| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
17. жхаанабажжаяанид̣̇д̣̇зсаван̣н̣анаа
17. Jhānapaccayaniddesavaṇṇanā
17. жхаанабажжаяанид̣̇д̣̇зсз жхаанан̇г̇аанийд̇и д̣̇вибан̃жавин̃н̃аан̣аваж̇ж̇зсу сзсажид̇д̇зсу уббаннаани вид̇аггавижаарабийд̇исоманассад̣̇оманассубзгкаажид̇д̇згаг̇г̇ад̇аасан̇каад̇аани сад̇д̇а ан̇г̇аани. бан̃жаннам̣ бана вин̃н̃аан̣агааяаанам̣ абхинибаад̇амад̇д̇ад̇д̇аа д̇зсу виж̇ж̇амаанааниби убзгкаасукад̣̇угкаани убаниж̇жхаанаагаарасса абхаавад̇о жхаанан̇г̇аанийд̇и на уд̣̇д̇хадаани. д̇ад̇т̇а бажчиннад̇д̇аа бана сзсаахзд̇угзсуби жхаанан̇г̇ам̣ на уд̣̇д̇хадамзва. д̇ам̣самудтаанаананд̇и ид̇хааби гадад̇д̇ааруубам̣ сан̇г̇ахид̇анд̇и взд̣̇ид̇аб̣б̣ам̣. вуд̇д̇ан̃хзд̇ам̣ бан̃хааваарз – ‘‘бадисанд̇хигкан̣з вибаагааб̣яаагад̇аани жхаанан̇г̇аани самбаяуд̇д̇агаанам̣ канд̇хаанам̣ гадад̇д̇аа жа руубаанам̣ жхаанабажжаязна бажжаяо’’д̇и. аяам̣ д̇аавзд̇т̇а баал̣иван̣н̣анаа. аяам̣ бана жхаанабажжаяо сад̇д̇аннам̣ жхаанан̇г̇аанам̣ васзна тид̇оби ж̇аад̇ибхзд̣̇ад̇о гусалаагусалавибаагагирияавасзна жад̇уд̇хаа бхиж̇ж̇ад̇и, буна бхуумивасзна жад̇уд̇хаа; згад̇хаа, жад̇уд̇хаа, д̇ид̇хаад̇и д̣̇ваад̣̇асад̇хаа бхиж̇ж̇ад̇ийд̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
17. Jhānapaccayaniddese jhānaṅgānīti dvipañcaviññāṇavajjesu sesacittesu uppannāni vitakkavicārapītisomanassadomanassupekkhācittekaggatāsaṅkhātāni satta aṅgāni. Pañcannaṃ pana viññāṇakāyānaṃ abhinipātamattattā tesu vijjamānānipi upekkhāsukhadukkhāni upanijjhānākārassa abhāvato jhānaṅgānīti na uddhaṭāni. Tattha pacchinnattā pana sesāhetukesupi jhānaṅgaṃ na uddhaṭameva. Taṃsamuṭṭhānānanti idhāpi kaṭattārūpaṃ saṅgahitanti veditabbaṃ. Vuttañhetaṃ pañhāvāre – ‘‘paṭisandhikkhaṇe vipākābyākatāni jhānaṅgāni sampayuttakānaṃ khandhānaṃ kaṭattā ca rūpānaṃ jhānapaccayena paccayo’’ti. Ayaṃ tāvettha pāḷivaṇṇanā. Ayaṃ pana jhānapaccayo sattannaṃ jhānaṅgānaṃ vasena ṭhitopi jātibhedato kusalākusalavipākakiriyavasena catudhā bhijjati, puna bhūmivasena catudhā; ekadhā, catudhā, tidhāti dvādasadhā bhijjatīti evamettha nānappakārabhedato viññātabbo vinicchayo.
звам̣ бхиннз банзд̇т̇а жад̇убхуумагамби гусалажхаанан̇г̇ам̣ бан̃жавогаарз самбаяуд̇д̇ад̇хаммаанан̃жзва жид̇д̇асамудтаанаруубасса жа, табзд̇ваа руубааважарам̣ авасзсам̣ ааруббз самбаяуд̇д̇ад̇хаммаанан̃н̃зва жхаанабажжаязна бажжаяо. агусалзби зсзва наяо. гаамааважараруубааважаравибаагам̣ бавад̇д̇з самбаяуд̇д̇ад̇хаммаанан̃жзва жид̇д̇асамудтаанаруубасса жа, бадисанд̇хияам̣ самбаяуд̇д̇ад̇хаммаанан̃жзва гадад̇д̇ааруубасса жа, ааруббавибаагам̣ самбаяуд̇д̇ад̇хаммаанан̃н̃зва, яан̃жа ааруббз логуд̇д̇аравибаагам̣ уббаж̇ж̇ад̇и, д̇ан̃жа. бан̃жавогаарз бана д̇ам̣ жид̇д̇асамудтаанаруубассаби жхаанабажжаязна бажжаяо ход̇и. д̇збхуумагамби гирияажхаанан̇г̇ам̣ бан̃жавогаарз самбаяуд̇д̇ад̇хаммаанан̃жзва жид̇д̇асамудтаанаруубасса жа. яам̣ банзд̇т̇а ааруббз уббаж̇ж̇ад̇и, д̇ам̣ самбаяуд̇д̇ад̇хаммаанан̃н̃зва жхаанабажжаязна бажжаяод̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha catubhūmakampi kusalajhānaṅgaṃ pañcavokāre sampayuttadhammānañceva cittasamuṭṭhānarūpassa ca, ṭhapetvā rūpāvacaraṃ avasesaṃ āruppe sampayuttadhammānaññeva jhānapaccayena paccayo. Akusalepi eseva nayo. Kāmāvacararūpāvacaravipākaṃ pavatte sampayuttadhammānañceva cittasamuṭṭhānarūpassa ca, paṭisandhiyaṃ sampayuttadhammānañceva kaṭattārūpassa ca, āruppavipākaṃ sampayuttadhammānaññeva, yañca āruppe lokuttaravipākaṃ uppajjati, tañca. Pañcavokāre pana taṃ cittasamuṭṭhānarūpassapi jhānapaccayena paccayo hoti. Tebhūmakampi kiriyajhānaṅgaṃ pañcavokāre sampayuttadhammānañceva cittasamuṭṭhānarūpassa ca. Yaṃ panettha āruppe uppajjati, taṃ sampayuttadhammānaññeva jhānapaccayena paccayoti evamettha paccayuppannatopi viññātabbo vinicchayoti.
жхаанабажжаяанид̣̇д̣̇зсаван̣н̣анаа.
Jhānapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
