| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. ж̇ийвагасуд̇д̇аван̣н̣анаа
5. Jīvakasuttavaṇṇanā
51. звам̣ мз суд̇анд̇и ж̇ийвагасуд̇д̇ам̣. д̇ад̇т̇а ж̇ийвагасса гомаарабхажжасса амб̣аванзд̇и зд̇т̇а ж̇ийвад̇ийд̇и ж̇ийваго. гумаарзна бхад̇од̇и гомаарабхажжо. яат̇ааха ‘‘гим̣ зд̇ам̣ бхан̣з гаагзхи самбаригин̣н̣анд̇и? д̣̇аараго д̣̇зваад̇и. ж̇ийвад̇и бхан̣зд̇и? ж̇ийвад̇и д̣̇зваад̇и. д̇зна хи бхан̣з д̇ам̣ д̣̇аарагам̣ амхаагам̣ анд̇збурам̣ нзд̇ваа д̇хаад̇ийнам̣ д̣̇зт̇а босзд̇унд̇и. д̇асса ж̇ийвад̇ийд̇и ж̇ийвагод̇и наамам̣ агам̣су, гумаарзна босаабид̇од̇и гомаарабхажжод̇и наамам̣ агам̣суу’’д̇и (махаава. 328). аяамзд̇т̇а сан̇кзбо. вид̇т̇аарзна бана ж̇ийвагавад̇т̇у канд̇хагз ааг̇ад̇амзва. винижчаяагат̇аабисса саманд̇абаасаад̣̇игааяа винаяадтагат̇ааяа вуд̇д̇аа.
51.Evaṃme sutanti jīvakasuttaṃ. Tattha jīvakassa komārabhaccassa ambavaneti ettha jīvatīti jīvako. Kumārena bhatoti komārabhacco. Yathāha ‘‘kiṃ etaṃ bhaṇe kākehi samparikiṇṇanti? Dārako devāti. Jīvati bhaṇeti? Jīvati devāti. Tena hi bhaṇe taṃ dārakaṃ amhākaṃ antepuraṃ netvā dhātīnaṃ detha posetunti. Tassa jīvatīti jīvakoti nāmaṃ akaṃsu, kumārena posāpitoti komārabhaccoti nāmaṃ akaṃsū’’ti (mahāva. 328). Ayamettha saṅkhepo. Vitthārena pana jīvakavatthu khandhake āgatameva. Vinicchayakathāpissa samantapāsādikāya vinayaṭṭhakathāya vuttā.
аяам̣ бана ж̇ийваго згасмим̣ самаяз бхаг̇авад̇о д̣̇осаабхисаннам̣ гааяам̣ вирзжзд̇ваа сийвзяяагам̣ д̣̇уссаяуг̇ам̣ д̣̇ад̇ваа вад̇т̇аанумод̣̇анабарияосаанз сод̇аабад̇д̇ипалз бад̇идтааяа жинд̇зси – ‘‘маяаа д̣̇ивасасса д̣̇вад̇д̇игкад̇д̇ум̣ б̣уд̣̇д̇хубадтаанам̣ г̇анд̇аб̣б̣ам̣, ид̣̇ан̃жа взл̣уванам̣ ад̇ид̣̇уурз, маяхам̣ уяяаанам̣ амб̣аванам̣ аасаннад̇арам̣, яам̣нуунаахамзд̇т̇а бхаг̇авад̇о вихаарам̣ гаарзяяа’’нд̇и. со д̇асмим̣ амб̣аванз рад̇д̇идтаанад̣̇иваадтааналзн̣агудиман̣д̣абаад̣̇ийни самбаад̣̇зд̇ваа бхаг̇авад̇о анужчавигам̣ г̇анд̇хагудим̣ гаарзд̇ваа амб̣аванам̣ адтаарасахад̇т̇уб̣б̣зд̇хзна д̇амб̣абаддаван̣н̣зна баагаарзна баригкибаабзд̇ваа б̣уд̣̇д̇хаббамукам̣ бхигкусан̇гхам̣ жийварабхад̇д̇зна санд̇аббзд̇ваа д̣̇агкин̣од̣̇агам̣ баад̇зд̇ваа вихаарам̣ нияяаад̇зси. д̇ам̣ санд̇хааяа вуд̇д̇ам̣ – ‘‘ж̇ийвагасса гомаарабхажжасса амб̣аванз’’д̇и.
Ayaṃ pana jīvako ekasmiṃ samaye bhagavato dosābhisannaṃ kāyaṃ virecetvā sīveyyakaṃ dussayugaṃ datvā vatthānumodanapariyosāne sotāpattiphale patiṭṭhāya cintesi – ‘‘mayā divasassa dvattikkhattuṃ buddhupaṭṭhānaṃ gantabbaṃ, idañca veḷuvanaṃ atidūre, mayhaṃ uyyānaṃ ambavanaṃ āsannataraṃ, yaṃnūnāhamettha bhagavato vihāraṃ kāreyya’’nti. So tasmiṃ ambavane rattiṭṭhānadivāṭṭhānaleṇakuṭimaṇḍapādīni sampādetvā bhagavato anucchavikaṃ gandhakuṭiṃ kāretvā ambavanaṃ aṭṭhārasahatthubbedhena tambapaṭṭavaṇṇena pākārena parikkhipāpetvā buddhappamukhaṃ bhikkhusaṅghaṃ cīvarabhattena santappetvā dakkhiṇodakaṃ pātetvā vihāraṃ niyyātesi. Taṃ sandhāya vuttaṃ – ‘‘jīvakassa komārabhaccassa ambavane’’ti.
аарабханд̇ийд̇и гхаад̇знд̇и. уд̣̇д̣̇иссагад̇анд̇и уд̣̇д̣̇исид̇ваа гад̇ам̣. бадижжагамманд̇и ад̇д̇аанам̣ бадижжа гад̇ам̣. ат̇а ваа бадижжагамманд̇и нимид̇д̇агаммассзд̇ам̣ ад̇хиважанам̣, д̇ам̣ бадижжа гаммамзд̇т̇а ад̇т̇ийд̇и мам̣сам̣ ‘‘бадижжагамма’’нд̇и вуд̇д̇ам̣ ход̇и яо зваруубам̣ мам̣сам̣ барибхун̃ж̇ад̇и, соби д̇асса гаммасса д̣̇ааяаад̣̇о ход̇и, вад̇хагасса вияа д̇ассааби баан̣агхаад̇агаммам̣ ход̇ийд̇и д̇зсам̣ лад̣̇д̇хи. д̇хаммасса жаануд̇хаммам̣ б̣яаагаронд̇ийд̇и бхаг̇авад̇аа вуд̇д̇агааран̣асса анугааран̣ам̣ гат̇знд̇и. зд̇т̇а жа гааран̣ам̣ наама д̇игодибарисуд̣̇д̇хамажчамам̣сабарибхог̇о, анугааран̣ам̣ наама махааж̇анасса д̇ат̇аа б̣яаагаран̣ам̣. яасмаа бана бхаг̇аваа уд̣̇д̣̇иссагад̇ам̣ на барибхун̃ж̇ад̇и, д̇асмаа нзва д̇ам̣ гааран̣ам̣ ход̇и, на д̇ид̇т̇ияаанам̣ д̇ат̇аа б̣яаагаран̣ам̣ анугааран̣ам̣. сахад̇хаммиго ваад̣̇аануваад̣̇од̇и барзхи вуд̇д̇агааран̣зна сагааран̣о худ̇ваа д̇умхаагам̣ ваад̣̇о ваа ануваад̣̇о ваа вин̃н̃уухи г̇арахид̇аб̣б̣агааран̣ам̣ гожи аббамад̇д̇агоби гим̣ на ааг̇ажчад̇и . ид̣̇ам̣ вуд̇д̇ам̣ ход̇и – ‘‘гим̣ саб̣б̣аагаарзнаби д̇умхаагам̣ ваад̣̇з г̇аараяхам̣ гааран̣ам̣ над̇т̇ий’’д̇и. аб̣бхаажигканд̇ийд̇и абхибхавид̇ваа аажигканд̇и.
Ārabhantīti ghātenti. Uddissakatanti uddisitvā kataṃ. Paṭiccakammanti attānaṃ paṭicca kataṃ. Atha vā paṭiccakammanti nimittakammassetaṃ adhivacanaṃ, taṃ paṭicca kammamettha atthīti maṃsaṃ ‘‘paṭiccakamma’’nti vuttaṃ hoti yo evarūpaṃ maṃsaṃ paribhuñjati, sopi tassa kammassa dāyādo hoti, vadhakassa viya tassāpi pāṇaghātakammaṃ hotīti tesaṃ laddhi. Dhammassa cānudhammaṃ byākarontīti bhagavatā vuttakāraṇassa anukāraṇaṃ kathenti. Ettha ca kāraṇaṃ nāma tikoṭiparisuddhamacchamaṃsaparibhogo, anukāraṇaṃ nāma mahājanassa tathā byākaraṇaṃ. Yasmā pana bhagavā uddissakataṃ na paribhuñjati, tasmā neva taṃ kāraṇaṃ hoti, na titthiyānaṃ tathā byākaraṇaṃ anukāraṇaṃ. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā anuvādo vā viññūhi garahitabbakāraṇaṃ koci appamattakopi kiṃ na āgacchati . Idaṃ vuttaṃ hoti – ‘‘kiṃ sabbākārenapi tumhākaṃ vāde gārayhaṃ kāraṇaṃ natthī’’ti. Abbhācikkhantīti abhibhavitvā ācikkhanti.
52. таанзхийд̇и гааран̣зхи. д̣̇идтаад̣̇ийсу д̣̇идтам̣ наама бхигкуунам̣ ад̇т̇ааяа миг̇амажчз вад̇хид̇ваа г̇аяхамаанам̣ д̣̇идтам̣. суд̇ам̣ наама бхигкуунам̣ ад̇т̇ааяа миг̇амажчз вад̇хид̇ваа г̇ахид̇анд̇и суд̇ам̣. барисан̇гид̇ам̣ наама д̣̇идтабарисан̇гид̇ам̣ суд̇абарисан̇гид̇ам̣ д̇ад̣̇убхаяавимуд̇д̇абарисан̇гид̇анд̇и д̇ивид̇хам̣ ход̇и.
52.Ṭhānehīti kāraṇehi. Diṭṭhādīsu diṭṭhaṃ nāma bhikkhūnaṃ atthāya migamacche vadhitvā gayhamānaṃ diṭṭhaṃ. Sutaṃ nāma bhikkhūnaṃ atthāya migamacche vadhitvā gahitanti sutaṃ. Parisaṅkitaṃ nāma diṭṭhaparisaṅkitaṃ sutaparisaṅkitaṃ tadubhayavimuttaparisaṅkitanti tividhaṃ hoti.
д̇ад̇рааяам̣ саб̣б̣асан̇г̇аахагавинижчаяо – ид̇ха бхигкуу бассанд̇и мануссз ж̇аалавааг̇ураад̣̇ихад̇т̇з г̇аамад̇о ваа нигкаманд̇з аран̃н̃з ваа вижаранд̇з. д̣̇уд̇ияад̣̇ивасз жа нзсам̣ д̇ам̣ г̇аамам̣ бин̣д̣ааяа бавидтаанам̣ самажчамам̣сам̣ бин̣д̣абаад̇ам̣ абхихаранд̇и. д̇з д̇зна д̣̇идтзна барисан̇ганд̇и ‘‘бхигкуунам̣ ну ко ад̇т̇ааяа гад̇а’’нд̇и, ид̣̇ам̣ д̣̇идтабарисан̇гид̇ам̣ наама, зд̇ам̣ г̇ахзд̇ум̣ на ваддад̇и. яам̣ звам̣ абарисан̇гид̇ам̣, д̇ам̣ ваддад̇и. сажз бана д̇з мануссаа ‘‘гасмаа, бханд̇з, на г̇ан̣хат̇аа’’д̇и бужчид̇ваа д̇амад̇т̇ам̣ суд̇ваа ‘‘наяид̣̇ам̣, бханд̇з, бхигкуунам̣ ад̇т̇ааяа гад̇ам̣, амхзхи ад̇д̇ано ад̇т̇ааяа ваа рааж̇аяуд̇д̇аад̣̇ийнам̣ ад̇т̇ааяа ваа гад̇а’’нд̇и вад̣̇анд̇и, габбад̇и.
Tatrāyaṃ sabbasaṅgāhakavinicchayo – idha bhikkhū passanti manusse jālavāgurādihatthe gāmato vā nikkhamante araññe vā vicarante. Dutiyadivase ca nesaṃ taṃ gāmaṃ piṇḍāya paviṭṭhānaṃ samacchamaṃsaṃ piṇḍapātaṃ abhiharanti. Te tena diṭṭhena parisaṅkanti ‘‘bhikkhūnaṃ nu kho atthāya kata’’nti, idaṃ diṭṭhaparisaṅkitaṃ nāma, etaṃ gahetuṃ na vaṭṭati. Yaṃ evaṃ aparisaṅkitaṃ, taṃ vaṭṭati. Sace pana te manussā ‘‘kasmā, bhante, na gaṇhathā’’ti pucchitvā tamatthaṃ sutvā ‘‘nayidaṃ, bhante, bhikkhūnaṃ atthāya kataṃ, amhehi attano atthāya vā rājayuttādīnaṃ atthāya vā kata’’nti vadanti, kappati.
на хзва ко бхигкуу бассанд̇и, абижа сун̣анд̇и ‘‘мануссаа гира ж̇аалавааг̇ураад̣̇ихад̇т̇аа г̇аамад̇о ваа нигкаманд̇и аран̃н̃з ваа вижаранд̇ий’’д̇и. д̣̇уд̇ияад̣̇ивасз жа нзсам̣ д̇ам̣ г̇аамам̣ бин̣д̣ааяа бавидтаанам̣ самажчамам̣сам̣ бин̣д̣абаад̇ам̣ абхихаранд̇и. д̇з д̇зна суд̇зна барисан̇ганд̇и ‘‘бхигкуунам̣ ну ко ад̇т̇ааяа гад̇а’’нд̇и, ид̣̇ам̣ суд̇абарисан̇гид̇ам̣ наама, зд̇ам̣ г̇ахзд̇ум̣ на ваддад̇и. яам̣ звам̣ абарисан̇гид̇ам̣, д̇ам̣ ваддад̇и. сажз бана д̇з мануссаа ‘‘гасмаа, бханд̇з, на г̇ан̣хат̇аа’’д̇и бужчид̇ваа д̇амад̇т̇ам̣ суд̇ваа ‘‘наяид̣̇ам̣, бханд̇з, бхигкуунам̣ ад̇т̇ааяа гад̇ам̣, амхзхи ад̇д̇ано ад̇т̇ааяа ваа рааж̇аяуд̇д̇аад̣̇ийнам̣ ад̇т̇ааяа ваа гад̇а’’нд̇и вад̣̇анд̇и, габбад̇и.
Na heva kho bhikkhū passanti, apica suṇanti ‘‘manussā kira jālavāgurādihatthā gāmato vā nikkhamanti araññe vā vicarantī’’ti. Dutiyadivase ca nesaṃ taṃ gāmaṃ piṇḍāya paviṭṭhānaṃ samacchamaṃsaṃ piṇḍapātaṃ abhiharanti. Te tena sutena parisaṅkanti ‘‘bhikkhūnaṃ nu kho atthāya kata’’nti, idaṃ sutaparisaṅkitaṃ nāma, etaṃ gahetuṃ na vaṭṭati. Yaṃ evaṃ aparisaṅkitaṃ, taṃ vaṭṭati. Sace pana te manussā ‘‘kasmā, bhante, na gaṇhathā’’ti pucchitvā tamatthaṃ sutvā ‘‘nayidaṃ, bhante, bhikkhūnaṃ atthāya kataṃ, amhehi attano atthāya vā rājayuttādīnaṃ atthāya vā kata’’nti vadanti, kappati.
на хзва ко бана бассанд̇и на сун̣анд̇и, абижа д̇зсам̣ г̇аамам̣ бин̣д̣ааяа бавидтаанам̣ бад̇д̇ам̣ г̇ахзд̇ваа самажчамам̣сам̣ бин̣д̣абаад̇ам̣ абхисан̇карид̇ваа абхихаранд̇и. д̇з барисан̇ганд̇и ‘‘бхигкуунам̣ ну ко ад̇т̇ааяа гад̇а’’нд̇и, ид̣̇ам̣ д̇ад̣̇убхаяавимуд̇д̇абарисан̇гид̇ам̣ наама. зд̇амби г̇ахзд̇ум̣ на ваддад̇и. яам̣ звам̣ абарисан̇гид̇ам̣, д̇ам̣ ваддад̇и . сажз бана д̇з мануссаа ‘‘гасмаа, бханд̇з, на г̇ан̣хат̇аа’’д̇и бужчид̇ваа д̇амад̇т̇ам̣ суд̇ваа ‘‘наяид̣̇ам̣, бханд̇з, бхигкуунам̣ ад̇т̇ааяа гад̇ам̣, амхзхи ад̇д̇ано ад̇т̇ааяа ваа рааж̇аяуд̇д̇аад̣̇ийнам̣ ад̇т̇ааяа ваа гад̇ам̣, бавад̇д̇амам̣сам̣ ваа гад̇ам̣, габбияамзва лабхид̇ваа бхигкуунам̣ ад̇т̇ааяа самбаад̣̇ид̇а’’нд̇и вад̣̇анд̇и, габбад̇и.
Na heva kho pana passanti na suṇanti, apica tesaṃ gāmaṃ piṇḍāya paviṭṭhānaṃ pattaṃ gahetvā samacchamaṃsaṃ piṇḍapātaṃ abhisaṅkharitvā abhiharanti. Te parisaṅkanti ‘‘bhikkhūnaṃ nu kho atthāya kata’’nti, idaṃ tadubhayavimuttaparisaṅkitaṃ nāma. Etampi gahetuṃ na vaṭṭati. Yaṃ evaṃ aparisaṅkitaṃ, taṃ vaṭṭati . Sace pana te manussā ‘‘kasmā, bhante, na gaṇhathā’’ti pucchitvā tamatthaṃ sutvā ‘‘nayidaṃ, bhante, bhikkhūnaṃ atthāya kataṃ, amhehi attano atthāya vā rājayuttādīnaṃ atthāya vā kataṃ, pavattamaṃsaṃ vā kataṃ, kappiyameva labhitvā bhikkhūnaṃ atthāya sampādita’’nti vadanti, kappati.
мад̇аанам̣ бзд̇агижжад̇т̇ааяа ман̇г̇алаад̣̇ийнам̣ ваа ад̇т̇ааяа гад̇зби зсзва наяо. яам̣ яан̃хи бхигкуунам̣язва ад̇т̇ааяа агад̇ам̣, яад̇т̇а жа ниб̣б̣змад̇игаа хонд̇и, д̇ам̣ саб̣б̣ам̣ габбад̇и. сажз бана згасмим̣ вихаарз бхигкуу уд̣̇д̣̇исса гад̇ам̣ ход̇и, д̇з жа ад̇д̇ано ад̇т̇ааяа гад̇абхаавам̣ на ж̇аананд̇и, ан̃н̃з ж̇аананд̇и. яз ж̇аананд̇и, д̇зсам̣ на ваддад̇и, ид̇арзсам̣ ваддад̇и. ан̃н̃з на ж̇аананд̇и, д̇зязва ж̇аананд̇и, д̇зсам̣язва на ваддад̇и, ан̃н̃зсам̣ ваддад̇и. д̇зби ‘‘амхаагам̣ ад̇т̇ааяа гад̇ам̣’’д̇и ж̇аананд̇и ан̃н̃зби ‘‘зд̇зсам̣ ад̇т̇ааяа гад̇а’’нд̇и ж̇аананд̇и, саб̣б̣зсамби д̇ам̣ на ваддад̇и. саб̣б̣з на ж̇аананд̇и, саб̣б̣зсам̣ ваддад̇и. бан̃жасу хи сахад̇хаммигзсу яасса гассажи ваа ад̇т̇ааяа уд̣̇д̣̇исса гад̇ам̣ саб̣б̣зсам̣ на габбад̇и.
Matānaṃ petakiccatthāya maṅgalādīnaṃ vā atthāya katepi eseva nayo. Yaṃ yañhi bhikkhūnaṃyeva atthāya akataṃ, yattha ca nibbematikā honti, taṃ sabbaṃ kappati. Sace pana ekasmiṃ vihāre bhikkhū uddissa kataṃ hoti, te ca attano atthāya katabhāvaṃ na jānanti, aññe jānanti. Ye jānanti, tesaṃ na vaṭṭati, itaresaṃ vaṭṭati. Aññe na jānanti, teyeva jānanti, tesaṃyeva na vaṭṭati, aññesaṃ vaṭṭati. Tepi ‘‘amhākaṃ atthāya kataṃ’’ti jānanti aññepi ‘‘etesaṃ atthāya kata’’nti jānanti, sabbesampi taṃ na vaṭṭati. Sabbe na jānanti, sabbesaṃ vaṭṭati. Pañcasu hi sahadhammikesu yassa kassaci vā atthāya uddissa kataṃ sabbesaṃ na kappati.
сажз бана гожи згам̣ бхигкум̣ уд̣̇д̣̇исса баан̣ам̣ вад̇хид̇ваа д̇асса бад̇д̇ам̣ буурзд̇ваа д̣̇зд̇и, со жз ад̇д̇ано ад̇т̇ааяа гад̇абхаавам̣ ж̇аанам̣язва г̇ахзд̇ваа ан̃н̃асса бхигкуно д̣̇зд̇и, со д̇асса сад̣̇д̇хааяа барибхун̃ж̇ад̇и. гассаабад̇д̇ийд̇и? д̣̇виннамби анаабад̇д̇и. яан̃хи уд̣̇д̣̇исса гад̇ам̣, д̇асса абхуд̇д̇ад̇ааяа анаабад̇д̇и, ид̇арасса аж̇аананад̇ааяа. габбияамам̣сасса хи бадиг̇г̇ахан̣з аабад̇д̇и над̇т̇и. уд̣̇д̣̇иссагад̇ан̃жа аж̇аанид̇ваа бхуд̇д̇асса бажчаа н̃ад̇ваа аабад̇д̇ид̣̇зсанаагижжам̣ наама над̇т̇и. агаббияамам̣сам̣ бана аж̇аанид̇ваа бхуд̇д̇зна бажчаа н̃ад̇вааби аабад̇д̇и д̣̇зсзд̇аб̣б̣аа. уд̣̇д̣̇иссагад̇ан̃хи н̃ад̇ваа бхун̃ж̇ад̇ова аабад̇д̇и, агаббияамам̣сам̣ аж̇аанид̇ваа бхуд̇д̇ассааби аабад̇д̇иязва. д̇асмаа аабад̇д̇ибхийругзна руубам̣ саллагкзнд̇знааби бужчид̇ваава мам̣сам̣ бадиг̇г̇ахзд̇аб̣б̣ам̣, барибхог̇агаалз бужчид̇ваа барибхун̃ж̇иссаамийд̇и ваа г̇ахзд̇ваа бужчид̇ваава барибхун̃ж̇ид̇аб̣б̣ам̣. гасмаа? д̣̇увин̃н̃зяяад̇д̇аа. ажчамам̣сан̃хи суугарамам̣сасад̣̇исам̣ ход̇и, д̣̇ийбимам̣саад̣̇ийни жа миг̇амам̣сасад̣̇исаани, д̇асмаа бужчид̇ваа г̇ахан̣амзва ваддад̇ийд̇и вад̣̇анд̇и.
Sace pana koci ekaṃ bhikkhuṃ uddissa pāṇaṃ vadhitvā tassa pattaṃ pūretvā deti, so ce attano atthāya katabhāvaṃ jānaṃyeva gahetvā aññassa bhikkhuno deti, so tassa saddhāya paribhuñjati. Kassāpattīti? Dvinnampi anāpatti. Yañhi uddissa kataṃ, tassa abhuttatāya anāpatti, itarassa ajānanatāya. Kappiyamaṃsassa hi paṭiggahaṇe āpatti natthi. Uddissakatañca ajānitvā bhuttassa pacchā ñatvā āpattidesanākiccaṃ nāma natthi. Akappiyamaṃsaṃ pana ajānitvā bhuttena pacchā ñatvāpi āpatti desetabbā. Uddissakatañhi ñatvā bhuñjatova āpatti, akappiyamaṃsaṃ ajānitvā bhuttassāpi āpattiyeva. Tasmā āpattibhīrukena rūpaṃ sallakkhentenāpi pucchitvāva maṃsaṃ paṭiggahetabbaṃ, paribhogakāle pucchitvā paribhuñjissāmīti vā gahetvā pucchitvāva paribhuñjitabbaṃ. Kasmā? Duviññeyyattā. Acchamaṃsañhi sūkaramaṃsasadisaṃ hoti, dīpimaṃsādīni ca migamaṃsasadisāni, tasmā pucchitvā gahaṇameva vaṭṭatīti vadanti.
ад̣̇идтанд̇и бхигкуунам̣ ад̇т̇ааяа вад̇хид̇ваа г̇аяхамаанам̣ ад̣̇идтам̣. асуд̇анд̇и бхигкуунам̣ ад̇т̇ааяа вад̇хид̇ваа г̇ахид̇анд̇и асуд̇ам̣. абарисан̇гид̇анд̇и д̣̇идтабарисан̇гид̇аад̣̇ивасзна абарисан̇гид̇ам̣. барибхог̇анд̇и вад̣̇аамийд̇и имзхи д̇ийхи гааран̣зхи барисуд̣̇д̇хам̣ д̇игодибарисуд̣̇д̇хам̣ наама ход̇и, д̇асса барибхог̇о аран̃н̃з ж̇аад̇асуубзяяасаагабарибхог̇асад̣̇исо ход̇и, д̇ат̇ааруубам̣ барибхун̃ж̇анд̇асса мзд̇д̇аавихаарисса бхигкуно д̣̇осо ваа важ̇ж̇ам̣ ваа над̇т̇и, д̇асмаа д̇ам̣ барибхун̃ж̇ид̇аб̣б̣анд̇и вад̣̇аамийд̇и ад̇т̇о.
Adiṭṭhanti bhikkhūnaṃ atthāya vadhitvā gayhamānaṃ adiṭṭhaṃ. Asutanti bhikkhūnaṃ atthāya vadhitvā gahitanti asutaṃ. Aparisaṅkitanti diṭṭhaparisaṅkitādivasena aparisaṅkitaṃ. Paribhoganti vadāmīti imehi tīhi kāraṇehi parisuddhaṃ tikoṭiparisuddhaṃ nāma hoti, tassa paribhogo araññe jātasūpeyyasākaparibhogasadiso hoti, tathārūpaṃ paribhuñjantassa mettāvihārissa bhikkhuno doso vā vajjaṃ vā natthi, tasmā taṃ paribhuñjitabbanti vadāmīti attho.
53. ид̣̇аани д̇аад̣̇исасса барибхог̇з мзд̇д̇аавихаариноби анаваж̇ж̇ад̇ам̣ д̣̇ассзд̇ум̣ ид̇ха, ж̇ийвага, бхигкууд̇иаад̣̇имааха. д̇ад̇т̇а гин̃жааби анияамзд̇ваа бхигкууд̇и вуд̇д̇ам̣, ат̇а ко ад̇д̇аанамзва санд̇хааяа зд̇ам̣ вуд̇д̇анд̇и взд̣̇ид̇аб̣б̣ам̣. бхаг̇авад̇аа хи махааважчаг̇од̇д̇асуд̇д̇з, жан̇гийсуд̇д̇з, имасмим̣ суд̇д̇зд̇и д̇ийсу таанзсу ад̇д̇аанам̣язва санд̇хааяа д̣̇зсанаа гад̇аа. бан̣ийд̇зна бин̣д̣абаад̇знаад̇и хздтаа анан̇г̇ан̣асуд̇д̇з яо гожи махаг̇гхо бин̣д̣абаад̇о бан̣ийд̇абин̣д̣абаад̇од̇и ад̇хиббзд̇о, ид̇ха бана мам̣суубасзжанова ад̇хиббзд̇о. аг̇ат̇ид̇од̇и д̇ан̣хааяа аг̇ат̇ид̇о. амужчид̇од̇и д̇ан̣хаамужчанааяа амужчид̇о. анаж̇жхобаннод̇и на ад̇хиобанно, саб̣б̣ам̣ аалумбид̇ваа згаббахаарзнзва г̇илид̇угаамо гааго вияа на ход̇ийд̇и ад̇т̇о. аад̣̇ийнавад̣̇ассаавийд̇и згарад̇д̇иваасзна уд̣̇арабадалам̣ бависид̇ваа навахи ван̣амукзхи нигкамиссад̇ийд̇иаад̣̇инаа наязна аад̣̇ийнавам̣ бассанд̇о. ниссаран̣абан̃н̃о барибхун̃ж̇ад̇ийд̇и ид̣̇амад̇т̇амаахаарабарибхог̇од̇и бан̃н̃ааяа барижчинд̣̇ид̇ваа барибхун̃ж̇ад̇и. ад̇д̇аб̣яааб̣аад̇хааяа ваа жзд̇зд̇ийд̇и ад̇д̇ад̣̇угкааяа ваа жид̇зд̇и. суд̇амзд̇анд̇и суд̇ам̣ маяаа зд̇ам̣ буб̣б̣з, зд̇ам̣ маяхам̣ саванамад̇д̇амзваад̇и д̣̇ассзд̇и. сажз ко д̇з, ж̇ийвага, ид̣̇ам̣ санд̇хааяа бхаасид̇анд̇и, ж̇ийвага, махааб̣рахмунаа вигкамбханаббахаанзна б̣яаабаад̣̇аад̣̇аяо бахийнаа, д̇зна со мзд̇д̇аавихаарий маяхам̣ самужчзд̣̇аббахаанзна, сажз д̇з ид̣̇ам̣ санд̇хааяа бхаасид̇ам̣, звам̣ санд̇з д̇ава ид̣̇ам̣ важанам̣ ануж̇аанаамийд̇и ад̇т̇о. со самбадижчи.
53. Idāni tādisassa paribhoge mettāvihārinopi anavajjataṃ dassetuṃ idha, jīvaka, bhikkhūtiādimāha. Tattha kiñcāpi aniyametvā bhikkhūti vuttaṃ, atha kho attānameva sandhāya etaṃ vuttanti veditabbaṃ. Bhagavatā hi mahāvacchagottasutte, caṅkīsutte, imasmiṃ sutteti tīsu ṭhānesu attānaṃyeva sandhāya desanā katā. Paṇītenapiṇḍapātenāti heṭṭhā anaṅgaṇasutte yo koci mahaggho piṇḍapāto paṇītapiṇḍapātoti adhippeto, idha pana maṃsūpasecanova adhippeto. Agathitoti taṇhāya agathito. Amucchitoti taṇhāmucchanāya amucchito. Anajjhopannoti na adhiopanno, sabbaṃ ālumpitvā ekappahāreneva gilitukāmo kāko viya na hotīti attho. Ādīnavadassāvīti ekarattivāsena udarapaṭalaṃ pavisitvā navahi vaṇamukhehi nikkhamissatītiādinā nayena ādīnavaṃ passanto. Nissaraṇapañño paribhuñjatīti idamatthamāhāraparibhogoti paññāya paricchinditvā paribhuñjati. Attabyābādhāya vā cetetīti attadukkhāya vā citeti. Sutametanti sutaṃ mayā etaṃ pubbe, etaṃ mayhaṃ savanamattamevāti dasseti. Sace kho te, jīvaka, idaṃ sandhāya bhāsitanti, jīvaka, mahābrahmunā vikkhambhanappahānena byāpādādayo pahīnā, tena so mettāvihārī mayhaṃ samucchedappahānena, sace te idaṃ sandhāya bhāsitaṃ, evaṃ sante tava idaṃ vacanaṃ anujānāmīti attho. So sampaṭicchi.
54. ат̇асса бхаг̇аваа сзсаб̣рахмавихааравасзнааби уд̇д̇ари д̣̇зсанам̣ вад̣дхзнд̇о ‘‘ид̇ха, ж̇ийвага, бхигкуу’’д̇иаад̣̇имааха. д̇ам̣ уд̇д̇аанад̇т̇амзва.
54. Athassa bhagavā sesabrahmavihāravasenāpi uttari desanaṃ vaḍḍhento ‘‘idha, jīvaka, bhikkhū’’tiādimāha. Taṃ uttānatthameva.
55. яо ко ж̇ийвагаад̇и аяам̣ баадизгго анусанд̇хи. имасмин̃хи таанз бхаг̇аваа д̣̇ваарам̣ т̇агзд̇и, сад̇д̇аануд̣̇д̣̇аяам̣ д̣̇ассзд̇и. сажз хи гассажи звамасса ‘‘згам̣ расабин̣д̣абаад̇ам̣ д̣̇ад̇ваа габбасад̇асахассам̣ саг̇г̇асамбад̇д̇им̣ бадилабханд̇и, яам̣гин̃жи гад̇ваа барам̣ маарзд̇вааби расабин̣д̣абаад̇ова д̣̇аад̇аб̣б̣о’’д̇и, д̇ам̣ бадисзд̇хзнд̇о ‘‘яо ко, ж̇ийвага, д̇ат̇ааг̇ад̇ам̣ ваа’’д̇иаад̣̇имааха.
55.Yokho jīvakāti ayaṃ pāṭiekko anusandhi. Imasmiñhi ṭhāne bhagavā dvāraṃ thaketi, sattānuddayaṃ dasseti. Sace hi kassaci evamassa ‘‘ekaṃ rasapiṇḍapātaṃ datvā kappasatasahassaṃ saggasampattiṃ paṭilabhanti, yaṃkiñci katvā paraṃ māretvāpi rasapiṇḍapātova dātabbo’’ti, taṃ paṭisedhento ‘‘yo kho, jīvaka, tathāgataṃ vā’’tiādimāha.
д̇ад̇т̇а иминаа батамзна таанзнаад̇и иминаа аан̣ад̇д̇имад̇д̇знзва д̇аава батамзна гааран̣зна. г̇алаббавзд̇хагзнаад̇и яод̇д̇зна г̇алз б̣анд̇хид̇ваа гад̣дхид̇о г̇алзна бавзд̇хзнд̇зна. аарабхияамаанод̇и маарияамаано. агаббиязна аасаад̣̇зд̇ийд̇и ажчамам̣сам̣ суугарамам̣санд̇и, д̣̇ийбимам̣сам̣ ваа миг̇амам̣санд̇и каад̣̇аабзд̇ваа – ‘‘д̇вам̣ гим̣ саман̣о наама, агаббияамам̣сам̣ д̇з каад̣̇ид̇а’’нд̇и гхаддзд̇и. яз бана д̣̇уб̣бхигкаад̣̇ийсу ваа б̣яаад̇хиниг̇г̇ахан̣ад̇т̇ам̣ ваа ‘‘ажчамам̣сам̣ наама суугарамам̣сасад̣̇исам̣, д̣̇ийбимам̣сам̣ миг̇амам̣сасад̣̇иса’’нд̇и ж̇аананд̇аа ‘‘суугарамам̣сам̣ ид̣̇ам̣, миг̇амам̣сам̣ ид̣̇а’’нд̇и вад̇ваа хид̇аж̇жхаасаязна каад̣̇аабзнд̇и, на д̇з санд̇хааязд̇ам̣ вуд̇д̇ам̣. д̇зсан̃хи б̣ахубун̃н̃амзва ход̇и. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жаад̇и аяам̣ ааг̇ад̇апало вин̃н̃аад̇асаасано д̣̇идтасажжо арияасааваго. имам̣ бана д̇хаммад̣̇зсанам̣ ог̇ааханд̇о басаад̣̇ам̣ уббаад̣̇зд̇ваа д̇хаммагат̇ааяа т̇уд̇им̣ гаронд̇о звамааха. сзсам̣ саб̣б̣ад̇т̇а уд̇д̇аанамзваад̇и.
Tattha iminā paṭhamena ṭhānenāti iminā āṇattimatteneva tāva paṭhamena kāraṇena. Galappavedhakenāti yottena gale bandhitvā kaḍḍhito galena pavedhentena. Ārabhiyamānoti māriyamāno. Akappiyena āsādetīti acchamaṃsaṃ sūkaramaṃsanti, dīpimaṃsaṃ vā migamaṃsanti khādāpetvā – ‘‘tvaṃ kiṃ samaṇo nāma, akappiyamaṃsaṃ te khādita’’nti ghaṭṭeti. Ye pana dubbhikkhādīsu vā byādhiniggahaṇatthaṃ vā ‘‘acchamaṃsaṃ nāma sūkaramaṃsasadisaṃ, dīpimaṃsaṃ migamaṃsasadisa’’nti jānantā ‘‘sūkaramaṃsaṃ idaṃ, migamaṃsaṃ ida’’nti vatvā hitajjhāsayena khādāpenti, na te sandhāyetaṃ vuttaṃ. Tesañhi bahupuññameva hoti. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañcāti ayaṃ āgataphalo viññātasāsano diṭṭhasacco ariyasāvako. Imaṃ pana dhammadesanaṃ ogāhanto pasādaṃ uppādetvā dhammakathāya thutiṃ karonto evamāha. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ж̇ийвагасуд̇д̇аван̣н̣анаа нидтид̇аа.
Jīvakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. ж̇ийвагасуд̇д̇ам̣ • 5. Jīvakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. ж̇ийвагасуд̇д̇аван̣н̣анаа • 5. Jīvakasuttavaṇṇanā
