| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ஜா²னந்தரிககதா²வண்ணனா
7. Jhānantarikakathāvaṇṇanā
817-818. இதா³னி ஜா²னந்தரிககதா² நாம ஹோதி. தத்த² யேஸங் ஸமயே ‘‘பஞ்சகனயே பஞ்ச ஜா²னானி விப⁴த்தானி, கேவலங் தயோ ஸமாதீ⁴ உத்³தி³ட்டா²’’தி அவிதக்கவிசாரமத்தஸ்ஸ ஸமாதி⁴னோ ஓகாஸங் அஜானந்தானங் ‘‘பட²மஸ்ஸ ச து³தியஸ்ஸ ச ஜா²னஸ்ஸ அந்தரே ஜா²னந்தரிகா நாம ஏஸா’’தி லத்³தி⁴, ஸெய்யதா²பி ஸம்மிதியானஞ்சேவ ஏகச்சானஞ்ச அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘ஜா²னம்பி சேதஸிகா த⁴ம்மா, ப²ஸ்ஸாத³யோபி, தஸ்மா யதி³ ஜா²னந்தரிகா நாம ப⁴வெய்ய, ப²ஸ்ஸந்தரிகாதீ³ஹிபி ப⁴விதப்³ப³’’ந்தி சோத³னத்த²ங் அத்தி² ப²ஸ்ஸந்தரிகாதிஆதி³மாஹ .
817-818. Idāni jhānantarikakathā nāma hoti. Tattha yesaṃ samaye ‘‘pañcakanaye pañca jhānāni vibhattāni, kevalaṃ tayo samādhī uddiṭṭhā’’ti avitakkavicāramattassa samādhino okāsaṃ ajānantānaṃ ‘‘paṭhamassa ca dutiyassa ca jhānassa antare jhānantarikā nāma esā’’ti laddhi, seyyathāpi sammitiyānañceva ekaccānañca andhakānaṃ; te sandhāya pucchā sakavādissa, paṭiññā itarassa. Atha naṃ ‘‘jhānampi cetasikā dhammā, phassādayopi, tasmā yadi jhānantarikā nāma bhaveyya, phassantarikādīhipi bhavitabba’’nti codanatthaṃ atthi phassantarikātiādimāha .
து³தியஸ்ஸ ச ஜா²னஸ்ஸாதி ‘‘யதி³ ஜா²னந்தரிகா நாம ப⁴வெய்ய, து³தியததியாதீ³னிபி ஜா²னானேவ, தேஸம்பி அந்தரிகாய ப⁴விதப்³ப³’’ந்தி சோத³னத்த²ங் வுத்தங். ஸோ கேவலங் லத்³தி⁴யா அபா⁴வேன படிக்கி²பதி சேவ படிஜானாதி ச. பட²மஸ்ஸ சாதி புட்டோ² லத்³தி⁴வஸேன படிஜானாதி.
Dutiyassa ca jhānassāti ‘‘yadi jhānantarikā nāma bhaveyya, dutiyatatiyādīnipi jhānāneva, tesampi antarikāya bhavitabba’’nti codanatthaṃ vuttaṃ. So kevalaṃ laddhiyā abhāvena paṭikkhipati ceva paṭijānāti ca. Paṭhamassa cāti puṭṭho laddhivasena paṭijānāti.
819. ஸவிதக்கோ ஸவிசாரோதிஆதி³ ‘‘திண்ணம்பி ஸமாதீ⁴னங் ஸமாதி⁴பா⁴வே ஸமானே அவிதக்கோ விசாரமத்தோவ ஸமாதி⁴ ஜா²னந்தரிகோ, ந இதரோதி கோ எத்த² விஸேஸஹேதூ’’தி சோத³னத்த²ங் வுத்தங்.
819. Savitakko savicārotiādi ‘‘tiṇṇampi samādhīnaṃ samādhibhāve samāne avitakko vicāramattova samādhi jhānantariko, na itaroti ko ettha visesahetū’’ti codanatthaṃ vuttaṃ.
820-822. த்³வின்னங் ஜா²னானங் படுப்பன்னானந்தி பட²மது³தியானி ஸந்தா⁴ய புச்ச²தி. இதரோ ‘‘தேஸங் பச்சுப்பன்னானங்யேவ அந்தரே அவிதக்கோ விசாரமத்தோ ஸமாதி⁴ ஜா²னந்தரிகோ நாம ஹோதீ’’தி லத்³தி⁴யா படிஜானாதி. பட²மங் ஜா²னங் நிருத்³த⁴ந்தி புட்டோ² திண்ணங் ஏகக்க²ணே பவத்தி ந யுத்தாதி படிஜானாதி . அவிதக்கோ விசாரமத்தோ ஸமாதி⁴ பட²மங் ஜா²னந்தி சதுக்கனயவஸேன புச்ச²தி. ஸகவாதீ³ தஸ்மிங் நயே தஸ்ஸ அபா⁴வா படிக்கி²பதி. நனு தயோ ஸமாதீ⁴தி எத்தா²யமதி⁴ப்பாயோ – யதா² தேஸு தீஸு ஸமாதீ⁴ஸு த்³வே ஸமாதீ⁴ ஜா²னானேவ, ந ஜா²னந்தரிகா, ஏவங் இதரேனபி ஜா²னேனேவ ப⁴விதப்³ப³ங், ந ஜா²னந்தரிகாயாதி.
820-822. Dvinnaṃ jhānānaṃ paṭuppannānanti paṭhamadutiyāni sandhāya pucchati. Itaro ‘‘tesaṃ paccuppannānaṃyeva antare avitakko vicāramatto samādhi jhānantariko nāma hotī’’ti laddhiyā paṭijānāti. Paṭhamaṃ jhānaṃ niruddhanti puṭṭho tiṇṇaṃ ekakkhaṇe pavatti na yuttāti paṭijānāti . Avitakko vicāramatto samādhi paṭhamaṃ jhānanti catukkanayavasena pucchati. Sakavādī tasmiṃ naye tassa abhāvā paṭikkhipati. Nanu tayo samādhīti etthāyamadhippāyo – yathā tesu tīsu samādhīsu dve samādhī jhānāneva, na jhānantarikā, evaṃ itarenapi jhāneneva bhavitabbaṃ, na jhānantarikāyāti.
ஜா²னந்தரிககதா²வண்ணனா.
Jhānantarikakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (183) 7. ஜா²னந்தரிககதா² • (183) 7. Jhānantarikakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. ஜா²னந்தரிககதா²வண்ணனா • 7. Jhānantarikakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. ஜா²னந்தரிககதா²வண்ணனா • 7. Jhānantarikakathāvaṇṇanā
