| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. ж̇зд̇аванасуд̇д̇аван̣н̣анаа
8. Jetavanasuttavaṇṇanā
48. адтамз ид̣̇ам̣ хи д̇ам̣ ж̇зд̇авананд̇и анаат̇абин̣д̣иго д̣̇звабуд̇д̇о ж̇зд̇аванасса жзва б̣уд̣̇д̇хаад̣̇ийнан̃жа ван̣н̣абхан̣анад̇т̇ам̣ ааг̇ад̇о звамааха. исисан̇гханисзвид̇анд̇и бхигкусан̇гханисзвид̇ам̣.
48. Aṭṭhame idaṃ hi taṃ jetavananti anāthapiṇḍiko devaputto jetavanassa ceva buddhādīnañca vaṇṇabhaṇanatthaṃ āgato evamāha. Isisaṅghanisevitanti bhikkhusaṅghanisevitaṃ.
звам̣ батамаг̇аат̇ааяа ж̇зд̇аванасса ван̣н̣ам̣ гат̇зд̇ваа ид̣̇аани арияамаг̇г̇асса гат̇знд̇о гаммам̣ виж̇ж̇аад̇иаад̣̇имааха. д̇ад̇т̇а гамманд̇и маг̇г̇ажзд̇анаа. виж̇ж̇аад̇и маг̇г̇абан̃н̃аа. д̇хаммод̇и самаад̇хибагкигаа д̇хаммаа. сийлам̣ ж̇ийвид̇амуд̇д̇аманд̇и сийлз бад̇идтид̇асса ж̇ийвид̇ам̣ уд̇д̇аманд̇и д̣̇ассзд̇и. ат̇а ваа виж̇ж̇аад̇и д̣̇идтисан̇габбаа. д̇хаммод̇и вааяаамасад̇исамаад̇хаяо. сийланд̇и ваажаагамманд̇ааж̇ийваа. ж̇ийвид̇амуд̇д̇аманд̇и зд̇асмим̣ сийлз тид̇асса ж̇ийвид̇ам̣ наама уд̇д̇амам̣. зд̇зна мажжаа суж̇жханд̇ийд̇и зд̇зна адтан̇г̇игамаг̇г̇зна сад̇д̇аа висуж̇жханд̇и.
Evaṃ paṭhamagāthāya jetavanassa vaṇṇaṃ kathetvā idāni ariyamaggassa kathento kammaṃ vijjātiādimāha. Tattha kammanti maggacetanā. Vijjāti maggapaññā. Dhammoti samādhipakkhikā dhammā. Sīlaṃ jīvitamuttamanti sīle patiṭṭhitassa jīvitaṃ uttamanti dasseti. Atha vā vijjāti diṭṭhisaṅkappā. Dhammoti vāyāmasatisamādhayo. Sīlanti vācākammantājīvā. Jīvitamuttamanti etasmiṃ sīle ṭhitassa jīvitaṃ nāma uttamaṃ. Etena maccā sujjhantīti etena aṭṭhaṅgikamaggena sattā visujjhanti.
д̇асмаад̇и яасмаа маг̇г̇зна суж̇жханд̇и, на г̇од̇д̇ад̇ханзхи, д̇асмаа. яонисо вижинз д̇хамманд̇и убааязна самаад̇хибагкияад̇хаммам̣ вижинзяяа. звам̣ д̇ад̇т̇а висуж̇жхад̇ийд̇и звам̣ д̇асмим̣ арияамаг̇г̇з висуж̇жхад̇и. ат̇а ваа яонисо вижинз д̇хамманд̇и убааязна бан̃жагканд̇хад̇хаммам̣ вижинзяяа. звам̣ д̇ад̇т̇а висуж̇жхад̇ийд̇и звам̣ д̇зсу жад̇уусу сажжзсу висуж̇жхад̇и.
Tasmāti yasmā maggena sujjhanti, na gottadhanehi, tasmā. Yoniso vicine dhammanti upāyena samādhipakkhiyadhammaṃ vicineyya. Evaṃ tattha visujjhatīti evaṃ tasmiṃ ariyamagge visujjhati. Atha vā yoniso vicine dhammanti upāyena pañcakkhandhadhammaṃ vicineyya. Evaṃ tattha visujjhatīti evaṃ tesu catūsu saccesu visujjhati.
ид̣̇аани саарибуд̇д̇ад̇т̇зрасса ван̣н̣ам̣ гат̇знд̇о саарибуд̇д̇оваад̇иаад̣̇имааха. д̇ад̇т̇а саарибуд̇д̇оваад̇и авад̇хааран̣аважанам̣, зд̇зхи бан̃н̃аад̣̇ийхи саарибуд̇д̇ова сзяяод̇и вад̣̇ад̇и. убасамзнаад̇и гилзсаубасамзна . баарам̣ г̇ад̇од̇и ниб̣б̣аанам̣ г̇ад̇о. яо гожи ниб̣б̣аанам̣ бад̇д̇о бхигку, со зд̇аавабарамо сияаа, на т̇зрзна уд̇д̇арид̇аро наама ад̇т̇ийд̇и вад̣̇ад̇и. сзсам̣ уд̇д̇аанамзваад̇и. адтамам̣.
Idāni sāriputtattherassa vaṇṇaṃ kathento sāriputtovātiādimāha. Tattha sāriputtovāti avadhāraṇavacanaṃ, etehi paññādīhi sāriputtova seyyoti vadati. Upasamenāti kilesaupasamena . Pāraṃ gatoti nibbānaṃ gato. Yo koci nibbānaṃ patto bhikkhu, so etāvaparamo siyā, na therena uttaritaro nāma atthīti vadati. Sesaṃ uttānamevāti. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. ж̇зд̇аванасуд̇д̇ам̣ • 8. Jetavanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. ж̇зд̇аванасуд̇д̇аван̣н̣анаа • 8. Jetavanasuttavaṇṇanā
