ж̇анаа згаббахаарзнзва жад̇уд̣̇д̣̇исаабхимукаа жад̇д̇аари ган̣д̣аани кибанд̇у, д̇аани ахам̣ бат̇авим̣ аббад̇д̇аанзва аахарид̇ваа зд̇зсам̣ баад̣̇амуулз баад̇зссаами. мама ган̣д̣аг̇ахан̣ад̇т̇ааяа г̇ад̇абхаавам̣ гхан̣дасад̣̇д̣̇асан̃н̃ааяа ж̇аанзяяааси, мам̣ бана на бассиссасий’’д̇и вад̇ваа д̇зхи згаббахаарзнзва кид̇д̇аган̣д̣аани аахарид̇ваа д̇зсам̣ баад̣̇амуулз баад̇зд̇ваа силаат̇амбхамад̇т̇агз нисиннамзва ад̇д̇аанам̣ д̣̇ассзд̇ваа ‘‘д̣̇идто д̇з, махаарааж̇а, маяхам̣ взг̇о’’д̇и вад̇ваа ‘‘махаарааж̇а, аяам̣ взг̇о маяхам̣ нзва уд̇д̇амо, маж̇жхимо, барид̇д̇о лаамагавзг̇о зса, звам̣ сийгхо, махаарааж̇а, амхаагам̣ взг̇о’’д̇и ааха.
Mahāsatto kañcanapīṭhe nisīdi. Rājā satapākasahassapākehi telehi tassa pakkhantarāni makkhetvā kañcanataṭṭake madhulāje ca madhurodakañca sakkharodakañca dāpetvā madhurapaṭisanthāraṃ katvā ‘‘samma, tvaṃ ekakova āgatosi, kuhiṃ agamitthā’’ti pucchi. So taṃ pavattiṃ vitthārena kathesi. Atha naṃ rājā āha ‘‘samma, mamapi sūriyena saddhiṃ javitavegaṃ dassehī’’ti. Mahārāja, na sakkā so vego dassetunti. Tena hi me sarikkhakamattaṃ dassehīti. Sādhu, mahārāja, sarikkhakamattaṃ dassessāmi, akkhaṇavedhī dhanuggahe sannipātehīti. Rājā sannipātesi. Mahāsatto cattāro dhanuggahe gahetvā nivesanā oruyha rājaṅgaṇe silāthambhaṃ nikhaṇāpetvā attano gīvāyaṃ ghaṇṭaṃ bandhāpetvā silāthambhamatthake nisīditvā cattāro dhanuggahe thambhaṃ nissāya catuddisābhimukhe ṭhapetvā ‘‘mahārāja, ime cattāro janā ekappahāreneva catuddisābhimukhā cattāri kaṇḍāni khipantu, tāni ahaṃ pathaviṃ appattāneva āharitvā etesaṃ pādamūle pātessāmi. Mama kaṇḍagahaṇatthāya gatabhāvaṃ ghaṇṭasaddasaññāya jāneyyāsi, maṃ pana na passissasī’’ti vatvā tehi ekappahāreneva khittakaṇḍāni āharitvā tesaṃ pādamūle pātetvā silāthambhamatthake nisinnameva attānaṃ dassetvā ‘‘diṭṭho te, mahārāja, mayhaṃ vego’’ti vatvā ‘‘mahārāja, ayaṃ vego mayhaṃ neva uttamo, majjhimo, paritto lāmakavego esa, evaṃ sīgho, mahārāja, amhākaṃ vego’’ti āha.
ат̇а нам̣ рааж̇аа бужчи ‘‘самма, ад̇т̇и бана д̇умхаагам̣ взг̇ад̇о ан̃н̃о сийгхад̇аро взг̇о’’д̇и? ‘‘аама, махаарааж̇а, амхаагам̣ уд̇д̇амавзг̇ад̇оби сад̇аг̇ун̣зна сахассаг̇ун̣зна сад̇асахассаг̇ун̣зна имзсам̣ сад̇д̇аанам̣ ааяусан̇каараа сийгхад̇арам̣ кийяанд̇и бхиж̇ж̇анд̇и, каяам̣ г̇ажчанд̇ий’’д̇и кан̣иганирод̇хавасзна руубад̇хаммаанам̣ нирод̇хам̣ д̣̇ассзд̇и, д̇ад̇о наамад̇хаммаанам̣. рааж̇аа махаасад̇д̇асса гат̇ам̣ суд̇ваа маран̣абхаяабхийд̇о сад̇им̣ бажжубадтаабзд̇ум̣ асаггонд̇о бхуумияам̣ бад̇и, махааж̇ано уд̇раасам̣ бад̇д̇о ахоси. ран̃н̃о мукам̣ уд̣̇агзна син̃жид̇ваа сад̇им̣ лабхаабзси. ат̇а нам̣ махаасад̇д̇о ‘‘махаарааж̇а, маа бхааяи, маран̣ассад̇им̣ бхаавзхи, д̇хаммам̣ жараахи, д̣̇аанаад̣̇ийни бун̃н̃аани гарохи, аббамад̇д̇о хохи, д̣̇зваа’’д̇и овад̣̇и. ат̇а рааж̇аа ‘‘саами, маяам̣ д̇умхаад̣̇исзна н̃аан̣аб̣аласамбаннзна аажариязна винаа васид̇ум̣ на сагкиссаама, жид̇д̇агуудам̣ аг̇анд̇ваа маяхам̣ д̇хаммам̣ д̣̇зсзнд̇о маяхам̣ оваад̣̇аажарияо худ̇ваа ид̇хзва васаахий’’д̇и яаажанд̇о д̣̇вз г̇аат̇аа абхааси –
Atha naṃ rājā pucchi ‘‘samma, atthi pana tumhākaṃ vegato añño sīghataro vego’’ti? ‘‘Āma, mahārāja, amhākaṃ uttamavegatopi sataguṇena sahassaguṇena satasahassaguṇena imesaṃ sattānaṃ āyusaṅkhārā sīghataraṃ khīyanti bhijjanti, khayaṃ gacchantī’’ti khaṇikanirodhavasena rūpadhammānaṃ nirodhaṃ dasseti, tato nāmadhammānaṃ. Rājā mahāsattassa kathaṃ sutvā maraṇabhayabhīto satiṃ paccupaṭṭhāpetuṃ asakkonto bhūmiyaṃ pati, mahājano utrāsaṃ patto ahosi. Rañño mukhaṃ udakena siñcitvā satiṃ labhāpesi. Atha naṃ mahāsatto ‘‘mahārāja, mā bhāyi, maraṇassatiṃ bhāvehi, dhammaṃ carāhi, dānādīni puññāni karohi, appamatto hohi, devā’’ti ovadi. Atha rājā ‘‘sāmi, mayaṃ tumhādisena ñāṇabalasampannena ācariyena vinā vasituṃ na sakkhissāma, cittakūṭaṃ agantvā mayhaṃ dhammaṃ desento mayhaṃ ovādācariyo hutvā idheva vasāhī’’ti yācanto dve gāthā abhāsi –
28.
28.
‘‘саванзна згасса бияаа бхаванд̇и, д̣̇исваа банзгасса виязд̇и чанд̣̇о;
‘‘Savanena ekassa piyā bhavanti, disvā panekassa viyeti chando;
д̣̇исваа жа суд̇ваа жа бияаа бхаванд̇и, гажжинну мз бийяаси д̣̇ассанзна.
Disvā ca sutvā ca piyā bhavanti, kaccinnu me pīyasi dassanena.
29.
29.
‘‘саванзна бияо мзси, бхияяо жааг̇амма д̣̇ассанам̣;
‘‘Savanena piyo mesi, bhiyyo cāgamma dassanaṃ;
звам̣ бияад̣̇ассано мз, васа хам̣са маманд̇игз’’д̇и.
Evaṃ piyadassano me, vasa haṃsa mamantike’’ti.
д̇аасам̣ ад̇т̇о – самма хам̣сарааж̇а саванзна згасса згажжз бияаа хонд̇и, ‘‘звам̣ г̇ун̣о наамаа’’д̇и суд̇ваа саванзна бияааяад̇и, згасса бана згажжз д̣̇исваава чанд̣̇о виг̇ажчад̇и, бзмам̣ анд̇арад̇хааяад̇и , каад̣̇ид̇ум̣ ааг̇ад̇аа яагкаа вияа убадтаханд̇и, згасса згажжз д̣̇исваа жа суд̇ваа жаад̇и убхаяат̇ааби бияаа хонд̇и, д̇зна д̇ам̣ бужчаами. гажжинну мз бийяаси д̣̇ассанзнаад̇и гажжи ну д̇вам̣ мам̣ бияааяаси, маяхам̣ бана д̇вам̣ саванзна бияова, д̣̇ассанам̣ банааг̇амма ад̇ибияова. звам̣ мама бияад̣̇ассано самаано жид̇д̇агуудам̣ аг̇анд̇ваа ид̇ха мама санд̇игз васаад̇и.
Tāsaṃ attho – samma haṃsarāja savanena ekassa ekacce piyā honti, ‘‘evaṃ guṇo nāmā’’ti sutvā savanena piyāyati, ekassa pana ekacce disvāva chando vigacchati, pemaṃ antaradhāyati , khādituṃ āgatā yakkhā viya upaṭṭhahanti, ekassa ekacce disvā ca sutvā cāti ubhayathāpi piyā honti, tena taṃ pucchāmi. Kaccinnu me pīyasi dassanenāti kacci nu tvaṃ maṃ piyāyasi, mayhaṃ pana tvaṃ savanena piyova, dassanaṃ panāgamma atipiyova. Evaṃ mama piyadassano samāno cittakūṭaṃ agantvā idha mama santike vasāti.
б̣од̇хисад̇д̇о ааха –
Bodhisatto āha –
30.
30.
‘‘васзяяаама д̇авааг̇аарз, нижжам̣ саггад̇абууж̇ид̇аа;
‘‘Vaseyyāma tavāgāre, niccaṃ sakkatapūjitā;
мад̇д̇о жа згад̣̇аа важ̇ж̇з, хам̣сарааж̇ам̣ бажанд̇у мз’’д̇и.
Matto ca ekadā vajje, haṃsarājaṃ pacantu me’’ti.
д̇ад̇т̇а мад̇д̇о жа згад̣̇аад̇и махаарааж̇а, маяам̣ д̇ава гхарз нижжам̣ бууж̇ид̇аа васзяяаама, д̇вам̣ бана гад̣̇аажи сураамад̣̇амад̇д̇о мам̣сакаад̣̇анад̇т̇ам̣ ‘‘хам̣сарааж̇ам̣ бажанд̇у мз’’д̇и вад̣̇зяяааси, ат̇а звам̣ д̇ава ануж̇ийвино мам̣ маарзд̇ваа бажзяяум̣, д̇ад̣̇аахам̣ гим̣ гариссаамийд̇и.
Tattha matto ca ekadāti mahārāja, mayaṃ tava ghare niccaṃ pūjitā vaseyyāma, tvaṃ pana kadāci surāmadamatto maṃsakhādanatthaṃ ‘‘haṃsarājaṃ pacantu me’’ti vadeyyāsi, atha evaṃ tava anujīvino maṃ māretvā paceyyuṃ, tadāhaṃ kiṃ karissāmīti.
ат̇асса рааж̇аа ‘‘д̇зна хи маж̇ж̇амзва на бивиссаамий’’д̇и бадин̃н̃ам̣ д̣̇аад̇ум̣ имам̣ г̇аат̇амааха –
Athassa rājā ‘‘tena hi majjameva na pivissāmī’’ti paṭiññaṃ dātuṃ imaṃ gāthamāha –
31.
31.
‘‘д̇хирад̇т̇у д̇ам̣ маж̇ж̇абаанам̣, яам̣ мз бияад̇арам̣ д̇аяаа;
‘‘Dhiratthu taṃ majjapānaṃ, yaṃ me piyataraṃ tayā;
на жааби маж̇ж̇ам̣ биссаами, яаава мз важчасий гхарз’’д̇и.
Na cāpi majjaṃ pissāmi, yāva me vacchasī ghare’’ti.
д̇ад̇о барам̣ б̣од̇хисад̇д̇о ча г̇аат̇аа ааха –
Tato paraṃ bodhisatto cha gāthā āha –
32.
32.
‘‘сувиж̇аанам̣ син̇г̇аалаанам̣, сагун̣аанан̃жа вассид̇ам̣;
‘‘Suvijānaṃ siṅgālānaṃ, sakuṇānañca vassitaṃ;
мануссавассид̇ам̣ рааж̇а, д̣̇уб̣б̣иж̇аанад̇арам̣ д̇ад̇о.
Manussavassitaṃ rāja, dubbijānataraṃ tato.
33.
33.
‘‘аби жз ман̃н̃ад̇ий босо, н̃аад̇и мид̇д̇о сакаад̇и ваа;
‘‘Api ce maññatī poso, ñāti mitto sakhāti vā;
яо буб̣б̣з сумано худ̇ваа, бажчаа самбаж̇ж̇ад̇з д̣̇исо.
Yo pubbe sumano hutvā, pacchā sampajjate diso.
34.
34.
‘‘яасмим̣ мано нивисад̇и, авид̣̇уурз сахааби со;
‘‘Yasmiṃ mano nivisati, avidūre sahāpi so;
санд̇игзби хи со д̣̇уурз, яасмим̣ наависад̇з мано.
Santikepi hi so dūre, yasmiṃ nāvisate mano.
35.
35.
‘‘анд̇оби со ход̇и басаннажид̇д̇о, баарам̣ самуд̣̇д̣̇асса басаннажид̇д̇о;
‘‘Antopi so hoti pasannacitto, pāraṃ samuddassa pasannacitto;
анд̇оби со ход̇и бад̣̇удтажид̇д̇о, баарам̣ самуд̣̇д̣̇асса бад̣̇удтажид̇д̇о.
Antopi so hoti paduṭṭhacitto, pāraṃ samuddassa paduṭṭhacitto.
36.
36.
‘‘сам̣васанд̇аа вивасанд̇и, яз д̣̇исаа д̇з рат̇зсабха;
‘‘Saṃvasantā vivasanti, ye disā te rathesabha;
аараа санд̇о сам̣васанд̇и, манасаа радтавад̣дхана.
Ārā santo saṃvasanti, manasā raṭṭhavaḍḍhana.
37.
37.
‘‘ад̇ижирам̣ ниваасзна, бияо бхавад̇и аббияо;
‘‘Aticiraṃ nivāsena, piyo bhavati appiyo;
ааманд̇а ко д̇ам̣ г̇ажчаама, бураа д̇з хома аббияаа’’д̇и.
Āmanta kho taṃ gacchāma, purā te homa appiyā’’ti.
д̇ад̇т̇а вассид̇анд̇и махаарааж̇а, д̇иражчаанаг̇ад̇аа уж̇ухад̣̇аяаа, д̇зна д̇зсам̣ вассид̇ам̣ сувиж̇аанам̣, мануссаа бана гагкал̣аа, д̇асмаа д̇зсам̣ важанам̣ д̣̇уб̣б̣иж̇аанад̇аранд̇и ад̇т̇о. яо буб̣б̣зд̇и яо буг̇г̇ало батамамзва ад̇д̇амано худ̇ваа ‘‘д̇вам̣ маяхам̣ н̃аад̇аго мид̇д̇о баан̣асамо сакаа’’д̇и аби звам̣ ман̃н̃ад̇и, свзва бажчаа д̣̇исо взрий самбаж̇ж̇ад̇и, звам̣ д̣̇уб̣б̣иж̇аанам̣ наама мануссахад̣̇аяанд̇и. нивисад̇ийд̇и махаарааж̇а, яасмим̣ буг̇г̇алз бзмавасзна мано нивисад̇и, со д̣̇уурз васанд̇оби авид̣̇уурз сахааби васад̇иязва наама. яасмим̣ бана буг̇г̇алз мано на нивисад̇и абзд̇и, со санд̇игз васанд̇оби д̣̇уурзязва.
Tattha vassitanti mahārāja, tiracchānagatā ujuhadayā, tena tesaṃ vassitaṃ suvijānaṃ, manussā pana kakkhaḷā, tasmā tesaṃ vacanaṃ dubbijānataranti attho. Yo pubbeti yo puggalo paṭhamameva attamano hutvā ‘‘tvaṃ mayhaṃ ñātako mitto pāṇasamo sakhā’’ti api evaṃ maññati, sveva pacchā diso verī sampajjati, evaṃ dubbijānaṃ nāma manussahadayanti. Nivisatīti mahārāja, yasmiṃ puggale pemavasena mano nivisati, so dūre vasantopi avidūre sahāpi vasatiyeva nāma. Yasmiṃ pana puggale mano na nivisati apeti, so santike vasantopi dūreyeva.
анд̇оби со ход̇ийд̇и махаарааж̇а, яо сахааяо басаннажид̇д̇о, со жид̇д̇зна аллийнад̇д̇аа баарам̣ самуд̣̇д̣̇асса васанд̇оби анд̇оязва ход̇и. яо бана бад̣̇удтажид̇д̇о, со жид̇д̇зна аналлийнад̇д̇аа анд̇о васанд̇оби баарам̣ самуд̣̇д̣̇асса наама. яз д̣̇исаа д̇зд̇и яз взрино бажжад̇т̇игаа, д̇з згад̇о васанд̇ааби д̣̇уурз васанд̇иязва наама. санд̇о бана бан̣д̣ид̇аа аараа тид̇ааби мзд̇д̇аабхаавид̇зна манасаа ааваж̇ж̇знд̇аа сам̣васанд̇иязва. бураа д̇з хомаад̇и яаава д̇ава аббияаа на хома, д̇аавад̣̇зва д̇ам̣ ааманд̇зд̇ваа г̇ажчаамаад̇и вад̣̇ад̇и.
Antopi so hotīti mahārāja, yo sahāyo pasannacitto, so cittena allīnattā pāraṃ samuddassa vasantopi antoyeva hoti. Yo pana paduṭṭhacitto, so cittena anallīnattā anto vasantopi pāraṃ samuddassa nāma. Ye disā teti ye verino paccatthikā, te ekato vasantāpi dūre vasantiyeva nāma. Santo pana paṇḍitā ārā ṭhitāpi mettābhāvitena manasā āvajjentā saṃvasantiyeva. Purā te homāti yāva tava appiyā na homa, tāvadeva taṃ āmantetvā gacchāmāti vadati.
ат̇а нам̣ рааж̇аа ааха –
Atha naṃ rājā āha –
38.
38.
‘‘звам̣ жз яаажамаанаанам̣, ан̃ж̇алим̣ нааваб̣уж̇жхаси;
‘‘Evaṃ ce yācamānānaṃ, añjaliṃ nāvabujjhasi;
барижаарагаанам̣ сад̇ам̣, важанам̣ на гароси но;
Paricārakānaṃ sataṃ, vacanaṃ na karosi no;
звам̣ д̇ам̣ абхияаажаама, буна гаяирааси барияааяа’’нд̇и.
Evaṃ taṃ abhiyācāma, puna kayirāsi pariyāya’’nti.
д̇ад̇т̇а звам̣ жзд̇и сажз хам̣сарааж̇а, звам̣ ан̃ж̇алим̣ баг̇г̇аяха яаажамаанаанам̣ амхаагам̣ имам̣ ан̃ж̇алим̣ нааваб̣уж̇жхаси, д̇ава барижаарагаанам̣ самаанаанам̣ важанам̣ на гароси, ат̇а нам̣ звам̣ яаажаама. буна гаяирааси барияааяанд̇и гаалзна гаалам̣ ид̇ха ааг̇аманааяа ваарам̣ гарзяяаасийд̇и ад̇т̇о.
Tattha evaṃ ceti sace haṃsarāja, evaṃ añjaliṃ paggayha yācamānānaṃ amhākaṃ imaṃ añjaliṃ nāvabujjhasi, tava paricārakānaṃ samānānaṃ vacanaṃ na karosi, atha naṃ evaṃ yācāma. Puna kayirāsi pariyāyanti kālena kālaṃ idha āgamanāya vāraṃ kareyyāsīti attho.
д̇ад̇о б̣од̇хисад̇д̇о ааха –
Tato bodhisatto āha –
39.
39.
‘‘звам̣ жз но вихарад̇ам̣, анд̇арааяо на хзссад̇и;
‘‘Evaṃ ce no viharataṃ, antarāyo na hessati;
д̇уяхам̣ жааби махаарааж̇а, маяхан̃жа радтавад̣дхана;
Tuyhaṃ cāpi mahārāja, mayhañca raṭṭhavaḍḍhana;
аббзва наама бассзму, ахорад̇д̇аанамажжаяз’’д̇и.
Appeva nāma passemu, ahorattānamaccaye’’ti.
д̇ад̇т̇а звам̣ жз нод̇и махаарааж̇а, маа жинд̇аяид̇т̇а, сажз амхаагамби звам̣ вихаранд̇аанам̣ ж̇ийвид̇анд̇арааяо на бхависсад̇и, аббзва наама убхо ан̃н̃аман̃н̃ам̣ бассиссаама, абижа д̇вам̣ маяаа д̣̇иннам̣ оваад̣̇амзва мама таанз табзд̇ваа звам̣ ид̇д̇араж̇ийвид̇з логасанниваасз аббамад̇д̇о худ̇ваа д̣̇аанаад̣̇ийни бун̃н̃аани гаронд̇о д̣̇аса рааж̇ад̇хаммз агобзд̇ваа д̇хаммзна раж̇ж̇ам̣ гаарзхи, зван̃хи мз оваад̣̇ам̣ гаронд̇о мам̣ бассиссад̇иязваад̇и. звам̣ махаасад̇д̇о рааж̇аанам̣ овад̣̇ид̇ваа жид̇д̇агуудабаб̣б̣ад̇амзва г̇ад̇о.
Tattha evaṃ ce noti mahārāja, mā cintayittha, sace amhākampi evaṃ viharantānaṃ jīvitantarāyo na bhavissati, appeva nāma ubho aññamaññaṃ passissāma, apica tvaṃ mayā dinnaṃ ovādameva mama ṭhāne ṭhapetvā evaṃ ittarajīvite lokasannivāse appamatto hutvā dānādīni puññāni karonto dasa rājadhamme akopetvā dhammena rajjaṃ kārehi, evañhi me ovādaṃ karonto maṃ passissatiyevāti. Evaṃ mahāsatto rājānaṃ ovaditvā cittakūṭapabbatameva gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣з д̇иражчаанаяонияам̣ ниб̣б̣ад̇д̇знаби маяаа ааяусан̇каараанам̣ д̣̇уб̣б̣алабхаавам̣ д̣̇ассзд̇ваа д̇хаммо д̣̇зсид̇о’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, ганидто мог̇г̇аллаано, маж̇жхимо саарибуд̇д̇о, сзсахам̣саг̇ан̣аа б̣уд̣̇д̇хабарисаа, ж̇аванахам̣со бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, bhikkhave, pubbe tiracchānayoniyaṃ nibbattenapi mayā āyusaṅkhārānaṃ dubbalabhāvaṃ dassetvā dhammo desito’’ti vatvā jātakaṃ samodhānesi – ‘‘tadā rājā ānando ahosi, kaniṭṭho moggallāno, majjhimo sāriputto, sesahaṃsagaṇā buddhaparisā, javanahaṃso pana ahameva ahosi’’nti.
ж̇аванахам̣саж̇аад̇агаван̣н̣анаа д̇ад̇ияаа.
Javanahaṃsajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 476. ж̇аванахам̣саж̇аад̇агам̣ • 476. Javanahaṃsajātakaṃ
