| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. жхаананд̇аригагат̇ааван̣н̣анаа
7. Jhānantarikakathāvaṇṇanā
817-818. ид̣̇аани жхаананд̇аригагат̇аа наама ход̇и. д̇ад̇т̇а язсам̣ самаяз ‘‘бан̃жаганаяз бан̃жа жхаанаани вибхад̇д̇аани, гзвалам̣ д̇аяо самаад̇хий уд̣̇д̣̇идтаа’’д̇и авид̇аггавижаарамад̇д̇асса самаад̇хино огаасам̣ аж̇аананд̇аанам̣ ‘‘батамасса жа д̣̇уд̇ияасса жа жхаанасса анд̇арз жхаананд̇аригаа наама зсаа’’д̇и лад̣̇д̇хи, сзяяат̇ааби саммид̇ияаанан̃жзва згажжаанан̃жа анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘жхаанамби жзд̇асигаа д̇хаммаа, пассаад̣̇аяоби, д̇асмаа яад̣̇и жхаананд̇аригаа наама бхавзяяа, пассанд̇аригаад̣̇ийхиби бхавид̇аб̣б̣а’’нд̇и жод̣̇анад̇т̇ам̣ ад̇т̇и пассанд̇аригаад̇иаад̣̇имааха .
817-818. Idāni jhānantarikakathā nāma hoti. Tattha yesaṃ samaye ‘‘pañcakanaye pañca jhānāni vibhattāni, kevalaṃ tayo samādhī uddiṭṭhā’’ti avitakkavicāramattassa samādhino okāsaṃ ajānantānaṃ ‘‘paṭhamassa ca dutiyassa ca jhānassa antare jhānantarikā nāma esā’’ti laddhi, seyyathāpi sammitiyānañceva ekaccānañca andhakānaṃ; te sandhāya pucchā sakavādissa, paṭiññā itarassa. Atha naṃ ‘‘jhānampi cetasikā dhammā, phassādayopi, tasmā yadi jhānantarikā nāma bhaveyya, phassantarikādīhipi bhavitabba’’nti codanatthaṃ atthi phassantarikātiādimāha .
д̣̇уд̇ияасса жа жхаанассаад̇и ‘‘яад̣̇и жхаананд̇аригаа наама бхавзяяа, д̣̇уд̇ияад̇ад̇ияаад̣̇ийниби жхаанаанзва, д̇зсамби анд̇аригааяа бхавид̇аб̣б̣а’’нд̇и жод̣̇анад̇т̇ам̣ вуд̇д̇ам̣. со гзвалам̣ лад̣̇д̇хияаа абхаавзна бадигкибад̇и жзва бадиж̇аанаад̇и жа. батамасса жаад̇и будто лад̣̇д̇хивасзна бадиж̇аанаад̇и.
Dutiyassa ca jhānassāti ‘‘yadi jhānantarikā nāma bhaveyya, dutiyatatiyādīnipi jhānāneva, tesampi antarikāya bhavitabba’’nti codanatthaṃ vuttaṃ. So kevalaṃ laddhiyā abhāvena paṭikkhipati ceva paṭijānāti ca. Paṭhamassa cāti puṭṭho laddhivasena paṭijānāti.
819. савид̇агго савижаарод̇иаад̣̇и ‘‘д̇ин̣н̣амби самаад̇хийнам̣ самаад̇хибхаавз самаанз авид̇агго вижаарамад̇д̇ова самаад̇хи жхаананд̇ариго, на ид̇арод̇и го зд̇т̇а висзсахзд̇уу’’д̇и жод̣̇анад̇т̇ам̣ вуд̇д̇ам̣.
819. Savitakko savicārotiādi ‘‘tiṇṇampi samādhīnaṃ samādhibhāve samāne avitakko vicāramattova samādhi jhānantariko, na itaroti ko ettha visesahetū’’ti codanatthaṃ vuttaṃ.
820-822. д̣̇виннам̣ жхаанаанам̣ бадуббаннаананд̇и батамад̣̇уд̇ияаани санд̇хааяа бужчад̇и. ид̇аро ‘‘д̇зсам̣ бажжуббаннаанам̣язва анд̇арз авид̇агго вижаарамад̇д̇о самаад̇хи жхаананд̇ариго наама ход̇ий’’д̇и лад̣̇д̇хияаа бадиж̇аанаад̇и. батамам̣ жхаанам̣ нируд̣̇д̇ханд̇и будто д̇ин̣н̣ам̣ згагкан̣з бавад̇д̇и на яуд̇д̇аад̇и бадиж̇аанаад̇и . авид̇агго вижаарамад̇д̇о самаад̇хи батамам̣ жхаананд̇и жад̇угганаяавасзна бужчад̇и. сагаваад̣̇ий д̇асмим̣ наяз д̇асса абхааваа бадигкибад̇и. нану д̇аяо самаад̇хийд̇и зд̇т̇ааяамад̇хиббааяо – яат̇аа д̇зсу д̇ийсу самаад̇хийсу д̣̇вз самаад̇хий жхаанаанзва, на жхаананд̇аригаа, звам̣ ид̇арзнаби жхаанзнзва бхавид̇аб̣б̣ам̣, на жхаананд̇аригааяаад̇и.
820-822. Dvinnaṃ jhānānaṃ paṭuppannānanti paṭhamadutiyāni sandhāya pucchati. Itaro ‘‘tesaṃ paccuppannānaṃyeva antare avitakko vicāramatto samādhi jhānantariko nāma hotī’’ti laddhiyā paṭijānāti. Paṭhamaṃ jhānaṃ niruddhanti puṭṭho tiṇṇaṃ ekakkhaṇe pavatti na yuttāti paṭijānāti . Avitakko vicāramatto samādhi paṭhamaṃ jhānanti catukkanayavasena pucchati. Sakavādī tasmiṃ naye tassa abhāvā paṭikkhipati. Nanu tayo samādhīti etthāyamadhippāyo – yathā tesu tīsu samādhīsu dve samādhī jhānāneva, na jhānantarikā, evaṃ itarenapi jhāneneva bhavitabbaṃ, na jhānantarikāyāti.
жхаананд̇аригагат̇ааван̣н̣анаа.
Jhānantarikakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (183) 7. жхаананд̇аригагат̇аа • (183) 7. Jhānantarikakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. жхаананд̇аригагат̇ааван̣н̣анаа • 7. Jhānantarikakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. жхаананд̇аригагат̇ааван̣н̣анаа • 7. Jhānantarikakathāvaṇṇanā
