| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. ж̇иг̇ужчид̇аб̣б̣асуд̇д̇ам̣
7. Jigucchitabbasuttaṃ
27. ‘‘д̇аяомз , бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз д̇аяо? ад̇т̇и, бхигкавз, буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. ад̇т̇и, бхигкавз, буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. ад̇т̇и, бхигкавз, буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. гад̇амо жа, бхигкавз, буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о? ид̇ха , бхигкавз, згажжо буг̇г̇ало д̣̇уссийло ход̇и баабад̇хаммо асужи сан̇гассарасамаажааро бадижчаннагамманд̇о, ассаман̣о саман̣абадин̃н̃о, аб̣рахмажаарий б̣рахмажаарибадин̃н̃о, анд̇обууд̇и авассуд̇о гасамб̣уж̇аад̇о. зваруубо, бхигкавз, буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. д̇ам̣ гисса хзд̇у? гин̃жааби, бхигкавз, зваруубасса буг̇г̇аласса на д̣̇идтаануг̇ад̇им̣ аабаж̇ж̇ад̇и, ат̇а ко нам̣ баабаго гид̇д̇исад̣̇д̣̇о аб̣бхуг̇г̇ажчад̇и – ‘баабамид̇д̇о бурисабуг̇г̇ало баабасахааяо баабасамбаван̇го’д̇и. сзяяат̇ааби, бхигкавз, ахи г̇уут̇аг̇ад̇о гин̃жааби на д̣̇ам̣сад̇и 1, ат̇а ко нам̣ магкзд̇и; звамзвам̣ ко, бхигкавз, гин̃жааби зваруубасса буг̇г̇аласса на д̣̇идтаануг̇ад̇им̣ аабаж̇ж̇ад̇и, ат̇а ко нам̣ баабаго гид̇д̇исад̣̇д̣̇о аб̣бхуг̇г̇ажчад̇и – ‘баабамид̇д̇о бурисабуг̇г̇ало баабасахааяо баабасамбаван̇го’д̇и. д̇асмаа зваруубо буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о.
27. ‘‘Tayome , bhikkhave, puggalā santo saṃvijjamānā lokasmiṃ. Katame tayo? Atthi, bhikkhave, puggalo jigucchitabbo na sevitabbo na bhajitabbo na payirupāsitabbo. Atthi, bhikkhave, puggalo ajjhupekkhitabbo na sevitabbo na bhajitabbo na payirupāsitabbo. Atthi, bhikkhave, puggalo sevitabbo bhajitabbo payirupāsitabbo. Katamo ca, bhikkhave, puggalo jigucchitabbo na sevitabbo na bhajitabbo na payirupāsitabbo? Idha , bhikkhave, ekacco puggalo dussīlo hoti pāpadhammo asuci saṅkassarasamācāro paṭicchannakammanto, assamaṇo samaṇapaṭiñño, abrahmacārī brahmacāripaṭiñño, antopūti avassuto kasambujāto. Evarūpo, bhikkhave, puggalo jigucchitabbo na sevitabbo na bhajitabbo na payirupāsitabbo. Taṃ kissa hetu? Kiñcāpi, bhikkhave, evarūpassa puggalassa na diṭṭhānugatiṃ āpajjati, atha kho naṃ pāpako kittisaddo abbhuggacchati – ‘pāpamitto purisapuggalo pāpasahāyo pāpasampavaṅko’ti. Seyyathāpi, bhikkhave, ahi gūthagato kiñcāpi na daṃsati 2, atha kho naṃ makkheti; evamevaṃ kho, bhikkhave, kiñcāpi evarūpassa puggalassa na diṭṭhānugatiṃ āpajjati, atha kho naṃ pāpako kittisaddo abbhuggacchati – ‘pāpamitto purisapuggalo pāpasahāyo pāpasampavaṅko’ti. Tasmā evarūpo puggalo jigucchitabbo na sevitabbo na bhajitabbo na payirupāsitabbo.
‘‘гад̇амо жа, бхигкавз, буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о? ид̇ха, бхигкавз, згажжо буг̇г̇ало год̇хано ход̇и убааяаасаб̣ахуло , аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и. сзяяат̇ааби, бхигкавз, д̣̇удтааруго гадтзна ваа гаталааяа ваа гхаддид̇о бхияяосомад̇д̇ааяа аасавам̣ д̣̇зд̇и; звамзвам̣ ко, бхигкавз…бз… сзяяат̇ааби, бхигкавз, д̇инд̣̇угаалаад̇ам̣ гадтзна ваа гаталааяа ваа гхаддид̇ам̣ бхияяосомад̇д̇ааяа жижжидааяад̇и жидижидааяад̇и; звамзвам̣ ко бхигкавз…бз… сзяяат̇ааби, бхигкавз, г̇уут̇агуубо гадтзна ваа гаталааяа ваа гхаддид̇о бхияяосомад̇д̇ааяа д̣̇уг̇г̇анд̇хо ход̇и; звамзвам̣ ко, бхигкавз, ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и. зваруубо, бхигкавз, буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. д̇ам̣ гисса хзд̇у? аггосзяяаби мам̣ барибхаасзяяаби мам̣ анад̇т̇амби мам̣ гарзяяаад̇и. д̇асмаа зваруубо буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о.
‘‘Katamo ca, bhikkhave, puggalo ajjhupekkhitabbo na sevitabbo na bhajitabbo na payirupāsitabbo? Idha, bhikkhave, ekacco puggalo kodhano hoti upāyāsabahulo , appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. Seyyathāpi, bhikkhave, duṭṭhāruko kaṭṭhena vā kaṭhalāya vā ghaṭṭito bhiyyosomattāya āsavaṃ deti; evamevaṃ kho, bhikkhave…pe… seyyathāpi, bhikkhave, tindukālātaṃ kaṭṭhena vā kaṭhalāya vā ghaṭṭitaṃ bhiyyosomattāya cicciṭāyati ciṭiciṭāyati; evamevaṃ kho bhikkhave…pe… seyyathāpi, bhikkhave, gūthakūpo kaṭṭhena vā kaṭhalāya vā ghaṭṭito bhiyyosomattāya duggandho hoti; evamevaṃ kho, bhikkhave, idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. Evarūpo, bhikkhave, puggalo ajjhupekkhitabbo na sevitabbo na bhajitabbo na payirupāsitabbo. Taṃ kissa hetu? Akkoseyyapi maṃ paribhāseyyapi maṃ anatthampi maṃ kareyyāti. Tasmā evarūpo puggalo ajjhupekkhitabbo na sevitabbo na bhajitabbo na payirupāsitabbo.
‘‘гад̇амо жа, бхигкавз, буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о? ид̇ха, бхигкавз, згажжо буг̇г̇ало сийлаваа ход̇и галяаан̣ад̇хаммо. зваруубо, бхигкавз, буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. д̇ам̣ гисса хзд̇у? гин̃жааби, бхигкавз, зваруубасса буг̇г̇аласса на д̣̇идтаануг̇ад̇им̣ аабаж̇ж̇ад̇и, ат̇а ко нам̣ галяаан̣о гид̇д̇исад̣̇д̣̇о аб̣бхуг̇г̇ажчад̇и – ‘галяаан̣амид̇д̇о бурисабуг̇г̇ало галяаан̣асахааяо галяаан̣асамбаван̇го’д̇и. д̇асмаа зваруубо буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. ‘имз ко, бхигкавз, д̇аяо буг̇г̇алаа санд̇о сам̣виж̇ж̇амаанаа логасми’’’нд̇и.
‘‘Katamo ca, bhikkhave, puggalo sevitabbo bhajitabbo payirupāsitabbo? Idha, bhikkhave, ekacco puggalo sīlavā hoti kalyāṇadhammo. Evarūpo, bhikkhave, puggalo sevitabbo bhajitabbo payirupāsitabbo. Taṃ kissa hetu? Kiñcāpi, bhikkhave, evarūpassa puggalassa na diṭṭhānugatiṃ āpajjati, atha kho naṃ kalyāṇo kittisaddo abbhuggacchati – ‘kalyāṇamitto purisapuggalo kalyāṇasahāyo kalyāṇasampavaṅko’ti. Tasmā evarūpo puggalo sevitabbo bhajitabbo payirupāsitabbo. ‘Ime kho, bhikkhave, tayo puggalā santo saṃvijjamānā lokasmi’’’nti.
‘‘нихийяад̇и бурисо нихийнасзвий,
‘‘Nihīyati puriso nihīnasevī,
на жа хааязт̇а гад̣̇аажи д̇уляасзвий;
Na ca hāyetha kadāci tulyasevī;
сздтамубанамам̣ уд̣̇зд̇и киббам̣,
Seṭṭhamupanamaṃ udeti khippaṃ,
д̇асмаа ад̇д̇ано уд̇д̇арим̣ бхаж̇зт̇аа’’д̇и. сад̇д̇амам̣;
Tasmā attano uttariṃ bhajethā’’ti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. ж̇иг̇ужчид̇аб̣б̣асуд̇д̇аван̣н̣анаа • 7. Jigucchitabbasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. ж̇иг̇ужчид̇аб̣б̣асуд̇д̇аван̣н̣анаа • 7. Jigucchitabbasuttavaṇṇanā
