1. ж̇знд̇ад̇т̇зраг̇аат̇ааван̣н̣анаа

1. Jentattheragāthāvaṇṇanā

д̣̇уббаб̣б̣аж̇ж̇ам̣ вз д̣̇урад̇хиваасаа г̇зхаад̇и ааяасмад̇о ж̇знд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о сикисса бхаг̇авад̇о гаалз д̣̇звабуд̇д̇о худ̇ваа ниб̣б̣ад̇д̇и. со згад̣̇ивасам̣ сад̇т̇аарам̣ д̣̇исваа басаннажид̇д̇о гим̣гираад̇абубпзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз ж̇знд̇аг̇аамз згасса ман̣д̣алигарааж̇асса буд̇д̇о худ̇ваа ниб̣б̣ад̇д̇и, ж̇знд̇од̇исса наамам̣ ахоси. со вин̃н̃уд̇ам̣ бад̇д̇о д̣̇ахарагаалзязва хзд̇усамбад̇д̇ияаа жод̣̇ияамаано баб̣б̣аж̇ж̇ааниннамаанасо худ̇ваа буна жинд̇зси – ‘‘баб̣б̣аж̇ж̇аа наама д̣̇уггараа, гхарааби д̣̇урааваасаа, д̇хаммо жа г̇амбхийро, бхог̇аа жа д̣̇урад̇хиг̇амаа, гим̣ ну ко гад̇д̇аб̣б̣а’’нд̇и звам̣ бана жинд̇ааб̣ахуло худ̇ваа вижаранд̇о згад̣̇ивасам̣ сад̇т̇у санд̇игам̣ г̇анд̇ваа д̇хаммам̣ сун̣и. суд̇агаалад̇о бадтааяа баб̣б̣аж̇ж̇аабхирад̇о худ̇ваа сад̇т̇у санд̇игз баб̣б̣аж̇ид̇ваа гаммадтаанам̣ г̇ахзд̇ваа вибассанам̣ вад̣дхзд̇ваа сукааяа бадибад̣̇ааяа киббаабхин̃н̃ааяа арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 1.16.21-24) –

Duppabbajjaṃve duradhivāsā gehāti āyasmato jentattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto sikhissa bhagavato kāle devaputto hutvā nibbatti. So ekadivasaṃ satthāraṃ disvā pasannacitto kiṃkirātapupphehi pūjaṃ akāsi. So tena puññakammena devamanussesu saṃsaranto imasmiṃ buddhuppāde magadharaṭṭhe jentagāme ekassa maṇḍalikarājassa putto hutvā nibbatti, jentotissa nāmaṃ ahosi. So viññutaṃ patto daharakāleyeva hetusampattiyā codiyamāno pabbajjāninnamānaso hutvā puna cintesi – ‘‘pabbajjā nāma dukkarā, gharāpi durāvāsā, dhammo ca gambhīro, bhogā ca duradhigamā, kiṃ nu kho kattabba’’nti evaṃ pana cintābahulo hutvā vicaranto ekadivasaṃ satthu santikaṃ gantvā dhammaṃ suṇi. Sutakālato paṭṭhāya pabbajjābhirato hutvā satthu santike pabbajitvā kammaṭṭhānaṃ gahetvā vipassanaṃ vaḍḍhetvā sukhāya paṭipadāya khippābhiññāya arahattaṃ sacchākāsi. Tena vuttaṃ apadāne (apa. thera 1.16.21-24) –

‘‘д̣̇звабуд̇д̇о ахам̣ санд̇о, бууж̇аяим̣ сикинааяагам̣;

‘‘Devaputto ahaṃ santo, pūjayiṃ sikhināyakaṃ;

гаггаарубубпам̣ баг̇г̇аяха, б̣уд̣̇д̇хасса абхиробаяим̣.

Kakkārupupphaṃ paggayha, buddhassa abhiropayiṃ.

‘‘згад̇им̣сз ид̇о габбз, яам̣ бубпамабхиробаяим̣;

‘‘Ekatiṃse ito kappe, yaṃ pupphamabhiropayiṃ;

д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.

Duggatiṃ nābhijānāmi, buddhapūjāyidaṃ phalaṃ.

‘‘ид̇о жа навамз габбз, рааж̇аа сад̇д̇уд̇д̇амо ахум̣;

‘‘Ito ca navame kappe, rājā sattuttamo ahuṃ;

сад̇д̇арад̇анасамбанно, жаггавад̇д̇ий махаб̣б̣ало.

Sattaratanasampanno, cakkavattī mahabbalo.

‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.

‘‘Kilesā jhāpitā mayhaṃ…pe… kataṃ buddhassa sāsana’’nti.

арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгканд̇о, ‘‘асагким̣ вад̇аахам̣ аад̣̇ид̇о маяхам̣ уббаннавид̇аггам̣ чинд̣̇ид̇у’’нд̇и соманассаж̇аад̇о вид̇аггасса уббаннаагаарам̣ д̇асса жа саммад̣̇зва чиннад̇ам̣ д̣̇ассзнд̇о –

Arahattaṃ pana patvā attano paṭipattiṃ paccavekkhanto, ‘‘asakkhiṃ vatāhaṃ ādito mayhaṃ uppannavitakkaṃ chinditu’’nti somanassajāto vitakkassa uppannākāraṃ tassa ca sammadeva chinnataṃ dassento –

111.

‘‘д̣̇уббаб̣б̣аж̇ж̇ам̣ вз д̣̇урад̇хиваасаа г̇зхаа, д̇хаммо г̇амбхийро д̣̇урад̇хиг̇амаа бхог̇аа;

‘‘Duppabbajjaṃ ve duradhivāsā gehā, dhammo gambhīro duradhigamā bhogā;

гижчаа вуд̇д̇и но ид̇арийд̇арзнзва, яуд̇д̇ам̣ жинд̇зд̇ум̣ сад̇ад̇аманижжад̇а’’нд̇и. –

Kicchā vutti no itarītareneva, yuttaṃ cintetuṃ satatamaniccata’’nti. –

г̇аат̇ам̣ абхааси.

Gāthaṃ abhāsi.

д̇ад̇т̇а д̣̇уббаб̣б̣аж̇ж̇анд̇и аббам̣ ваа маханд̇ам̣ ваа бхог̇агканд̇хан̃жзва н̃аад̇ибариваддан̃жа бахааяа имасмим̣ саасанз урам̣ д̣̇ад̇ваа баб̣б̣аж̇анасса д̣̇уггарад̇д̇аа д̣̇угкам̣ баб̣б̣аж̇анам̣, д̣̇уггараа баб̣б̣аж̇ж̇аад̇и д̣̇уббаб̣б̣аж̇ж̇ам̣. взд̇и нибаад̇амад̇д̇ам̣, д̣̇ал̣хад̇т̇о ваа ‘‘баб̣б̣аж̇ж̇аа д̣̇угкаа’’д̇и . г̇зхан̃жз аавасзяяам̣, д̣̇урад̇хиваасаа г̇зхаа, яасмаа г̇зхам̣ ад̇хивасанд̇зна ран̃н̃аа рааж̇агижжам̣, иссарзна иссарагижжам̣, г̇ахабад̇инаа г̇ахабад̇игижжам̣ гад̇д̇аб̣б̣ам̣ ход̇и, бариж̇ано жзва саман̣аб̣раахман̣аа жа сан̇г̇ахзд̇аб̣б̣аа, д̇асмим̣ д̇асмин̃жа гад̇д̇аб̣б̣з гарияамаанзби гхарааваасо чид̣̇д̣̇агхадо вияа махаасамуд̣̇д̣̇о вияа жа д̣̇уббууро, д̇асмаа г̇зхаа наамзд̇з ад̇хивасид̇ум̣ аавасид̇ум̣ д̣̇угкаа д̣̇уггараад̇и гад̇ваа д̣̇урад̇хиваасаа д̣̇урааваасаад̇и. баб̣б̣аж̇ж̇ан̃жз ануд̇идтзяяам̣ д̇хаммо г̇амбхийро, яад̣̇ад̇т̇аа баб̣б̣аж̇ж̇аа, со баб̣б̣аж̇ид̇зна ад̇хиг̇анд̇аб̣б̣о бадивзд̇хасад̣̇д̇хаммо г̇амбхийро, г̇амбхийран̃аан̣аг̇ожарад̇д̇аа д̣̇уд̣̇д̣̇асо, д̣̇уббадивиж̇жхо д̇хаммасса г̇амбхийрабхаавзна д̣̇уббадивиж̇жхад̇д̇аа. г̇зхан̃жз аавасзяяам̣, д̣̇урад̇хиг̇амаа бхог̇аа язхи винаа на саггаа г̇зхам̣ аавасид̇ум̣, д̇з бхог̇аа д̣̇угкзна гасирзна ад̇хиг̇анд̇аб̣б̣ад̇ааяа д̣̇урад̇хиг̇амаа. звам̣ санд̇з гхарааваасам̣ бахааяа баб̣б̣аж̇ж̇ам̣язва ануд̇идтзяяам̣, звамби гижчаа вуд̇д̇и но ид̇арийд̇арзна ид̇ха имасмим̣ б̣уд̣̇д̇хасаасанз ид̇арийд̇арзна яат̇аалад̣̇д̇хзна бажжаязна амхаагам̣ вуд̇д̇и ж̇ийвигаа гижчаа д̣̇угкаа, гхарааваасаанам̣ д̣̇урад̇хиваасад̇ааяа бхог̇аанан̃жа д̣̇урад̇хиг̇амад̇ааяа г̇зхз ид̇арийд̇арзна бажжаязна яаабзд̇аб̣б̣ад̇ааяа гижчаа гасираа вуд̇д̇и амхаагам̣, д̇ад̇т̇а гим̣ гаад̇ум̣ ваддад̇ийд̇и? яуд̇д̇ам̣ жинд̇зд̇ум̣ сад̇ад̇аманижжад̇ам̣ сагалам̣ д̣̇ивасам̣ буб̣б̣арад̇д̇аабарарад̇д̇ан̃жа д̇збхуумагад̇хаммаж̇аад̇ам̣ анижжад̇анд̇и, д̇ад̇о уббаад̣̇аваяаванд̇ад̇о аад̣̇ианд̇аванд̇ад̇о д̇аавагаалигад̇о жа на нижжанд̇и ‘‘анижжа’’нд̇и жинд̇зд̇ум̣ вибассид̇ум̣ яуд̇д̇ам̣. анижжаанубассанааяа сид̣̇д̇хааяа ид̇араанубассанаа сукзнзва сиж̇жханд̇ийд̇и анижжаанубассанаава зд̇т̇а вуд̇д̇аа, анижжасса д̣̇угкаанад̇д̇ад̇аанам̣ аб̣яабхижаран̣ад̇о саасанигасса сукаг̇г̇ахан̣ад̇о жа. д̇знааха – ‘‘яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аа’’д̇и (сам̣. ни. 3.15), ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хаммам̣’’ (махаава. 16; д̣̇ий. ни. 2.371; сам̣. ни. 5.1081), ‘‘ваяад̇хаммаа сан̇каараа’’д̇и (д̣̇ий. ни. 2.218) жа д̇ад̣̇аминаа звам̣ ан̃н̃аман̃н̃ам̣ бадибагкавасзна абараабарам̣ уббаннз вид̇аггз ниг̇г̇ахзд̇ваа анижжад̇аамукзна вибассанам̣ аарабхид̇ваа ид̣̇аани гад̇агижжо ж̇аад̇од̇и д̣̇ассзд̇и. д̇зна вуд̇д̇ам̣ ‘‘ад̇д̇ано бадибад̇д̇и’’нд̇иаад̣̇и. ид̣̇амзва т̇зрасса ан̃н̃ааб̣яаагаран̣ам̣ ахоси.

Tattha duppabbajjanti appaṃ vā mahantaṃ vā bhogakkhandhañceva ñātiparivaṭṭañca pahāya imasmiṃ sāsane uraṃ datvā pabbajanassa dukkarattā dukkhaṃ pabbajanaṃ, dukkarā pabbajjāti duppabbajjaṃ. Veti nipātamattaṃ, daḷhattho vā ‘‘pabbajjā dukkhā’’ti . Gehañce āvaseyyaṃ, duradhivāsā gehā, yasmā gehaṃ adhivasantena raññā rājakiccaṃ, issarena issarakiccaṃ, gahapatinā gahapatikiccaṃ kattabbaṃ hoti, parijano ceva samaṇabrāhmaṇā ca saṅgahetabbā, tasmiṃ tasmiñca kattabbe kariyamānepi gharāvāso chiddaghaṭo viya mahāsamuddo viya ca duppūro, tasmā gehā nāmete adhivasituṃ āvasituṃ dukkhā dukkarāti katvā duradhivāsā durāvāsāti. Pabbajjañce anutiṭṭheyyaṃ dhammo gambhīro, yadatthā pabbajjā, so pabbajitena adhigantabbo paṭivedhasaddhammo gambhīro, gambhīrañāṇagocarattā duddaso, duppaṭivijjho dhammassa gambhīrabhāvena duppaṭivijjhattā. Gehañce āvaseyyaṃ, duradhigamā bhogā yehi vinā na sakkā gehaṃ āvasituṃ, te bhogā dukkhena kasirena adhigantabbatāya duradhigamā. Evaṃ sante gharāvāsaṃ pahāya pabbajjaṃyeva anutiṭṭheyyaṃ, evampi kicchā vutti no itarītarena idha imasmiṃ buddhasāsane itarītarena yathāladdhena paccayena amhākaṃ vutti jīvikā kicchā dukkhā, gharāvāsānaṃ duradhivāsatāya bhogānañca duradhigamatāya gehe itarītarena paccayena yāpetabbatāya kicchā kasirā vutti amhākaṃ, tattha kiṃ kātuṃ vaṭṭatīti? Yuttaṃ cintetuṃ satatamaniccataṃ sakalaṃ divasaṃ pubbarattāpararattañca tebhūmakadhammajātaṃ aniccatanti, tato uppādavayavantato ādiantavantato tāvakālikato ca na niccanti ‘‘anicca’’nti cintetuṃ vipassituṃ yuttaṃ. Aniccānupassanāya siddhāya itarānupassanā sukheneva sijjhantīti aniccānupassanāva ettha vuttā, aniccassa dukkhānattatānaṃ abyabhicaraṇato sāsanikassa sukhaggahaṇato ca. Tenāha – ‘‘yadaniccaṃ taṃ dukkhaṃ, yaṃ dukkhaṃ tadanattā’’ti (saṃ. ni. 3.15), ‘‘yaṃ kiñci samudayadhammaṃ, sabbaṃ taṃ nirodhadhammaṃ’’ (mahāva. 16; dī. ni. 2.371; saṃ. ni. 5.1081), ‘‘vayadhammā saṅkhārā’’ti (dī. ni. 2.218) ca tadaminā evaṃ aññamaññaṃ paṭipakkhavasena aparāparaṃ uppanne vitakke niggahetvā aniccatāmukhena vipassanaṃ ārabhitvā idāni katakicco jātoti dasseti. Tena vuttaṃ ‘‘attano paṭipatti’’ntiādi. Idameva therassa aññābyākaraṇaṃ ahosi.

ж̇знд̇ад̇т̇зраг̇аат̇ааван̣н̣анаа нидтид̇аа.

Jentattheragāthāvaṇṇanā niṭṭhitā.

Next: 2. важчаг̇од̇д̇ад̇т̇зраг̇аат̇ааван̣н̣анаа • 2. Vacchagottattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. ж̇знд̇ад̇т̇зраг̇аат̇аа • 1. Jentattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact