| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. ж̇ин̣н̣асуд̇д̇аван̣н̣анаа
5. Jiṇṇasuttavaṇṇanā
148. чиннабхиннадтаанз чид̣̇д̣̇асса абут̇улад̇д̇аа аг̇г̇ал̣ам̣ ад̣̇ад̇ваава суд̇д̇зна сам̣сиб̣б̣анамад̇д̇зна аг̇г̇ал̣ад̣̇аанзна жа чид̣̇д̣̇з бут̇улз. ниб̣б̣асанаанийд̇и жиранисзвид̇авасанагижжаани, барибхог̇аж̇ин̣н̣аанийд̇и ад̇т̇о. д̇знааха ‘‘буб̣б̣з…бз… лад̣̇д̇ханаамааний’’д̇и, сан̃н̃аабуб̣б̣аго вид̇хи анижжод̇и ‘‘г̇ахабад̇ааний’’д̇и вуд̇д̇ам̣ яат̇аа ‘‘вийрияа’’нд̇и.
148.Chinnabhinnaṭṭhāne chiddassa aputhulattā aggaḷaṃ adatvāva suttena saṃsibbanamattena aggaḷadānena ca chidde puthule. Nibbasanānīti ciranisevitavasanakiccāni, paribhogajiṇṇānīti attho. Tenāha ‘‘pubbe…pe… laddhanāmānī’’ti, saññāpubbako vidhi aniccoti ‘‘gahapatānī’’ti vuttaṃ yathā ‘‘vīriya’’nti.
сзнаабад̇инд̇и сзнаабад̇ибхаавинам̣, сзнаабажжаараханд̇и ад̇т̇о. ад̇д̇ано гаммзнаад̇и ад̇д̇анаа гаад̇аб̣б̣агаммзна. сод̇и сад̇т̇аа. д̇асминд̇и махаагассабад̇т̇зрз гарод̇ийд̇и самб̣анд̇хо. на гарод̇ийд̇и вуд̇д̇амад̇т̇ам̣ виваранд̇о ‘‘гасмаа’’д̇иаад̣̇имааха. яад̣̇и сад̇т̇аа д̇худ̇ан̇г̇аани на виссаж̇ж̇аабзд̇угаамо, ат̇а гасмаа ‘‘ж̇ин̣н̣оси д̣̇аани д̇ва’’нд̇иаад̣̇имавожаад̇и ааха ‘‘яат̇аа банаа’’д̇иаад̣̇и.
Senāpatinti senāpatibhāvinaṃ, senāpaccārahanti attho. Attano kammenāti attanā kātabbakammena. Soti satthā. Tasminti mahākassapatthere karotīti sambandho. Na karotīti vuttamatthaṃ vivaranto ‘‘kasmā’’tiādimāha. Yadi satthā dhutaṅgāni na vissajjāpetukāmo, atha kasmā ‘‘jiṇṇosi dāni tva’’ntiādimavocāti āha ‘‘yathā panā’’tiādi.
д̣̇идтад̇хаммасукавихааранд̇и имасмим̣язва ад̇д̇абхаавз паасувихаарам̣. амаанусигаа саванарад̇ийд̇и ад̇игганд̇амаанусигааяа аран̃н̃асад̣̇д̣̇уббад̇д̇ияаа аран̃н̃зхам̣ васаамийд̇и вивзгаваасуубаниссаяаад̇хийнасад̣̇д̣̇асаванабажжаяаа д̇хаммарад̇и уббаж̇ж̇ад̇и. абарод̇и ан̃н̃о, д̣̇уд̇ияод̇и ад̇т̇о. д̇ад̇т̇зваад̇и д̇асмим̣язва згасса вихаран̣адтаанз вихаран̣асамаяз жа паасу бхавад̇и жид̇д̇авивзгасамбхавад̇о. д̇знааха ‘‘згасса рамад̇о ванз’’д̇и.
Diṭṭhadhammasukhavihāranti imasmiṃyeva attabhāve phāsuvihāraṃ. Amānusikā savanaratīti atikkantamānusikāya araññasadduppattiyā araññehaṃ vasāmīti vivekavāsūpanissayādhīnasaddasavanapaccayā dhammarati uppajjati. Aparoti añño, dutiyoti attho. Tatthevāti tasmiṃyeva ekassa viharaṇaṭṭhāne viharaṇasamaye ca phāsu bhavati cittavivekasambhavato. Tenāha ‘‘ekassa ramato vane’’ti.
д̇ат̇аад̇и яат̇аа ааран̃н̃игасса рад̇и, д̇ат̇аа бин̣д̣абаад̇игасса лаб̣бхад̇и д̣̇идтад̇хаммасукавихааро. зса наяо сзсзсу. абин̣д̣абаад̇игаад̇хийно ид̇арасса висзсаж̇од̇агод̇и д̇амзвасса висзсам̣ д̣̇ассзд̇ум̣ ‘‘агаалажаарий’’д̇иаад̣̇и вуд̇д̇ам̣.
Tathāti yathā āraññikassa rati, tathā piṇḍapātikassa labbhati diṭṭhadhammasukhavihāro. Esa nayo sesesu. Apiṇḍapātikādhīno itarassa visesajotakoti tamevassa visesaṃ dassetuṃ ‘‘akālacārī’’tiādi vuttaṃ.
амхаагам̣ салаагам̣ г̇ахзд̇ваа бхад̇д̇ад̇т̇ааяа г̇зхам̣ анааг̇ажчанд̇асса сад̇д̇аахам̣ на баад̇зд̇аб̣б̣анд̇и саамигзхи д̣̇иннад̇д̇аа сад̇д̇аахам̣ салаагам̣ на лабхад̇и, на гад̇игавасзна. бин̣д̣ажааригавад̇д̇з авад̇д̇анад̇о ‘‘яасса жзсаа’’д̇иаад̣̇и вуд̇д̇ам̣.
Amhākaṃ salākaṃ gahetvā bhattatthāya gehaṃ anāgacchantassa sattāhaṃ na pātetabbanti sāmikehi dinnattā sattāhaṃ salākaṃ na labhati, na katikavasena. Piṇḍacārikavatte avattanato ‘‘yassa cesā’’tiādi vuttaṃ.
батамад̇арам̣ гаад̇аб̣б̣ам̣ яам̣, д̇ам̣ вад̇д̇ам̣, ид̇арам̣ бадивад̇д̇ам̣. маханд̇ам̣ ваа вад̇д̇ам̣, куд̣̇д̣̇агам̣ бадивад̇д̇ам̣. гзжи ‘‘вад̇д̇абадибад̇д̇и’’нд̇и батанд̇и, вад̇д̇асса гаран̣анд̇и ад̇т̇о. уд̣̇д̇харан̣а-ад̇ихаран̣а-вийд̇ихаран̣авоссаж̇ж̇ана-саннигкзбана-саннирумбханаанам̣ васзна ча годтаасз. г̇арубхаавзнаад̇и т̇ирабхаавзна.
Paṭhamataraṃ kātabbaṃ yaṃ, taṃ vattaṃ, itaraṃ paṭivattaṃ. Mahantaṃ vā vattaṃ, khuddakaṃ paṭivattaṃ. Keci ‘‘vattapaṭipatti’’nti paṭhanti, vattassa karaṇanti attho. Uddharaṇa-atiharaṇa-vītiharaṇavossajjana-sannikkhepana-sannirumbhanānaṃ vasena cha koṭṭhāse. Garubhāvenāti thirabhāvena.
‘‘амугасмим̣ сзнаасанз васанд̇аа б̣ахум̣ вассаваасигам̣ лабханд̇ий’’д̇и д̇ат̇аа на вассаваасигам̣ бариязсанд̇о жарад̇и вассаваасигассзва аг̇г̇ахан̣ад̇о. д̇асмаа сзнаасанапаасугам̣язва жинд̇зд̇и. д̇зна б̣ахубаригкаарабхаавзна паасувихааро над̇т̇и баригкаараанам̣ рагкан̣абадиж̇аг̇г̇анаад̣̇ид̣̇угкаб̣ахулад̇ааяа. аббижчаад̣̇ийнанд̇и аббижчасанд̇удтаад̣̇ийнам̣язва лаб̣бхад̇и д̣̇идтад̇хаммасукавихааро.
‘‘Amukasmiṃ senāsane vasantā bahuṃ vassavāsikaṃ labhantī’’ti tathā na vassavāsikaṃ pariyesanto carati vassavāsikasseva aggahaṇato. Tasmā senāsanaphāsukaṃyeva cinteti. Tena bahuparikkhārabhāvena phāsuvihāro natthi parikkhārānaṃ rakkhaṇapaṭijagganādidukkhabahulatāya. Appicchādīnanti appicchasantuṭṭhādīnaṃyeva labbhati diṭṭhadhammasukhavihāro.
ж̇ин̣н̣асуд̇д̇аван̣н̣анаа нидтид̇аа.
Jiṇṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. ж̇ин̣н̣асуд̇д̇ам̣ • 5. Jiṇṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ж̇ин̣н̣асуд̇д̇аван̣н̣анаа • 5. Jiṇṇasuttavaṇṇanā
