| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. жхаанасан̇ганд̇игат̇ааван̣н̣анаа
6. Jhānasaṅkantikathāvaṇṇanā
813-816. ид̣̇аани жхаанасан̇ганд̇игат̇аа наама ход̇и. д̇ад̇т̇а язсам̣ ‘‘ид̇ха, бхигкавз, бхигку вивижжзва гаамзхи батамам̣ жхаанам̣ убасамбаж̇ж̇а вихарад̇и, вид̇аггавижаараанам̣ вуубасамаа д̣̇уд̇ияам̣ жхаанам̣, д̇ад̇ияам̣ жхаанам̣, жад̇уд̇т̇ам̣ жхаанам̣ убасамбаж̇ж̇а вихарад̇ий’’д̇и (сам̣. ни. 5.923-934) имам̣ бадибаадид̣̇зсанам̣ ниссааяа ‘‘д̇асса д̇асса жхаанасса убажаараббавад̇д̇им̣ винаава жхаанаа жхаанам̣ сан̇гамад̇ий’’д̇и лад̣̇д̇хи, сзяяат̇ааби махисаасагаанан̃жзва згажжаанан̃жа анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и д̇з д̣̇уд̇ияаж̇жхаануубажаарам̣ аббад̇ваа уббадибаадияаа батамаж̇жхаанаа д̣̇уд̇ияаж̇жхаанамзва сан̇гамад̇и, батамад̇о д̇ад̇ияам̣, д̣̇уд̇ияад̇о жад̇уд̇т̇амби сан̇гамзяяаа’’д̇и жод̣̇зд̇ум̣ батамаа жхаанаад̇иаад̣̇имааха. яаа батамассаад̇иаад̣̇и ‘‘яад̣̇и батамад̇о ананд̇арам̣ д̣̇уд̇ияам̣, д̣̇уд̇ияаад̣̇ийхи ваа д̇ад̇ияаад̣̇ийни самаабаж̇ж̇ад̇и, згааваж̇ж̇анзна самаабаж̇ж̇зяяаа’’д̇и жод̣̇анад̇т̇ам̣ вуд̇д̇ам̣. гаамз аад̣̇ийнавад̇од̇и батамам̣ гаамз аад̣̇ийнавад̇о манаси гарод̇о бажчаа уббаж̇ж̇ад̇и. жхаанагкан̣з банзса нимид̇д̇амзва манаси гарод̇и. д̇ан̃н̃зва батаманд̇и ‘‘яад̣̇и буримаж̇аванад̇о бажчимаж̇аванам̣ вияа ананд̇арам̣ уббаж̇ж̇зяяа, табзд̇ваа буримабажчимабхаавам̣ лагкан̣ад̇о д̇ан̃н̃зва д̇ам̣ бхавзяяаа’’д̇и жод̣̇зд̇ум̣ бужчад̇и. иминаа убааязна саб̣б̣ад̇т̇а ад̇т̇о взд̣̇ид̇аб̣б̣о. вивижжзва гаамзхийд̇иаад̣̇ийхи бадибаадияаа жхаанаанам̣ д̣̇зсид̇абхаавам̣ д̣̇ийбзд̇и, на ананд̇аруббад̇д̇им̣, д̇асмаа асаад̇хаганд̇и.
813-816. Idāni jhānasaṅkantikathā nāma hoti. Tattha yesaṃ ‘‘idha, bhikkhave, bhikkhu vivicceva kāmehi paṭhamaṃ jhānaṃ upasampajja viharati, vitakkavicārānaṃ vūpasamā dutiyaṃ jhānaṃ, tatiyaṃ jhānaṃ, catutthaṃ jhānaṃ upasampajja viharatī’’ti (saṃ. ni. 5.923-934) imaṃ paṭipāṭidesanaṃ nissāya ‘‘tassa tassa jhānassa upacārappavattiṃ vināva jhānā jhānaṃ saṅkamatī’’ti laddhi, seyyathāpi mahisāsakānañceva ekaccānañca andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te dutiyajjhānūpacāraṃ appatvā uppaṭipāṭiyā paṭhamajjhānā dutiyajjhānameva saṅkamati, paṭhamato tatiyaṃ, dutiyato catutthampi saṅkameyyā’’ti codetuṃ paṭhamā jhānātiādimāha. Yā paṭhamassātiādi ‘‘yadi paṭhamato anantaraṃ dutiyaṃ, dutiyādīhi vā tatiyādīni samāpajjati, ekāvajjanena samāpajjeyyā’’ti codanatthaṃ vuttaṃ. Kāme ādīnavatoti paṭhamaṃ kāme ādīnavato manasi karoto pacchā uppajjati. Jhānakkhaṇe panesa nimittameva manasi karoti. Taññeva paṭhamanti ‘‘yadi purimajavanato pacchimajavanaṃ viya anantaraṃ uppajjeyya, ṭhapetvā purimapacchimabhāvaṃ lakkhaṇato taññeva taṃ bhaveyyā’’ti codetuṃ pucchati. Iminā upāyena sabbattha attho veditabbo. Vivicceva kāmehītiādīhi paṭipāṭiyā jhānānaṃ desitabhāvaṃ dīpeti, na anantaruppattiṃ, tasmā asādhakanti.
жхаанасан̇ганд̇игат̇ааван̣н̣анаа.
Jhānasaṅkantikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (182) 6. жхаанасан̇ганд̇игат̇аа • (182) 6. Jhānasaṅkantikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. жхаанасан̇ганд̇игат̇ааван̣н̣анаа • 6. Jhānasaṅkantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. жхаанасан̇ганд̇игат̇ааван̣н̣анаа • 6. Jhānasaṅkantikathāvaṇṇanā
