| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਜਿਣ੍ਣਸੁਤ੍ਤਂ
5. Jiṇṇasuttaṃ
੧੪੮. ਏવਂ ਮੇ ਸੁਤਂ…ਪੇ॰… ਰਾਜਗਹੇ વੇਲ਼ੁવਨੇ। ਅਥ ਖੋ ਆਯਸ੍ਮਾ ਮਹਾਕਸ੍ਸਪੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਆਯਸ੍ਮਨ੍ਤਂ ਮਹਾਕਸ੍ਸਪਂ ਭਗવਾ ਏਤਦવੋਚ – ‘‘ਜਿਣ੍ਣੋਸਿ ਦਾਨਿ ਤ੍વਂ, ਕਸ੍ਸਪ, ਗਰੁਕਾਨਿ ਚ ਤੇ ਇਮਾਨਿ ਸਾਣਾਨਿ ਪਂਸੁਕੂਲਾਨਿ ਨਿਬ੍ਬਸਨਾਨਿ। ਤਸ੍ਮਾਤਿਹ ਤ੍વਂ, ਕਸ੍ਸਪ, ਗਹਪਤਾਨਿ 1 ਚੇવ ਚੀવਰਾਨਿ ਧਾਰੇਹਿ, ਨਿਮਨ੍ਤਨਾਨਿ ਚ ਭੁਞ੍ਜਾਹਿ, ਮਮ ਚ ਸਨ੍ਤਿਕੇ વਿਹਰਾਹੀ’’ਤਿ।
148. Evaṃ me sutaṃ…pe… rājagahe veḷuvane. Atha kho āyasmā mahākassapo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ mahākassapaṃ bhagavā etadavoca – ‘‘jiṇṇosi dāni tvaṃ, kassapa, garukāni ca te imāni sāṇāni paṃsukūlāni nibbasanāni. Tasmātiha tvaṃ, kassapa, gahapatāni 2 ceva cīvarāni dhārehi, nimantanāni ca bhuñjāhi, mama ca santike viharāhī’’ti.
‘‘ਅਹਂ ਖੋ, ਭਨ੍ਤੇ, ਦੀਘਰਤ੍ਤਂ ਆਰਞ੍ਞਿਕੋ ਚੇવ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਪਿਣ੍ਡਪਾਤਿਕੋ ਚੇવ ਪਿਣ੍ਡਪਾਤਿਕਤ੍ਤਸ੍ਸ ਚ વਣ੍ਣવਾਦੀ, ਪਂਸੁਕੂਲਿਕੋ ਚੇવ ਪਂਸੁਕੂਲਿਕਤ੍ਤਸ੍ਸ ਚ વਣ੍ਣવਾਦੀ, ਤੇਚੀવਰਿਕੋ ਚੇવ ਤੇਚੀવਰਿਕਤ੍ਤਸ੍ਸ ਚ વਣ੍ਣવਾਦੀ, ਅਪ੍ਪਿਚ੍ਛੋ ਚੇવ ਅਪ੍ਪਿਚ੍ਛਤਾਯ ਚ વਣ੍ਣવਾਦੀ, ਸਨ੍ਤੁਟ੍ਠੋ ਚੇવ ਸਨ੍ਤੁਟ੍ਠਿਯਾ ਚ વਣ੍ਣવਾਦੀ, ਪવਿવਿਤ੍ਤੋ ਚੇવ ਪવਿવੇਕਸ੍ਸ ਚ વਣ੍ਣવਾਦੀ, ਅਸਂਸਟ੍ਠੋ ਚੇવ ਅਸਂਸਗ੍ਗਸ੍ਸ ਚ વਣ੍ਣવਾਦੀ, ਆਰਦ੍ਧવੀਰਿਯੋ ਚੇવ વੀਰਿਯਾਰਮ੍ਭਸ੍ਸ 3 ਚ વਣ੍ਣવਾਦੀ’’ਤਿ।
‘‘Ahaṃ kho, bhante, dīgharattaṃ āraññiko ceva āraññikattassa ca vaṇṇavādī, piṇḍapātiko ceva piṇḍapātikattassa ca vaṇṇavādī, paṃsukūliko ceva paṃsukūlikattassa ca vaṇṇavādī, tecīvariko ceva tecīvarikattassa ca vaṇṇavādī, appiccho ceva appicchatāya ca vaṇṇavādī, santuṭṭho ceva santuṭṭhiyā ca vaṇṇavādī, pavivitto ceva pavivekassa ca vaṇṇavādī, asaṃsaṭṭho ceva asaṃsaggassa ca vaṇṇavādī, āraddhavīriyo ceva vīriyārambhassa 4 ca vaṇṇavādī’’ti.
‘‘ਕਿਂ 5 ਪਨ ਤ੍વਂ, ਕਸ੍ਸਪ, ਅਤ੍ਥવਸਂ ਸਮ੍ਪਸ੍ਸਮਾਨੋ ਦੀਘਰਤ੍ਤਂ ਆਰਞ੍ਞਿਕੋ ਚੇવ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਪਿਣ੍ਡਪਾਤਿਕੋ ਚੇવ…ਪੇ॰… ਪਂਸੁਕੂਲਿਕੋ ਚੇવ… ਤੇਚੀવਰਿਕੋ ਚੇવ… ਅਪ੍ਪਿਚ੍ਛੋ ਚੇવ… ਸਨ੍ਤੁਟ੍ਠੋ ਚੇવ… ਪવਿવਿਤ੍ਤੋ ਚੇવ… ਅਸਂਸਟ੍ਠੋ ਚੇવ… ਆਰਦ੍ਧવੀਰਿਯੋ ਚੇવ વੀਰਿਯਾਰਮ੍ਭਸ੍ਸ ਚ વਣ੍ਣવਾਦੀ’’ਤਿ?
‘‘Kiṃ 6 pana tvaṃ, kassapa, atthavasaṃ sampassamāno dīgharattaṃ āraññiko ceva āraññikattassa ca vaṇṇavādī, piṇḍapātiko ceva…pe… paṃsukūliko ceva… tecīvariko ceva… appiccho ceva… santuṭṭho ceva… pavivitto ceva… asaṃsaṭṭho ceva… āraddhavīriyo ceva vīriyārambhassa ca vaṇṇavādī’’ti?
‘‘ਦ੍વੇ ਖ੍વਾਹਂ, ਭਨ੍ਤੇ, ਅਤ੍ਥવਸੇ ਸਮ੍ਪਸ੍ਸਮਾਨੋ ਦੀਘਰਤ੍ਤਂ ਆਰਞ੍ਞਿਕੋ ਚੇવ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਪਿਣ੍ਡਪਾਤਿਕੋ ਚੇવ…ਪੇ॰… ਪਂਸੁਕੂਲਿਕੋ ਚੇવ… ਤੇਚੀવਰਿਕੋ ਚੇવ… ਅਪ੍ਪਿਚ੍ਛੋ ਚੇવ… ਸਨ੍ਤੁਟ੍ਠੋ ਚੇવ… ਪવਿવਿਤ੍ਤੋ ਚੇવ… ਅਸਂਸਟ੍ਠੋ ਚੇવ… ਆਰਦ੍ਧવੀਰਿਯੋ ਚੇવ વੀਰਿਯਾਰਮ੍ਭਸ੍ਸ ਚ વਣ੍ਣવਾਦੀ। ਅਤ੍ਤਨੋ ਚ ਦਿਟ੍ਠਧਮ੍ਮਸੁਖવਿਹਾਰਂ ਸਮ੍ਪਸ੍ਸਮਾਨੋ, ਪਚ੍ਛਿਮਞ੍ਚ ਜਨਤਂ ਅਨੁਕਮ੍ਪਮਾਨੋ – ‘ਅਪ੍ਪੇવ ਨਾਮ ਪਚ੍ਛਿਮਾ ਜਨਤਾ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ’ 7। ‘ਯੇ ਕਿਰ ਤੇ ਅਹੇਸੁਂ ਬੁਦ੍ਧਾਨੁਬੁਦ੍ਧਸਾવਕਾ ਤੇ ਦੀਘਰਤ੍ਤਂ ਆਰਞ੍ਞਿਕਾ ਚੇવ ਅਹੇਸੁਂ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦਿਨੋ…ਪੇ॰… ਪਿਣ੍ਡਪਾਤਿਕਾ ਚੇવ ਅਹੇਸੁਂ …ਪੇ॰… ਪਂਸੁਕੂਲਿਕਾ ਚੇવ ਅਹੇਸੁਂ… ਤੇਚੀવਰਿਕਾ ਚੇવ ਅਹੇਸੁਂ… ਅਪ੍ਪਿਚ੍ਛਾ ਚੇવ ਅਹੇਸੁਂ… ਸਨ੍ਤੁਟ੍ਠਾ ਚੇવ ਅਹੇਸੁਂ… ਪવਿવਿਤ੍ਤਾ ਚੇવ ਅਹੇਸੁਂ… ਅਸਂਸਟ੍ਠਾ ਚੇવ ਅਹੇਸੁਂ… ਆਰਦ੍ਧવੀਰਿਯਾ ਚੇવ ਅਹੇਸੁਂ વੀਰਿਯਾਰਮ੍ਭਸ੍ਸ ਚ વਣ੍ਣવਾਦਿਨੋ’ਤਿ। ਤੇ ਤਥਤ੍ਤਾਯ ਪਟਿਪਜ੍ਜਿਸ੍ਸਨ੍ਤਿ, ਤੇਸਂ ਤਂ ਭવਿਸ੍ਸਤਿ ਦੀਘਰਤ੍ਤਂ ਹਿਤਾਯ ਸੁਖਾਯ।
‘‘Dve khvāhaṃ, bhante, atthavase sampassamāno dīgharattaṃ āraññiko ceva āraññikattassa ca vaṇṇavādī, piṇḍapātiko ceva…pe… paṃsukūliko ceva… tecīvariko ceva… appiccho ceva… santuṭṭho ceva… pavivitto ceva… asaṃsaṭṭho ceva… āraddhavīriyo ceva vīriyārambhassa ca vaṇṇavādī. Attano ca diṭṭhadhammasukhavihāraṃ sampassamāno, pacchimañca janataṃ anukampamāno – ‘appeva nāma pacchimā janatā diṭṭhānugatiṃ āpajjeyyuṃ’ 8. ‘Ye kira te ahesuṃ buddhānubuddhasāvakā te dīgharattaṃ āraññikā ceva ahesuṃ āraññikattassa ca vaṇṇavādino…pe… piṇḍapātikā ceva ahesuṃ …pe… paṃsukūlikā ceva ahesuṃ… tecīvarikā ceva ahesuṃ… appicchā ceva ahesuṃ… santuṭṭhā ceva ahesuṃ… pavivittā ceva ahesuṃ… asaṃsaṭṭhā ceva ahesuṃ… āraddhavīriyā ceva ahesuṃ vīriyārambhassa ca vaṇṇavādino’ti. Te tathattāya paṭipajjissanti, tesaṃ taṃ bhavissati dīgharattaṃ hitāya sukhāya.
‘‘ਇਮੇ ਖ੍વਾਹਂ, ਭਨ੍ਤੇ, ਦ੍વੇ ਅਤ੍ਥવਸੇ ਸਮ੍ਪਸ੍ਸਮਾਨੋ ਦੀਘਰਤ੍ਤਂ ਆਰਞ੍ਞਿਕੋ ਚੇવ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਪਿਣ੍ਡਪਾਤਿਕੋ ਚੇવ…ਪੇ॰… ਪਂਸੁਕੂਲਿਕੋ ਚੇવ… ਤੇਚੀવਰਿਕੋ ਚੇવ… ਅਪ੍ਪਿਚ੍ਛੋ ਚੇવ… ਸਨ੍ਤੁਟ੍ਠੋ ਚੇવ… ਪવਿવਿਤ੍ਤੋ ਚੇવ… ਅਸਂਸਟ੍ਠੋ ਚੇવ… ਆਰਦ੍ਧવੀਰਿਯੋ ਚੇવ વੀਰਿਯਾਰਮ੍ਭਸ੍ਸ ਚ વਣ੍ਣવਾਦੀ’’ਤਿ।
‘‘Ime khvāhaṃ, bhante, dve atthavase sampassamāno dīgharattaṃ āraññiko ceva āraññikattassa ca vaṇṇavādī, piṇḍapātiko ceva…pe… paṃsukūliko ceva… tecīvariko ceva… appiccho ceva… santuṭṭho ceva… pavivitto ceva… asaṃsaṭṭho ceva… āraddhavīriyo ceva vīriyārambhassa ca vaṇṇavādī’’ti.
‘‘ਸਾਧੁ ਸਾਧੁ, ਕਸ੍ਸਪ। ਬਹੁਜਨਹਿਤਾਯ ਕਿਰ ਤ੍વਂ, ਕਸ੍ਸਪ, ਪਟਿਪਨ੍ਨੋ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ। ਤਸ੍ਮਾਤਿਹ ਤ੍વਂ, ਕਸ੍ਸਪ, ਸਾਣਾਨਿ ਚੇવ ਪਂਸੁਕੂਲਾਨਿ ਧਾਰੇਹਿ ਨਿਬ੍ਬਸਨਾਨਿ, ਪਿਣ੍ਡਾਯ ਚ ਚਰਾਹਿ, ਅਰਞ੍ਞੇ ਚ વਿਹਰਾਹੀ’’ਤਿ। ਪਞ੍ਚਮਂ।
‘‘Sādhu sādhu, kassapa. Bahujanahitāya kira tvaṃ, kassapa, paṭipanno bahujanasukhāya lokānukampāya atthāya hitāya sukhāya devamanussānaṃ. Tasmātiha tvaṃ, kassapa, sāṇāni ceva paṃsukūlāni dhārehi nibbasanāni, piṇḍāya ca carāhi, araññe ca viharāhī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਜਿਣ੍ਣਸੁਤ੍ਤવਣ੍ਣਨਾ • 5. Jiṇṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਜਿਣ੍ਣਸੁਤ੍ਤવਣ੍ਣਨਾ • 5. Jiṇṇasuttavaṇṇanā
