| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
17. жхаанабажжаяанид̣̇д̣̇зсаван̣н̣анаа
17. Jhānapaccayaniddesavaṇṇanā
17. соманассад̣̇оманассасан̇каад̇аанийд̇и соманассад̣̇оманассабарияааязна вуд̇д̇аани, жхаанан̇г̇абхаавависзсанад̇о ваа соманассад̣̇оманассабхууд̇аанзва сукад̣̇угкаани жхаанан̇г̇аани, на ид̇арасукад̣̇угкаанийд̇и жхаанан̇г̇абхууд̇аанам̣язва сукад̣̇угкаанам̣ жхаанан̇г̇абхаавад̣̇ассанад̇т̇ам̣ соманассад̣̇оманассаг̇г̇ахан̣ам̣ гад̇ам̣. ид̣̇аани яат̇аавуд̇д̇амзва ‘‘д̣̇вибан̃жавин̃н̃аан̣зсуу’’д̇иаад̣̇инаа вид̇т̇аарад̇о вибхаавзд̇и, д̇ам̣ сувин̃н̃зяяамзва. д̇знаад̇и висзсанабхууд̇зна соманассад̣̇оманассаг̇г̇ахан̣зна.
17. Somanassadomanassasaṅkhātānīti somanassadomanassapariyāyena vuttāni, jhānaṅgabhāvavisesanato vā somanassadomanassabhūtāneva sukhadukkhāni jhānaṅgāni, na itarasukhadukkhānīti jhānaṅgabhūtānaṃyeva sukhadukkhānaṃ jhānaṅgabhāvadassanatthaṃ somanassadomanassaggahaṇaṃ kataṃ. Idāni yathāvuttameva ‘‘dvipañcaviññāṇesū’’tiādinā vitthārato vibhāveti, taṃ suviññeyyameva. Tenāti visesanabhūtena somanassadomanassaggahaṇena.
абхинибаад̇амад̇д̇ад̇д̇аад̇и аарамман̣агаран̣амад̇д̇абхаавад̇о. жинд̇анаабавад̇д̇ияаа убаниж̇жхааяанабавад̇д̇ияаа. яат̇аавуд̇д̇знзва гааран̣знаад̇и ‘‘убаниж̇жхаанаагаарасса абхаавад̇о’’д̇и зд̇зна гааран̣зна. буб̣б̣зд̇иаад̣̇ид̇о. жад̇д̇аари ан̇г̇аани важ̇ж̇ид̇аанийд̇и сад̇д̇асу ан̇г̇зсу д̣̇ассияамаанзсу жад̇д̇аари ан̇г̇аани важ̇ж̇ид̇аани. адтагат̇аа хзсаад̇и лзсзна абагаасзд̇аб̣б̣ад̇ааяа гааран̣амааха. д̇ийсуби згамзва вад̇д̇аб̣б̣ам̣ сияаа, д̇ам̣самааналагкан̣ад̇ааяа ид̇арзсам̣ д̇ин̣н̣амби г̇ахан̣ам̣ ход̇ийд̇и. д̇ин̣н̣ам̣ бана важанзнаад̇и убзгкаасукад̣̇угкаанам̣ ажхаанан̇г̇ад̇аад̣̇ассанад̇т̇зна важанзна. д̇ад̇о убзгкаад̣̇ид̇о ан̃н̃асса д̇хаммасса жид̇д̇згаг̇г̇ад̇ааяа жхаанан̇г̇анд̇и уд̣̇д̇хадабхааво аабаж̇ж̇ад̇и ажхаанан̇г̇зсу аг̇г̇ахид̇ад̇д̇аа. яат̇аавуд̇д̇агааран̣ад̇од̇и ‘‘убаниж̇жхаанаагаарасса абхаавад̇о’’д̇и вуд̇д̇агааран̣ад̇о ан̃н̃зна гааран̣зна ануд̣̇д̇хадабхааво ваа аабаж̇ж̇ад̇и анубаниж̇жхааяанасабхаавзхи сад̣̇д̇хим̣ аг̇г̇ахид̇ад̇д̇аа убаниж̇жхааяанаагаарабхаавад̇о ан̃н̃знзва гааран̣зна жид̇д̇згаг̇г̇ад̇ааяа баал̣ияам̣ ануд̣̇д̇хадабхааво аабаж̇ж̇ад̇и. д̇ам̣д̣̇осабарихаран̣ад̇т̇анд̇и яат̇аавуд̇д̇ад̣̇осавиниможанад̇т̇ам̣.
Abhinipātamattattāti ārammaṇakaraṇamattabhāvato. Cintanāpavattiyā upanijjhāyanapavattiyā. Yathāvutteneva kāraṇenāti ‘‘upanijjhānākārassa abhāvato’’ti etena kāraṇena. Pubbetiādito. Cattāri aṅgāni vajjitānīti sattasu aṅgesu dassiyamānesu cattāri aṅgāni vajjitāni. Aṭṭhakathā hesāti lesena apakāsetabbatāya kāraṇamāha. Tīsupi ekameva vattabbaṃ siyā, taṃsamānalakkhaṇatāya itaresaṃ tiṇṇampi gahaṇaṃ hotīti. Tiṇṇaṃ pana vacanenāti upekkhāsukhadukkhānaṃ ajhānaṅgatādassanatthena vacanena. Tato upekkhādito aññassa dhammassa cittekaggatāya jhānaṅganti uddhaṭabhāvo āpajjati ajhānaṅgesu aggahitattā. Yathāvuttakāraṇatoti ‘‘upanijjhānākārassa abhāvato’’ti vuttakāraṇato aññena kāraṇena anuddhaṭabhāvo vā āpajjati anupanijjhāyanasabhāvehi saddhiṃ aggahitattā upanijjhāyanākārabhāvato aññeneva kāraṇena cittekaggatāya pāḷiyaṃ anuddhaṭabhāvo āpajjati. Taṃdosapariharaṇatthanti yathāvuttadosavinimocanatthaṃ.
яз банаад̇иаад̣̇и бад̣̇агаарамад̇д̇ад̣̇ассанам̣. соманассаад̣̇ийхийд̇и соманассад̣̇оманассажхаанан̇г̇убзгкаахи. авибхууд̇абхааво убзгканам̣. убзгкаа хи авибхууд̇агижжаа вуд̇д̇аа. самаанаанам̣ гзсам̣? сукаад̣̇ийнам̣, гзхи? соманассаад̣̇ийхи, гат̇ам̣? сука…бз… яуд̇д̇ад̇аад̇и яож̇анаа. на жид̇д̇згаг̇г̇ад̇ааяаад̇и сукаад̣̇ийхи, д̇ад̣̇ан̃н̃зхи абхиниробанаад̣̇ийхи жа анинд̣̇рияагижжад̇ааяа жа анубаниж̇жхааяанагижжад̇ааяа жа асамаанад̇ааяа бан̃жавин̃н̃аан̣зсу жид̇д̇згаг̇г̇ад̇ааяа жхаанан̇г̇анд̇и ануд̣̇д̇хадабхаавз гааран̣ам̣ на вад̇д̇аб̣б̣анд̇и. саад̇и жид̇д̇згаг̇г̇ад̇аа. зд̇т̇аад̇и ‘‘убзгкаасукад̣̇угкааний’’д̇и зд̇асмим̣ адтагат̇ааважанз на г̇ахид̇аа. вижигижчааяуд̇д̇аманод̇хаад̇уаад̣̇ийсууд̇и вижигижчаасамбаяуд̇д̇ажид̇д̇з манод̇хаад̇уяаа самбадижчанаад̣̇ийсу жа. д̇ассааби жид̇д̇згаг̇г̇ад̇ааяаби.
Yepanātiādi padakāramattadassanaṃ. Somanassādīhīti somanassadomanassajhānaṅgupekkhāhi. Avibhūtabhāvo upekkhanaṃ. Upekkhā hi avibhūtakiccā vuttā. Samānānaṃ kesaṃ? Sukhādīnaṃ, kehi? Somanassādīhi, kathaṃ? Sukha…pe… yuttatāti yojanā. Na cittekaggatāyāti sukhādīhi, tadaññehi abhiniropanādīhi ca anindriyakiccatāya ca anupanijjhāyanakiccatāya ca asamānatāya pañcaviññāṇesu cittekaggatāya jhānaṅganti anuddhaṭabhāve kāraṇaṃ na vattabbanti. Sāti cittekaggatā. Etthāti ‘‘upekkhāsukhadukkhānī’’ti etasmiṃ aṭṭhakathāvacane na gahitā. Vicikicchāyuttamanodhātuādīsūti vicikicchāsampayuttacitte manodhātuyā sampaṭicchanādīsu ca. Tassāpi cittekaggatāyapi.
жхаанабажжаяанид̣̇д̣̇зсаван̣н̣анаа нидтид̇аа.
Jhānapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 17. жхаанабажжаяанид̣̇д̣̇зсаван̣н̣анаа • 17. Jhānapaccayaniddesavaṇṇanā
