| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. ஜா²னஸுத்தவண்ணனா
5. Jhānasuttavaṇṇanā
36. பஞ்சமே அனிச்சதோதி இமினா நிச்சப்படிக்கே²பதோ தேஸங் அனிச்சதமாஹ. ததோ ஏவ உத³யவயவந்ததோ விபரிணாமதோ தாவகாலிகதோ ச தே அனிச்சாதி ஜோதிதங் ஹோதி. யஞ்ஹி நிச்சங் ந ஹோதி, தங் உத³யவயபரிச்சி²ன்னஜராய மரணேன சாதி த்³வேதா⁴ விபரிணதங் இத்தரக்க²ணமேவ ச ஹோதி. து³க்க²தோதி ந ஸுக²தோ. இமினா ஸுக²ப்படிக்கே²பதோ தேஸங் து³க்க²தமாஹ. ததோ ஏவ ச அபி⁴ண்ஹப்படிபீளனதோ து³க்க²வத்து²தோ ச தே து³க்கா²தி ஜோதிதங் ஹோதி. உத³யவயவந்ததாய ஹி தே அபி⁴ண்ஹப்படிபீளனதோ நிரந்தரது³க்க²தாய து³க்க²ஸ்ஸேவ ச அதி⁴ட்டா²னபூ⁴தோ. பச்சயயாபனீயதாய ரோக³மூலதாய ச ரோக³தோ. து³க்க²தாஸூலயோக³தோ கிலேஸாஸுசிபக்³க⁴ரதோ உப்பாத³ஜராப⁴ங்கே³ஹி உத்³து⁴மாதபக்கபி⁴ஜ்ஜனதோ ச க³ண்ட³தோ. பீளாஜனநதோ அந்தோதுத³னதோ து³ன்னீஹரணதோ ச ஸல்லதோ. அவட்³டி⁴ஆவஹனதோ அக⁴வத்து²தோ ச அக⁴தோ. அஸேரிபா⁴வஜனநதோ ஆபா³த⁴ப்பதிட்டா²னதாய ச ஆபா³த⁴தோ. அவஸவத்தனதோ அவிதெ⁴ய்யதாய ச பரதோ. ப்³யாதி⁴ஜராமரணேஹி பலுஜ்ஜனீயதாய பலோகதோ. ஸாமினிவாஸீகாரகவேத³கஅதி⁴ட்டா²யகவிரஹதோ ஸுஞ்ஞதோ. அத்தப்படிக்கே²பட்டே²ன அனத்ததோ. ரூபாதி³த⁴ம்மாபி யதா² ந எத்த² அத்தா அத்தீ²தி அனத்தா, ஏவங் ஸயம்பி அத்தா ந ஹொந்தீதி அனத்தா. தேன அப்³யாபாரதோ நிரீஹதோ துச்ச²தோ அனத்தாதி தீ³பிதங் ஹோதி.
36. Pañcame aniccatoti iminā niccappaṭikkhepato tesaṃ aniccatamāha. Tato eva udayavayavantato vipariṇāmato tāvakālikato ca te aniccāti jotitaṃ hoti. Yañhi niccaṃ na hoti, taṃ udayavayaparicchinnajarāya maraṇena cāti dvedhā vipariṇataṃ ittarakkhaṇameva ca hoti. Dukkhatoti na sukhato. Iminā sukhappaṭikkhepato tesaṃ dukkhatamāha. Tato eva ca abhiṇhappaṭipīḷanato dukkhavatthuto ca te dukkhāti jotitaṃ hoti. Udayavayavantatāya hi te abhiṇhappaṭipīḷanato nirantaradukkhatāya dukkhasseva ca adhiṭṭhānabhūto. Paccayayāpanīyatāya rogamūlatāya ca rogato. Dukkhatāsūlayogato kilesāsucipaggharato uppādajarābhaṅgehi uddhumātapakkabhijjanato ca gaṇḍato. Pīḷājananato antotudanato dunnīharaṇato ca sallato. Avaḍḍhiāvahanato aghavatthuto ca aghato. Aseribhāvajananato ābādhappatiṭṭhānatāya ca ābādhato. Avasavattanato avidheyyatāya ca parato. Byādhijarāmaraṇehi palujjanīyatāya palokato. Sāminivāsīkārakavedakaadhiṭṭhāyakavirahato suññato. Attappaṭikkhepaṭṭhena anattato. Rūpādidhammāpi yathā na ettha attā atthīti anattā, evaṃ sayampi attā na hontīti anattā. Tena abyāpārato nirīhato tucchato anattāti dīpitaṃ hoti.
லக்க²ணத்தயமேவ ஸுகா²வபோ³த⁴னத்த²ங் ஏகாத³ஸஹி பதே³ஹி விப⁴ஜித்வா க³ஹிதந்தி த³ஸ்ஸேதுங் ‘‘யஸ்மா அனிச்சதோ’’திஆதி³ வுத்தங். அந்தோஸமாபத்தியந்தி ஸமாபத்தீனங் ஸஹஜாததாய ஸமாபத்தீனங் அப்³ப⁴ந்தரே சித்தங் படிஸங்ஹரதீதி தப்படிப³த்³த⁴ச²ந்த³ராகா³தி³கிலேஸவிக்க²ம்ப⁴னேன விபஸ்ஸனாசித்தங் படிஸங்ஹரதி. தேனாஹ ‘‘மோசேதி அபனேதீ’’தி. ஸவனவஸேனாதி ‘‘ஸப்³ப³ஸங்கா²ரஸமதோ²’’திஆதி³னா ஸவனவஸேன. து²திவஸேனாதி ததே²வ தோ²மனாவஸேன கு³ணதோ ஸங்கித்தனவஸேன. பரியத்திவஸேனாதி தஸ்ஸ த⁴ம்மஸ்ஸ பரியாபுணனவஸேன. பஞ்ஞத்திவஸேனாதி தத³த்த²ஸ்ஸ பஞ்ஞாபனவஸேன. ஆரம்மணகரணவஸேனேவ உபஸங்ஹரதி மக்³க³சித்தங், ‘‘ஏதங் ஸந்த’’ந்திஆதி³ பன அவதா⁴ரணனிவத்திதத்த²த³ஸ்ஸனங். யதா² விபஸ்ஸனா ‘‘ஏதங் ஸந்தங் ஏதங் பணீத’’ந்திஆதி³னா அஸங்க²தாய தா⁴துயா சித்தங் உபஸங்ஹரதி, ஏவங் மக்³கோ³ நிப்³பா³னங் ஸச்சி²கிரியாபி⁴ஸமயவஸேன அபி⁴ஸமெந்தோ தத்த² லப்³ப⁴மானே ஸப்³பே³பி விஸேஸே அஸம்மோஹதோ படிவிஜ்ஜ²ந்தோ தத்த² சித்தங் உபஸங்ஹரதி. தேனாஹ ‘‘இமினா பன ஆகாரேனா’’திஆதி³.
Lakkhaṇattayameva sukhāvabodhanatthaṃ ekādasahi padehi vibhajitvā gahitanti dassetuṃ ‘‘yasmā aniccato’’tiādi vuttaṃ. Antosamāpattiyanti samāpattīnaṃ sahajātatāya samāpattīnaṃ abbhantare cittaṃ paṭisaṃharatīti tappaṭibaddhachandarāgādikilesavikkhambhanena vipassanācittaṃ paṭisaṃharati. Tenāha ‘‘moceti apanetī’’ti. Savanavasenāti ‘‘sabbasaṅkhārasamatho’’tiādinā savanavasena. Thutivasenāti tatheva thomanāvasena guṇato saṃkittanavasena. Pariyattivasenāti tassa dhammassa pariyāpuṇanavasena. Paññattivasenāti tadatthassa paññāpanavasena. Ārammaṇakaraṇavaseneva upasaṃharati maggacittaṃ, ‘‘etaṃ santa’’ntiādi pana avadhāraṇanivattitatthadassanaṃ. Yathā vipassanā ‘‘etaṃ santaṃ etaṃ paṇīta’’ntiādinā asaṅkhatāya dhātuyā cittaṃ upasaṃharati, evaṃ maggo nibbānaṃ sacchikiriyābhisamayavasena abhisamento tattha labbhamāne sabbepi visese asammohato paṭivijjhanto tattha cittaṃ upasaṃharati. Tenāha ‘‘iminā pana ākārenā’’tiādi.
ஸோ தத்த² டி²தோதி ஸோ அத³ந்த⁴விபஸ்ஸகோ யோகீ³ தத்த² தாய அனிச்சாதி³லக்க²ணத்தயாரம்மணாய விபஸ்ஸனாய டி²தோ. ஸப்³ப³ஸோதி ஸப்³ப³த்த² தஸ்ஸ தஸ்ஸ மக்³க³ஸ்ஸ அதி⁴க³மாய நிப்³ப³த்திதஸமத²விபஸ்ஸனாஸு. அஸக்கொந்தோ அனாகா³மீ ஹோதீதி ஹெட்டி²மமக்³கா³வஹாஸு ஏவ ஸமத²விபஸ்ஸனாய ச²ந்த³ராக³ங் பஹாய அக்³க³மக்³கா³வஹாஸு நிகந்திங் பரியாதா³துங் அஸக்கொந்தோ அனாகா³மிதாயமேவ ஸண்டா²தி.
So tattha ṭhitoti so adandhavipassako yogī tattha tāya aniccādilakkhaṇattayārammaṇāya vipassanāya ṭhito. Sabbasoti sabbattha tassa tassa maggassa adhigamāya nibbattitasamathavipassanāsu. Asakkonto anāgāmī hotīti heṭṭhimamaggāvahāsu eva samathavipassanāya chandarāgaṃ pahāya aggamaggāvahāsu nikantiṃ pariyādātuṃ asakkonto anāgāmitāyameva saṇṭhāti.
ஸமதிக்கந்தத்தாதி ஸமத²வஸேன விபஸ்ஸனாவஸேன சாதி ஸப்³ப³தா²பி ரூபஸ்ஸ ஸமதிக்கந்தத்தா. தேனாஹ ‘‘அயங் ஹீ’’திஆதி³. அனேனாதி யோகி³னா. தங் அதிக்கம்மாதி இத³ங் யோ பட²மங் பஞ்சவோகாரஏகவோகாரபரியாபன்னே த⁴ம்மே ஸம்மதே³வ ஸம்மஸித்வா தே விஸ்ஸஜ்ஜெத்வா ததோ அரூபஸமாபத்திங் ஸமாபஜ்ஜித்வா அரூபத⁴ம்மே ஸம்மஸதி, தங் ஸந்தா⁴ய வுத்தங். தேனாஹ ‘‘இதா³னி அரூபங் ஸம்மஸதீ’’தி.
Samatikkantattāti samathavasena vipassanāvasena cāti sabbathāpi rūpassa samatikkantattā. Tenāha ‘‘ayaṃ hī’’tiādi. Anenāti yoginā. Taṃ atikkammāti idaṃ yo paṭhamaṃ pañcavokāraekavokārapariyāpanne dhamme sammadeva sammasitvā te vissajjetvā tato arūpasamāpattiṃ samāpajjitvā arūpadhamme sammasati, taṃ sandhāya vuttaṃ. Tenāha ‘‘idāni arūpaṃ sammasatī’’ti.
ஜா²னஸுத்தவண்ணனா நிட்டி²தா.
Jhānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ஜா²னஸுத்தங் • 5. Jhānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. ஜா²னஸுத்தவண்ணனா • 5. Jhānasuttavaṇṇanā
