| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. ж̇иг̇ужчид̇аб̣б̣асуд̇д̇аван̣н̣анаа
7. Jigucchitabbasuttavaṇṇanā
27. сад̇д̇амз ж̇иг̇ужчид̇аб̣б̣од̇и г̇уут̇ам̣ вияа ж̇иг̇ужчид̇аб̣б̣о. ат̇а ко нанд̇и ат̇а ко асса. гид̇д̇исад̣̇д̣̇од̇и гат̇аасад̣̇д̣̇о. звамзва код̇и зд̇т̇а г̇уут̇агуубо вияа д̣̇уссийляам̣ д̣̇адтаб̣б̣ам̣. г̇уут̇агуубз бад̇ид̇ваа тид̇о д̇хамманиахи вияа д̣̇уссийлабуг̇г̇ало. г̇уут̇агуубад̇о уд̣̇д̇харияамаанзна д̇зна ахинаа бурисасса сарийрам̣ аарул̣хзнааби ад̣̇адтабхааво вияа д̣̇уссийлам̣ сзвамаанассааби д̇асса гирияааяа агаран̣абхааво. сарийрам̣ г̇уут̇зна магкзд̇ваа ахинаа г̇ад̇агаало вияа д̣̇уссийлам̣ сзвамаанасса баабагид̇д̇исад̣̇д̣̇ааб̣бхуг̇г̇аманагаало взд̣̇ид̇аб̣б̣о.
27. Sattame jigucchitabboti gūthaṃ viya jigucchitabbo. Atha kho nanti atha kho assa. Kittisaddoti kathāsaddo. Evameva khoti ettha gūthakūpo viya dussīlyaṃ daṭṭhabbaṃ. Gūthakūpe patitvā ṭhito dhammaniahi viya dussīlapuggalo. Gūthakūpato uddhariyamānena tena ahinā purisassa sarīraṃ āruḷhenāpi adaṭṭhabhāvo viya dussīlaṃ sevamānassāpi tassa kiriyāya akaraṇabhāvo. Sarīraṃ gūthena makkhetvā ahinā gatakālo viya dussīlaṃ sevamānassa pāpakittisaddaabbhuggamanakālo veditabbo.
д̇инд̣̇угаалаад̇анд̇и д̇инд̣̇угаругкаалаад̇ам̣. бхияяосомад̇д̇ааяа жижжидааяад̇ийд̇и д̇ам̣ хи жхааяамаанам̣ багад̇ияааби бабадигааяо мун̃жанд̇ам̣ жижжидаад̇и ‘‘жидижидаа’’д̇и сад̣̇д̣̇ам̣ гарод̇и, гхаддид̇ам̣ бана ад̇химад̇д̇ам̣ гарод̇ийд̇и ад̇т̇о. звамзва код̇и звамзвам̣ год̇хано ад̇д̇ано д̇хаммад̇ааяаби уд̣̇д̇хад̇о жан̣д̣игад̇о худ̇ваа жарад̇и, аббамад̇д̇агам̣ бана важанам̣ суд̇агаалз ‘‘маад̣̇исам̣ наама звам̣ вад̣̇ад̇и звам̣ вад̣̇ад̇ий’’д̇и ад̇ирзгад̇арам̣ уд̣̇д̇хад̇о жан̣д̣игад̇о худ̇ваа жарад̇и. г̇уут̇агуубод̇и г̇уут̇абун̣н̣агуубо, г̇уут̇араасиязва ваа. обаммасам̣санд̣̇анам̣ банзд̇т̇а буриманаязнзва взд̣̇ид̇аб̣б̣ам̣. д̇асмаа зваруубо буг̇г̇ало аж̇жхубзгкид̇аб̣б̣о на сзвид̇аб̣б̣од̇и яасмаа год̇хано ад̇исзвияамаано ад̇иубасан̇гамияамааноби гуж̇жхад̇иязва, ‘‘гим̣ иминаа’’д̇и бадиггаманд̇зби гуж̇жхад̇иязва. д̇асмаа балаалаг̇г̇и вияа аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о. гим̣ вуд̇д̇ам̣ ход̇и? яо хи балаалаг̇г̇им̣ ад̇иубасан̇гамид̇ваа д̇аббад̇и, д̇асса сарийрам̣ жхааяад̇и. яо ад̇ибадиггамид̇ваа д̇аббад̇и, д̇асса сийд̇ам̣ на вуубасаммад̇и. анубасан̇гамид̇ваа абадиггамид̇ваа бана маж̇жхад̇д̇абхаавзна д̇аббанд̇асса сийд̇ам̣ вуубасаммад̇и, д̇асмаа балаалаг̇г̇и вияа год̇хано буг̇г̇ало маж̇жхад̇д̇абхаавзна аж̇жхубзгкид̇аб̣б̣о, на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о.
Tindukālātanti tindukarukkhaalātaṃ. Bhiyyosomattāya cicciṭāyatīti taṃ hi jhāyamānaṃ pakatiyāpi papaṭikāyo muñcantaṃ cicciṭāti ‘‘ciṭiciṭā’’ti saddaṃ karoti, ghaṭṭitaṃ pana adhimattaṃ karotīti attho. Evameva khoti evamevaṃ kodhano attano dhammatāyapi uddhato caṇḍikato hutvā carati, appamattakaṃ pana vacanaṃ sutakāle ‘‘mādisaṃ nāma evaṃ vadati evaṃ vadatī’’ti atirekataraṃ uddhato caṇḍikato hutvā carati. Gūthakūpoti gūthapuṇṇakūpo, gūtharāsiyeva vā. Opammasaṃsandanaṃ panettha purimanayeneva veditabbaṃ. Tasmā evarūpo puggalo ajjhupekkhitabbo na sevitabboti yasmā kodhano atiseviyamāno atiupasaṅkamiyamānopi kujjhatiyeva, ‘‘kiṃ iminā’’ti paṭikkamantepi kujjhatiyeva. Tasmā palālaggi viya ajjhupekkhitabbo na sevitabbo na bhajitabbo. Kiṃ vuttaṃ hoti? Yo hi palālaggiṃ atiupasaṅkamitvā tappati, tassa sarīraṃ jhāyati. Yo atipaṭikkamitvā tappati, tassa sītaṃ na vūpasammati. Anupasaṅkamitvā apaṭikkamitvā pana majjhattabhāvena tappantassa sītaṃ vūpasammati, tasmā palālaggi viya kodhano puggalo majjhattabhāvena ajjhupekkhitabbo, na sevitabbo na bhajitabbo na payirupāsitabbo.
галяаан̣амид̇д̇од̇и сужимид̇д̇о. галяаан̣асахааяод̇и сужисахааяо. сахааяаа наама сахаг̇аамино сад̣̇д̇хим̣жараа. галяаан̣асамбаван̇год̇и галяаан̣зсу сужибуг̇г̇алзсу самбаван̇го, д̇анниннад̇аббон̣ад̇аббаб̣бхаарамаанасод̇и ад̇т̇о.
Kalyāṇamittoti sucimitto. Kalyāṇasahāyoti sucisahāyo. Sahāyā nāma sahagāmino saddhiṃcarā. Kalyāṇasampavaṅkoti kalyāṇesu sucipuggalesu sampavaṅko, tanninnatappoṇatappabbhāramānasoti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. ж̇иг̇ужчид̇аб̣б̣асуд̇д̇ам̣ • 7. Jigucchitabbasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. ж̇иг̇ужчид̇аб̣б̣асуд̇д̇аван̣н̣анаа • 7. Jigucchitabbasuttavaṇṇanā
