| Library / Tipiṭaka / ਤਿਪਿਟਕ • Tipiṭaka / ਥੇਰੀਗਾਥਾ-ਅਟ੍ਠਕਥਾ • Therīgāthā-aṭṭhakathā |
੨. ਜੇਨ੍ਤਾਥੇਰੀਗਾਥਾવਣ੍ਣਨਾ
2. Jentātherīgāthāvaṇṇanā
ਯੇ ਇਮੇ ਸਤ੍ਤ ਬੋਜ੍ਝਙ੍ਗਾਤਿਆਦਿਕਾ ਜੇਨ੍ਤਾਯ ਥੇਰਿਯਾ ਗਾਥਾ। ਤਸ੍ਸਾ ਅਤੀਤਂ ਪਚ੍ਚੁਪ੍ਪਨ੍ਨਞ੍ਚ વਤ੍ਥੁ ਅਭਿਰੂਪਨਨ੍ਦਾવਤ੍ਥੁਸਦਿਸਂ। ਅਯਂ ਪਨ વੇਸਾਲਿਯਂ ਲਿਚ੍ਛવਿਰਾਜਕੁਲੇ ਨਿਬ੍ਬਤ੍ਤੀਤਿ ਅਯਮੇવ વਿਸੇਸੋ। ਸਤ੍ਥਾਰਾ ਦੇਸਿਤਂ ਧਮ੍ਮਂ ਸੁਤ੍વਾ ਦੇਸਨਾਪਰਿਯੋਸਾਨੇ ਅਰਹਤ੍ਤਂ ਪਤ੍વਾ ਅਤ੍ਤਨਾ ਅਧਿਗਤਂ વਿਸੇਸਂ ਪਚ੍ਚવੇਕ੍ਖਿਤ੍વਾ ਪੀਤਿવਸੇਨ –
Yeime satta bojjhaṅgātiādikā jentāya theriyā gāthā. Tassā atītaṃ paccuppannañca vatthu abhirūpanandāvatthusadisaṃ. Ayaṃ pana vesāliyaṃ licchavirājakule nibbattīti ayameva viseso. Satthārā desitaṃ dhammaṃ sutvā desanāpariyosāne arahattaṃ patvā attanā adhigataṃ visesaṃ paccavekkhitvā pītivasena –
੨੧.
21.
‘‘ਯੇ ਇਮੇ ਸਤ੍ਤ ਬੋਜ੍ਝਙ੍ਗਾ, ਮਗ੍ਗਾ ਨਿਬ੍ਬਾਨਪਤ੍ਤਿਯਾ।
‘‘Ye ime satta bojjhaṅgā, maggā nibbānapattiyā;
ਭਾવਿਤਾ ਤੇ ਮਯਾ ਸਬ੍ਬੇ, ਯਥਾ ਬੁਦ੍ਧੇਨ ਦੇਸਿਤਾ॥
Bhāvitā te mayā sabbe, yathā buddhena desitā.
੨੨.
22.
‘‘ਦਿਟ੍ਠੋ ਹਿ ਮੇ ਸੋ ਭਗવਾ, ਅਨ੍ਤਿਮੋਯਂ ਸਮੁਸ੍ਸਯੋ।
‘‘Diṭṭho hi me so bhagavā, antimoyaṃ samussayo;
વਿਕ੍ਖੀਣੋ ਜਾਤਿਸਂਸਾਰੋ, ਨਤ੍ਥਿ ਦਾਨਿ ਪੁਨਬ੍ਭવੋ’’ਤਿ॥ –
Vikkhīṇo jātisaṃsāro, natthi dāni punabbhavo’’ti. –
ਇਮਾ ਦ੍વੇ ਗਾਥਾ ਅਭਾਸਿ।
Imā dve gāthā abhāsi.
ਤਤ੍ਥ ਯੇ ਇਮੇ ਸਤ੍ਤ ਬੋਜ੍ਝਙ੍ਗਾਤਿ ਯੇ ਇਮੇ ਸਤਿਧਮ੍ਮવਿਚਯવੀਰਿਯਪੀਤਿਪਸ੍ਸਦ੍ਧਿਸਮਾਧਿਉਪੇਕ੍ਖਾਸਙ੍ਖਾਤਾ ਬੋਧਿਯਾ ਯਥਾવੁਤ੍ਤਾਯ ਧਮ੍ਮਸਾਮਗ੍ਗਿਯਾ , ਬੋਧਿਸ੍ਸ વਾ ਬੁਜ੍ਝਨਕਸ੍ਸ ਤਂਸਮਙ੍ਗਿਨੋ ਪੁਗ੍ਗਲਸ੍ਸ ਅਙ੍ਗਭੂਤਤ੍ਤਾ ‘‘ਬੋਜ੍ਝਙ੍ਗਾ’’ਤਿ ਲਦ੍ਧਨਾਮਾ ਸਤ੍ਤ ਧਮ੍ਮਾ। ਮਗ੍ਗਾ ਨਿਬ੍ਬਾਨਪਤ੍ਤਿਯਾਤਿ ਨਿਬ੍ਬਾਨਾਧਿਗਮਸ੍ਸ ਉਪਾਯਭੂਤਾ। ਭਾવਿਤਾ ਤੇ ਮਯਾ ਸਬ੍ਬੇ, ਯਥਾ ਬੁਦ੍ਧੇਨ ਦੇਸਿਤਾਤਿ ਤੇ ਸਤ੍ਤਤਿਂਸ ਬੋਧਿਪਕ੍ਖਿਯਧਮ੍ਮਾ ਸਬ੍ਬੇਪਿ ਮਯਾ ਯਥਾ ਬੁਦ੍ਧੇਨ ਭਗવਤਾ ਦੇਸਿਤਾ, ਤਥਾ ਮਯਾ ਉਪ੍ਪਾਦਿਤਾ ਚ વਡ੍ਢਿਤਾ ਚ।
Tattha ye ime satta bojjhaṅgāti ye ime satidhammavicayavīriyapītipassaddhisamādhiupekkhāsaṅkhātā bodhiyā yathāvuttāya dhammasāmaggiyā , bodhissa vā bujjhanakassa taṃsamaṅgino puggalassa aṅgabhūtattā ‘‘bojjhaṅgā’’ti laddhanāmā satta dhammā. Maggā nibbānapattiyāti nibbānādhigamassa upāyabhūtā. Bhāvitā te mayā sabbe, yathā buddhena desitāti te sattatiṃsa bodhipakkhiyadhammā sabbepi mayā yathā buddhena bhagavatā desitā, tathā mayā uppāditā ca vaḍḍhitā ca.
ਦਿਟ੍ਠੋ ਹਿ ਮੇ ਸੋ ਭਗવਾਤਿ ਹਿ-ਸਦ੍ਦੋ ਹੇਤੁਅਤ੍ਥੋ। ਯਸ੍ਮਾ ਸੋ ਭਗવਾ ਧਮ੍ਮਕਾਯੋ ਸਮ੍ਮਾਸਮ੍ਬੁਦ੍ਧੋ ਅਤ੍ਤਨਾ ਅਧਿਗਤਅਰਿਯਧਮ੍ਮਦਸ੍ਸਨੇਨ ਦਿਟ੍ਠੋ, ਤਸ੍ਮਾ ਅਨ੍ਤਿਮੋਯਂ ਸਮੁਸ੍ਸਯੋਤਿ ਯੋਜਨਾ। ਅਰਿਯਧਮ੍ਮਦਸ੍ਸਨੇਨ ਹਿ ਬੁਦ੍ਧਾ ਭਗવਨ੍ਤੋ ਅਞ੍ਞੇ ਚ ਅਰਿਯਾ ਦਿਟ੍ਠਾ ਨਾਮ ਹੋਨ੍ਤਿ, ਨ ਰੂਪਕਾਯਦਸ੍ਸਨਮਤ੍ਤੇਨ। ਯਥਾਹ – ‘‘ਯੋ ਖੋ, વਕ੍ਕਲਿ, ਧਮ੍ਮਂ ਪਸ੍ਸਤਿ, ਸੋ ਮਂ ਪਸ੍ਸਤੀ’’ਤਿ (ਸਂ॰ ਨਿ॰ ੩.੮੭) ਚ ‘‘ਸੁਤવਾ ਚ ਖੋ, ਭਿਕ੍ਖવੇ, ਅਰਿਯਸਾવਕੋ ਅਰਿਯਾਨਂ ਦਸ੍ਸਾવੀ’’ਤਿ (ਮ॰ ਨਿ॰ ੧.੨੦; ਸਂ॰ ਨਿ॰ ੩.੧) ਚ ਆਦਿ। ਸੇਸਂ વੁਤ੍ਤਨਯਮੇવ।
Diṭṭho hi me so bhagavāti hi-saddo hetuattho. Yasmā so bhagavā dhammakāyo sammāsambuddho attanā adhigataariyadhammadassanena diṭṭho, tasmā antimoyaṃ samussayoti yojanā. Ariyadhammadassanena hi buddhā bhagavanto aññe ca ariyā diṭṭhā nāma honti, na rūpakāyadassanamattena. Yathāha – ‘‘yo kho, vakkali, dhammaṃ passati, so maṃ passatī’’ti (saṃ. ni. 3.87) ca ‘‘sutavā ca kho, bhikkhave, ariyasāvako ariyānaṃ dassāvī’’ti (ma. ni. 1.20; saṃ. ni. 3.1) ca ādi. Sesaṃ vuttanayameva.
ਜੇਨ੍ਤਾਥੇਰੀਗਾਥਾવਣ੍ਣਨਾ ਨਿਟ੍ਠਿਤਾ।
Jentātherīgāthāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਥੇਰੀਗਾਥਾਪਾਲ਼ਿ • Therīgāthāpāḷi / ੨. ਜੇਨ੍ਤਾਥੇਰੀਗਾਥਾ • 2. Jentātherīgāthā
