| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౯. ఝానాభిఞ్ఞసుత్తవణ్ణనా
9. Jhānābhiññasuttavaṇṇanā
౧౫౨. నవమే యావదేవ ఆకఙ్ఖామీతి యావదేవ ఇచ్ఛామి. యాని పన ఇతో పరం వివిచ్చేవ కామేహీతిఆదినా నయేన చత్తారి రూపావచరజ్ఝానాని, సబ్బసో రూపసఞ్ఞానం సమతిక్కమాతిఆదినా నయేన చతస్సో అరూపసమాపత్తియో, సబ్బసో నేవసఞ్ఞానాసఞ్ఞాయతనం సమతిక్కమ్మ సఞ్ఞావేదయితనిరోధన్తి ఏవం నిరోధసమాపత్తి, అనేకవిహితం ఇద్ధివిధన్తిఆదినా నయేన పఞ్చ లోకికాభిఞ్ఞా చ వుత్తా. తత్థ యం వత్తబ్బం సియా, తం సబ్బం అనుపదవణ్ణనాయ చేవ భావనావిధానేన చ సద్ధిం విసుద్ధిమగ్గే (విసుద్ధి॰ ౧.౬౯) విత్థారితమేవ. ఛళభిఞ్ఞాయ పన ఆసవానం ఖయాతి ఆసవానం ఖయేన. అనాసవన్తి ఆసవానం అపచ్చయభూతం. చేతోవిముత్తిన్తి అరహత్తఫలసమాధిం. పఞ్ఞావిముత్తిన్తి అరహత్తఫలపఞ్ఞం. నవమం.
152. Navame yāvadeva ākaṅkhāmīti yāvadeva icchāmi. Yāni pana ito paraṃ vivicceva kāmehītiādinā nayena cattāri rūpāvacarajjhānāni, sabbaso rūpasaññānaṃ samatikkamātiādinā nayena catasso arūpasamāpattiyo, sabbaso nevasaññānāsaññāyatanaṃ samatikkamma saññāvedayitanirodhanti evaṃ nirodhasamāpatti, anekavihitaṃiddhividhantiādinā nayena pañca lokikābhiññā ca vuttā. Tattha yaṃ vattabbaṃ siyā, taṃ sabbaṃ anupadavaṇṇanāya ceva bhāvanāvidhānena ca saddhiṃ visuddhimagge (visuddhi. 1.69) vitthāritameva. Chaḷabhiññāya pana āsavānaṃ khayāti āsavānaṃ khayena. Anāsavanti āsavānaṃ apaccayabhūtaṃ. Cetovimuttinti arahattaphalasamādhiṃ. Paññāvimuttinti arahattaphalapaññaṃ. Navamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౯. ఝానాభిఞ్ఞసుత్తం • 9. Jhānābhiññasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౯. ఝానాభిఞ్ఞసుత్తవణ్ణనా • 9. Jhānābhiññasuttavaṇṇanā
