| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਜੇਤવਨਸੁਤ੍ਤવਣ੍ਣਨਾ
8. Jetavanasuttavaṇṇanā
੪੮. ਅਟ੍ਠਮੇ ਇਦਂ ਹਿ ਤਂ ਜੇਤવਨਨ੍ਤਿ ਅਨਾਥਪਿਣ੍ਡਿਕੋ ਦੇવਪੁਤ੍ਤੋ ਜੇਤવਨਸ੍ਸ ਚੇવ ਬੁਦ੍ਧਾਦੀਨਞ੍ਚ વਣ੍ਣਭਣਨਤ੍ਥਂ ਆਗਤੋ ਏવਮਾਹ। ਇਸਿਸਙ੍ਘਨਿਸੇવਿਤਨ੍ਤਿ ਭਿਕ੍ਖੁਸਙ੍ਘਨਿਸੇવਿਤਂ।
48. Aṭṭhame idaṃ hi taṃ jetavananti anāthapiṇḍiko devaputto jetavanassa ceva buddhādīnañca vaṇṇabhaṇanatthaṃ āgato evamāha. Isisaṅghanisevitanti bhikkhusaṅghanisevitaṃ.
ਏવਂ ਪਠਮਗਾਥਾਯ ਜੇਤવਨਸ੍ਸ વਣ੍ਣਂ ਕਥੇਤ੍વਾ ਇਦਾਨਿ ਅਰਿਯਮਗ੍ਗਸ੍ਸ ਕਥੇਨ੍ਤੋ ਕਮ੍ਮਂ વਿਜ੍ਜਾਤਿਆਦਿਮਾਹ। ਤਤ੍ਥ ਕਮ੍ਮਨ੍ਤਿ ਮਗ੍ਗਚੇਤਨਾ। વਿਜ੍ਜਾਤਿ ਮਗ੍ਗਪਞ੍ਞਾ। ਧਮ੍ਮੋਤਿ ਸਮਾਧਿਪਕ੍ਖਿਕਾ ਧਮ੍ਮਾ। ਸੀਲਂ ਜੀવਿਤਮੁਤ੍ਤਮਨ੍ਤਿ ਸੀਲੇ ਪਤਿਟ੍ਠਿਤਸ੍ਸ ਜੀવਿਤਂ ਉਤ੍ਤਮਨ੍ਤਿ ਦਸ੍ਸੇਤਿ। ਅਥ વਾ વਿਜ੍ਜਾਤਿ ਦਿਟ੍ਠਿਸਙ੍ਕਪ੍ਪਾ। ਧਮ੍ਮੋਤਿ વਾਯਾਮਸਤਿਸਮਾਧਯੋ। ਸੀਲਨ੍ਤਿ વਾਚਾਕਮ੍ਮਨ੍ਤਾਜੀવਾ। ਜੀવਿਤਮੁਤ੍ਤਮਨ੍ਤਿ ਏਤਸ੍ਮਿਂ ਸੀਲੇ ਠਿਤਸ੍ਸ ਜੀવਿਤਂ ਨਾਮ ਉਤ੍ਤਮਂ। ਏਤੇਨ ਮਚ੍ਚਾ ਸੁਜ੍ਝਨ੍ਤੀਤਿ ਏਤੇਨ ਅਟ੍ਠਙ੍ਗਿਕਮਗ੍ਗੇਨ ਸਤ੍ਤਾ વਿਸੁਜ੍ਝਨ੍ਤਿ।
Evaṃ paṭhamagāthāya jetavanassa vaṇṇaṃ kathetvā idāni ariyamaggassa kathento kammaṃ vijjātiādimāha. Tattha kammanti maggacetanā. Vijjāti maggapaññā. Dhammoti samādhipakkhikā dhammā. Sīlaṃ jīvitamuttamanti sīle patiṭṭhitassa jīvitaṃ uttamanti dasseti. Atha vā vijjāti diṭṭhisaṅkappā. Dhammoti vāyāmasatisamādhayo. Sīlanti vācākammantājīvā. Jīvitamuttamanti etasmiṃ sīle ṭhitassa jīvitaṃ nāma uttamaṃ. Etena maccā sujjhantīti etena aṭṭhaṅgikamaggena sattā visujjhanti.
ਤਸ੍ਮਾਤਿ ਯਸ੍ਮਾ ਮਗ੍ਗੇਨ ਸੁਜ੍ਝਨ੍ਤਿ, ਨ ਗੋਤ੍ਤਧਨੇਹਿ, ਤਸ੍ਮਾ। ਯੋਨਿਸੋ વਿਚਿਨੇ ਧਮ੍ਮਨ੍ਤਿ ਉਪਾਯੇਨ ਸਮਾਧਿਪਕ੍ਖਿਯਧਮ੍ਮਂ વਿਚਿਨੇਯ੍ਯ। ਏવਂ ਤਤ੍ਥ વਿਸੁਜ੍ਝਤੀਤਿ ਏવਂ ਤਸ੍ਮਿਂ ਅਰਿਯਮਗ੍ਗੇ વਿਸੁਜ੍ਝਤਿ। ਅਥ વਾ ਯੋਨਿਸੋ વਿਚਿਨੇ ਧਮ੍ਮਨ੍ਤਿ ਉਪਾਯੇਨ ਪਞ੍ਚਕ੍ਖਨ੍ਧਧਮ੍ਮਂ વਿਚਿਨੇਯ੍ਯ। ਏવਂ ਤਤ੍ਥ વਿਸੁਜ੍ਝਤੀਤਿ ਏવਂ ਤੇਸੁ ਚਤੂਸੁ ਸਚ੍ਚੇਸੁ વਿਸੁਜ੍ਝਤਿ।
Tasmāti yasmā maggena sujjhanti, na gottadhanehi, tasmā. Yoniso vicine dhammanti upāyena samādhipakkhiyadhammaṃ vicineyya. Evaṃ tattha visujjhatīti evaṃ tasmiṃ ariyamagge visujjhati. Atha vā yoniso vicine dhammanti upāyena pañcakkhandhadhammaṃ vicineyya. Evaṃ tattha visujjhatīti evaṃ tesu catūsu saccesu visujjhati.
ਇਦਾਨਿ ਸਾਰਿਪੁਤ੍ਤਤ੍ਥੇਰਸ੍ਸ વਣ੍ਣਂ ਕਥੇਨ੍ਤੋ ਸਾਰਿਪੁਤ੍ਤੋવਾਤਿਆਦਿਮਾਹ। ਤਤ੍ਥ ਸਾਰਿਪੁਤ੍ਤੋવਾਤਿ ਅવਧਾਰਣવਚਨਂ, ਏਤੇਹਿ ਪਞ੍ਞਾਦੀਹਿ ਸਾਰਿਪੁਤ੍ਤੋવ ਸੇਯ੍ਯੋਤਿ વਦਤਿ। ਉਪਸਮੇਨਾਤਿ ਕਿਲੇਸਉਪਸਮੇਨ । ਪਾਰਂ ਗਤੋਤਿ ਨਿਬ੍ਬਾਨਂ ਗਤੋ। ਯੋ ਕੋਚਿ ਨਿਬ੍ਬਾਨਂ ਪਤ੍ਤੋ ਭਿਕ੍ਖੁ, ਸੋ ਏਤਾવਪਰਮੋ ਸਿਯਾ, ਨ ਥੇਰੇਨ ਉਤ੍ਤਰਿਤਰੋ ਨਾਮ ਅਤ੍ਥੀਤਿ વਦਤਿ। ਸੇਸਂ ਉਤ੍ਤਾਨਮੇવਾਤਿ। ਅਟ੍ਠਮਂ।
Idāni sāriputtattherassa vaṇṇaṃ kathento sāriputtovātiādimāha. Tattha sāriputtovāti avadhāraṇavacanaṃ, etehi paññādīhi sāriputtova seyyoti vadati. Upasamenāti kilesaupasamena . Pāraṃ gatoti nibbānaṃ gato. Yo koci nibbānaṃ patto bhikkhu, so etāvaparamo siyā, na therena uttaritaro nāma atthīti vadati. Sesaṃ uttānamevāti. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਜੇਤવਨਸੁਤ੍ਤਂ • 8. Jetavanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਜੇਤવਨਸੁਤ੍ਤવਣ੍ਣਨਾ • 8. Jetavanasuttavaṇṇanā
