| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. ஜீவகம்ப³வனபடிஸல்லானஸுத்தங்
6. Jīvakambavanapaṭisallānasuttaṃ
161. ஏகங் ஸமயங் ப⁴க³வா ராஜக³ஹே விஹரதி ஜீவகம்ப³வனே. தத்ர கோ² ப⁴க³வா பி⁴க்கூ² ஆமந்தேஸி…பே॰… ‘‘படிஸல்லானே, பி⁴க்க²வே, யோக³மாபஜ்ஜத². படிஸல்லீனஸ்ஸ, பி⁴க்க²வே, பி⁴க்கு²னோ யதா²பூ⁴தங் ஒக்கா²யதி. கிஞ்ச யதா²பூ⁴தங் ஒக்கா²யதி? சக்கு²ங் அனிச்சந்தி யதா²பூ⁴தங் ஒக்கா²யதி, ரூபா அனிச்சாதி யதா²பூ⁴தங் ஒக்கா²யதி, சக்கு²விஞ்ஞாணங் அனிச்சந்தி யதா²பூ⁴தங் ஒக்கா²யதி, சக்கு²ஸம்ப²ஸ்ஸோ அனிச்சோதி யதா²பூ⁴தங் ஒக்கா²யதி, யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சந்தி யதா²பூ⁴தங் ஒக்கா²யதி…பே॰… மனோ அனிச்சோதி யதா²பூ⁴தங் ஒக்கா²யதி, த⁴ம்மா… மனோவிஞ்ஞாணங்… மனோஸம்ப²ஸ்ஸோ… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சந்தி யதா²பூ⁴தங் ஒக்கா²யதி. படிஸல்லானே பி⁴க்க²வே, யோக³மாபஜ்ஜத². படிஸல்லீனஸ்ஸ, பி⁴க்க²வே, பி⁴க்கு²னோ யதா²பூ⁴தங் ஒக்கா²யதீ’’தி. ச²ட்ட²ங்.
161. Ekaṃ samayaṃ bhagavā rājagahe viharati jīvakambavane. Tatra kho bhagavā bhikkhū āmantesi…pe… ‘‘paṭisallāne, bhikkhave, yogamāpajjatha. Paṭisallīnassa, bhikkhave, bhikkhuno yathābhūtaṃ okkhāyati. Kiñca yathābhūtaṃ okkhāyati? Cakkhuṃ aniccanti yathābhūtaṃ okkhāyati, rūpā aniccāti yathābhūtaṃ okkhāyati, cakkhuviññāṇaṃ aniccanti yathābhūtaṃ okkhāyati, cakkhusamphasso aniccoti yathābhūtaṃ okkhāyati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti yathābhūtaṃ okkhāyati…pe… mano aniccoti yathābhūtaṃ okkhāyati, dhammā… manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti yathābhūtaṃ okkhāyati. Paṭisallāne bhikkhave, yogamāpajjatha. Paṭisallīnassa, bhikkhave, bhikkhuno yathābhūtaṃ okkhāyatī’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5-6. ஜீவகம்ப³வனஸமாதி⁴ஸுத்தாதி³வண்ணனா • 5-6. Jīvakambavanasamādhisuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5-6. ஜீவகம்ப³வனஸமாதி⁴ஸுத்தாதி³வண்ணனா • 5-6. Jīvakambavanasamādhisuttādivaṇṇanā
