| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. жхаанасуд̇д̇аван̣н̣анаа
5. Jhānasuttavaṇṇanā
36. бан̃жамз аасаваанам̣ каяанд̇и арахад̇д̇ам̣. яад̣̇зва д̇ад̇т̇а ход̇и руубаг̇ад̇анд̇и д̇асмим̣ батамаж̇жхаанагкан̣з вад̇т̇увасзна ваа жид̇д̇асамудтаанигаад̣̇ивасзна ваа яам̣ руубам̣ наама бавад̇д̇ад̇и. взд̣̇анааг̇ад̇аад̣̇ийни самбаяуд̇д̇авзд̣̇анаад̣̇ийнам̣ васзна взд̣̇ид̇аб̣б̣аани . д̇з д̇хаммзд̇и д̇з руубаад̣̇аяо бан̃жагканд̇хад̇хаммз. анижжад̇од̇иаад̣̇ийсу худ̇ваа абхааваагаарзна анижжад̇о, бадибийл̣анаагаарзна д̣̇угкад̇о, руж̇ж̇анаагаарзна рог̇ад̇о, анд̇од̣̇уссанадтзна г̇ан̣д̣ад̇о, анубавидтадтзна ануганд̇анадтзна жа саллад̇о, д̣̇угкадтзна агхад̇о, ааб̣аад̇ханадтзна ааб̣аад̇хад̇о, асагадтзна барад̇о, балуж̇ж̇анадтзна балогад̇о, ассаамигадтзна сун̃н̃ад̇о, авасавад̇д̇анадтзна анад̇д̇ад̇о. саманубассад̇ийд̇и б̣алававибассанаабан̃н̃ааяа бассад̇и.
36. Pañcame āsavānaṃ khayanti arahattaṃ. Yadeva tattha hoti rūpagatanti tasmiṃ paṭhamajjhānakkhaṇe vatthuvasena vā cittasamuṭṭhānikādivasena vā yaṃ rūpaṃ nāma pavattati. Vedanāgatādīni sampayuttavedanādīnaṃ vasena veditabbāni . Te dhammeti te rūpādayo pañcakkhandhadhamme. Aniccatotiādīsu hutvā abhāvākārena aniccato, paṭipīḷanākārena dukkhato, rujjanākārena rogato, antodussanaṭṭhena gaṇḍato, anupaviṭṭhaṭṭhena anukantanaṭṭhena ca sallato, dukkhaṭṭhena aghato, ābādhanaṭṭhena ābādhato, asakaṭṭhena parato, palujjanaṭṭhena palokato, assāmikaṭṭhena suññato, avasavattanaṭṭhena anattato. Samanupassatīti balavavipassanāpaññāya passati.
д̇зхи д̇хаммзхийд̇и д̇зхи бан̃жагканд̇хад̇хаммзхи. бадиваабзд̇ийд̇и ниб̣б̣аанавасзна нивад̇д̇зд̇и. амад̇ааяа д̇хаад̇уяаад̇и ниб̣б̣аанад̇хаад̇уяаа. жид̇д̇ам̣ убасам̣харад̇ийд̇и н̃аан̣зна аанисам̣сам̣ д̣̇исваа од̇аарзд̇и. санд̇анд̇и бажжанийгасанд̇ад̇ааяа санд̇ам̣. бан̣ийд̇анд̇и ад̇аббагам̣. со д̇ад̇т̇а тид̇о аасаваанам̣ каяам̣ баабун̣аад̇ийд̇и со д̇асмим̣ батамаж̇жхаанз тид̇о д̇ам̣ б̣алававибассанам̣ вад̣дхзд̇ваа арахад̇д̇ам̣ баабун̣аад̇и. абаро наяо – со д̇зхи д̇хаммзхийд̇и яасмаа анижжад̇од̇иаад̣̇ийсу анижжад̇о балогад̇од̇и д̣̇вийхи бад̣̇зхи анижжалагкан̣ам̣ гат̇ид̇ам̣, д̣̇угкад̇од̇иаад̣̇ийхи чахи д̣̇угкалагкан̣ам̣, барад̇о, сун̃н̃ад̇о, анад̇д̇ад̇од̇и д̇ийхи анад̇д̇алагкан̣ам̣. д̇асмаа со д̇зхи звам̣ д̇илагкан̣ам̣ ааробзд̇ваа д̣̇идтзхи анд̇осамаабад̇д̇ияам̣ бан̃жагканд̇хад̇хаммзхи. жид̇д̇ам̣ бадиваабзд̇ийд̇и жид̇д̇ам̣ бадисам̣харад̇и можзд̇и абанзд̇и. убасам̣харад̇ийд̇и вибассанаажид̇д̇ам̣ д̇аава саванавасзна т̇уд̇ивасзна барияад̇д̇ивасзна бан̃н̃ад̇д̇ивасзна жа санд̇ам̣ ниб̣б̣аананд̇и звам̣ асан̇кад̇ааяа амад̇ааяа д̇хаад̇уяаа убасам̣харад̇и. маг̇г̇ажид̇д̇ам̣ ниб̣б̣аанам̣ аарамман̣агаран̣авасзнзва ‘‘зд̇ам̣ санд̇ам̣ зд̇ам̣ бан̣ийд̇а’’нд̇и на звам̣ вад̣̇ад̇и. иминаа банаагаарзна д̇ам̣ бадивиж̇жханд̇о д̇ад̇т̇а жид̇д̇ам̣ убасам̣харад̇ийд̇и ад̇т̇о.
Tehi dhammehīti tehi pañcakkhandhadhammehi. Paṭivāpetīti nibbānavasena nivatteti. Amatāyadhātuyāti nibbānadhātuyā. Cittaṃ upasaṃharatīti ñāṇena ānisaṃsaṃ disvā otāreti. Santanti paccanīkasantatāya santaṃ. Paṇītanti atappakaṃ. So tattha ṭhito āsavānaṃ khayaṃ pāpuṇātīti so tasmiṃ paṭhamajjhāne ṭhito taṃ balavavipassanaṃ vaḍḍhetvā arahattaṃ pāpuṇāti. Aparo nayo – so tehi dhammehīti yasmā aniccatotiādīsu aniccato palokatoti dvīhi padehi aniccalakkhaṇaṃ kathitaṃ, dukkhatotiādīhi chahi dukkhalakkhaṇaṃ, parato, suññato, anattatoti tīhi anattalakkhaṇaṃ. Tasmā so tehi evaṃ tilakkhaṇaṃ āropetvā diṭṭhehi antosamāpattiyaṃ pañcakkhandhadhammehi. Cittaṃ paṭivāpetīti cittaṃ paṭisaṃharati moceti apaneti. Upasaṃharatīti vipassanācittaṃ tāva savanavasena thutivasena pariyattivasena paññattivasena ca santaṃ nibbānanti evaṃ asaṅkhatāya amatāya dhātuyā upasaṃharati. Maggacittaṃ nibbānaṃ ārammaṇakaraṇavaseneva ‘‘etaṃ santaṃ etaṃ paṇīta’’nti na evaṃ vadati. Iminā panākārena taṃ paṭivijjhanto tattha cittaṃ upasaṃharatīti attho.
со д̇ад̇т̇а тид̇од̇и д̇ассаа д̇илагкан̣аарамман̣ааяа вибассанааяа тид̇о. аасаваанам̣ каяам̣ баабун̣аад̇ийд̇и ануггамзна жад̇д̇ааро маг̇г̇з бхаавзд̇ваа арахад̇д̇ам̣ баабун̣аад̇и. д̇знзва д̇хаммарааг̇знаад̇и самат̇авибассанаад̇хаммз чанд̣̇арааг̇зна. д̇хаммананд̣̇ияаад̇и д̇ассзва взважанам̣. самат̇авибассанаасу хи саб̣б̣асо чанд̣̇арааг̇ам̣ барияаад̣̇аад̇ум̣ саггонд̇о арахад̇д̇ам̣ баабун̣аад̇и, асаггонд̇о анааг̇аамий ход̇и.
So tattha ṭhitoti tassā tilakkhaṇārammaṇāya vipassanāya ṭhito. Āsavānaṃ khayaṃ pāpuṇātīti anukkamena cattāro magge bhāvetvā arahattaṃ pāpuṇāti. Teneva dhammarāgenāti samathavipassanādhamme chandarāgena. Dhammanandiyāti tasseva vevacanaṃ. Samathavipassanāsu hi sabbaso chandarāgaṃ pariyādātuṃ sakkonto arahattaṃ pāpuṇāti, asakkonto anāgāmī hoti.
д̇ин̣абурисаруубагз ваад̇и д̇ин̣абод̇т̇агаруубз ваа. д̣̇уурз ган̣д̣з баад̇зд̇ийд̇и д̣̇уурзбаад̇ий. авираад̇хид̇ам̣ виж̇жхад̇ийд̇и агкан̣авзд̇хий. яад̣̇зва д̇ад̇т̇а ход̇и взд̣̇анааг̇ад̇анд̇и ид̇ха руубам̣ на г̇ахид̇ам̣. гасмаа? самад̇игганд̇ад̇д̇аа. аяан̃хи хздтаа руубааважараж̇жхаанам̣ самаабаж̇ж̇ид̇ваа руубам̣ ад̇иггамид̇ваа аруубааважарасамаабад̇д̇им̣ самаабаннод̇и самат̇авасзнааби анзна руубам̣ самад̇игганд̇ам̣, хздтаа руубам̣ саммасид̇ваа д̇ам̣ ад̇иггамма ид̣̇аани аруубам̣ саммасад̇ийд̇и вибассанаавасзнааби анзна руубам̣ ад̇игганд̇ам̣. ааруббз бана саб̣б̣асоби руубам̣ над̇т̇ийд̇и д̇ам̣ санд̇хааяаби руубам̣ на г̇ахид̇ам̣. ат̇а нзвасан̃н̃аанаасан̃н̃ааяад̇анам̣ гасмаа на г̇ахид̇анд̇и? сукумад̇д̇аа. д̇асмин̃хи жад̇д̇аароби аруубагканд̇хаа сукумаа на саммасануубаг̇аа. д̇знзвааха – ‘‘ид̇и ко, бхигкавз, яаавад̇аа сан̃н̃аасамаабад̇д̇и д̇аавад̇аа ан̃н̃аабадивзд̇хо’’д̇и. ид̣̇ам̣ вуд̇д̇ам̣ ход̇и – яаавад̇аа сажид̇д̇агасамаабад̇д̇и наама ад̇т̇и, д̇аавад̇аа ол̣ааригз д̇хаммз саммасад̇о ан̃н̃аабадивзд̇хо ход̇и, арахад̇д̇ам̣ самбаж̇ж̇ад̇и. нзвасан̃н̃аанаасан̃н̃ааяад̇анам̣ бана сукумад̇д̇аа сан̃н̃аасамаабад̇д̇ийд̇и на вужжад̇и. жхааяийхзд̇зд̇и жхааяийхи жхаанаабхирад̇зхи зд̇аани. вудтахид̇ваад̇и д̇ад̇о самаабад̇д̇ид̇о вудтааяа. самагкаад̇аб̣б̣аанийд̇и саммаа агкаад̇аб̣б̣аани, ‘‘санд̇аани бан̣ийд̇ааний’’д̇и звам̣ гзвалам̣ аажигкид̇аб̣б̣аани т̇омзд̇аб̣б̣аани ван̣н̣зд̇аб̣б̣аанийд̇и.
Tiṇapurisarūpakevāti tiṇapotthakarūpe vā. Dūre kaṇḍe pātetīti dūrepātī. Avirādhitaṃ vijjhatīti akkhaṇavedhī. Yadeva tattha hoti vedanāgatanti idha rūpaṃ na gahitaṃ. Kasmā? Samatikkantattā. Ayañhi heṭṭhā rūpāvacarajjhānaṃ samāpajjitvā rūpaṃ atikkamitvā arūpāvacarasamāpattiṃ samāpannoti samathavasenāpi anena rūpaṃ samatikkantaṃ, heṭṭhā rūpaṃ sammasitvā taṃ atikkamma idāni arūpaṃ sammasatīti vipassanāvasenāpi anena rūpaṃ atikkantaṃ. Āruppe pana sabbasopi rūpaṃ natthīti taṃ sandhāyapi rūpaṃ na gahitaṃ. Atha nevasaññānāsaññāyatanaṃ kasmā na gahitanti? Sukhumattā. Tasmiñhi cattāropi arūpakkhandhā sukhumā na sammasanūpagā. Tenevāha – ‘‘iti kho, bhikkhave, yāvatā saññāsamāpatti tāvatā aññāpaṭivedho’’ti. Idaṃ vuttaṃ hoti – yāvatā sacittakasamāpatti nāma atthi, tāvatā oḷārike dhamme sammasato aññāpaṭivedho hoti, arahattaṃ sampajjati. Nevasaññānāsaññāyatanaṃ pana sukhumattā saññāsamāpattīti na vuccati. Jhāyīheteti jhāyīhi jhānābhiratehi etāni. Vuṭṭhahitvāti tato samāpattito vuṭṭhāya. Samakkhātabbānīti sammā akkhātabbāni, ‘‘santāni paṇītānī’’ti evaṃ kevalaṃ ācikkhitabbāni thometabbāni vaṇṇetabbānīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. жхаанасуд̇д̇ам̣ • 5. Jhānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. жхаанасуд̇д̇аван̣н̣анаа • 5. Jhānasuttavaṇṇanā
