| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[513] 3. ж̇аяад̣̇д̣̇исаж̇аад̇агаван̣н̣анаа
[513] 3. Jayaddisajātakavaṇṇanā
жирассам̣ вад̇а мзд̇и ид̣̇ам̣ сад̇т̇аа ж̇зд̇аванз вихаранд̇о згам̣ маад̇убосагабхигкум̣ аараб̣бха гат̇зси. бажжуббаннавад̇т̇у саамаж̇аад̇агасад̣̇исам̣ (ж̇аа. 2.22.296 аад̣̇аяо). д̇ад̣̇аа бана сад̇т̇аа ‘‘бораан̣агабан̣д̣ид̇аа ган̃жанамаалам̣ сзд̇ажчад̇д̇ам̣ бахааяа маад̇аабид̇аро босзсу’’нд̇и вад̇ваа ад̇ийд̇ам̣ аахари.
Cirassaṃvata meti idaṃ satthā jetavane viharanto ekaṃ mātuposakabhikkhuṃ ārabbha kathesi. Paccuppannavatthu sāmajātakasadisaṃ (jā. 2.22.296 ādayo). Tadā pana satthā ‘‘porāṇakapaṇḍitā kañcanamālaṃ setacchattaṃ pahāya mātāpitaro posesu’’nti vatvā atītaṃ āhari.
ад̇ийд̇з габиларадтз уд̇д̇арабан̃жааланаг̇арз бан̃жаало наама рааж̇аа ахоси. д̇асса аг̇г̇амахзсий г̇аб̣бхам̣ бадилабхид̇ваа буд̇д̇ам̣ виж̇ааяи. д̇ассаа буримабхавз згаа сабад̇д̇игаа гуж̇жхид̇ваа ‘‘д̇уяхам̣ ж̇аад̇ам̣ ж̇аад̇ам̣ баж̇ам̣ каад̣̇ид̇ум̣ самад̇т̇аа бхависсаамий’’д̇и бад̇т̇анам̣ табзд̇ваа яагкиний ахоси. саа д̇ад̣̇аа огаасам̣ лабхид̇ваа д̇ассаа бассанд̇ияаава д̇ам̣ алламам̣сабзсиван̣н̣ам̣ гумаарагам̣ г̇ахзд̇ваа мурумурааяанд̇ий каад̣̇ид̇ваа баггаами. д̣̇уд̇ияаваарзби д̇ат̇зва агааси. д̇ад̇ияаваарз бана д̇ассаа басууд̇игхарам̣ бавидтагаалз г̇зхам̣ бариваарзд̇ваа г̇аал̣хам̣ аарагкам̣ агам̣су. виж̇аад̇ад̣̇ивасз яагкиний ааг̇анд̇ваа буна д̣̇аарагам̣ аг̇г̇ахзси. д̣̇звий ‘‘яагкиний’’д̇и махаасад̣̇д̣̇амагааси. аавуд̇хахад̇т̇аа бурисаа ааг̇анд̇ваа д̣̇звияаа д̣̇иннасан̃н̃ааяа яагкиним̣ ануб̣анд̇хим̣су. саа каад̣̇ид̇ум̣ огаасам̣ алабханд̇ий д̇ад̇о балааяид̇ваа уд̣̇аганид̣̇д̇хаманам̣ баависи. д̣̇аараго маад̇усан̃н̃ааяа д̇ассаа т̇анам̣ мукзна г̇ан̣хи. саа буд̇д̇асинзхам̣ уббаад̣̇зд̇ваа д̇ад̇о балааяид̇ваа сусаанам̣ г̇анд̇ваа д̣̇аарагам̣ баасаан̣алзн̣з табзд̇ваа бадиж̇аг̇г̇и. ат̇асса ануггамзна вад̣дхамаанасса мануссамам̣сам̣ аахарид̇ваа ад̣̇ааси. убхоби мануссамам̣сам̣ каад̣̇ид̇ваа д̇ад̇т̇а васим̣су. д̣̇аараго ад̇д̇ано мануссабхаавам̣ на ж̇аанаад̇и ‘‘яагкинибуд̇д̇осмий’’д̇и сан̃н̃ааяа. со ад̇д̇абхаавам̣ ж̇ахид̇ваа анд̇арад̇хааяид̇ум̣ на саггод̇и. ат̇асса саа анд̇арад̇хаанад̇т̇ааяа згам̣ муулам̣ ад̣̇ааси. со муулаанубхаавзна анд̇арад̇хааяид̇ваа мануссамам̣сам̣ каад̣̇анд̇о вижарад̇и. яагкиний взссаван̣асса махаарааж̇асса взяяааважжад̇т̇ааяа г̇ад̇аа д̇ад̇т̇зва гааламагааси. д̣̇звийби жад̇уд̇т̇аваарз ан̃н̃ам̣ буд̇д̇ам̣ виж̇ааяи. со яагкинияаа муд̇д̇ад̇д̇аа арог̇о ахоси. бажжаамид̇д̇ам̣ яагкиним̣ ж̇инид̇ваа ж̇аад̇ад̇д̇аа ‘‘ж̇аяад̣̇д̣̇исагумааро’’д̇исса наамам̣ агам̣су. со ваяаббад̇д̇о саб̣б̣асиббзсу нибпад̇д̇им̣ бад̇ваа чад̇д̇ам̣ уссаабзд̇ваа раж̇ж̇аманусааси.
Atīte kapilaraṭṭhe uttarapañcālanagare pañcālo nāma rājā ahosi. Tassa aggamahesī gabbhaṃ paṭilabhitvā puttaṃ vijāyi. Tassā purimabhave ekā sapattikā kujjhitvā ‘‘tuyhaṃ jātaṃ jātaṃ pajaṃ khādituṃ samatthā bhavissāmī’’ti patthanaṃ ṭhapetvā yakkhinī ahosi. Sā tadā okāsaṃ labhitvā tassā passantiyāva taṃ allamaṃsapesivaṇṇaṃ kumārakaṃ gahetvā murumurāyantī khāditvā pakkāmi. Dutiyavārepi tatheva akāsi. Tatiyavāre pana tassā pasūtigharaṃ paviṭṭhakāle gehaṃ parivāretvā gāḷhaṃ ārakkhaṃ akaṃsu. Vijātadivase yakkhinī āgantvā puna dārakaṃ aggahesi. Devī ‘‘yakkhinī’’ti mahāsaddamakāsi. Āvudhahatthā purisā āgantvā deviyā dinnasaññāya yakkhiniṃ anubandhiṃsu. Sā khādituṃ okāsaṃ alabhantī tato palāyitvā udakaniddhamanaṃ pāvisi. Dārako mātusaññāya tassā thanaṃ mukhena gaṇhi. Sā puttasinehaṃ uppādetvā tato palāyitvā susānaṃ gantvā dārakaṃ pāsāṇaleṇe ṭhapetvā paṭijaggi. Athassa anukkamena vaḍḍhamānassa manussamaṃsaṃ āharitvā adāsi. Ubhopi manussamaṃsaṃ khāditvā tattha vasiṃsu. Dārako attano manussabhāvaṃ na jānāti ‘‘yakkhiniputtosmī’’ti saññāya. So attabhāvaṃ jahitvā antaradhāyituṃ na sakkoti. Athassa sā antaradhānatthāya ekaṃ mūlaṃ adāsi. So mūlānubhāvena antaradhāyitvā manussamaṃsaṃ khādanto vicarati. Yakkhinī vessavaṇassa mahārājassa veyyāvaccatthāya gatā tattheva kālamakāsi. Devīpi catutthavāre aññaṃ puttaṃ vijāyi. So yakkhiniyā muttattā arogo ahosi. Paccāmittaṃ yakkhiniṃ jinitvā jātattā ‘‘jayaddisakumāro’’tissa nāmaṃ akaṃsu. So vayappatto sabbasippesu nipphattiṃ patvā chattaṃ ussāpetvā rajjamanusāsi.
д̇ад̣̇аа б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и, ‘‘алийнасад̇д̇угумааро’’д̇исса наамам̣ гарим̣су. со ваяаббад̇д̇о уг̇г̇ахид̇асаб̣б̣асиббо убарааж̇аа ахоси. соби яагкинибуд̇д̇о абарабхааг̇з бамаад̣̇зна д̇ам̣ муулам̣ наасзд̇ваа анд̇арад̇хааяид̇ум̣ асаггонд̇о д̣̇иссамаанаруубова сусаанз мануссамам̣сам̣ каад̣̇и. мануссаа д̇ам̣ д̣̇исваа бхийд̇аа ааг̇анд̇ваа ран̃н̃о убаггосим̣су ‘‘д̣̇зва зго яагко д̣̇иссамаанаруубо сусаанз мануссамам̣сам̣ каад̣̇ад̇и, со ануггамзна наг̇арам̣ бависид̇ваа мануссз маарзд̇ваа каад̣̇иссад̇и, д̇ам̣ г̇аахаабзд̇ум̣ ваддад̇ий’’д̇и. рааж̇аа ‘‘саад̇хуу’’д̇и бадиссун̣ид̇ваа ‘‘г̇ан̣хат̇а на’’нд̇и аан̣аабзси. б̣алагааяо г̇анд̇ваа сусаанам̣ бариваарзд̇ваа адтааси. яагкинибуд̇д̇о наг̇г̇о уб̣б̣иг̇г̇аруубо маран̣абхаяабхийд̇о вираванд̇о мануссаанам̣ анд̇арам̣ багканд̣̇и. мануссаа ‘‘яагко’’д̇и маран̣абхаяабхийд̇аа д̣̇вид̇хаа бхиж̇ж̇им̣су. соби д̇ад̇о балааяид̇ваа аран̃н̃ам̣ баависи, на буна мануссабат̇ам̣ ааг̇ажчи. со згам̣ махаавад̇д̇аниадавим̣ ниссааяа маг̇г̇абадибаннзсу мануссзсу згзгам̣ г̇ахзд̇ваа аран̃н̃ам̣ бависид̇ваа маарзд̇ваа каад̣̇анд̇о згасмим̣ ниг̇род̇хамуулз ваасам̣ габбзси.
Tadā bodhisatto tassa aggamahesiyā kucchimhi nibbatti, ‘‘alīnasattukumāro’’tissa nāmaṃ kariṃsu. So vayappatto uggahitasabbasippo uparājā ahosi. Sopi yakkhiniputto aparabhāge pamādena taṃ mūlaṃ nāsetvā antaradhāyituṃ asakkonto dissamānarūpova susāne manussamaṃsaṃ khādi. Manussā taṃ disvā bhītā āgantvā rañño upakkosiṃsu ‘‘deva eko yakkho dissamānarūpo susāne manussamaṃsaṃ khādati, so anukkamena nagaraṃ pavisitvā manusse māretvā khādissati, taṃ gāhāpetuṃ vaṭṭatī’’ti. Rājā ‘‘sādhū’’ti paṭissuṇitvā ‘‘gaṇhatha na’’nti āṇāpesi. Balakāyo gantvā susānaṃ parivāretvā aṭṭhāsi. Yakkhiniputto naggo ubbiggarūpo maraṇabhayabhīto viravanto manussānaṃ antaraṃ pakkhandi. Manussā ‘‘yakkho’’ti maraṇabhayabhītā dvidhā bhijjiṃsu. Sopi tato palāyitvā araññaṃ pāvisi, na puna manussapathaṃ āgacchi. So ekaṃ mahāvattaniaṭaviṃ nissāya maggapaṭipannesu manussesu ekekaṃ gahetvā araññaṃ pavisitvā māretvā khādanto ekasmiṃ nigrodhamūle vāsaṃ kappesi.
ат̇зго сад̇т̇аваахаб̣раахман̣о адавибаалаанам̣ сахассам̣ д̣̇ад̇ваа бан̃жахи сагадасад̇зхи д̇ам̣ маг̇г̇ам̣ бадибаж̇ж̇и. мануссаяагко вираванд̇о багканд̣̇и, бхийд̇аа мануссаа урзна нибаж̇ж̇им̣су. со б̣раахман̣ам̣ г̇ахзд̇ваа балааяанд̇о каан̣унаа баад̣̇з вид̣̇д̇хо адавибаалзсу ануб̣анд̇ханд̇зсу б̣раахман̣ам̣ чад̣д̣зд̇ваа ад̇д̇ано васанадтаанаругкамуулз нибаж̇ж̇и. д̇асса д̇ад̇т̇а нибаннасса сад̇д̇амз д̣̇ивасз ж̇аяад̣̇д̣̇исарааж̇аа миг̇авад̇хам̣ аан̣аабзд̇ваа наг̇араа нигками. д̇ам̣ наг̇араа нигканд̇амад̇д̇амзва д̇аггасилаваасий нанд̣̇о наама маад̇убосагаб̣раахман̣о жад̇ассо сад̇аарахаг̇аат̇ааяо аад̣̇ааяа ааг̇анд̇ваа рааж̇аанам̣ ад̣̇д̣̇аса. рааж̇аа ‘‘нивад̇д̇ид̇ваа сун̣иссаамий’’д̇и д̇асса ниваасаг̇зхам̣ д̣̇аабзд̇ваа миг̇авам̣ г̇анд̇ваа ‘‘яасса бассзна миг̇о балааяад̇и, д̇ассзва г̇ийваа’’д̇и ааха. ат̇зго басад̣̇амиг̇о удтахид̇ваа ран̃н̃о абхимуко г̇анд̇ваа балааяи. амажжаа барихаасам̣ гарим̣су. рааж̇аа каг̇г̇ам̣ г̇ахзд̇ваа д̇ам̣ ануб̣анд̇хид̇ваа д̇ияож̇анамад̇т̇агз бад̇ваа каг̇г̇зна бахарид̇ваа д̣̇вз кан̣д̣аани гарид̇ваа гааж̇знаад̣̇ааяа ааг̇ажчанд̇о мануссаяагкасса нибаннадтаанам̣ бад̇ваа д̣̇аб̣б̣ад̇ин̣зсу нисийд̣̇ид̇ваа т̇огам̣ виссамид̇ваа г̇анд̇ум̣ аарабхи. ат̇а нам̣ со удтааяа ‘‘д̇идта гухим̣ г̇ажчаси, бхагкоси мз’’д̇и хад̇т̇з г̇ахзд̇ваа батамам̣ г̇аат̇амааха –
Atheko satthavāhabrāhmaṇo aṭavipālānaṃ sahassaṃ datvā pañcahi sakaṭasatehi taṃ maggaṃ paṭipajji. Manussayakkho viravanto pakkhandi, bhītā manussā urena nipajjiṃsu. So brāhmaṇaṃ gahetvā palāyanto khāṇunā pāde viddho aṭavipālesu anubandhantesu brāhmaṇaṃ chaḍḍetvā attano vasanaṭṭhānarukkhamūle nipajji. Tassa tattha nipannassa sattame divase jayaddisarājā migavadhaṃ āṇāpetvā nagarā nikkhami. Taṃ nagarā nikkhantamattameva takkasilavāsī nando nāma mātuposakabrāhmaṇo catasso satārahagāthāyo ādāya āgantvā rājānaṃ addasa. Rājā ‘‘nivattitvā suṇissāmī’’ti tassa nivāsagehaṃ dāpetvā migavaṃ gantvā ‘‘yassa passena migo palāyati, tasseva gīvā’’ti āha. Atheko pasadamigo uṭṭhahitvā rañño abhimukho gantvā palāyi. Amaccā parihāsaṃ kariṃsu. Rājā khaggaṃ gahetvā taṃ anubandhitvā tiyojanamatthake patvā khaggena paharitvā dve khaṇḍāni karitvā kājenādāya āgacchanto manussayakkhassa nipannaṭṭhānaṃ patvā dabbatiṇesu nisīditvā thokaṃ vissamitvā gantuṃ ārabhi. Atha naṃ so uṭṭhāya ‘‘tiṭṭha kuhiṃ gacchasi, bhakkhosi me’’ti hatthe gahetvā paṭhamaṃ gāthamāha –
64.
64.
‘‘жирассам̣ вад̇а мз уд̣̇абаад̣̇и аж̇ж̇а, бхагко махаа сад̇д̇амибхад̇д̇агаалз;
‘‘Cirassaṃ vata me udapādi ajja, bhakkho mahā sattamibhattakāle;
гуд̇оси говааси д̇ад̣̇ин̇гха б̣руухи, аажигка ж̇аад̇им̣ вид̣̇ид̇о яат̇аасий’’д̇и.
Kutosi kovāsi tadiṅgha brūhi, ācikkha jātiṃ vidito yathāsī’’ti.
д̇ад̇т̇а бхагко махаад̇и махаабхагко. сад̇д̇амибхад̇д̇агаалзд̇и баадибад̣̇ад̇о бадтааяа нираахаарасса сад̇д̇амияам̣ бхад̇д̇агаалз. гуд̇осийд̇и гуд̇о ааг̇ад̇осийд̇и.
Tattha bhakkho mahāti mahābhakkho. Sattamibhattakāleti pāṭipadato paṭṭhāya nirāhārassa sattamiyaṃ bhattakāle. Kutosīti kuto āgatosīti.
рааж̇аа яагкам̣ д̣̇исваа бхийд̇о ууруд̇т̇амбхам̣ бад̇ваа балааяид̇ум̣ наасагки, сад̇им̣ бана бажжубадтаабзд̇ваа д̣̇уд̇ияам̣ г̇аат̇амааха –
Rājā yakkhaṃ disvā bhīto ūrutthambhaṃ patvā palāyituṃ nāsakkhi, satiṃ pana paccupaṭṭhāpetvā dutiyaṃ gāthamāha –
65.
65.
‘‘бан̃жааларааж̇аа миг̇авам̣ бавидто, ж̇аяад̣̇д̣̇исо наама яад̣̇иссуд̇о д̇з;
‘‘Pañcālarājā migavaṃ paviṭṭho, jayaddiso nāma yadissuto te;
жараами гажчаани ванаани жаахам̣, басад̣̇ам̣ имам̣ каад̣̇а мамаж̇ж̇а мун̃жаа’’д̇и.
Carāmi kacchāni vanāni cāhaṃ, pasadaṃ imaṃ khāda mamajja muñcā’’ti.
д̇ад̇т̇а миг̇авам̣ бавидтод̇и миг̇авад̇хааяа радтаа нигканд̇о. гажчаанийд̇и баб̣б̣ад̇абассаани. басад̣̇анд̇и басад̣̇амиг̇ам̣.
Tattha migavaṃ paviṭṭhoti migavadhāya raṭṭhā nikkhanto. Kacchānīti pabbatapassāni. Pasadanti pasadamigaṃ.
д̇ам̣ суд̇ваа яагко д̇ад̇ияам̣ г̇аат̇амааха –
Taṃ sutvā yakkho tatiyaṃ gāthamāha –
66.
66.
‘‘сзнзва д̇вам̣ бан̣аси сассамаано, мамзса бхагко басад̣̇о яам̣ вад̣̇зси;
‘‘Seneva tvaṃ paṇasi sassamāno, mamesa bhakkho pasado yaṃ vadesi;
д̇ам̣ каад̣̇ияаана басад̣̇ам̣ ж̇игхан̃н̃ам̣, каад̣̇иссам̣ бажчаа на вилаабагаало’’д̇и.
Taṃ khādiyāna pasadaṃ jighaññaṃ, khādissaṃ pacchā na vilāpakālo’’ti.
д̇ад̇т̇а сзнзваад̇и мама санд̇агзнзва. бан̣асийд̇и вохараси ад̇д̇аанам̣ виггин̣ааси. сассамаанод̇и вихим̣саяамаано. д̇ам̣ каад̣̇ияаанаад̇и д̇ам̣ батамам̣ каад̣̇ид̇ваа. ж̇игхан̃н̃анд̇и гхасид̇угаамо. каад̣̇иссанд̇и зд̇ам̣ бажчаа каад̣̇иссаами. на вилаабагаалод̇и маа вилаби. нааяам̣ вилаабагаалод̇и вад̣̇ад̇и.
Tattha senevāti mama santakeneva. Paṇasīti voharasi attānaṃ vikkiṇāsi. Sassamānoti vihiṃsayamāno. Taṃ khādiyānāti taṃ paṭhamaṃ khāditvā. Jighaññanti ghasitukāmo. Khādissanti etaṃ pacchā khādissāmi. Na vilāpakāloti mā vilapi. Nāyaṃ vilāpakāloti vadati.
д̇ам̣ суд̇ваа рааж̇аа нанд̣̇аб̣раахман̣ам̣ сарид̇ваа жад̇уд̇т̇ам̣ г̇аат̇амааха –
Taṃ sutvā rājā nandabrāhmaṇaṃ saritvā catutthaṃ gāthamāha –
67.
67.
‘‘на жад̇т̇и могко мама ниггаязна, г̇анд̇ваана бажчааг̇аманааяа бан̣хз;
‘‘Na catthi mokkho mama nikkayena, gantvāna pacchāgamanāya paṇhe;
д̇ам̣ сан̇г̇арам̣ б̣раахман̣ассаббад̣̇ааяа, сажжаанурагкий бунарааваж̇исса’’нд̇и.
Taṃ saṅgaraṃ brāhmaṇassappadāya, saccānurakkhī punarāvajissa’’nti.
д̇ад̇т̇а на жад̇т̇ийд̇и на жз маяхам̣ ниггаязна вимогко ад̇т̇и. г̇анд̇ваанаад̇и звам̣ санд̇з аж̇ж̇а имам̣ миг̇амам̣сам̣ каад̣̇ид̇ваа мама наг̇арам̣ г̇анд̇ваа. бан̣хзд̇и баг̇зязва, свзва баад̇араасагаалз бажжааг̇аманад̇т̇ааяа бадин̃н̃ам̣ г̇ан̣хаахийд̇и ад̇хиббааяо. д̇ам̣ сан̇г̇аранд̇и маяаа ‘‘д̇ханам̣ д̇з д̣̇ассаамий’’д̇и б̣раахман̣асса сан̇г̇аро гад̇о, д̇ам̣ д̇асса д̣̇ад̇ваа имам̣ маяаа вуд̇д̇ам̣ сажжам̣ анурагканд̇о ахам̣ буна ааг̇амиссаамийд̇и ад̇т̇о.
Tattha na catthīti na ce mayhaṃ nikkayena vimokkho atthi. Gantvānāti evaṃ sante ajja imaṃ migamaṃsaṃ khāditvā mama nagaraṃ gantvā. Paṇheti pageyeva, sveva pātarāsakāle paccāgamanatthāya paṭiññaṃ gaṇhāhīti adhippāyo. Taṃ saṅgaranti mayā ‘‘dhanaṃ te dassāmī’’ti brāhmaṇassa saṅgaro kato, taṃ tassa datvā imaṃ mayā vuttaṃ saccaṃ anurakkhanto ahaṃ puna āgamissāmīti attho.
д̇ам̣ суд̇ваа яагко бан̃жамам̣ г̇аат̇амааха –
Taṃ sutvā yakkho pañcamaṃ gāthamāha –
68.
68.
‘‘гим̣ гаммаж̇аад̇ам̣ ануд̇аббад̇з д̇вам̣, бад̇д̇ам̣ самийбам̣ маран̣асса рааж̇а;
‘‘Kiṃ kammajātaṃ anutappate tvaṃ, pattaṃ samīpaṃ maraṇassa rāja;
аажигка мз д̇ам̣ аби саггун̣зму, ануж̇аанид̇ум̣ ааг̇аманааяа бан̣хз’’д̇и.
Ācikkha me taṃ api sakkuṇemu, anujānituṃ āgamanāya paṇhe’’ti.
д̇ад̇т̇а гаммамзва гаммаж̇аад̇ам̣. ануд̇аббад̇зд̇и д̇ам̣ ануд̇аббад̇и. бад̇д̇анд̇и убаг̇ад̇ам̣. аби саггун̣змууд̇и аби наама д̇ам̣ д̇ава согагааран̣ам̣ суд̇ваа баад̇ова ааг̇аманааяа д̇ам̣ ануж̇аанид̇ум̣ саггун̣зяяаамаад̇и ад̇т̇о.
Tattha kammameva kammajātaṃ. Anutappateti taṃ anutappati. Pattanti upagataṃ. Api sakkuṇemūti api nāma taṃ tava sokakāraṇaṃ sutvā pātova āgamanāya taṃ anujānituṃ sakkuṇeyyāmāti attho.
рааж̇аа д̇ам̣ гааран̣ам̣ гат̇знд̇о чадтам̣ г̇аат̇амааха –
Rājā taṃ kāraṇaṃ kathento chaṭṭhaṃ gāthamāha –
69.
69.
‘‘гад̇аа маяаа б̣раахман̣асса д̇ханаасаа, д̇ам̣ сан̇г̇арам̣ бадимуггам̣ на муд̇д̇ам̣;
‘‘Katā mayā brāhmaṇassa dhanāsā, taṃ saṅgaraṃ paṭimukkaṃ na muttaṃ;
д̇ам̣ сан̇г̇арам̣ б̣раахман̣ассаббад̣̇ааяа, сажжаанурагкий бунарааваж̇исса’’нд̇и.
Taṃ saṅgaraṃ brāhmaṇassappadāya, saccānurakkhī punarāvajissa’’nti.
д̇ад̇т̇а бадимуггам̣ на муд̇д̇анд̇и жад̇ассо сад̇аарахаа г̇аат̇аа суд̇ваа ‘‘д̇ханам̣ д̇з д̣̇ассаамий’’д̇и бадин̃н̃ааяа маяаа ад̇д̇ани бадимун̃жид̇ваа табид̇ам̣, на бана д̇ам̣ муд̇д̇ам̣ д̇ханасса ад̣̇иннад̇д̇аа.
Tattha paṭimukkaṃ na muttanti catasso satārahā gāthā sutvā ‘‘dhanaṃ te dassāmī’’ti paṭiññāya mayā attani paṭimuñcitvā ṭhapitaṃ, na pana taṃ muttaṃ dhanassa adinnattā.
д̇ам̣ суд̇ваа яагко сад̇д̇амам̣ г̇аат̇амааха –
Taṃ sutvā yakkho sattamaṃ gāthamāha –
70.
70.
‘‘яаа д̇з гад̇аа б̣раахман̣асса д̇ханаасаа, д̇ам̣ сан̇г̇арам̣ бадимуггам̣ на муд̇д̇ам̣;
‘‘Yā te katā brāhmaṇassa dhanāsā, taṃ saṅgaraṃ paṭimukkaṃ na muttaṃ;
д̇ам̣ сан̇г̇арам̣ б̣раахман̣ассаббад̣̇ааяа, сажжаанурагкий бунарааваж̇ассуу’’д̇и.
Taṃ saṅgaraṃ brāhmaṇassappadāya, saccānurakkhī punarāvajassū’’ti.
д̇ад̇т̇а бунарааваж̇ассууд̇и буна ааг̇ажчассу.
Tattha punarāvajassūti puna āgacchassu.
зван̃жа бана вад̇ваа рааж̇аанам̣ виссаж̇ж̇зси. со д̇зна виссадто ‘‘д̇вам̣ маа жинд̇аяи, ахам̣ баад̇ова ааг̇амиссаамий’’д̇и вад̇ваа маг̇г̇анимид̇д̇аани саллагкзнд̇о ад̇д̇ано б̣алагааяам̣ убаг̇анд̇ваа б̣алагааяабаривуд̇о наг̇арам̣ бависид̇ваа нанд̣̇аб̣раахман̣ам̣ баггосаабзд̇ваа махаарахз аасанз нисийд̣̇аабзд̇ваа д̇аа г̇аат̇аа суд̇ваа жад̇д̇аари сахассаани д̣̇ад̇ваа яаанам̣ ааробзд̇ваа ‘‘имам̣ д̇аггасиламзва нзт̇аа’’д̇и мануссз д̣̇ад̇ваа б̣раахман̣ам̣ уяяож̇зд̇ваа д̣̇уд̇ияад̣̇ивасз бадиг̇анд̇угаамо худ̇ваа буд̇д̇ам̣ ааманд̇зд̇ваа анусааси. д̇амад̇т̇ам̣ д̣̇ийбзнд̇о сад̇т̇аа д̣̇вз г̇аат̇аа абхааси –
Evañca pana vatvā rājānaṃ vissajjesi. So tena vissaṭṭho ‘‘tvaṃ mā cintayi, ahaṃ pātova āgamissāmī’’ti vatvā magganimittāni sallakkhento attano balakāyaṃ upagantvā balakāyaparivuto nagaraṃ pavisitvā nandabrāhmaṇaṃ pakkosāpetvā mahārahe āsane nisīdāpetvā tā gāthā sutvā cattāri sahassāni datvā yānaṃ āropetvā ‘‘imaṃ takkasilameva nethā’’ti manusse datvā brāhmaṇaṃ uyyojetvā dutiyadivase paṭigantukāmo hutvā puttaṃ āmantetvā anusāsi. Tamatthaṃ dīpento satthā dve gāthā abhāsi –
71.
71.
‘‘муд̇д̇ожа со борисаад̣̇асса хад̇т̇аа, г̇анд̇ваа сагам̣ манд̣̇ирам̣ гаамагаамий;
‘‘Muttoca so porisādassa hatthā, gantvā sakaṃ mandiraṃ kāmakāmī;
д̇ам̣ сан̇г̇арам̣ б̣раахман̣ассаббад̣̇ааяа, ааманд̇аяий буд̇д̇амалийнасад̇д̇ум̣.
Taṃ saṅgaraṃ brāhmaṇassappadāya, āmantayī puttamalīnasattuṃ.
72.
72.
‘‘аж̇ж̇зва раж̇ж̇ам̣ абхисин̃жаяассу, д̇хаммам̣ жара сзсу барзсу жааби;
‘‘Ajjeva rajjaṃ abhisiñcayassu, dhammaṃ cara sesu paresu cāpi;
ад̇хаммагааро жа д̇з мааху радтз, г̇ажчаамахам̣ борисаад̣̇асса н̃ад̇д̇з’’д̇и.
Adhammakāro ca te māhu raṭṭhe, gacchāmahaṃ porisādassa ñatte’’ti.
д̇ад̇т̇а алийнасад̇д̇унд̇и звам̣наамагам̣ гумаарам̣. баал̣ияам̣ бана ‘‘аринасад̇д̇у’’нд̇и ликид̇ам̣. аж̇ж̇зва раж̇ж̇анд̇и буд̇д̇а раж̇ж̇ам̣ д̇з д̣̇амми, д̇вам̣ аж̇ж̇зва муд̣̇д̇хани абхисзгам̣ абхисин̃жаяассу. н̃ад̇д̇зд̇и абхяаасз, санд̇игзд̇и ад̇т̇о.
Tattha alīnasattunti evaṃnāmakaṃ kumāraṃ. Pāḷiyaṃ pana ‘‘arinasattu’’nti likhitaṃ. Ajjeva rajjanti putta rajjaṃ te dammi, tvaṃ ajjeva muddhani abhisekaṃ abhisiñcayassu. Ñatteti abhyāse, santiketi attho.
д̇ам̣ суд̇ваа гумааро д̣̇асамам̣ г̇аат̇амааха –
Taṃ sutvā kumāro dasamaṃ gāthamāha –
73.
73.
‘‘гим̣ гамма груб̣б̣ам̣ д̇ава д̣̇зва баава, наараад̇хаяий д̇ам̣ д̇ад̣̇ижчаами сод̇ум̣;
‘‘Kiṃ kamma krubbaṃ tava deva pāva, nārādhayī taṃ tadicchāmi sotuṃ;
яамаж̇ж̇а раж̇ж̇амхи уд̣̇ассаяз д̇увам̣, раж̇ж̇амби нижчзяяам̣, д̇аяаа винааха’’нд̇и.
Yamajja rajjamhi udassaye tuvaṃ, rajjampi niccheyyaṃ, tayā vināha’’nti.
д̇ад̇т̇а груб̣б̣анд̇и гаронд̇о. яамаж̇ж̇аад̇и язна анаараад̇хагаммзна аж̇ж̇а мам̣ раж̇ж̇амхи д̇вам̣ уд̣̇ассаяз уссаабзси бад̇идтаабзси, д̇ам̣ мз аажигка, ахан̃хи д̇аяаа винаа раж̇ж̇амби на ижчаамийд̇и ад̇т̇о.
Tattha krubbanti karonto. Yamajjāti yena anārādhakammena ajja maṃ rajjamhi tvaṃ udassaye ussāpesi patiṭṭhāpesi, taṃ me ācikkha, ahañhi tayā vinā rajjampi na icchāmīti attho.
д̇ам̣ суд̇ваа рааж̇аа ананд̇арам̣ г̇аат̇амааха –
Taṃ sutvā rājā anantaraṃ gāthamāha –
74.
74.
‘‘на гаммунаа ваа важасаава д̇аад̇а, абараад̇хид̇охам̣ д̇увияам̣ сараами;
‘‘Na kammunā vā vacasāva tāta, aparādhitohaṃ tuviyaṃ sarāmi;
санд̇хин̃жа гад̇ваа бурисаад̣̇агзна, сажжаанурагкий бунаахам̣ г̇амисса’’нд̇и.
Sandhiñca katvā purisādakena, saccānurakkhī punāhaṃ gamissa’’nti.
д̇ад̇т̇а абараад̇хид̇од̇и абараад̇хам̣ ид̇о. д̇увияанд̇и д̇ава санд̇агам̣. ид̣̇ам̣ вуд̇д̇ам̣ ход̇и – д̇аад̇а, ахам̣ ид̇о д̇ава гаммад̇о ваа д̇ава важанад̇о ваа гин̃жи мама аббияам̣ абараад̇хам̣ на сараамийд̇и. санд̇хин̃жа гад̇ваад̇и мам̣ бана миг̇авам̣ г̇ад̇ам̣ зго яагко ‘‘каад̣̇иссаамий’’д̇и г̇ан̣хи. ат̇аахам̣ б̣раахман̣асса д̇хаммагат̇ам̣ суд̇ваа д̇асса саггаарам̣ гад̇ваа ‘‘свз д̇ава баад̇араасагаалз ааг̇амиссаамий’’д̇и д̇зна бурисаад̣̇агзна санд̇хим̣ сажжам̣ гад̇ваа ааг̇ад̇о, д̇асмаа д̇ам̣ сажжам̣ анурагканд̇о буна д̇ад̇т̇а г̇амиссаами, д̇вам̣ раж̇ж̇ам̣ гаарзхийд̇и вад̣̇ад̇и.
Tattha aparādhitoti aparādhaṃ ito. Tuviyanti tava santakaṃ. Idaṃ vuttaṃ hoti – tāta, ahaṃ ito tava kammato vā tava vacanato vā kiñci mama appiyaṃ aparādhaṃ na sarāmīti. Sandhiñca katvāti maṃ pana migavaṃ gataṃ eko yakkho ‘‘khādissāmī’’ti gaṇhi. Athāhaṃ brāhmaṇassa dhammakathaṃ sutvā tassa sakkāraṃ katvā ‘‘sve tava pātarāsakāle āgamissāmī’’ti tena purisādakena sandhiṃ saccaṃ katvā āgato, tasmā taṃ saccaṃ anurakkhanto puna tattha gamissāmi, tvaṃ rajjaṃ kārehīti vadati.
д̇ам̣ суд̇ваа гумааро г̇аат̇амааха –
Taṃ sutvā kumāro gāthamāha –
75.
75.
‘‘ахам̣ г̇амиссаами ид̇хзва хохи, над̇т̇и д̇ад̇о ж̇ийвад̇о виббамогко;
‘‘Ahaṃ gamissāmi idheva hohi, natthi tato jīvato vippamokkho;
сажз д̇увам̣ г̇ажчасиязва рааж̇а, ахамби г̇ажчаами убхо на хомаа’’д̇и.
Sace tuvaṃ gacchasiyeva rāja, ahampi gacchāmi ubho na homā’’ti.
д̇ад̇т̇а ид̇хзваад̇и д̇вам̣ ид̇хзва ход̇и. д̇ад̇од̇и д̇асса санд̇игаа ж̇ийванд̇асса могко наама над̇т̇и. убход̇и звам̣ санд̇з убхоби на бхависсаама.
Tattha idhevāti tvaṃ idheva hoti. Tatoti tassa santikā jīvantassa mokkho nāma natthi. Ubhoti evaṃ sante ubhopi na bhavissāma.
д̇ам̣ суд̇ваа рааж̇аа г̇аат̇амааха –
Taṃ sutvā rājā gāthamāha –
76.
76.
‘‘ад̣̇д̇хаа хи д̇аад̇а сад̇аанзса д̇хаммо, маран̣аа жа мз д̣̇угкад̇арам̣ д̇ад̣̇асса;
‘‘Addhā hi tāta satānesa dhammo, maraṇā ca me dukkhataraṃ tadassa;
гаммаасабаад̣̇о д̇ам̣ яад̣̇аа бажид̇ваа, басаяха каад̣̇з бхид̣̇аа ругкасуулз’’д̇и.
Kammāsapādo taṃ yadā pacitvā, pasayha khāde bhidā rukkhasūle’’ti.
д̇ассад̇т̇о – ад̣̇д̇хаа згам̣сзна зса, д̇аад̇а, сад̇аанам̣ бан̣д̣ид̇аанам̣ д̇хаммо сабхааво, яуд̇д̇ам̣ д̇вам̣ вад̣̇аси, аби жа ко бана маяхам̣ маран̣ад̇обзд̇ам̣ д̣̇угкад̇арам̣ асса, яад̣̇аа д̇ам̣ со гаммаасабаад̣̇о. бхид̣̇аа ругкасуулзд̇и д̇икин̣аругкасуулз бхид̇ваа бажид̇ваа басаяха б̣алаггаарзна каад̣̇зяяаад̇и.
Tassattho – addhā ekaṃsena esa, tāta, satānaṃ paṇḍitānaṃ dhammo sabhāvo, yuttaṃ tvaṃ vadasi, api ca kho pana mayhaṃ maraṇatopetaṃ dukkhataraṃ assa, yadā taṃ so kammāsapādo. Bhidā rukkhasūleti tikhiṇarukkhasūle bhitvā pacitvā pasayha balakkārena khādeyyāti.
д̇ам̣ суд̇ваа гумааро г̇аат̇амааха –
Taṃ sutvā kumāro gāthamāha –
77.
77.
‘‘баан̣зна д̇з баан̣амахам̣ нимиссам̣, маа д̇вам̣ аг̇аа борисаад̣̇асса н̃ад̇д̇з;
‘‘Pāṇena te pāṇamahaṃ nimissaṃ, mā tvaṃ agā porisādassa ñatte;
зван̃жа д̇з баан̣амахам̣ нимиссам̣, д̇асмаа мад̇ам̣ ж̇ийвид̇асса ван̣н̣змий’’д̇и.
Evañca te pāṇamahaṃ nimissaṃ, tasmā mataṃ jīvitassa vaṇṇemī’’ti.
д̇ад̇т̇а нимиссанд̇и ахам̣ ид̇хзва д̇ава баан̣зна мама баан̣ам̣ баривад̇д̇зссам̣. д̇асмаад̇и яасмаа зд̇ам̣ баан̣ам̣ д̇ава баан̣знаахам̣ нимиссам̣, д̇асмаа д̇ава ж̇ийвид̇ассад̇т̇ааяа мама маран̣ам̣ ван̣н̣зми маран̣амзва варзми, ижчаамийд̇и ад̇т̇о.
Tattha nimissanti ahaṃ idheva tava pāṇena mama pāṇaṃ parivattessaṃ. Tasmāti yasmā etaṃ pāṇaṃ tava pāṇenāhaṃ nimissaṃ, tasmā tava jīvitassatthāya mama maraṇaṃ vaṇṇemi maraṇameva varemi, icchāmīti attho.
д̇ам̣ суд̇ваа рааж̇аа буд̇д̇асса б̣алам̣ ж̇аананд̇о ‘‘саад̇ху д̇аад̇а, г̇ажчаахий’’д̇и самбадижчи. со маад̇аабид̇аро ванд̣̇ид̇ваа наг̇арамхаа нигками. д̇амад̇т̇ам̣ багаасзнд̇о сад̇т̇аа убад̣дхаг̇аат̇амааха –
Taṃ sutvā rājā puttassa balaṃ jānanto ‘‘sādhu tāta, gacchāhī’’ti sampaṭicchi. So mātāpitaro vanditvā nagaramhā nikkhami. Tamatthaṃ pakāsento satthā upaḍḍhagāthamāha –
78.
78.
‘‘д̇ад̇о хавз д̇хид̇имаа рааж̇абуд̇д̇о, ванд̣̇ид̇ваа маад̇у жа бид̇у жа баад̣̇з’’д̇и.
‘‘Tato have dhitimā rājaputto, vanditvā mātu ca pitu ca pāde’’ti.
д̇ад̇т̇а баад̣̇зд̇и баад̣̇з ванд̣̇ид̇ваа нигканд̇од̇и ад̇т̇о;
Tattha pādeti pāde vanditvā nikkhantoti attho;
ат̇асса маад̇аабид̇ароби бхаг̇инийби бхарияааби амажжабариж̇анзхи сад̣̇д̇хим̣язва нигкамим̣су. со наг̇араа нигкамид̇ваа бид̇арам̣ маг̇г̇ам̣ бужчид̇ваа судту вавад̇т̇абзд̇ваа маад̇аабид̇аро ванд̣̇ид̇ваа сзсаанам̣ оваад̣̇ам̣ д̣̇ад̇ваа ажчамбхид̇о гзсарасийхо вияа маг̇г̇ам̣ ааруяха яагкааваасам̣ бааяааси. д̇ам̣ г̇ажчанд̇ам̣ д̣̇исваа маад̇аа сагабхаавзна сан̣таад̇ум̣ асаггонд̇ий бат̇авияам̣ бад̇и. бид̇аа б̣аахаа баг̇г̇аяха маханд̇зна сад̣̇д̣̇зна ганд̣̇и. д̇амби ад̇т̇ам̣ багаасзнд̇о сад̇т̇аа –
Athassa mātāpitaropi bhaginīpi bhariyāpi amaccaparijanehi saddhiṃyeva nikkhamiṃsu. So nagarā nikkhamitvā pitaraṃ maggaṃ pucchitvā suṭṭhu vavatthapetvā mātāpitaro vanditvā sesānaṃ ovādaṃ datvā acchambhito kesarasīho viya maggaṃ āruyha yakkhāvāsaṃ pāyāsi. Taṃ gacchantaṃ disvā mātā sakabhāvena saṇṭhātuṃ asakkontī pathaviyaṃ pati. Pitā bāhā paggayha mahantena saddena kandi. Tampi atthaṃ pakāsento satthā –
‘‘д̣̇укинисса маад̇аа нибад̇аа бат̇аб̣яаа, бид̇аасса баг̇г̇аяха бхуж̇аани ганд̣̇ад̇ий’’д̇и. –
‘‘Dukhinissa mātā nipatā pathabyā, pitāssa paggayha bhujāni kandatī’’ti. –
убад̣дхаг̇аат̇ам̣ вад̇ваа д̇асса бид̇араа баяуд̇д̇ам̣ аасийсаваад̣̇ам̣ абхиваад̣̇анаваад̣̇ам̣ маад̇араа бхаг̇инийбхарияаахи жа гад̇ам̣ сажжагирияам̣ багаасзнд̇о абарааби жад̇ассо г̇аат̇аа абхааси –
Upaḍḍhagāthaṃ vatvā tassa pitarā payuttaṃ āsīsavādaṃ abhivādanavādaṃ mātarā bhaginībhariyāhi ca kataṃ saccakiriyaṃ pakāsento aparāpi catasso gāthā abhāsi –
79.
79.
‘‘д̇ам̣ г̇ажчанд̇ам̣ д̇аава бид̇аа вид̣̇ид̇ваа, бараммуко ванд̣̇ад̇и бан̃ж̇алийго;
‘‘Taṃ gacchantaṃ tāva pitā viditvā, parammukho vandati pañjalīko;
сомо жа рааж̇аа варун̣о жа рааж̇аа, баж̇аабад̇ий жанд̣̇имаа суурияо жа;
Somo ca rājā varuṇo ca rājā, pajāpatī candimā sūriyo ca;
зд̇зхи г̇уд̇д̇о бурисаад̣̇агамхаа, анун̃н̃аад̇о сод̇т̇и бажжзхи д̇аад̇а.
Etehi gutto purisādakamhā, anuññāto sotthi paccehi tāta.
80.
80.
‘‘яам̣ д̣̇ан̣д̣агиран̃н̃о г̇ад̇асса маад̇аа, раамассагааси сод̇т̇аанам̣ суг̇уд̇д̇аа;
‘‘Yaṃ daṇḍakirañño gatassa mātā, rāmassakāsi sotthānaṃ suguttā;
д̇ам̣ д̇з ахам̣ сод̇т̇аанам̣ гароми, зд̇зна сажжзна саранд̇у д̣̇зваа;
Taṃ te ahaṃ sotthānaṃ karomi, etena saccena sarantu devā;
анун̃н̃аад̇о сод̇т̇и бажжзхи буд̇д̇а.
Anuññāto sotthi paccehi putta.
81.
81.
‘‘аавий рахо вааби манобад̣̇осам̣, наахам̣ сарз ж̇аад̇у малийнасад̇д̇з;
‘‘Āvī raho vāpi manopadosaṃ, nāhaṃ sare jātu malīnasatte;
зд̇зна сажжзна саранд̇у д̣̇зваа, анун̃н̃аад̇о сод̇т̇и бажжзхи бхаад̇ига.
Etena saccena sarantu devā, anuññāto sotthi paccehi bhātika.
82.
82.
‘‘яасмаа жа мз анад̇химаноси саами, на жааби мз манасаа аббияоси;
‘‘Yasmā ca me anadhimanosi sāmi, na cāpi me manasā appiyosi;
зд̇зна сажжзна саранд̇у д̣̇зваа, анун̃н̃аад̇о сод̇т̇и бажжзхи саамий’’д̇и.
Etena saccena sarantu devā, anuññāto sotthi paccehi sāmī’’ti.
д̇ад̇т̇а бараммукод̇и аяам̣ мз буд̇д̇о бараммуко маад̇аабид̇аро ванд̣̇ид̇ваа г̇ажчад̇и, ид̇и зд̇ам̣ бараммукам̣ г̇ажчанд̇ам̣ д̣̇исваа вид̣̇ид̇ваа. бан̃ж̇алийгод̇и д̇асмим̣ гаалз сираси ан̃ж̇алим̣ табзд̇ваа ванд̣̇ад̇и д̣̇звад̇аа намассад̇и. бурисаад̣̇агамхаад̇и бурисаад̣̇асса санд̇игаа д̇зна анун̃н̃аад̇о сод̇т̇инаа бажжзхи.
Tattha parammukhoti ayaṃ me putto parammukho mātāpitaro vanditvā gacchati, iti etaṃ parammukhaṃ gacchantaṃ disvā viditvā. Pañjalīkoti tasmiṃ kāle sirasi añjaliṃ ṭhapetvā vandati devatā namassati. Purisādakamhāti purisādassa santikā tena anuññāto sotthinā paccehi.
раамассагаасийд̇и раамасса агааси. зго гира б̣аараан̣асиваасий раамо наама маад̇убосаго маад̇аабид̇аро бадиж̇аг̇г̇анд̇о вохаарад̇т̇ааяа г̇ад̇о д̣̇ан̣д̣агиран̃н̃о виж̇ид̇з гумбхавад̇ийнаг̇арам̣ г̇анд̇ваа нававид̇хзна вассзна сагаларадтз винаасияамаанз маад̇аабид̇уунам̣ г̇ун̣ам̣ сари. ат̇а нам̣ маад̇убадтаанагаммасса палзна д̣̇звад̇аа сод̇т̇инаа аанаяид̇ваа маад̇у ад̣̇ам̣су. д̇ам̣ гааран̣ам̣ суд̇авасзнаахарид̇ваа звамааха. сод̇т̇аананд̇и сод̇т̇ибхаавам̣. д̇ам̣ бана гин̃жааби д̣̇звад̇аа гарим̣су, маад̇убадтаанам̣ ниссааяа ниб̣б̣ад̇д̇ад̇д̇аа бана маад̇аа агаасийд̇и вуд̇д̇ам̣. д̇ам̣ д̇з аханд̇и ахамби д̇з д̇амзва сод̇т̇аанам̣ гароми, мам̣ ниссааяа д̇ат̇зва д̇ава сод̇т̇ибхааво ход̇ууд̇и ад̇т̇о. ат̇а ваа гаромийд̇и ижчаами. зд̇зна сажжзнаад̇и сажз д̣̇звад̇аахи д̇асса сод̇т̇инаа аанийд̇абхааво сажжо, зд̇зна сажжзна мамаби буд̇д̇ам̣ саранд̇у д̣̇зваа , раамам̣ вияа д̇амби аахарид̇ваа мама д̣̇ассанд̇ууд̇и ад̇т̇о. анун̃н̃аад̇од̇и борисаад̣̇зна ‘‘г̇ажчаа’’д̇и анун̃н̃аад̇о д̣̇звад̇аанам̣ аанубхаавзна сод̇т̇и бадиааг̇ажча буд̇д̇аад̇и вад̣̇ад̇и.
Rāmassakāsīti rāmassa akāsi. Eko kira bārāṇasivāsī rāmo nāma mātuposako mātāpitaro paṭijagganto vohāratthāya gato daṇḍakirañño vijite kumbhavatīnagaraṃ gantvā navavidhena vassena sakalaraṭṭhe vināsiyamāne mātāpitūnaṃ guṇaṃ sari. Atha naṃ mātupaṭṭhānakammassa phalena devatā sotthinā ānayitvā mātu adaṃsu. Taṃ kāraṇaṃ sutavasenāharitvā evamāha. Sotthānanti sotthibhāvaṃ. Taṃ pana kiñcāpi devatā kariṃsu, mātupaṭṭhānaṃ nissāya nibbattattā pana mātā akāsīti vuttaṃ. Taṃ te ahanti ahampi te tameva sotthānaṃ karomi, maṃ nissāya tatheva tava sotthibhāvo hotūti attho. Atha vā karomīti icchāmi. Etena saccenāti sace devatāhi tassa sotthinā ānītabhāvo sacco, etena saccena mamapi puttaṃ sarantu devā , rāmaṃ viya tampi āharitvā mama dassantūti attho. Anuññātoti porisādena ‘‘gacchā’’ti anuññāto devatānaṃ ānubhāvena sotthi paṭiāgaccha puttāti vadati.
ж̇аад̇у малийнасад̇д̇зд̇и ж̇аад̇у згам̣сзна алийнасад̇д̇з мама бхаад̇игз ахам̣ саммукаа ваа бараммукаа ваа манобад̣̇осам̣ на сараами, на маяаа д̇амхи манобад̣̇осо гад̇абуб̣б̣од̇и звамасса ганидтаа сажжамагааси. яасмаа жа мз анад̇химаноси , саамийд̇и мама, саами алийнасад̇д̇у яасмаа д̇вам̣ анад̇химаноси, мам̣ абхибхавид̇ваа ад̇иггамид̇ваа ан̃н̃ам̣ манзна на бад̇т̇зси. на жааби мз манасаа аббияосийд̇и маяхамби жа манасаа д̇вам̣ аббияо на хоси, ан̃н̃аман̃н̃ам̣ бияасам̣ваасаава маяанд̇и звамасса аг̇г̇амахзсий сажжамагааси.
Jātu malīnasatteti jātu ekaṃsena alīnasatte mama bhātike ahaṃ sammukhā vā parammukhā vā manopadosaṃ na sarāmi, na mayā tamhi manopadoso katapubboti evamassa kaniṭṭhā saccamakāsi. Yasmā ca me anadhimanosi, sāmīti mama, sāmi alīnasattu yasmā tvaṃ anadhimanosi, maṃ abhibhavitvā atikkamitvā aññaṃ manena na patthesi. Na cāpi me manasā appiyosīti mayhampi ca manasā tvaṃ appiyo na hosi, aññamaññaṃ piyasaṃvāsāva mayanti evamassa aggamahesī saccamakāsi.
гумаароби бид̇араа агкаад̇анаязна рагкааваасамаг̇г̇ам̣ бадибаж̇ж̇и. яагкоби ‘‘кад̇д̇ияаа наама б̣ахумааяаа хонд̇и, го ж̇аанаад̇и, гим̣ бхависсад̇ий’’д̇и ругкам̣ абхирухид̇ваа ран̃н̃о ааг̇аманам̣ ологзнд̇о нисийд̣̇и. со гумаарам̣ ааг̇ажчанд̇ам̣ д̣̇исваа ‘‘бид̇арам̣ нивад̇д̇зд̇ваа буд̇д̇о ааг̇ад̇о бхависсад̇и, над̇т̇и мз бхаяа’’нд̇и од̇арид̇ваа д̇асса бидтим̣ д̣̇ассзнд̇о нисийд̣̇и. со ааг̇анд̇ваа д̇асса бурад̇о адтааси. ат̇а яагко г̇аат̇амааха –
Kumāropi pitarā akkhātanayena rakkhāvāsamaggaṃ paṭipajji. Yakkhopi ‘‘khattiyā nāma bahumāyā honti, ko jānāti, kiṃ bhavissatī’’ti rukkhaṃ abhiruhitvā rañño āgamanaṃ olokento nisīdi. So kumāraṃ āgacchantaṃ disvā ‘‘pitaraṃ nivattetvā putto āgato bhavissati, natthi me bhaya’’nti otaritvā tassa piṭṭhiṃ dassento nisīdi. So āgantvā tassa purato aṭṭhāsi. Atha yakkho gāthamāha –
83.
83.
‘‘б̣рахаа уж̇уу жаарумуко гуд̇оси, на мам̣ баж̇аанааси ванз васанд̇ам̣;
‘‘Brahā ujū cārumukho kutosi, na maṃ pajānāsi vane vasantaṃ;
луд̣̇д̣̇ам̣ мам̣ н̃ад̇ваа ‘бурисаад̣̇аго’си, го сод̇т̇имааж̇аанамид̇хааваж̇зяяаа’’д̇и.
Luddaṃ maṃ ñatvā ‘purisādako’si, ko sotthimājānamidhāvajeyyā’’ti.
д̇ад̇т̇а го сод̇т̇имааж̇аанамид̇хааваж̇зяяаад̇и гумаара го наама бурисо ад̇д̇ано сод̇т̇ибхаавам̣ ж̇аананд̇о ижчанд̇о ид̇хааг̇ажчзяяа, д̇вам̣ аж̇аананд̇о ааг̇ад̇о ман̃н̃зд̇и.
Tattha ko sotthimājānamidhāvajeyyāti kumāra ko nāma puriso attano sotthibhāvaṃ jānanto icchanto idhāgaccheyya, tvaṃ ajānanto āgato maññeti.
д̇ам̣ суд̇ваа гумааро г̇аат̇амааха –
Taṃ sutvā kumāro gāthamāha –
84.
84.
‘‘ж̇аанаами луд̣̇д̣̇а бурисаад̣̇аго д̇вам̣, на д̇ам̣ на ж̇аанаами ванз васанд̇ам̣;
‘‘Jānāmi ludda purisādako tvaṃ, na taṃ na jānāmi vane vasantaṃ;
ахан̃жа буд̇д̇осми ж̇аяад̣̇д̣̇исасса, мамаж̇ж̇а каад̣̇а бид̇уно бамогкаа’’д̇и.
Ahañca puttosmi jayaddisassa, mamajja khāda pituno pamokkhā’’ti.
д̇ад̇т̇а бамогкаад̇и бамогкахзд̇у ахам̣ бид̇у ж̇ийвид̇ам̣ д̣̇ад̇ваа ид̇хааг̇ад̇о, д̇асмаа д̇ам̣ мун̃жа, мам̣ каад̣̇аахийд̇и ад̇т̇о.
Tattha pamokkhāti pamokkhahetu ahaṃ pitu jīvitaṃ datvā idhāgato, tasmā taṃ muñca, maṃ khādāhīti attho.
д̇ад̇о яагко г̇аат̇амааха –
Tato yakkho gāthamāha –
85.
85.
‘‘ж̇аанаами буд̇д̇од̇и ж̇аяад̣̇д̣̇исасса, д̇ат̇аа хи во мукаван̣н̣о убхиннам̣;
‘‘Jānāmi puttoti jayaddisassa, tathā hi vo mukhavaṇṇo ubhinnaṃ;
суд̣̇уггаран̃н̃зва гад̇ам̣ д̇авзд̣̇ам̣, яо мад̇д̇умижчз бид̇уно бамогкаа’’д̇и.
Sudukkaraññeva kataṃ tavedaṃ, yo mattumicche pituno pamokkhā’’ti.
д̇ад̇т̇а д̇ат̇аа хи вод̇и д̇аад̣̇исо во д̇умхаагам̣. убхиннамби сад̣̇исова мукаван̣н̣о ход̇ийд̇и ад̇т̇о. гад̇ам̣ д̇авзд̣̇анд̇и ид̣̇ам̣ д̇ава гаммам̣ суд̣̇уггарам̣.
Tattha tathā hi voti tādiso vo tumhākaṃ. Ubhinnampi sadisova mukhavaṇṇo hotīti attho. Kataṃ tavedanti idaṃ tava kammaṃ sudukkaraṃ.
д̇ад̇о гумааро г̇аат̇амааха –
Tato kumāro gāthamāha –
86.
86.
‘‘на д̣̇уггарам̣ гин̃жи махзд̇т̇а ман̃н̃з, яо мад̇д̇умижчз бид̇уно бамогкаа;
‘‘Na dukkaraṃ kiñci mahettha maññe, yo mattumicche pituno pamokkhā;
маад̇у жа хзд̇у баралога г̇анд̇ваа, сукзна саг̇г̇зна жа самбаяуд̇д̇о’’д̇и.
Mātu ca hetu paraloka gantvā, sukhena saggena ca sampayutto’’ti.
д̇ад̇т̇а гин̃жи махзд̇т̇а ман̃н̃зд̇и гин̃жи ахам̣ зд̇т̇а на ман̃н̃аами. ид̣̇ам̣ вуд̇д̇ам̣ ход̇и – яагка яо буг̇г̇ало бид̇у ваа бамогкад̇т̇ааяа маад̇у ваа хзд̇у баралогам̣ г̇анд̇ваа сукзна саг̇г̇з ниб̣б̣ад̇д̇анагасукзна самбаяуд̇д̇о бхавид̇ум̣ мад̇д̇умижчз марид̇ум̣ ижчад̇и, д̇асмаа ахам̣ зд̇т̇а маад̇аабид̇уунам̣ ад̇т̇ааяа ж̇ийвид̇абарижжааг̇з гин̃жи д̣̇уггарам̣ на ман̃н̃аамийд̇и.
Tattha kiñci mahettha maññeti kiñci ahaṃ ettha na maññāmi. Idaṃ vuttaṃ hoti – yakkha yo puggalo pitu vā pamokkhatthāya mātu vā hetu paralokaṃ gantvā sukhena sagge nibbattanakasukhena sampayutto bhavituṃ mattumicche marituṃ icchati, tasmā ahaṃ ettha mātāpitūnaṃ atthāya jīvitapariccāge kiñci dukkaraṃ na maññāmīti.
д̇ам̣ суд̇ваа яагко ‘‘гумаара, маран̣асса абхаяаанагасад̇д̇о наама над̇т̇и, д̇вам̣ гасмаа на бхааяасий’’д̇и бужчи. со д̇асса гат̇знд̇о д̣̇вз г̇аат̇аа абхааси –
Taṃ sutvā yakkho ‘‘kumāra, maraṇassa abhayānakasatto nāma natthi, tvaṃ kasmā na bhāyasī’’ti pucchi. So tassa kathento dve gāthā abhāsi –
87.
87.
‘‘ахан̃жа ко ад̇д̇ано баабагирияам̣, аавий рахо вааби сарз на ж̇аад̇у;
‘‘Ahañca kho attano pāpakiriyaṃ, āvī raho vāpi sare na jātu;
сан̇каад̇аж̇аад̇иймаран̣охамасми, яат̇зва мз ид̇ха д̇ат̇аа барад̇т̇а.
Saṅkhātajātīmaraṇohamasmi, yatheva me idha tathā parattha.
88.
88.
‘‘каад̣̇аж̇ж̇а мам̣ д̣̇аани махаанубхаава, гарассу гижжаани имам̣ сарийрам̣;
‘‘Khādajja maṃ dāni mahānubhāva, karassu kiccāni imaṃ sarīraṃ;
ругкасса ваа д̇з бабад̇аами аг̇г̇аа, чаад̣̇аяамаано маяхам̣ д̇вамад̣̇зси мам̣са’’нд̇и.
Rukkhassa vā te papatāmi aggā, chādayamāno mayhaṃ tvamadesi maṃsa’’nti.
д̇ад̇т̇а сарз на ж̇аад̇ууд̇и згам̣сзнзва на сараами. сан̇каад̇аж̇аад̇иймаран̣охамасмийд̇и ахам̣ н̃аан̣зна субарижчиннаж̇аад̇имаран̣о, ж̇аад̇асад̇д̇о амаран̣ад̇хаммо наама над̇т̇ийд̇и ж̇аанаами. яат̇зва мз ид̇хаад̇и яат̇зва мама ид̇ха , д̇ат̇аа баралогз, яат̇аа жа баралогз, д̇ат̇аа ид̇хааби маран̣ад̇о муд̇д̇и наама над̇т̇ийд̇и ид̣̇амби мама н̃аан̣зна субарижчиннам̣. гарассу гижжаанийд̇и иминаа сарийрзна гад̇д̇аб̣б̣агижжаани гара, имам̣ д̇з маяаа ниссадтам̣ сарийрам̣. чаад̣̇аяамаано маяхам̣ д̇вамад̣̇зси мам̣санд̇и маяи ругкаг̇г̇аа бад̇ид̇ваа мад̇з мама сарийрад̇о д̇вам̣ чаад̣̇аяамаано рожаяамаано яам̣ яам̣ ижчаси, д̇ам̣ д̇ам̣ мам̣сам̣ ад̣̇зси, каад̣̇зяяаасийд̇и ад̇т̇о.
Tattha sare na jātūti ekaṃseneva na sarāmi. Saṅkhātajātīmaraṇohamasmīti ahaṃ ñāṇena suparicchinnajātimaraṇo, jātasatto amaraṇadhammo nāma natthīti jānāmi. Yatheva me idhāti yatheva mama idha , tathā paraloke, yathā ca paraloke, tathā idhāpi maraṇato mutti nāma natthīti idampi mama ñāṇena suparicchinnaṃ. Karassu kiccānīti iminā sarīrena kattabbakiccāni kara, imaṃ te mayā nissaṭṭhaṃ sarīraṃ. Chādayamāno mayhaṃ tvamadesi maṃsanti mayi rukkhaggā patitvā mate mama sarīrato tvaṃ chādayamāno rocayamāno yaṃ yaṃ icchasi, taṃ taṃ maṃsaṃ adesi, khādeyyāsīti attho.
яагко д̇асса важанам̣ суд̇ваа бхийд̇о худ̇ваа ‘‘на саггаа имасса мам̣сам̣ каад̣̇ид̇ум̣, убааязна нам̣ балаабзссаамий’’д̇и жинд̇зд̇ваа имам̣ г̇аат̇амааха –
Yakkho tassa vacanaṃ sutvā bhīto hutvā ‘‘na sakkā imassa maṃsaṃ khādituṃ, upāyena naṃ palāpessāmī’’ti cintetvā imaṃ gāthamāha –
89.
89.
‘‘ид̣̇ан̃жа д̇з ружжад̇и рааж̇абуд̇д̇а, жаж̇зси баан̣ам̣ бид̇уно бамогкаа;
‘‘Idañca te ruccati rājaputta, cajesi pāṇaṃ pituno pamokkhā;
д̇асмаа хи со д̇вам̣ д̇арамаанаруубо, самбхан̃ж̇а гадтаани ж̇алзхи аг̇г̇и’’нд̇и.
Tasmā hi so tvaṃ taramānarūpo, sambhañja kaṭṭhāni jalehi aggi’’nti.
д̇ад̇т̇а ж̇алзхийд̇и аран̃н̃ам̣ бависид̇ваа саарад̣̇аарууни аахарид̇ваа аг̇г̇им̣ ж̇аалзд̇ваа нид̣̇д̇хуумз ан̇г̇аарз гара, д̇ад̇т̇а д̇з мам̣сам̣ бажид̇ваа каад̣̇иссаамийд̇и д̣̇ийбзд̇и.
Tattha jalehīti araññaṃ pavisitvā sāradārūni āharitvā aggiṃ jāletvā niddhūme aṅgāre kara, tattha te maṃsaṃ pacitvā khādissāmīti dīpeti.
со д̇ат̇аа гад̇ваа д̇асса санд̇игам̣ аг̇амааси. д̇ам̣ гааран̣ам̣ багаасзнд̇о сад̇т̇аа ид̇арам̣ г̇аат̇амааха –
So tathā katvā tassa santikaṃ agamāsi. Taṃ kāraṇaṃ pakāsento satthā itaraṃ gāthamāha –
90.
90.
‘‘д̇ад̇о хавз д̇хид̇имаа рааж̇абуд̇д̇о, д̣̇аарум̣ самаахарид̇ваа маханд̇амаг̇г̇им̣;
‘‘Tato have dhitimā rājaputto, dāruṃ samāharitvā mahantamaggiṃ;
санд̇ийбаяид̇ваа бадивзд̣̇аяид̇т̇а, аад̣̇ийбид̇о д̣̇аани махааяамаг̇г̇ий’’д̇и.
Santīpayitvā paṭivedayittha, ādīpito dāni mahāyamaggī’’ti.
яагко аг̇г̇им̣ гад̇ваа ааг̇ад̇ам̣ гумаарам̣ ологзд̇ваа ‘‘аяам̣ бурисасийхо, маран̣аабисса бхаяам̣ над̇т̇и, маяаа зд̇д̇агам̣ гаалам̣ звам̣ ниб̣бхаяо наама на д̣̇идтабуб̣б̣о’’д̇и ломахам̣саж̇аад̇о гумаарам̣ бунаббунам̣ ологзнд̇о нисийд̣̇и. гумааро д̇асса гирияам̣ д̣̇исваа г̇аат̇амааха –
Yakkho aggiṃ katvā āgataṃ kumāraṃ oloketvā ‘‘ayaṃ purisasīho, maraṇāpissa bhayaṃ natthi, mayā ettakaṃ kālaṃ evaṃ nibbhayo nāma na diṭṭhapubbo’’ti lomahaṃsajāto kumāraṃ punappunaṃ olokento nisīdi. Kumāro tassa kiriyaṃ disvā gāthamāha –
91.
91.
‘‘каад̣̇аж̇ж̇а мам̣ д̣̇аани басаяхагаари, гим̣ мам̣ мухум̣ бзгкаси хадталомо;
‘‘Khādajja maṃ dāni pasayhakāri, kiṃ maṃ muhuṃ pekkhasi haṭṭhalomo;
д̇ат̇аа д̇ат̇аа д̇уяхамахам̣ гароми, яат̇аа яат̇аа мам̣ чаад̣̇аяамаано ад̣̇зсий’’д̇и.
Tathā tathā tuyhamahaṃ karomi, yathā yathā maṃ chādayamāno adesī’’ti.
д̇ад̇т̇а мухунд̇и бунаббунам̣. д̇ат̇аа д̇ат̇аа д̇уяхамаханд̇и ахам̣ д̇уяхам̣ д̇ат̇аа д̇ат̇аа важанам̣ гароми, ид̣̇аани гим̣ гариссаами, яат̇аа яат̇аа мам̣ чаад̣̇аяамаано рожаяамаано ад̣̇зси каад̣̇иссаси, д̇асмаа каад̣̇аж̇ж̇а манд̇и.
Tattha muhunti punappunaṃ. Tathā tathā tuyhamahanti ahaṃ tuyhaṃ tathā tathā vacanaṃ karomi, idāni kiṃ karissāmi, yathā yathā maṃ chādayamāno rocayamāno adesi khādissasi, tasmā khādajja manti.
ат̇асса важанам̣ суд̇ваа яагко г̇аат̇амааха –
Athassa vacanaṃ sutvā yakkho gāthamāha –
92.
92.
‘‘го д̇аад̣̇исам̣ арахад̇и каад̣̇ид̇ааяз, д̇хаммз тид̇ам̣ сажжаваад̣̇им̣ вад̣̇ан̃н̃ум̣;
‘‘Ko tādisaṃ arahati khāditāye, dhamme ṭhitaṃ saccavādiṃ vadaññuṃ;
муд̣̇д̇хааби д̇асса випалзяяа сад̇д̇ад̇хаа, яо д̇аад̣̇исам̣ сажжаваад̣̇им̣ ад̣̇зяяаа’’д̇и.
Muddhāpi tassa viphaleyya sattadhā, yo tādisaṃ saccavādiṃ adeyyā’’ti.
д̇ам̣ суд̇ваа гумааро ‘‘сажз мам̣ на каад̣̇ид̇угаамоси, ат̇а гасмаа д̣̇аарууни бхан̃ж̇аабзд̇ваа аг̇г̇им̣ гаарзсий’’д̇и вад̇ваа ‘‘балааяиссад̇и ну ко, нод̇и д̇ава бариг̇г̇ан̣ханад̇т̇ааяаа’’д̇и вуд̇д̇з ‘‘д̇вам̣ ид̣̇аани мам̣ гат̇ам̣ бариг̇г̇ан̣хиссаси, яохам̣ д̇иражчаанаяонияам̣ ниб̣б̣ад̇д̇о саггасса д̣̇зваран̃н̃о ад̇д̇аанам̣ бариг̇г̇ан̣хид̇ум̣ наад̣̇ааси’’нд̇и вад̇ваа ааха –
Taṃ sutvā kumāro ‘‘sace maṃ na khāditukāmosi, atha kasmā dārūni bhañjāpetvā aggiṃ kāresī’’ti vatvā ‘‘palāyissati nu kho, noti tava pariggaṇhanatthāyā’’ti vutte ‘‘tvaṃ idāni maṃ kathaṃ pariggaṇhissasi, yohaṃ tiracchānayoniyaṃ nibbatto sakkassa devarañño attānaṃ pariggaṇhituṃ nādāsi’’nti vatvā āha –
93.
93.
‘‘ид̣̇ан̃хи со б̣раахман̣ам̣ ман̃н̃амаано, сасо аваасзси сагз сарийрз;
‘‘Idañhi so brāhmaṇaṃ maññamāno, saso avāsesi sake sarīre;
д̇знзва со жанд̣̇имаа д̣̇звабуд̇д̇о, сасад̇т̇уд̇о гаамад̣̇ухаж̇ж̇а яагкаа’’д̇и.
Teneva so candimā devaputto, sasatthuto kāmaduhajja yakkhā’’ti.
д̇ассад̇т̇о – ид̣̇ан̃хи со сасабан̣д̣ид̇о ‘‘б̣раахман̣о зсо’’д̇и б̣раахман̣ам̣ ман̃н̃амаано ‘‘аж̇ж̇а имам̣ сарийрам̣ каад̣̇ид̇ваа ид̇хзва васаа’’д̇и звам̣ сагз сарийрз ад̇д̇ано сарийрам̣ д̣̇аад̇ум̣ аваасзси, васаабзсийд̇и ад̇т̇о. сарийран̃жасса бхагкад̇т̇ааяа ад̣̇ааси. сагго баб̣б̣ад̇арасам̣ бийл̣зд̇ваа аад̣̇ааяа жанд̣̇аман̣д̣алз сасалагкан̣ам̣ агааси. д̇ад̇о бадтааяа д̇знзва сасалагкан̣зна со жанд̣̇имаа д̣̇звабуд̇д̇о ‘‘сасий сасий’’д̇и звам̣ сасад̇т̇уд̇о логасса гаамад̣̇ухо бзмавад̣дхано аж̇ж̇а яагка вирожад̇и. габбадтияан̃хзд̇ам̣ баадихаарияанд̇и.
Tassattho – idañhi so sasapaṇḍito ‘‘brāhmaṇo eso’’ti brāhmaṇaṃ maññamāno ‘‘ajja imaṃ sarīraṃ khāditvā idheva vasā’’ti evaṃ sake sarīre attano sarīraṃ dātuṃ avāsesi, vasāpesīti attho. Sarīrañcassa bhakkhatthāya adāsi. Sakko pabbatarasaṃ pīḷetvā ādāya candamaṇḍale sasalakkhaṇaṃ akāsi. Tato paṭṭhāya teneva sasalakkhaṇena so candimā devaputto ‘‘sasī sasī’’ti evaṃ sasatthuto lokassa kāmaduho pemavaḍḍhano ajja yakkha virocati. Kappaṭṭhiyañhetaṃ pāṭihāriyanti.
д̇ам̣ суд̇ваа яагко гумаарам̣ виссаж̇ж̇знд̇о г̇аат̇амааха –
Taṃ sutvā yakkho kumāraṃ vissajjento gāthamāha –
94.
94.
‘‘жанд̣̇о яат̇аа раахумукаа бамуд̇д̇о, вирожад̇з баннарасзва бхаан̣умаа;
‘‘Cando yathā rāhumukhā pamutto, virocate pannaraseva bhāṇumā;
звам̣ д̇увам̣ борисаад̣̇аа бамуд̇д̇о, вирожа габбилз махаанубхаава;
Evaṃ tuvaṃ porisādā pamutto, viroca kappile mahānubhāva;
аамод̣̇аяам̣ бид̇арам̣ маад̇аран̃жа, саб̣б̣о жа д̇з нанд̣̇ад̇у н̃аад̇ибагко’’д̇и.
Āmodayaṃ pitaraṃ mātarañca, sabbo ca te nandatu ñātipakkho’’ti.
д̇ад̇т̇а бхаан̣умаад̇и суурияо. ид̣̇ам̣ вуд̇д̇ам̣ ход̇и – яат̇аа баннарасз раахумукаа муд̇д̇о жанд̣̇о ваа бхаан̣умаа ваа вирожад̇и, звам̣ д̇вамби мама санд̇игаа муд̇д̇о габиларадтз вирожа махаанубхааваад̇и. нанд̣̇ад̇ууд̇и д̇уссад̇у.
Tattha bhāṇumāti sūriyo. Idaṃ vuttaṃ hoti – yathā pannarase rāhumukhā mutto cando vā bhāṇumā vā virocati, evaṃ tvampi mama santikā mutto kapilaraṭṭhe viroca mahānubhāvāti. Nandatūti tussatu.
г̇ажча махаавийраад̇и махаасад̇д̇ам̣ уяяож̇зси. соби д̇ам̣ ниб̣б̣исзванам̣ гад̇ваа бан̃жа сийлаани д̣̇ад̇ваа ‘‘яагко ну ко зса, но’’д̇и бариг̇г̇ан̣ханд̇о ‘‘яагкаанам̣ агкийни рад̇д̇аани хонд̇и аниммисаани жа, чааяаа на бан̃н̃ааяад̇и, ажчамбхид̇аа хонд̇и. нааяам̣ яагко, мануссо зсо. маяхам̣ бид̇у гира д̇аяо бхаад̇аро яагкинияаа г̇ахид̇аа. д̇зсу зд̇ааяа д̣̇вз каад̣̇ид̇аа бхависсанд̇и, зго буд̇д̇асинзхзна бадиж̇аг̇г̇ид̇о бхависсад̇и, иминаа д̇зна бхавид̇аб̣б̣ам̣, имам̣ нзд̇ваа маяхам̣ бид̇у аажигкид̇ваа раж̇ж̇з бад̇идтаабзссаамий’’д̇и жинд̇зд̇ваа ‘‘зхи амбхо, на д̇вам̣ яагко, бид̇у мз ж̇здтабхаад̇игоси, зхи маяаа сад̣̇д̇хим̣ г̇анд̇ваа гуласанд̇агз раж̇ж̇з чад̇д̇ам̣ уссаабзхий’’д̇и вад̇ваа ид̇арзна ‘‘наахам̣ мануссо’’д̇и вуд̇д̇з ‘‘на д̇вам̣ маяхам̣ сад̣̇д̣̇ахаси, ад̇т̇и бана со, яасса сад̣̇д̣̇ахасий’’д̇и бужчид̇ваа ‘‘ад̇т̇и асугадтаанз д̣̇иб̣б̣ажагкугад̇аабасо’’д̇и вуд̇д̇з д̇ам̣ аад̣̇ааяа д̇ад̇т̇а аг̇амааси. д̇аабасо д̇з д̣̇исваава ‘‘гим̣ гаронд̇аа бид̇аабуд̇д̇аа аран̃н̃з жарат̇аа’’д̇и вад̇ваа д̇зсам̣ н̃аад̇ибхаавам̣ гат̇зси . борисаад̣̇о д̇асса сад̣̇д̣̇ахид̇ваа ‘‘д̇аад̇а, д̇вам̣ г̇ажча, ахам̣ згасмин̃н̃зва ад̇д̇абхаавз д̣̇вид̇хаа ж̇аад̇о, на мз раж̇ж̇знад̇т̇о, баб̣б̣аж̇иссаамаха’’нд̇и д̇аабасасса санд̇игз исибаб̣б̣аж̇ж̇ам̣ баб̣б̣аж̇и. ат̇а нам̣ гумааро ванд̣̇ид̇ваа наг̇арам̣ аг̇амааси. д̇амад̇т̇ам̣ багаасзнд̇о сад̇т̇аа –
Gaccha mahāvīrāti mahāsattaṃ uyyojesi. Sopi taṃ nibbisevanaṃ katvā pañca sīlāni datvā ‘‘yakkho nu kho esa, no’’ti pariggaṇhanto ‘‘yakkhānaṃ akkhīni rattāni honti animmisāni ca, chāyā na paññāyati, acchambhitā honti. Nāyaṃ yakkho, manusso eso. Mayhaṃ pitu kira tayo bhātaro yakkhiniyā gahitā. Tesu etāya dve khāditā bhavissanti, eko puttasinehena paṭijaggito bhavissati, iminā tena bhavitabbaṃ, imaṃ netvā mayhaṃ pitu ācikkhitvā rajje patiṭṭhāpessāmī’’ti cintetvā ‘‘ehi ambho, na tvaṃ yakkho, pitu me jeṭṭhabhātikosi, ehi mayā saddhiṃ gantvā kulasantake rajje chattaṃ ussāpehī’’ti vatvā itarena ‘‘nāhaṃ manusso’’ti vutte ‘‘na tvaṃ mayhaṃ saddahasi, atthi pana so, yassa saddahasī’’ti pucchitvā ‘‘atthi asukaṭṭhāne dibbacakkhukatāpaso’’ti vutte taṃ ādāya tattha agamāsi. Tāpaso te disvāva ‘‘kiṃ karontā pitāputtā araññe carathā’’ti vatvā tesaṃ ñātibhāvaṃ kathesi . Porisādo tassa saddahitvā ‘‘tāta, tvaṃ gaccha, ahaṃ ekasmiññeva attabhāve dvidhā jāto, na me rajjenattho, pabbajissāmaha’’nti tāpasassa santike isipabbajjaṃ pabbaji. Atha naṃ kumāro vanditvā nagaraṃ agamāsi. Tamatthaṃ pakāsento satthā –
95.
95.
‘‘д̇ад̇о хавз д̇хид̇имаа рааж̇абуд̇д̇о, гад̇ан̃ж̇алий барияааяа борисаад̣̇ам̣;
‘‘Tato have dhitimā rājaputto, katañjalī pariyāya porisādaṃ;
анун̃н̃аад̇о сод̇т̇и сукий арог̇о, бажжааг̇амаа габиламалийнасад̇д̇аа’’д̇и. –
Anuññāto sotthi sukhī arogo, paccāgamā kapilamalīnasattā’’ti. –
г̇аат̇ам̣ вад̇ваа д̇асса наг̇арам̣ г̇ад̇асса нзг̇амаад̣̇ийхи гад̇агирияам̣ д̣̇ассзнд̇о осаанаг̇аат̇амааха –
Gāthaṃ vatvā tassa nagaraṃ gatassa negamādīhi katakiriyaṃ dassento osānagāthamāha –
96.
96.
‘‘д̇ам̣ нзг̇амаа ж̇аанабад̣̇аа жа саб̣б̣з, хад̇т̇аарохаа рат̇игаа бад̇д̇игаа жа;
‘‘Taṃ negamā jānapadā ca sabbe, hatthārohā rathikā pattikā ca;
намассамаанаа бан̃ж̇алигаа убааг̇амум̣, намад̇т̇у д̇з д̣̇уггарагаарагосий’’д̇и.
Namassamānā pañjalikā upāgamuṃ, namatthu te dukkarakārakosī’’ti.
рааж̇аа ‘‘гумааро гира ааг̇ад̇о’’д̇и суд̇ваа бажжуг̇г̇аманам̣ агааси. гумааро махааж̇анабаривааро г̇анд̇ваа рааж̇аанам̣ ванд̣̇и. ат̇а нам̣ со бужчи – ‘‘д̇аад̇а, гат̇ам̣ д̇аад̣̇исаа борисаад̣̇аа муд̇д̇осий’’д̇и. ‘‘д̇аад̇а, нааяам̣ яагко, д̇умхаагам̣ ж̇здтабхаад̇иго, зса маяхам̣ бзд̇д̇зяяо’’д̇и саб̣б̣ам̣ бавад̇д̇им̣ аарожзд̇ваа ‘‘д̇умхзхи мама бзд̇д̇зяяам̣ д̣̇адтум̣ ваддад̇ий’’д̇и ааха. рааж̇аа д̇ан̇кан̣ан̃н̃зва бхзрим̣ жараабзд̇ваа маханд̇зна бариваарзна д̇аабасаанам̣ санд̇игам̣ аг̇амааси. махаад̇аабасо д̇асса яагкинияаа аанзд̇ваа акаад̣̇ид̇ваа босид̇агааран̣ан̃жа яагкаабхаавагааран̣ан̃жа д̇зсам̣ н̃аад̇ибхааван̃жа саб̣б̣ам̣ вид̇т̇аарад̇о гат̇зси. рааж̇аа ‘‘зхи, бхаад̇ига, раж̇ж̇ам̣ гаарзхий’’д̇и ааха. ‘‘алам̣ махаарааж̇аа’’д̇и. ‘‘д̇зна хи зт̇а уяяаанз васиссат̇а, ахам̣ во жад̇уухи бажжаязхи убадтахиссаамий’’д̇и? ‘‘на ааг̇ажчаами махаарааж̇аа’’д̇и. рааж̇аа д̇зсам̣ ассамабад̣̇ад̇о авид̣̇уурз згам̣ баб̣б̣ад̇анд̇арам̣ б̣анд̇хид̇ваа маханд̇ам̣ д̇ал̣аагам̣ гаарзд̇ваа гзд̣̇аарз самбаад̣̇зд̇ваа махад̣дхагуласахассам̣ аанзд̇ваа махааг̇аамам̣ ниваасзд̇ваа д̇аабасаанам̣ бхигкаажаарам̣ бадтабзси. со г̇аамо жуул̣агаммаасад̣̇амманиг̇амо наама ж̇аад̇о. суд̇асомамахаасад̇д̇зна борисаад̣̇асса д̣̇амид̇абад̣̇зсо бана махаагаммаасад̣̇амманиг̇амод̇и взд̣̇ид̇аб̣б̣о.
Rājā ‘‘kumāro kira āgato’’ti sutvā paccuggamanaṃ akāsi. Kumāro mahājanaparivāro gantvā rājānaṃ vandi. Atha naṃ so pucchi – ‘‘tāta, kathaṃ tādisā porisādā muttosī’’ti. ‘‘Tāta, nāyaṃ yakkho, tumhākaṃ jeṭṭhabhātiko, esa mayhaṃ petteyyo’’ti sabbaṃ pavattiṃ ārocetvā ‘‘tumhehi mama petteyyaṃ daṭṭhuṃ vaṭṭatī’’ti āha. Rājā taṅkhaṇaññeva bheriṃ carāpetvā mahantena parivārena tāpasānaṃ santikaṃ agamāsi. Mahātāpaso tassa yakkhiniyā ānetvā akhāditvā positakāraṇañca yakkhābhāvakāraṇañca tesaṃ ñātibhāvañca sabbaṃ vitthārato kathesi. Rājā ‘‘ehi, bhātika, rajjaṃ kārehī’’ti āha. ‘‘Alaṃ mahārājā’’ti. ‘‘Tena hi etha uyyāne vasissatha, ahaṃ vo catūhi paccayehi upaṭṭhahissāmī’’ti? ‘‘Na āgacchāmi mahārājā’’ti. Rājā tesaṃ assamapadato avidūre ekaṃ pabbatantaraṃ bandhitvā mahantaṃ taḷākaṃ kāretvā kedāre sampādetvā mahaḍḍhakulasahassaṃ ānetvā mahāgāmaṃ nivāsetvā tāpasānaṃ bhikkhācāraṃ paṭṭhapesi. So gāmo cūḷakammāsadammanigamo nāma jāto. Sutasomamahāsattena porisādassa damitapadeso pana mahākammāsadammanigamoti veditabbo.
сад̇т̇аа ид̣̇ам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз маад̇убосагад̇т̇зро сод̇аабад̇д̇ипалз бад̇идтахи. д̇ад̣̇аа маад̇аабид̇аро махаарааж̇агулаани ахзсум̣, д̇аабасо саарибуд̇д̇о, борисаад̣̇о ан̇г̇улимаало, ганидтаа уббалаван̣н̣аа, аг̇г̇амахзсий раахуламаад̇аа, алийнасад̇д̇угумааро бана ахамзва ахосинд̇и.
Satthā idaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne mātuposakatthero sotāpattiphale patiṭṭhahi. Tadā mātāpitaro mahārājakulāni ahesuṃ, tāpaso sāriputto, porisādo aṅgulimālo, kaniṭṭhā uppalavaṇṇā, aggamahesī rāhulamātā, alīnasattukumāro pana ahameva ahosinti.
ж̇аяад̣̇д̣̇исаж̇аад̇агаван̣н̣анаа д̇ад̇ияаа.
Jayaddisajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 513. ж̇аяад̣̇д̣̇исаж̇аад̇агам̣ • 513. Jayaddisajātakaṃ
