| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. ж̇зд̇аванасуд̇д̇аван̣н̣анаа
8. Jetavanasuttavaṇṇanā
48. зсид̇аг̇ун̣ад̇д̇аа зсияамаанаг̇ун̣ад̇д̇аа жа исий, асзгкаа сзгкагаляаан̣абут̇уж̇ж̇анаа жа. исийнам̣ сан̇гхо исисан̇гхо. исисан̇гхзна нисзвид̇ам̣. д̇знааха ‘‘бхигкусан̇гханисзвид̇а’’нд̇и.
48. Esitaguṇattā esiyamānaguṇattā ca isī, asekkhā sekkhakalyāṇaputhujjanā ca. Isīnaṃ saṅgho isisaṅgho. Isisaṅghena nisevitaṃ. Tenāha ‘‘bhikkhusaṅghanisevita’’nti.
д̇ам̣ гаарзнд̇асса г̇анд̇хагудибаасаад̣̇агуудааг̇аараад̣̇ивасзна синид̣̇д̇хасанд̣̇ажчааяаругкалад̇аавасзна бхуумибхааг̇асамбад̇д̇ияаа жа анан̃н̃асаад̇хааран̣ам̣ ад̇ираман̣ийяам̣ д̇ам̣ ж̇зд̇аванам̣ жид̇д̇ам̣ д̇осзд̇и, д̇ат̇аа арияаанам̣ ниваасабхаавзнабийд̇и ааха ‘‘звам̣ батамаг̇аат̇ааяа ж̇зд̇аванасса ван̣н̣ам̣ гат̇зд̇ваа’’д̇и. д̇знааха бхаг̇аваа – ‘‘яад̇т̇а араханд̇о вихаранд̇и, д̇ам̣ бхуумирааман̣зяяага’’нд̇и (д̇ха. ба. 98; т̇зраг̇аа. 991). абажаяаг̇аамижзд̇анаа сад̇д̇аанам̣ висуд̣̇д̇хим̣ аавахад̇и гаммагкаяааяа сам̣вад̇д̇анад̇од̇и ааха ‘‘гамманд̇и маг̇г̇ажзд̇анаа’’д̇и. жад̇уннам̣ арияасажжаанам̣ вид̣̇ид̇агаран̣адтзна гилзсаанам̣ виж̇жханадтзна жа виж̇ж̇аа . маг̇г̇абан̃н̃аа саммаад̣̇идтийд̇и ааха ‘‘виж̇ж̇аад̇и маг̇г̇абан̃н̃аа’’д̇и. самаад̇хибагкигаа д̇хаммаа саммаавааяаамасад̇исамаад̇хаяо. яат̇аа хи виж̇ж̇ааби виж̇ж̇аабхааг̇ияаа, звам̣ самаад̇хиби самаад̇хибагкиго. сийлам̣ зд̇асса ад̇т̇ийд̇и сийланд̇и ааха ‘‘сийлз бад̇идтид̇асса ж̇ийвид̇ам̣ уд̇д̇ама’’нд̇и. д̣̇идтисан̇габбаад̇и саммаад̣̇идтисан̇габбаа. д̇ад̇т̇а саммаасан̇габбасса саммаад̣̇идтияаа убагаарабхаавзна виж̇ж̇аабхааво вуд̇д̇о. д̇ат̇аа хи со бан̃н̃аагканд̇хасан̇г̇ахид̇од̇и вужжад̇и. яат̇аа жа саммаасан̇габбаад̣̇аяо бан̃н̃аагканд̇хасан̇г̇ахид̇аа, звам̣ вааяаамасад̇ияо самаад̇хигканд̇хасан̇г̇ахид̇аад̇и ааха ‘‘вааяаамасад̇исамаад̇хаяо’’д̇и. д̇хаммод̇и хи ид̇ха самаад̇хи ад̇хиббзд̇о ‘‘звам̣д̇хаммаа д̇з бхаг̇аванд̇о ахзсу’’нд̇иаад̣̇ийсу (д̣̇ий. ни. 2.13; ма. ни. 3.197; сам̣. ни. 5.378) вияа. ваажаагамманд̇ааж̇ийваад̇и саммааваажаагамманд̇ааж̇ийваа. маг̇г̇абарияаабаннаа зва хзд̇з сан̇г̇ахид̇аа. д̇знааха ‘‘зд̇зна адтан̇г̇игамаг̇г̇знаа’’д̇и.
Taṃ kārentassa gandhakuṭipāsādakūṭāgārādivasena siniddhasandacchāyarukkhalatāvasena bhūmibhāgasampattiyā ca anaññasādhāraṇaṃ atiramaṇīyaṃ taṃ jetavanaṃ cittaṃ toseti, tathā ariyānaṃ nivāsabhāvenapīti āha ‘‘evaṃ paṭhamagāthāya jetavanassa vaṇṇaṃ kathetvā’’ti. Tenāha bhagavā – ‘‘yattha arahanto viharanti, taṃ bhūmirāmaṇeyyaka’’nti (dha. pa. 98; theragā. 991). Apacayagāmicetanā sattānaṃ visuddhiṃ āvahati kammakkhayāya saṃvattanatoti āha ‘‘kammanti maggacetanā’’ti. Catunnaṃ ariyasaccānaṃ viditakaraṇaṭṭhena kilesānaṃ vijjhanaṭṭhena ca vijjā. Maggapaññā sammādiṭṭhīti āha ‘‘vijjāti maggapaññā’’ti. Samādhipakkhikā dhammā sammāvāyāmasatisamādhayo. Yathā hi vijjāpi vijjābhāgiyā, evaṃ samādhipi samādhipakkhiko. Sīlaṃ etassa atthīti sīlanti āha ‘‘sīle patiṭṭhitassa jīvitaṃ uttama’’nti. Diṭṭhisaṅkappāti sammādiṭṭhisaṅkappā. Tattha sammāsaṅkappassa sammādiṭṭhiyā upakārabhāvena vijjābhāvo vutto. Tathā hi so paññākkhandhasaṅgahitoti vuccati. Yathā ca sammāsaṅkappādayo paññākkhandhasaṅgahitā, evaṃ vāyāmasatiyo samādhikkhandhasaṅgahitāti āha ‘‘vāyāmasatisamādhayo’’ti. Dhammoti hi idha samādhi adhippeto ‘‘evaṃdhammā te bhagavanto ahesu’’ntiādīsu (dī. ni. 2.13; ma. ni. 3.197; saṃ. ni. 5.378) viya. Vācākammantājīvāti sammāvācākammantājīvā. Maggapariyāpannā eva hete saṅgahitā. Tenāha ‘‘etena aṭṭhaṅgikamaggenā’’ti.
убааязна вид̇хинаа арияамаг̇г̇о бхаавзд̇аб̣б̣о. д̇знааха ‘‘самаад̇хибагкияад̇хамма’’нд̇и. саммаасамаад̇хибагкияам̣ вибассанаад̇хамман̃жзва маг̇г̇ад̇хамман̃жа. ‘‘арияам̣ во, бхигкавз, саммаасамаад̇хим̣ д̣̇зсзссаами саубанисам̣ сабаригкаара’’нд̇и (ма. ни. 3.136) хи важанад̇о саммаад̣̇идтиаад̣̇аяо маг̇г̇ад̇хаммаа саммаасамаад̇хибаригкаараа. вижинзяяаад̇и виймам̣сзяяа, бхаавзяяаад̇и ад̇т̇о. д̇ад̇т̇аад̇и хзд̇умхи бхуммаважанам̣. арияамаг̇г̇ахзд̇угаа хи сад̇д̇аанам̣ висуд̣̇д̇хи. д̇знааха ‘‘д̇асмим̣ арияамаг̇г̇з висуж̇жхад̇ий’’д̇и. бан̃жагканд̇хад̇хаммам̣ вижинзяяаад̇и бажжуббаннз бан̃жагканд̇хз вибассзяяа. д̇зсу вибассияамаанзсу вибассанааяа уггам̣саг̇ад̇ааяа яад̣̇аг̇г̇зна д̣̇угкасажжам̣ барин̃н̃аабадивзд̇хзна бадивиж̇жхийяад̇и, д̇ад̣̇аг̇г̇зна самуд̣̇аяасажжам̣ бахаанабадивзд̇хзна бадивиж̇жхийяад̇и, нирод̇хасажжам̣ сажчигирияаабадивзд̇хзна, маг̇г̇асажжам̣ бхааванаабадивзд̇хзна бадивиж̇жхийяад̇ийд̇и звам̣ д̇зсу жад̇уусу сажжзсу висуж̇жхад̇ийд̇и имасмим̣ багкз нимид̇д̇ад̇т̇з зва бхуммам̣, д̇зсу сажжзсу бадивиж̇жхияамаанзсууд̇и ад̇т̇о.
Upāyena vidhinā ariyamaggo bhāvetabbo. Tenāha ‘‘samādhipakkhiyadhamma’’nti. Sammāsamādhipakkhiyaṃ vipassanādhammañceva maggadhammañca. ‘‘Ariyaṃ vo, bhikkhave, sammāsamādhiṃ desessāmi saupanisaṃ saparikkhāra’’nti (ma. ni. 3.136) hi vacanato sammādiṭṭhiādayo maggadhammā sammāsamādhiparikkhārā. Vicineyyāti vīmaṃseyya, bhāveyyāti attho. Tatthāti hetumhi bhummavacanaṃ. Ariyamaggahetukā hi sattānaṃ visuddhi. Tenāha ‘‘tasmiṃ ariyamagge visujjhatī’’ti. Pañcakkhandhadhammaṃ vicineyyāti paccuppanne pañcakkhandhe vipasseyya. Tesu vipassiyamānesu vipassanāya ukkaṃsagatāya yadaggena dukkhasaccaṃ pariññāpaṭivedhena paṭivijjhīyati, tadaggena samudayasaccaṃ pahānapaṭivedhena paṭivijjhīyati, nirodhasaccaṃ sacchikiriyāpaṭivedhena, maggasaccaṃ bhāvanāpaṭivedhena paṭivijjhīyatīti evaṃ tesu catūsu saccesu visujjhatīti imasmiṃ pakkhe nimittatthe eva bhummaṃ, tesu saccesu paṭivijjhiyamānesūti attho.
авад̇хааран̣аважананд̇и вавад̇т̇аабанаважанам̣, авад̇хааран̣анд̇и ад̇т̇о. ‘‘саарибуд̇д̇оваа’’д̇и жа авад̇хааран̣ам̣ саавагзсу саарибуд̇д̇ова сзяяод̇и имамад̇т̇ам̣ д̣̇ийбзд̇и д̇ассзвуггам̣сабхаавад̇о. гилзсаубасамзнаад̇и иминаа махаат̇зрасса д̇аад̣̇исо гилзсавуубасамод̇и д̣̇ассзд̇и. д̇асса саавагависаяз бан̃н̃ааяа баарамиббад̇д̇и ахоси. яад̣̇и звам̣ ‘‘яоби бааран̇г̇ад̇о бхигку, зд̇аавабарамо сияаа’’д̇и ид̣̇ам̣ д̇зсам̣ б̣уд̣̇д̇хаанам̣ н̃аан̣ависаяз бан̃н̃аабаарамиббад̇д̇аанам̣ васзнзва вуд̇д̇анд̇и д̣̇адтаб̣б̣ам̣. авад̇хааран̣амби вимуд̇д̇ияаа наанад̇д̇аа д̇ийхи вимуд̇д̇ийхи бааран̇г̇ад̇з санд̇хааязд̇ам̣ вуд̇д̇ам̣. д̇знааха – ‘‘баарам̣ г̇ад̇од̇и ниб̣б̣аанам̣ г̇ад̇о’’д̇иаад̣̇и. на т̇зрзна уд̇д̇арид̇аро наама ад̇т̇и лаб̣бхад̇и, лаб̣бхад̇и жз, звамзва лаб̣бхзяяаад̇и ад̇хиббааяо.
Avadhāraṇavacananti vavatthāpanavacanaṃ, avadhāraṇanti attho. ‘‘Sāriputtovā’’ti ca avadhāraṇaṃ sāvakesu sāriputtova seyyoti imamatthaṃ dīpeti tassevukkaṃsabhāvato. Kilesaupasamenāti iminā mahātherassa tādiso kilesavūpasamoti dasseti. Tassa sāvakavisaye paññāya pāramippatti ahosi. Yadi evaṃ ‘‘yopi pāraṅgato bhikkhu, etāvaparamo siyā’’ti idaṃ tesaṃ buddhānaṃ ñāṇavisaye paññāpāramippattānaṃ vaseneva vuttanti daṭṭhabbaṃ. Avadhāraṇampi vimuttiyā nānattā tīhi vimuttīhi pāraṅgate sandhāyetaṃ vuttaṃ. Tenāha – ‘‘pāraṃ gatoti nibbānaṃgato’’tiādi. Na therena uttaritaro nāma atthi labbhati, labbhati ce, evameva labbheyyāti adhippāyo.
ж̇зд̇аванасуд̇д̇аван̣н̣анаа нидтид̇аа.
Jetavanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. ж̇зд̇аванасуд̇д̇ам̣ • 8. Jetavanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. ж̇зд̇аванасуд̇д̇аван̣н̣анаа • 8. Jetavanasuttavaṇṇanā
