| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. ஜா²னாபி⁴ஞ்ஞஸுத்தவண்ணனா
9. Jhānābhiññasuttavaṇṇanā
152. நவமே யாவதே³வ ஆகங்கா²மீதி யாவதே³வ இச்சா²மி. யானி பன இதோ பரங் விவிச்சேவ காமேஹீதிஆதி³னா நயேன சத்தாரி ரூபாவசரஜ்ஜா²னானி, ஸப்³ப³ஸோ ரூபஸஞ்ஞானங் ஸமதிக்கமாதிஆதி³னா நயேன சதஸ்ஸோ அரூபஸமாபத்தியோ, ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ந்தி ஏவங் நிரோத⁴ஸமாபத்தி, அனேகவிஹிதங் இத்³தி⁴வித⁴ந்திஆதி³னா நயேன பஞ்ச லோகிகாபி⁴ஞ்ஞா ச வுத்தா. தத்த² யங் வத்தப்³ப³ங் ஸியா, தங் ஸப்³ப³ங் அனுபத³வண்ணனாய சேவ பா⁴வனாவிதா⁴னேன ச ஸத்³தி⁴ங் விஸுத்³தி⁴மக்³கே³ (விஸுத்³தி⁴॰ 1.69) வித்தா²ரிதமேவ. ச²ளபி⁴ஞ்ஞாய பன ஆஸவானங் க²யாதி ஆஸவானங் க²யேன. அனாஸவந்தி ஆஸவானங் அபச்சயபூ⁴தங். சேதோவிமுத்திந்தி அரஹத்தப²லஸமாதி⁴ங். பஞ்ஞாவிமுத்திந்தி அரஹத்தப²லபஞ்ஞங். நவமங்.
152. Navame yāvadeva ākaṅkhāmīti yāvadeva icchāmi. Yāni pana ito paraṃ vivicceva kāmehītiādinā nayena cattāri rūpāvacarajjhānāni, sabbaso rūpasaññānaṃ samatikkamātiādinā nayena catasso arūpasamāpattiyo, sabbaso nevasaññānāsaññāyatanaṃ samatikkamma saññāvedayitanirodhanti evaṃ nirodhasamāpatti, anekavihitaṃiddhividhantiādinā nayena pañca lokikābhiññā ca vuttā. Tattha yaṃ vattabbaṃ siyā, taṃ sabbaṃ anupadavaṇṇanāya ceva bhāvanāvidhānena ca saddhiṃ visuddhimagge (visuddhi. 1.69) vitthāritameva. Chaḷabhiññāya pana āsavānaṃ khayāti āsavānaṃ khayena. Anāsavanti āsavānaṃ apaccayabhūtaṃ. Cetovimuttinti arahattaphalasamādhiṃ. Paññāvimuttinti arahattaphalapaññaṃ. Navamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. ஜா²னாபி⁴ஞ்ஞஸுத்தங் • 9. Jhānābhiññasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ஜா²னாபி⁴ஞ்ஞஸுத்தவண்ணனா • 9. Jhānābhiññasuttavaṇṇanā
