| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. жхаанасуд̇д̇аван̣н̣анаа
5. Jhānasuttavaṇṇanā
36. бан̃жамз анижжад̇од̇и иминаа нижжаббадигкзбад̇о д̇зсам̣ анижжад̇амааха. д̇ад̇о зва уд̣̇аяаваяаванд̇ад̇о вибарин̣аамад̇о д̇аавагаалигад̇о жа д̇з анижжаад̇и ж̇од̇ид̇ам̣ ход̇и. яан̃хи нижжам̣ на ход̇и, д̇ам̣ уд̣̇аяаваяабарижчиннаж̇арааяа маран̣зна жаад̇и д̣̇взд̇хаа вибарин̣ад̇ам̣ ид̇д̇арагкан̣амзва жа ход̇и. д̣̇угкад̇од̇и на сукад̇о. иминаа сукаббадигкзбад̇о д̇зсам̣ д̣̇угкад̇амааха. д̇ад̇о зва жа абхин̣хаббадибийл̣анад̇о д̣̇угкавад̇т̇уд̇о жа д̇з д̣̇угкаад̇и ж̇од̇ид̇ам̣ ход̇и. уд̣̇аяаваяаванд̇ад̇ааяа хи д̇з абхин̣хаббадибийл̣анад̇о ниранд̇арад̣̇угкад̇ааяа д̣̇угкассзва жа ад̇хидтаанабхууд̇о. бажжаяаяаабанийяад̇ааяа рог̇амуулад̇ааяа жа рог̇ад̇о. д̣̇угкад̇аасуулаяог̇ад̇о гилзсаасужибаг̇гхарад̇о уббаад̣̇аж̇араабхан̇г̇зхи уд̣̇д̇хумаад̇абаггабхиж̇ж̇анад̇о жа г̇ан̣д̣ад̇о. бийл̣ааж̇ананад̇о анд̇од̇уд̣̇анад̇о д̣̇уннийхаран̣ад̇о жа саллад̇о. авад̣дхиааваханад̇о агхавад̇т̇уд̇о жа агхад̇о. асзрибхааваж̇ананад̇о ааб̣аад̇хаббад̇идтаанад̇ааяа жа ааб̣аад̇хад̇о. авасавад̇д̇анад̇о авид̇хзяяад̇ааяа жа барад̇о. б̣яаад̇хиж̇араамаран̣зхи балуж̇ж̇анийяад̇ааяа балогад̇о. сааминиваасийгаарагавзд̣̇агаад̇хидтааяагавирахад̇о сун̃н̃ад̇о. ад̇д̇аббадигкзбадтзна анад̇д̇ад̇о. руубаад̣̇ид̇хаммааби яат̇аа на зд̇т̇а ад̇д̇аа ад̇т̇ийд̇и анад̇д̇аа, звам̣ саяамби ад̇д̇аа на хонд̇ийд̇и анад̇д̇аа. д̇зна аб̣яаабаарад̇о нирийхад̇о д̇ужчад̇о анад̇д̇аад̇и д̣̇ийбид̇ам̣ ход̇и.
36. Pañcame aniccatoti iminā niccappaṭikkhepato tesaṃ aniccatamāha. Tato eva udayavayavantato vipariṇāmato tāvakālikato ca te aniccāti jotitaṃ hoti. Yañhi niccaṃ na hoti, taṃ udayavayaparicchinnajarāya maraṇena cāti dvedhā vipariṇataṃ ittarakkhaṇameva ca hoti. Dukkhatoti na sukhato. Iminā sukhappaṭikkhepato tesaṃ dukkhatamāha. Tato eva ca abhiṇhappaṭipīḷanato dukkhavatthuto ca te dukkhāti jotitaṃ hoti. Udayavayavantatāya hi te abhiṇhappaṭipīḷanato nirantaradukkhatāya dukkhasseva ca adhiṭṭhānabhūto. Paccayayāpanīyatāya rogamūlatāya ca rogato. Dukkhatāsūlayogato kilesāsucipaggharato uppādajarābhaṅgehi uddhumātapakkabhijjanato ca gaṇḍato. Pīḷājananato antotudanato dunnīharaṇato ca sallato. Avaḍḍhiāvahanato aghavatthuto ca aghato. Aseribhāvajananato ābādhappatiṭṭhānatāya ca ābādhato. Avasavattanato avidheyyatāya ca parato. Byādhijarāmaraṇehi palujjanīyatāya palokato. Sāminivāsīkārakavedakaadhiṭṭhāyakavirahato suññato. Attappaṭikkhepaṭṭhena anattato. Rūpādidhammāpi yathā na ettha attā atthīti anattā, evaṃ sayampi attā na hontīti anattā. Tena abyāpārato nirīhato tucchato anattāti dīpitaṃ hoti.
лагкан̣ад̇д̇аяамзва сукааваб̣од̇ханад̇т̇ам̣ згаад̣̇асахи бад̣̇зхи вибхаж̇ид̇ваа г̇ахид̇анд̇и д̣̇ассзд̇ум̣ ‘‘яасмаа анижжад̇о’’д̇иаад̣̇и вуд̇д̇ам̣. анд̇осамаабад̇д̇ияанд̇и самаабад̇д̇ийнам̣ сахаж̇аад̇ад̇ааяа самаабад̇д̇ийнам̣ аб̣бханд̇арз жид̇д̇ам̣ бадисам̣харад̇ийд̇и д̇аббадиб̣ад̣̇д̇хачанд̣̇арааг̇аад̣̇игилзсавигкамбханзна вибассанаажид̇д̇ам̣ бадисам̣харад̇и. д̇знааха ‘‘можзд̇и абанзд̇ий’’д̇и. саванавасзнаад̇и ‘‘саб̣б̣асан̇каарасамат̇о’’д̇иаад̣̇инаа саванавасзна. т̇уд̇ивасзнаад̇и д̇ат̇зва т̇оманаавасзна г̇ун̣ад̇о сам̣гид̇д̇анавасзна. барияад̇д̇ивасзнаад̇и д̇асса д̇хаммасса барияаабун̣анавасзна. бан̃н̃ад̇д̇ивасзнаад̇и д̇ад̣̇ад̇т̇асса бан̃н̃аабанавасзна. аарамман̣агаран̣авасзнзва убасам̣харад̇и маг̇г̇ажид̇д̇ам̣, ‘‘зд̇ам̣ санд̇а’’нд̇иаад̣̇и бана авад̇хааран̣анивад̇д̇ид̇ад̇т̇ад̣̇ассанам̣. яат̇аа вибассанаа ‘‘зд̇ам̣ санд̇ам̣ зд̇ам̣ бан̣ийд̇а’’нд̇иаад̣̇инаа асан̇кад̇ааяа д̇хаад̇уяаа жид̇д̇ам̣ убасам̣харад̇и, звам̣ маг̇г̇о ниб̣б̣аанам̣ сажчигирияаабхисамаяавасзна абхисамзнд̇о д̇ад̇т̇а лаб̣бхамаанз саб̣б̣зби висзсз асаммохад̇о бадивиж̇жханд̇о д̇ад̇т̇а жид̇д̇ам̣ убасам̣харад̇и. д̇знааха ‘‘иминаа бана аагаарзнаа’’д̇иаад̣̇и.
Lakkhaṇattayameva sukhāvabodhanatthaṃ ekādasahi padehi vibhajitvā gahitanti dassetuṃ ‘‘yasmā aniccato’’tiādi vuttaṃ. Antosamāpattiyanti samāpattīnaṃ sahajātatāya samāpattīnaṃ abbhantare cittaṃ paṭisaṃharatīti tappaṭibaddhachandarāgādikilesavikkhambhanena vipassanācittaṃ paṭisaṃharati. Tenāha ‘‘moceti apanetī’’ti. Savanavasenāti ‘‘sabbasaṅkhārasamatho’’tiādinā savanavasena. Thutivasenāti tatheva thomanāvasena guṇato saṃkittanavasena. Pariyattivasenāti tassa dhammassa pariyāpuṇanavasena. Paññattivasenāti tadatthassa paññāpanavasena. Ārammaṇakaraṇavaseneva upasaṃharati maggacittaṃ, ‘‘etaṃ santa’’ntiādi pana avadhāraṇanivattitatthadassanaṃ. Yathā vipassanā ‘‘etaṃ santaṃ etaṃ paṇīta’’ntiādinā asaṅkhatāya dhātuyā cittaṃ upasaṃharati, evaṃ maggo nibbānaṃ sacchikiriyābhisamayavasena abhisamento tattha labbhamāne sabbepi visese asammohato paṭivijjhanto tattha cittaṃ upasaṃharati. Tenāha ‘‘iminā pana ākārenā’’tiādi.
со д̇ад̇т̇а тид̇од̇и со ад̣̇анд̇хавибассаго яог̇ий д̇ад̇т̇а д̇ааяа анижжаад̣̇илагкан̣ад̇д̇аяаарамман̣ааяа вибассанааяа тид̇о. саб̣б̣асод̇и саб̣б̣ад̇т̇а д̇асса д̇асса маг̇г̇асса ад̇хиг̇амааяа ниб̣б̣ад̇д̇ид̇асамат̇авибассанаасу. асаггонд̇о анааг̇аамий ход̇ийд̇и хздтимамаг̇г̇аавахаасу зва самат̇авибассанааяа чанд̣̇арааг̇ам̣ бахааяа аг̇г̇амаг̇г̇аавахаасу ниганд̇им̣ барияаад̣̇аад̇ум̣ асаггонд̇о анааг̇аамид̇ааяамзва сан̣таад̇и.
So tattha ṭhitoti so adandhavipassako yogī tattha tāya aniccādilakkhaṇattayārammaṇāya vipassanāya ṭhito. Sabbasoti sabbattha tassa tassa maggassa adhigamāya nibbattitasamathavipassanāsu. Asakkonto anāgāmī hotīti heṭṭhimamaggāvahāsu eva samathavipassanāya chandarāgaṃ pahāya aggamaggāvahāsu nikantiṃ pariyādātuṃ asakkonto anāgāmitāyameva saṇṭhāti.
самад̇игганд̇ад̇д̇аад̇и самат̇авасзна вибассанаавасзна жаад̇и саб̣б̣ат̇ааби руубасса самад̇игганд̇ад̇д̇аа. д̇знааха ‘‘аяам̣ хий’’д̇иаад̣̇и. анзнаад̇и яог̇инаа. д̇ам̣ ад̇иггаммаад̇и ид̣̇ам̣ яо батамам̣ бан̃жавогааразгавогаарабарияаабаннз д̇хаммз саммад̣̇зва саммасид̇ваа д̇з виссаж̇ж̇зд̇ваа д̇ад̇о аруубасамаабад̇д̇им̣ самаабаж̇ж̇ид̇ваа аруубад̇хаммз саммасад̇и, д̇ам̣ санд̇хааяа вуд̇д̇ам̣. д̇знааха ‘‘ид̣̇аани аруубам̣ саммасад̇ий’’д̇и.
Samatikkantattāti samathavasena vipassanāvasena cāti sabbathāpi rūpassa samatikkantattā. Tenāha ‘‘ayaṃ hī’’tiādi. Anenāti yoginā. Taṃ atikkammāti idaṃ yo paṭhamaṃ pañcavokāraekavokārapariyāpanne dhamme sammadeva sammasitvā te vissajjetvā tato arūpasamāpattiṃ samāpajjitvā arūpadhamme sammasati, taṃ sandhāya vuttaṃ. Tenāha ‘‘idāni arūpaṃ sammasatī’’ti.
жхаанасуд̇д̇аван̣н̣анаа нидтид̇аа.
Jhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. жхаанасуд̇д̇ам̣ • 5. Jhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. жхаанасуд̇д̇аван̣н̣анаа • 5. Jhānasuttavaṇṇanā
