| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
2. ж̇знд̇аат̇зрийг̇аат̇ааван̣н̣анаа
2. Jentātherīgāthāvaṇṇanā
яз имз сад̇д̇а б̣ож̇жхан̇г̇аад̇иаад̣̇игаа ж̇знд̇ааяа т̇зрияаа г̇аат̇аа. д̇ассаа ад̇ийд̇ам̣ бажжуббаннан̃жа вад̇т̇у абхируубананд̣̇аавад̇т̇усад̣̇исам̣. аяам̣ бана взсаалияам̣ лижчавирааж̇агулз ниб̣б̣ад̇д̇ийд̇и аяамзва висзсо. сад̇т̇аараа д̣̇зсид̇ам̣ д̇хаммам̣ суд̇ваа д̣̇зсанаабарияосаанз арахад̇д̇ам̣ бад̇ваа ад̇д̇анаа ад̇хиг̇ад̇ам̣ висзсам̣ бажжавзгкид̇ваа бийд̇ивасзна –
Yeime satta bojjhaṅgātiādikā jentāya theriyā gāthā. Tassā atītaṃ paccuppannañca vatthu abhirūpanandāvatthusadisaṃ. Ayaṃ pana vesāliyaṃ licchavirājakule nibbattīti ayameva viseso. Satthārā desitaṃ dhammaṃ sutvā desanāpariyosāne arahattaṃ patvā attanā adhigataṃ visesaṃ paccavekkhitvā pītivasena –
21.
21.
‘‘яз имз сад̇д̇а б̣ож̇жхан̇г̇аа, маг̇г̇аа ниб̣б̣аанабад̇д̇ияаа;
‘‘Ye ime satta bojjhaṅgā, maggā nibbānapattiyā;
бхаавид̇аа д̇з маяаа саб̣б̣з, яат̇аа б̣уд̣̇д̇хзна д̣̇зсид̇аа.
Bhāvitā te mayā sabbe, yathā buddhena desitā.
22.
22.
‘‘д̣̇идто хи мз со бхаг̇аваа, анд̇имояам̣ самуссаяо;
‘‘Diṭṭho hi me so bhagavā, antimoyaṃ samussayo;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. –
Vikkhīṇo jātisaṃsāro, natthi dāni punabbhavo’’ti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а яз имз сад̇д̇а б̣ож̇жхан̇г̇аад̇и яз имз сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇аа б̣од̇хияаа яат̇аавуд̇д̇ааяа д̇хаммасаамаг̇г̇ияаа , б̣од̇хисса ваа б̣уж̇жханагасса д̇ам̣саман̇г̇ино буг̇г̇аласса ан̇г̇абхууд̇ад̇д̇аа ‘‘б̣ож̇жхан̇г̇аа’’д̇и лад̣̇д̇ханаамаа сад̇д̇а д̇хаммаа. маг̇г̇аа ниб̣б̣аанабад̇д̇ияаад̇и ниб̣б̣аанаад̇хиг̇амасса убааяабхууд̇аа. бхаавид̇аа д̇з маяаа саб̣б̣з, яат̇аа б̣уд̣̇д̇хзна д̣̇зсид̇аад̇и д̇з сад̇д̇ад̇им̣са б̣од̇хибагкияад̇хаммаа саб̣б̣зби маяаа яат̇аа б̣уд̣̇д̇хзна бхаг̇авад̇аа д̣̇зсид̇аа, д̇ат̇аа маяаа уббаад̣̇ид̇аа жа вад̣дхид̇аа жа.
Tattha ye ime satta bojjhaṅgāti ye ime satidhammavicayavīriyapītipassaddhisamādhiupekkhāsaṅkhātā bodhiyā yathāvuttāya dhammasāmaggiyā , bodhissa vā bujjhanakassa taṃsamaṅgino puggalassa aṅgabhūtattā ‘‘bojjhaṅgā’’ti laddhanāmā satta dhammā. Maggā nibbānapattiyāti nibbānādhigamassa upāyabhūtā. Bhāvitā te mayā sabbe, yathā buddhena desitāti te sattatiṃsa bodhipakkhiyadhammā sabbepi mayā yathā buddhena bhagavatā desitā, tathā mayā uppāditā ca vaḍḍhitā ca.
д̣̇идто хи мз со бхаг̇аваад̇и хи-сад̣̇д̣̇о хзд̇уад̇т̇о. яасмаа со бхаг̇аваа д̇хаммагааяо саммаасамб̣уд̣̇д̇хо ад̇д̇анаа ад̇хиг̇ад̇аарияад̇хаммад̣̇ассанзна д̣̇идто, д̇асмаа анд̇имояам̣ самуссаяод̇и яож̇анаа. арияад̇хаммад̣̇ассанзна хи б̣уд̣̇д̇хаа бхаг̇аванд̇о ан̃н̃з жа арияаа д̣̇идтаа наама хонд̇и, на руубагааяад̣̇ассанамад̇д̇зна. яат̇ааха – ‘‘яо ко, ваггали, д̇хаммам̣ бассад̇и, со мам̣ бассад̇ий’’д̇и (сам̣. ни. 3.87) жа ‘‘суд̇аваа жа ко, бхигкавз, арияасааваго арияаанам̣ д̣̇ассаавий’’д̇и (ма. ни. 1.20; сам̣. ни. 3.1) жа аад̣̇и. сзсам̣ вуд̇д̇анаяамзва.
Diṭṭho hi me so bhagavāti hi-saddo hetuattho. Yasmā so bhagavā dhammakāyo sammāsambuddho attanā adhigataariyadhammadassanena diṭṭho, tasmā antimoyaṃ samussayoti yojanā. Ariyadhammadassanena hi buddhā bhagavanto aññe ca ariyā diṭṭhā nāma honti, na rūpakāyadassanamattena. Yathāha – ‘‘yo kho, vakkali, dhammaṃ passati, so maṃ passatī’’ti (saṃ. ni. 3.87) ca ‘‘sutavā ca kho, bhikkhave, ariyasāvako ariyānaṃ dassāvī’’ti (ma. ni. 1.20; saṃ. ni. 3.1) ca ādi. Sesaṃ vuttanayameva.
ж̇знд̇аат̇зрийг̇аат̇ааван̣н̣анаа нидтид̇аа.
Jentātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 2. ж̇знд̇аат̇зрийг̇аат̇аа • 2. Jentātherīgāthā
